[بيشوي تامر جيد]

بسم الاب والأبن والروح القدس الإله الواحد آمين

انا في موضوع شاغل بالي وبال ناس كتير وهو

الصداقة بين الولد والبنت

هل يوجد صداقة بين الولد والبنت ؟؟؟؟؟
وإذا كان في فما هي شروط هذة الصداقة ؟؟؟؟؟
وما هي الشروط التي تحبها البنت في صديقها الولد
وبنفس الحكاية الولد ما هي الشروط التي يحبها في صديقتة البنت
يعني لما أصاحب واحد لازم يكون ليه شروط علشان أصاحبه
أنا عايز كل ولد وبنت يدخلوا يقولوا ايه هي الشروط اللي يحبها في صاحبه
وفي كمان بعض من الشباب والبنات مش بيعرفو يصاحبوا حد أو بمعني أصح انهم
مش بيعرفو يكونوا صداقات مع الجنس الأخر إذا كان ولد ولا بنت
فأنا عايز كل واحد ووحدة يدخلوا يجاوبوا علي كل الأسئلة دي
ويدوا نصائح للشباب والبنات اللي مش بيعرفو يكونوا صداقات مع الجنس الأخر يكونوا صداقتهم ازاي
وياريت الكل يشارك في الموضوع دة لأنه موضوع في ناس كتير متخيلاة انو غلط
وأنا أسف إذا طولت عليكم وأذكروني في صلواتكم

المصدر: †† ارثوذكس †† - من قسم: الموضوعات الشبابية

[بيشوي تامر جيد]

ايه يا جماعة نفسي اشوف اول مشاركة تبتدي بحد غيري لكن كل موضوع اعملة بشوف فيه مشاهدات كتير ومش بشوف ولا مشاركة وكل موضوع برد فيه علي نفسي عاوز اشزف مشاركات جديدة

[شارل]

انا مبسوط خالص انى اكون دلوقتى معاكم في المنتدى وارد على موضوع زى ده انا في رايي انه ليه ميكونش فى صداقة بين الولد والبنت ؟ بس لازم تكون في حدود المعقول مع علم الاهل في البيت وبتيجى ازاى الصداقه ان انت او انتى بتاخد الامور بكل بساطه مع الطرف الاخر ولازم انك تعتبر انه اخوك او اختك بجد وانك لازم تحافظ عليه وتخاف عليه بجد وانا بالنسبه لى فانا احب يكون الشخص الى اصادقه يكون صادق معايا في كل شى مبيتحرجش منى ولو غلطت يقولى وينصحنى مش يسيبنى لوحدى ماشى في الغلط ( الصديق يحب في كل وقت) امثال

[الساحر الفرعونى]

موضوع مهم
فى رائى ممكن تكون صداقة لكن فى حدود الاخوة مع العلم و الانتباه جيدا لان ابليس كاسد جائع فلذلك يجب علينا اخد الحذر و ان تضع صورة يسوع امامك فى كل معملاتك .. عامة ......

[بيشوي تامر جيد]

شكرا ليك يا شارل ويا الساحر الفرعوني علي مشاركتكم ولكن في حاجة انا كنت كاتبها فوق اني في اشخاص مش بيعرفوا يكونوا صداقات فإيهالنصائح اللي تقولوها علي الأشخاص دي

[بناتيت]

انا كمان رايي من رايهم الصداقه بين الولد والبنت ليها ميزات كتير منهم انك كولد بتفهم تفكير البنت وبتقدر تفهم وبتاخد خبره فى شخصيتهم وده يساعدك كتير فى وقت الارتباط انك يكون عندك خبره كويسه فى شخصيه شريكه حياتك وفى اختيارها كمان بس ده لازم يكون فى حدود الاخوه ومايتخطاش الحدود وتكون فعلا شايف الشخص الى قدامك انه اخ ليكى او اخت ليك
وبالنسبه ليا الصفات الى احبها تكون فى الصديق وبالذات الولد اولا الرجوله والجديه فى وقت الجد وانه فعلا يكون بيخاف عليا كاخته ولما اكون فى مشكله لازم الاقيه جنبى ويسمعنى واخد رايه ويقولى رايه بكل صراحه وطبعا كل ده من غير تخطى اى حدووووود وبالنسبه لتكوين الصداقات ده بيرجع للشخصيه نفسها و خبرتها فى الحياه ومدى علاقه الشخصيه دى بالحواليها اكيد لو شخصيه جريئه وليها علاقات كتير بالناس الى حواليها اكيد هتقدر تكون صداقات بسهوله ع عكس الشخصيه الخجوله وعند الاختيار لازم تختار الشخصيه الى فعلا تستاهل تسيب معاها اسرارك وده بياخد وقت شويه انك تكتشف الشخص الى قدامك فى اخلاقه وامانته وصراحته وده بيجى بالعشره فبلاش الاندفاع وانك تبوح باسرارك قبل الاوان وترجع تندم لازم تتاكد الاول من الشخصيه دى كويس معلش انا طولت عليك كتير وبجد كوضوع جميل جدا شكرا انك فتحته وربنا يوفقك فى حياتك مع العلم ان الصداقه بين الولد والبنت ليها سن معين وهو المرحله الجامعيه عشان بيبقى نفكيرك نضج اكتر وصعب اوى فى ثانوى او اعدادى عشان هيبقى ليه اضرار كتير

[بيشوي تامر جيد]

مرسي يا بناتيت علي الرد الجميل والمفيد دة وياريت تكون المشاركات التانية بنفس كمية المشاركة دي وهو مش بطول المشاركة ولكن ب اللي جواها والمشاركة بتاعتك انا استفدت منها كتير ومرة كمان شكرا علي مشاركتك وياريت اشوفك في مواضيع ليا تاني

[emmmy]

الصداقة بين بنت وولد فى مجتمعنا المتخلف دة
لا اشك
احنا معندناش الثقافة الجنسية السليمة والصح خااااااالص علشان يبقى فى صداقة بين بنت وولد من غير اضرار يبقى كل واحد فيهم بيعتبر التانى اخوة او اختة من غير شهوة او نظرة مش سليمة
احنا بتربى على ان دة عيب وحرااام وغلط وميصحش ودة بيولد عند الشباب نوع من الكبت وبيخليهم مش بيعرفوا يتعاملوا مع بعض صح بنية حلوة وهدف سامى
ولو واحدة حاولت تغير المفاهيم دى وعرفت تكون صديقة واخت وبس لشاب فى الكنيسة او زميل ليها فى الخدمة مثلا مش هتخلص من كلام الناس وانتقادتهم وتساؤلاتهم وشكوكوهم لانهم فى معتقداتهم البنت لما تكلم ولد ويكون فى صداقة يبقى بينهم حاجة زى قصة حب او ارتباط عاطفى طيب يا ترى هيجوزها ولا هيستلى شوية وبعدين يشوف غيرها وكلام كتير والبنت هى بس اللى بتصيبها الضرر من كل دة يا بيشوى لكن الولاد مش هيعيبهم حاجة وتفكير مجتمعنا للاسف الشديد البنت اللى تعرف شاب ويكون فى بينهم صداقة حلوة محدش يتجوزها ولو حصل بيكون فيها متاعب بعد كدة وبيشك فيها جوزها وفى كل تصرفتها
احنا اقصى حاجة عندنا لو بنت جريئة شوية ومعندهاش كبت متربية صح يعنى ومش متربية على العقد والتخلف المصرى هتقف مع خادم زميلها تتكلم فى امور الخدمة او امور روحية او اسئلة روحية مش اكتر من كدة ودى اقصى حاجة ممكن تكون عندنا فى كنيستنا وخصوصا بقى كنيستنا لانها زيادة شويويات فى التخلف والتزمت والعقد والكبت كمااان
طلبك جميل جدا يا بيشوى بس مستحيل فى نفس الوقت

[يارا الاموره]

ياااااااااااااااااااااا يا ايمي كل ده
انا من النهارده مش هقف مع زوجي لحسن يكلم هههههههههه
بصراحه عندك حق في كلامك اختي ايمي لان المجتمع هو ال بيفرض علينا اشياء غصبن عننا
ولو حبينا نكسرها بنكون شاذين والكل يكلم علينا

[emmmy]

ااااااااااااااااااااة يا يارا صدقينى
دا اللى بيحصل بجد وبنشوفة ونسمعة
مش كدة انتى موفقانى يا حبيبة قلبى كويس