[bebo_coach]

الاغانى حرام ولا لا ؟؟؟؟؟؟؟؟؟؟؟ وهل هى صح ولا غلط


بسم الثالوث القدوس

كتير اوى بنسأل نفسنا
- هل الاغانى حرام؟؟؟؟؟؟؟؟؟؟
- هل ربنا بيرفض الاغانى?????
- هو انا لما بسمع الاغانى يبقى كدة بعمل حاجة غلط؟؟؟؟؟؟؟؟؟؟؟؟؟- هى الاغانى غلط لية دية كلها أحاسيس فيها أه يعنى غلط؟؟؟؟؟؟- طيب ومالوا لما أسمع الاغانى أدام انا مبعملش حاجة غلط؟؟؟؟؟؟؟؟؟؟

- انا بسمع الاغانى دية عشان صوت اللى بيقلها حلو او عشان لحنها حلو أو...أو...أو... فيها أه غلط كدة يعنى؟؟؟؟؟؟؟؟؟؟؟؟؟؟

- ومالة لما أسمع ترانيم شوية وأسمع أغانى شوية ؟؟؟؟؟؟؟؟

أكيد كل اللى بيسمع الاغانى وبيرددها سأل نفسة سؤال او أكتر من الاسألة دية


بس
هل وصلنا لأجابة؟؟ هل عرفنا أة الصح وعملناة وأه الغلط ومعملنهوش؟؟ هل كنا ا ؤمناء مع أنفسنا فى الرد بنا وبين نفسنا؟؟؟
الأجابة هسبها لكل واحد ولو حتى بينة وبين نفسة
مع انى أتمنى نشارك بعض الأراء

بس قبل ما أسبكم فى حبة أيات كدة لازم نبقى عرفنها وعرفين معناها كويس

" كل الاشياء تحل لى ،ولكن ليس كل الاشياء تبنى " {1 كور 10 : 23 }
" ان لا تسلكوا فيما بعد كما يسلك سائر الامم ايضا ببطل ذهنهم " { افسس 4 : 17 }
" يا أبنى لا تسلك فى الطريق معهم امنع رجلك عن مسالكهم " { امثال 1 : 15 }
ألله خلقنا كائنات مفكرة وعاقلة تدرك مدى الصواب ومدى الخطأ ونستطيع التميز بين الاشياء التى تبنى والتى تهدم وهذا المقياس ليس من زواتنا ولكن بأسس كتابية وضعها الله لنا ومن خلالها نستطيع التميز بين الاشياء اللى تبنى والاشياء التى تهدم.



" عيشوا كما يحق لانجيل المسيح " { فى 1 : 27 }

" فكونوا متمثلين بالله كأولاد احباء " { افسس 5 : 1 }

" لتسلكوا كما يحق للرب،فى كل رضى، مثمرين فى كل عمل صالح " { كو 1 : 10 ]

أكيد باين فى الايات دية اوى مدى الاهتمام بحرصنا على صورتنا كأولاد لله وكحملة لأسمة أمام جميع العالم فلازم نحافظ اوى على الصورة دية لتمجيد أسمة.


" فكما قبلتم المسيح يسوع الرب اسلكوا فيه متأصلين ومبنيين " { كو 2 : 6 }

" ونامين فى معرفة الله " { كو 1 : 10 }

" لكي تكونوا بلا لوم و بسطاء اولادا لله بلا عيب في وسط جيل معوج و ملتو تضيئون بينهم كانوار في العالم "{ فى 2 : 15 }

[وأخيرا اللى لازم نركز علية اننا نعمل اللى يقربنا من ربنا والحاجة اللى أكيدة وكلنا عرفنها ان الاغانى دية مش بتقرب من ربنا طبعا

" لتسكن فيكم كلمة المسيح بغنى ، وانتم بكل حكمة معلمون ومنذرون بعضكم بعضا ، بمزامير وتسابيح واغانى روحية ، بنعمة مترنمين فى قلوبكم للرب " { كولوسى 3 : 16 ]

واللى جة واضح وصريح فى الكتاب المقدس





أننا نتغنى بتراتيل روحية منذرين بعضك بعضا يعنى لازم نشجع بعض على الترنيم

وأخر حاجة اللى لازم ناخد بلنا منها اوى بقى

أن فى الاول والاخر الترنيم والتسبحة اللى أى واحد فينا بيطلعها دية فهو بيطلعها لربنا لربنا وبس ,

ولازم يكون الواحد بيصلى بيها من قلبة قبل ما يرنمها

عشان فى الاول والاخر الترانيم دية صلاة.

وشكرا ليكوا أخواتى الاحباء
وياريت بجد نعرف اراء بعضنا سواء اللى شايف ان الاغانى صح ومش غلط او غلط او حاجة عادية وانا سايب الموضوع لحرية ارائكوا ومناشتكم
وشكرا ليكوا بيبو كوتش

المصدر: †† ارثوذكس †† - من قسم: الموضوعات الشبابية

[hana montana 2010]

بجد يابيبو مش عارفه اقولك ايه مواضيعك دايما جامده

بوص ياسيدى انا فعلا بسال نفسى الاسئله دى
انا فعلا بجد بحب اسمع الاغانى علشان اللحن بتاعها وصوت المغنى مش اكتر
وبعد كده برضوا انا مش طول النهار اغانى لافى كمان ترانيم بس دى بقى حاجه تانيه لازم وانا بسمعها وانا بقولها يبقى ذهنى صافى خالص ومش اركز على الصوت او اللحن لا ده تمجيد لربى يسوع
وكمان على فكره برضه الاغانى ليل ونهار حاجه ممله جدا وانا الصراحه كنت من قريب بحب اجيب اجدد الاغانى واسمعها واحفظها لكن دلوقتى الحمد لله الموضوع اتعكس 180 درجه وبقيت اهتم اكتر بالترانيم_عارف ليه لانى مليت من كتر الاغانى وكل يوم البوم جديد_

فى الاخر انا رائى انه مافيش مانع انى اسمع اغانى بس ماادلهاش كل لتقدير واسيب الترانيم


وخلينا نشوف رائى باقى الاعضاء

صلوا من اجلى كتير

[bebo_coach]

كويسه وجهة نظرك ومرسى ليك على التعليق وعلى المرور وربنا معاك؟ بيبو كوتش

[amgad nagy]

البابا شنودة قال كلمة حلوة أوى قال ممكن نسمع موسيقى بس متكنش موسيئة أنا شايف بقى أن الأغانى هى مش حرام بس طبعاً مش كلها يعنى فى أغانى مش كويسة وموسيئة وفى أغانى أنا شايف أنها كويسة ودة طبعاً من رأيى.
موضوع جميل وعاوز أسمع رأيكم.

[jakleen]

موضوع مهم كتير لكل الشباب... بس أنا عندي وجهة نظر وممكن تكون غيبة شوية... اللي عايزة اقوله إن احنا إيه هدفنا هنا في الأرض... ربنا خلانا علشان نمجد اسمه... هل احنا بـسمعنا للاغاني بنمجد اسم ربنا؟؟ هل الاغاني بترفع ربنا فوق... ولا إن الناس التانية لما بتبص لحد مسيحي بيغني أو بيقول اغاني بتبصله بَصة مش ولا بد....

اللي أنا عايزة اقوله... كلنا بنحب الموسيقى وكلنا بنحب الاغاني بس ليه مانغنييش لربنا... وعلشان كده عملنا الترانيم علشان نرفع بيها مجد ربنا... ده موسيقى وده موسيقى...
هتقولولي مينفعش أسمع ترانيم من غير مكون مراكزة إلخ... لا هيكون أفضل من إنك تفتح باب للشيطان إنه يدخلك منه... آه بسمعك للاغاني ابحنا بنفتح باب للشيطان , وباب واسع لفكرنا, وقلوبنا وكل حواسنا... ده طبعا رايه... وربنا يحفظ ولاده...

المسيح معاكم

[الرب راعيا]

الف شكر على هذا الموضوع لانه بيهم كل الشباب

[الرب راعيا]

ما احلى الالحان والترانيم انها تعزينا وتقوينا فى الايام دى شكرا

[bebo_coach]

ميرسى ليكم و ربنا معاكم و يفرح قلبكم

[الامير الحزين]

موضوع لذيذ
بس عايز اقولك حاجة بعيدة عن الموضوع
اللى ياخد موضوع مش بتاعة ويكتب علية اسمة دا مش حرام
انت عارف الموضوع اللى انت كتبت اسمك علية

ادخل واعرف
https://www.orsozox.com/forums/f26/t20927/

[bebo_coach]

بجد اسف انا كتبت علية منقول بس مش عارف اية الى حصل ومرسى اوى انك بتكتبى موضيع مهمة انا اااااااااسف اوى