[minabobos]

آنستي العزيزة.. لو ربنا فك عقدتك.. واتخطبتي.. فإليكِ نصائحي حتى تأخذي بخطيبك من مركب الخطوبة إلِّي محدش عارف هاترسى على إيه.. إلى مثوااااه الأخير في قفص الزوجية





قصدي قفص الزوجية السعيد ..



أجمل ما في الخطوبة العزومات الرومانسية.. على أحلى محلات أكل في البلد.. واللي عمرك مانتي شايفاها بعد الجواز.. المهم نصائحي لك عند أي عزومة مع خطيبك..
1 -



الأول لازم تعرفي إن الشوكة والسكينة بيتمسكوا من إيديهم من الطرف يعني مش من الوسط ولا من البوز زي الخنجر ولا من فوق طبعًااا



2 -



العيش أوعي تفضحينا وتقطعيه بسنانك.. ولا الرغيف نصين بإيدك وكل نص لقمة وتحشري.. أوعي.. العيش بيتقطع بالسكينة في الطبق.. وبعدين تاخدي لقمة.. لقمة .. بالعافية.. قال يعني نفسك مسدودة.. اضغطي على أعصابك جدااا وبعدين لما تروَّحي.. إبقي كلى زي ماانتِ عايزة



3 -



الشوووربة.. بند الشوربة ده مهم جدًاااا



الشوربة تتشِرب من غير صوت خالص.. ومن غير ماتقعدي تنفخي فيها.. .. وطبعًاااااا عايزِك تنسي تمامًا.. السلطانية اللي بتقيميها على بقك في البيت وتدلدقي على روحك ..بالمعلقة وبدون صوت.. سخنة, ولعة , برضه بدون صوت وتسيبي تلت الطبق ع الأقل.. مش تميّليه.. عشان تلهطيها لآخر نقطة




4 -



الرز طبعاً .. بيتّاكل بالشوكة.. أوعي إيدك تتمد على المعلقةوتغرفي من طبق الرز وتعبّي.. إوعي.. الرز بالشوكة.. وكإنك بتبوسيه مش بتاكليه



5 -



المكرونة.. الاسباجتي.. برضه بالشوكة.. تتلف على طرف الشوكة.. لحد ما تخلص وبعدين تحطيها ف بؤك من سكات.. مش تشفطي المكرونة عود عود


6-


السمك.. مشكلة.. شوفي.. بتفصلي اللحم عن الشوك إزاي..؟؟ تقطعي اللحم من النص.. بالطول وبعدين تفردي اللحم على الجانبين ولما تخلصي ناحية.. متقلبيش السمكة.. بلاش ها

شيلي السلسلة بالشوكة والسكينة وحطيها في جنب الطبق وكملي أكل النص التاني.. وبدل الفيلم الهندي ده.. نصيحة ماتكليش السمك خالص.. قولي مابحبش السمك وخلصي نفسك


7 -

الجمبري.. -إذا كنتي عارفاه-.. أول ماطبق الجمبري ينزل.. بصيله بقرف واحتقار شديدين.. آل يعني زهقانة من كتر أكل الجمبري الجامبو ف بيت بابّااااا.. واتنهّدي جامد وقولي.. برضه..؟؟؟ وتروحي قاطعة راس الجمبريّاية.. بالشوكة.. أنا ف عرضك إنسي الى بالى بالك دلوقتى


8 -


البطاطس سواء مسلوقة أو محمرة.. أوعي تهرسيها على الرز وتدّي ...لا..لآ...لآ....بالشوكة حتة حتة وإنت زي ما تكوني هاتعيطي من كتر ما البطاطس صعبانة عليكي

9 -



الفاكهة.. لو الفاكهة فيها بذر.. طلعيه من بؤك بالراحة وحطيه في إيدك وهي مقفولة.. وبعدين في طفاية السجاير اللي ع الترابيزة أوعي ياحبيبتي من نظام ............. للبذر.. إنسى
10
ولما تخلّصي أكل تحطي إيدك على بطنك.. -اللي عصافيرها بتصوصو من العينات اللي كلتيها-.. وتقولي له مش ممكن.. أنا عمري ما كلت كدة.. أنا قدامي أسبوع.. هابطّل أكل فيه


وبعدين تمسكي الفوطة اللي دايمًا موجودة على التربيزة من غير لزمة. آل يعني بتمسحي بؤّك


وبعدين تستأذني منه لإصلاح ماكياجك.. وتخشي التواليت وتطلعي من شنطة إيديك.. لفة الفول والطعمية اللي جايباها معاكي.. وبالهنا والشفااااااااااااا

المصدر: †† ارثوذكس †† - من قسم: الضحك والفرفشة

[nrmo]

ههههههههههههههههههههههههه هههههههههههههه
ههههههههههههههههههههههههه هههه
هههههههههههههههههههههه
انت مش ممكن بجد طيب مابلاها اكل فى المحلات دى هو لازم كل ده
ههههههههههههههههههههههه
بجد انا مش قادره من كتر الضحك

[berlla]

alf shokr bas mesh kol el banat keda haaaa 3eeb ba2a e7trmo el banat shwaya dana ha3yat menko

[^_^]

• هههههههههههههههههههه
• والله فنتكـ
• بنجرب على مسؤليتكـ
• يسلمو على الموضوع الشيق

[Team Work®]

ههههههههههههههههههههههههه ههههههههههه

لا تعليق لانك هاتتضرب

[minabobos]

اية يا هيما جى تهدى النفوس ولا اية


ميرسى ليكم ع المرور الجميل دى

ربنا يفرح قلوبكم

[ghada2000]

msh 3arfa a2olk eh bs mstania 7zeb elbnat yod5ol we hatfrag 3laik