[totti salah]

من أجمل ما كتبت..
قصيده مشهد الفيلم الاخير.. "بقلمى"






مشهد الفيلم الأخير..!

"حفله النيروز 2011"

بقلم:
تـــادرس صـــلاح
____________


أتطفى النور..
ونزلوا تتر البدايه..

الى أخرج..
والى منتج..
والى مثل..
والى أنتج..

و أبتدا الفيلم زى الحكايه..

عارف ..
منك ليها و ليه..
مين صاحب
فكره
الفيلم..

الى انا اصلا بحكيه ..!

ماكنشى مؤلف..!
ولا متعود انه يألف..!

بس عشانك..
فكر..
مثل..
الف..
اخرج..
أبدع..
كلف..

احسن فكره فيلم..
أخدها..


أصل سببها..
كانت حته..
من تفاحه..
راح الابن..
أخدها وكلها..

قبل الفيلم..



وقت ما قرر انه هايملك..
وده كان حلم..

مات الابن..
و
عاش الحلم...


و ابتدى الفيلم و ابتدت الحكاية..

طفل صغير كان بيفكر انه بحكمة ابوه هايغير جهل الناس
و الجهل دا اعمى مش بيفتح حتى للحظة..
بيمشيه ..
بس احساس..!!

كبر الطفل...
و مشهد تانى...

حد قصير..فجأه اتغير..من جواه
وحب يشوفه..

فطلع الشجره..
وقرر يسمع..

كان يطلع مره و بردو بيرجع..
يلقى مكانه..
تحت المااااااره..

وبعد محاوله..
واتنن..
وكتيييييييييير..

شافه..
وبكلامه...

حس بحب الاب ليه..
وبحنانه..

وملاه امان ماكنشى فيه..!
واده سلامه..

وخلص المشهد..
وبعديه مشهد..
وبعديه مشهد..
!!
وفضل الفيلم..

مشهد مشهد يخلص منه..!!
و
فى مشهد ..
قرر انه..

يخلص فيلمه..!
..........................

رجع المخرج بفلاش باك...

ده حب كله..!
حب ذكا..وحب امه..
حب بطرس وكمان يهوذا والى ضربه..!

وابتدا المشهد..

نسيوا حبه..! وبعدوا عنه..!

وسلموه..

عملوه كأنه..
مجرم..لازم

يصلبوه..!

الكل باع.. كله ضاع...

الى خان..
والى قال انه الوداع...

والى صدق. والى صدق.رجع كدَب..!

والى شيَل والى راح يشيل معاه..!

والى سيل دم حد مات فداه..!

شوفت بردو..

الى كان ميت..
وقام

والى كان أعمى وشاف والى كان مليان الام..
جواه كلااااااام

كان هايطلع.. بس خاف..!


والى كان بيصرخ فيه

و ليه..!

والى جرحه بضربه ليه..
والى جرحه..
من غير مايضرب..

ضربه فيه..!

والى كان حزنه مليه..

زى أمه..!

يوم ما لون دمه فى ايديها كان دليل...

انه بان ضى الخلاص و لا عدشى ليل...

............................

كان نفسى اعرف..
وقتها كان..

احساسها ايه..؟

بكيتى ليه..؟

كنتى عارفة انه قايم..؟
طب كنتى واثقة انه دايم..؟

طب هو..!!

هو كان احساسه ايه..؟

ندمان؟
لما شاف بطرس جبان..!

ولا كان حزين؟
جواه انين..
على ابن ضاع..

كل معاه..
وراح باع..!
………………………….

طب حس بأيه..؟

لما شاف دمعك عليه..!

نفسى اعرف..

دمعه كان بينزل ليه؟

على دمع امه؟

ولا لألمه؟

ولا لما..
كله جااااااااى عليه..؟

..........................

عارف..؟

فى المشهد ده انا شوفت كتير..
شوفت الطيب والشرير..
الا واحد
دايما ظاهر حد كويس..!
من جواه اكبر جاااااحد..!

ديما يبعد.. يفضل يوعد..
انه هايرجع..

ومايرجعش..!

ووقت ما ينده هو عليه..
يسد ودانه..!
ويقول..
ماسمعش..!!

وسط زحمة الكلام

و الغيوم

و الحطام

واللى واقف

و اللى قاعد

واللى نايم

و اللى قام

انت ..!!


انت كنت واقف فين؟؟؟

كنت يومها..جنب منه..؟
ولا..
بردو بعدت عنه..؟

شوفت منه غدر طيب؟

ولا عمره ماكنش طيب؟

نسيت حضنه
..؟ الى ياما جريت عليه

ليه..؟
كنت خايف..؟

ماكنتش شايف..
حبه ليك..!

أنه مثل دورك انت..!
وكل ده عشان..
يفديك..!

طب سؤال.. شوفت فيلمه..؟

شوفت ضحى ازاى بعمره..!

سفك دم وشوك وحربه..

مش كفااااااااايه..؟

حس بيه وبألامه..

ولا نااااوى..تعمل زى..
حد
كاااااااااااااااااااااااا ا ااان
زماااااااااااااااااان
وباااااااااااااااعه
.........................

اوعى تتخيل انك كنت ممكن تكون من غيره..!
وكل ما الفكره تيجى فى ذهنك..
افتكر خيره,,

واوعى تفكر بعدك عنه مابيوجعش؟
ده انت كأنك حته منه مابهزرش..!

بطل تهرب..!
بطل تنكر..!
بطل تضرب..!

ماتقوليش..!
لما اتألم..
و انت بتضرب جنبه بحربه..!
ماقصدتش..

وبلاش تتحجج

ماتقوليش انا مش بطرس ومانكرتش...

ولا جلاااااد..!

انا ماضربتش..!

انت بتضرب..
لما
بتبعد
!!
وبتضرب تانى..
لما بتوعد..
انك ترجع .. وماترجعش..
.
.
شوف كااااااام مره انت ضربت؟
قصدى..
وعدت!!

قرب منه..بطل توعد..
وتبعد عنه..

بطل تتفنن فى المه..

..........................

خد بالك..

فيلمه ده كله كان علشانك..
ألمه فى جنبه..كان علشانك..!

ضحى بعمره..بردو عشانك
......................

خد بالك..

انت ممثل بردو فى فيلمه..!
دورك يبدأ
لما الفيلم ده..
يخلص كله..!

وعلشان خاطره...
خد دور طيب..
خليك جنبه ومنه قريب..

اتقن دورك..

وأبعد صوتك..
ده
الى فى ايدك..
.
ضهره خلاص مبقاش يتحمل..!

و أرفع صوتك..
من تانى ليه..
مش فيه..!

وارجع
امسك من تانى فيه..
و اوعى تسيبه..

وحاسب لاحسن تالم ايده..

بمكان مسمار
انت وغيرك
زماااااااااااااان دقيته
.......................... .......

اخر حاجه..

عايزك لما..
تقابلك ضيقه..
بس تكون صعبه عصيبه
.
ترفع ايدك وتوريهم شكل صليبك..

وعلىىى فى صوتك..
نادى عليه..
و اوعى تبطل تشكر فيه..!


ماتسميش الضيقه صليب...

بطل وهم..!!!

انت صليبك..
شاله زمان..

والى فى ايدك..
ده انت رمسمته..
بالالوان..

كفياك تمثيل..
الالوان..قدامه هاتبهت..!

بطل ترسم صلبان تانى..
بطل تبقى حد انانى..
كفياك فرجه..
شيييييييل وياه
خليك جنبه وابقى معاه..
اصل الفرصه..
مش هاتستنى..

هاتضع منك..
يخلص فيلمك..

ويفضل حلمك..

انك تملك..

وماتملكش..!!

خلص فيلمه..واحضره كله..
بس بسرعه..
ممكن دورك يخلص عمره..
وماتلحقش تمثل فيه..
وتبقى يادوبك..
اتفرجت بس عليه..
ومتنساش وانت بتحضر..
تشكره قوى على..
على جرحه فى جنبه..
وعلى حبه..
وعلى فيلمه ده كله..
وبالزات..

اخر
مشهد
منه
……


"مشهد الفيلم الأخير"
"حفله النيروز 2011"

بقلم:
تـــادرس صـــلاح
____________

الى كل انسان...
بعد عن المسيح وسابه...!
ولكل واحد ممكن يفكر انه يسيبه...!
لأى سبب ممكن يكووووووون..


صلوا من اجلى..
تـــادرس صـــلاح

 http://www.youtube.com/watch?v=S9kk5NU7GBY&feature=player_embedded

.
.


للمزيد من الكتابات:
http://www.facebook.com/tadres.lovers
محــبى أشـــعار وكتـــابات . تادرس صلاحღ_* .
صلوا من أجلى

المصدر: †† ارثوذكس †† - من قسم: التأملات الروحية والخواطر الفكرية

[ريم الخوري]

خلص فيلمه..واحضره كله..
بس بسرعه..
ممكن دورك يخلص عمره..
وماتلحقش تمثل فيه..
وتبقى يادوبك..
اتفرجت بس عليه..
ومتنساش وانت بتحضر..
تشكره قوى على..
على جرحه فى جنبه..
وعلى حبه..
وعلى فيلمه ده كله..
وبالزات..


حلوة اوي اوي اوي الرب يبارك في تعبك ويزيدك نعمة وبركة

[totti salah]

المشاركة الأصلية كتبت بواسطة ريم الخوري خلص فيلمه..واحضره كله.. بس بسرعه.. ممكن دورك يخلص عمره.. وماتلحقش تمثل فيه.. وتبقى يادوبك.. اتفرجت بس عليه.. ومتنساش وانت بتحضر.. تشكره قوى على.. على جرحه فى جنبه.. وعلى حبه.. وعلى فيلمه ده كله.. وبالزات.. حلوة اوي اوي اوي الرب يبارك في تعبك ويزيدك نعمة وبركة

شكرررررررررا ليكى ولمرورك الجميل ده