[elshbah]

(السلام لكم شباب وبنات منتدى ارثوذكس)

اذيكم ياحلوين

يارب تكونو بخير ديما

ندخل فى الموضوع علطول

عشان انا متغاظ ومفروس قووووووى

من الموكوس ده

واحد رايح يخطب واحده

وبعدين يقول لا انا مش موافق

ويوم مانعرف سبب الرفض يكون كالاتى

لالالالا دى تخينه شويه

لالالالا ايديها مش حلوه

لالالالا دى لابسه نضاره

لالالالا ظوافرها مش عارف مالها

لالالالا صوتها غريب اوى اصحابى هيتريقوا عليا

لالالالا انا لاحظت ان خدها ده اكبر من خدها ده هههههههه

لالالالا حواجبها طالعة لفوق زى الشريرة

يخى اتوكس متشوف نفسك الاول

بيتشرط ويقول اسباب تافهه ويكون

فاكر نفسة لقطة ومفيش زية

وده ممكن يكون تخين وكرشه سابقه قدامه

هههههههه

ومش بعيد داخل على مرحله الصلع وسنانه واقعه

ويقول لامش عجبانى

والله انا اعرف بنات بأمانة شكلهم جميل
وبيترفضوا للاسباب دى ومش ببالغ واسباب تانيه كتير اتفه ما يمكن

مش عارفه ليه !!!!!!!

اسئلتى بقا

-نفسى افهم بقا اشمعنا الراجل اللى ليه الحق يرفض مليون عروسه لمجرد شكلها
ولو البنت رفضت لنفس السبب
الاهل يقولو الراجل ميعبهوش الا جيبه
ويبدأو يضغطو عليها؟

-ليه الراجل مش يعيبه غير جيبه مع ان المفروض مش يعيبه غير اخلاقه؟

وللشباب
- انت ممكن ترفض واحده عشان الاسباب التافهه دى؟

-ونسبة الجمال عندك فى شريكة حياتك حوالى كام فى الميه؟

وللبنوتات حبايب قلبى

الغلابه المهدور حقهم هههههه

-ايه رايك فى الراجل اللى زى كدا يكون مش قوى ويتشرط ويتامر؟

-وايه احساس البنت لما تعرف ان العريس رفضها عشان شكلها ؟

انتظر مناقشتكم

وعلى راى اخويا توتى
يلا طيروا ههههههههه

المصدر:ارثوذكس
تصميم اخوكم نادر الشبح
20\3\2011

المصدر: †† ارثوذكس †† - من قسم: الموضوعات الشبابية

[Dr.PeRO]

هههههه
موضوع جميل وكويس انك فتحته عشان انا عاصرت كذا مشكلة وكذ جوازة باظت بسبب الموضوع ده
________________

-نفسى افهم بقا اشمعنا الراجل اللى ليه الحق يرفض مليون عروسه لمجرد شكلها

في رأيي المتواضع، ان ده نعمة للبنت انها تترفض مرة عشان مش ذو جمال ملحوظ .. لأن ببساطة الراجل اللى هايتجوزها عشان جمالها او مظهرها او لبسها يبقى هايجي اليوم اللى هايسبها (مش شرط طلاق، ممكن انفصال او مشاكل زوجية) عشان جمالها قل عن الأول او اهتمامها بنفسها قل او جسمها اتغير (وده اساسى بعد الحمل) او شعرها وقع (ده بقى من العيال واللى هايعملوه فيها) .. ده راجل تافه وهاياخد اللى أتفه منه .. اللى هى: الجميلة البرنسيسة اللى لبسها مثير والميكب مشلفط وشها واللى بتقضى ساعتين قبل ماتنزل كل يوم قصاد المرايا !! انا شايف ان البنت الكويسة اللى متوسطة الجمال أو حتى أقل من المتوسطة أتنقذت من أيد الشباب التافه اللى بيدور على المنظر، عشان هو مش هاياخدها فى الآخر.
انا عاوز اقول ان كتر الاهتمام بالنظهر على حساب الجوهر، هو سبب رئيسي فى كثرة الخلافات الزوجية، وطبعاً مش هاقول بقى الفتور الروحى هو السبب التانى، لأن اعتقد هنا اصلا ان مافيش فى الاصل حياة روحية ليهم هما الاتنين عشان يحصلها فتور!
أما المصيبة الأكبر... وهى ان فيه بنات وولاد كتير سابوا ديانتهم عشان حب او جواز من شخص آخر غير مؤمن، وناس أكتر غيرت طيفتها عشان تعرف تطلق وناس تانية ارتكبت الزنى عشان مش طايقه الطرف الآخر ... الدنيا مليانة بلاوى بنشوفها كل يوم .. عشان كده الحكاية بتيجي من عند ربنا من الاول والجوازة بتفشل عشان طرف من الاتنين بيكون بيدور على الشكل رقم واحد،
أما الجانب المظلم فكلنا شايفينه فى الشارع كل يوم، وهو تطور طبيعي لإهتمام البنت بنفسها بزيادة (حتى لو بعد الجواز كمان) وده واضح من خلال اللبس الضيق والقصير والشفاف وكثرة الميكب فى الداخلة والخارجة ... واصبحت عدوى، وده بسبب قلة الجواز عن الأول، ولأنهم ماعندهومش ثقة فى انفسهم من اللى بيشوفوه، وعشان الأم بتبقى عاوزة تخطف لبنتها زوج بسرعة... ويحي الشاب بيشوف كل يوم واحدة تخطف نظره اكتر من التانية، فطبيعي هيحول نظره عن اللى اختارها فى الأول عشان يشوف الجديد .. وهلم جر ... الخلاصة: شايفين الشيطان وصلنا لإيه، ولسه....

[elshbah]

كلام جميل اوى د.بيتر وانا اعجبت بكلامك جداا تعيش ايدك يا باشا ربنا يعوضك

منتظر باقى المناقشة من الاعضاء

[Dr.PeRO]

متشكر يا نادر باشا، أنا اللى سعيد بأنك فتحت موضوع زى ده .. وياريت فعلا باقى الأعضاء يشاركوا بآراءهم

[TITO_BEST]

المشاركة الأصلية كتبت بواسطة elshbah وللشباب - انت ممكن ترفض واحده عشان الاسباب التافهه دى؟ -ونسبة الجمال عندك فى شريكة حياتك حوالى كام فى الميه؟

طبعا اللى بيحب حد بجد مش بيفرق معاة الشكل لانة هيجوزها هى وقلبها واحساسها ومشاعرها

اممممممم 60 % تكون مقبولة يعنى

بس هى نسبتها 90 %

[فرح®]

المشاركة الأصلية كتبت بواسطة elshbah هههههههههههههه ههههههههههههههه البداية تحفة اسئلتى بقا -نفسى افهم بقا اشمعنا الراجل اللى ليه الحق يرفض مليون عروسه لمجرد شكلها ولو البنت رفضت لنفس السبب أنا من وجهة نظري الرجل لا يهم شكله الخارجي الرجل بأفعاله يكفي أن يكون أحلى من القرد بشوية هههههههههه الاهل يقولو الراجل ميعبهوش الا جيبه لاء ..دا مفهوم غلط ... الرجولة.. صدق ..احترام ..أمان .. ويبدأو يضغطو عليها؟ لاء لأسف أن ضد الأهل في هذه النقطة ..الزواج مؤسسة مبينة على عهد مقدس و رضى تاام بين الشريكين .. -ليه الراجل مش يعيبه غير جيبه مع ان المفروض مش يعيبه غير اخلاقه؟ كلامك صحيح 100% ..أنا معااااك يا باشا ...الأخلاق أولا وللشباب - انت ممكن ترفض واحده عشان الاسباب التافهه دى؟ بصراحة من خلال مشاهدتي اليومية الجنس الآخر "الرجالة " ممكن يرفضوا الفتاة كونهاا غير جميلة تحت بدعة "الله جميل و يحب الجمااال" -ونسبة الجمال عندك فى شريكة حياتك حوالى كام فى الميه؟ ناطرة بلهفة أعرف النسبة كااام عند الشبيبة ؟؟!!! وللبنوتات حبايب قلبى الغلابه المهدور حقهم هههههه هههههههههههههه خلاص يا شبح هتكون في اللجنة المقترحة للدفاع عن حقوق بنات المنتدى -ايه رايك فى الراجل اللى زى كدا يكون مش قوى ويتشرط ويتامر؟ الراجل راااجل ..الرجولة قوة ..يتشرط و يتآمر فأنا noooooooo أكيد ضده لأن الكمال لله يا شيخ -وايه احساس البنت لما تعرف ان العريس رفضها عشان شكلها ؟ بصراحة ما جربت هالشعور ..بس بص يا أخي أنا واثقة من نفسي ...و أكيد هو هيكون خسرااان .. يلا طيروا ههههههههه حاااضر جريندايزر انطلق هههههههههههههه

ميرسي كتير ...موضوعك تحفة ..ربنا يباركك

[elshbah]

المشاركة الأصلية كتبت بواسطة tito_best طبعا اللى بيحب حد بجد مش بيفرق معاة الشكل لانة هيجوزها هى وقلبها واحساسها ومشاعرها اممممممم 60 % تكون مقبولة يعنى بس هى نسبتها 90 %

ولية هيا نسبتها 90 % يا تيتو على الرغم انها ممكن تاخد واحد شكلو حلو وجميل وياعلم جواة عامل ازاى ؟؟؟

[elshbah]

ميرسى لفرح كتيرر على اجابتها الجميلة جدااا والمميزة فعلا وبجد اسعادتينى على انك من البنات اللى بيعرفو يوجهو كويس شكرا ليكى ربنا يباركك

انتظر باقى الاعضاء للمشاركة فى الاراء

[kottah_sh]

موضوعك جميل يا نادر
من وجهه نظرى ان الراجل مش بالشكل
اى نعم مش يكون قرد على رأى فرح بس فى نفس الوقت مش يكون ملك جمال
وعلى فكره انا مش بحب الولد اللى شعره اصفر وعنيه ملونه الجمال الزياده ده بيكون للبنت
المهم
ان جمال الراجل بيكون فى رجولته وحبه وحنانه
وللبنوتات حبايب قلبى


الغلابه المهدور حقهم هههههه

اه احنا غلابه والنعمه ومهدور حقنا فعلا

-ايه رايك فى الراجل اللى زى كدا يكون مش قوى ويتشرط ويتامر؟
مش عارفه صدقنى بس بحس ان دا نقص فى شخصيته او تفااااااااااااااااااااااه ه


-وايه احساس البنت لما تعرف ان العريس رفضها عشان شكلها ؟

انا مجربتش الاحساس ده الحمد لله
بس اللى متأكده منه انه بيكون احساس صعب


ميرسى يا نادر على الموضوع الجميل ده
وربنا معاك ويباركك

[elshbah]

ميرسى يا كوتة يا قمر على اجابتك الجميلة وربنا هيبعتلك عريس كويس انشاء الله ربنا يبركك .

طب اية رئيكو كمان فى جواز الصالونات ؟ للبنات