كلام بنات.. كلام بنات
البنت تحلم و وكتير الحلم مفيش
و تبكي في الضلمه
و في النور ماتبكيش
تمشي وسط الرجال قويه
و هي يا ولداه من رقة ضعفها مش عارفه تعيش
كلام البنات عن الألم بيقول حكايات
يمر بينا الزمن و الجاي زي اللي فات
هي حكاية بنت زي الصبح مبتسمه
يجيها راجل بالحب و وقلة الحيله و الآهات
وهو ايه كلام البنات؟
ان البنت تقول على فلان شكله يهوس ولا انها تناقش الموضة مع خلق ربنا.. ولا انها تشوف الميك أب وتسريحة الشعر بتاعة فلانة وترتانة ازاى؟؟
ولا تفتكروا كلام البنات يقطعوا فى فروة غيرها.. ولا ايه رايكم فى كلام البنات
ايه رأيكم فى البنات؟
اللى من غلبها خلص كلامها
عشان كل ذنبها انها بنت..
أقول كمان..
هى حدوتة ملتوتة لواحدة بنت.. عندها حفنة سنين يا دوب شيلاهم فى كفها .. من صغرها وكان عندها أحلام.. حلمت مرة بالفارس المغوار.. وفاقت لما عرفت ان مافيش فى زمانها فرسان.. وحلمت زمان ببيت صغير.. وفاقت لما عرفت ان تمن البيوت غالى .. وعليها وعلى ابن الحلال يكافحوا يجيبوا شقة محندقة تلمهم... كان عندها حلم تلاقى فيه نفسها.. ولقت الدنيا دوامة كبييرة.. تاخدها لتحت ولتحت تانى لحد ما تتخنق.. يااااه.. حلمت كمان بحضن يسمعها لما تتمنى حد يسمعها.. لكنها لقيته قدمها جامد جاحد.. ظالم وقاسى.. وخلاها تبات ليلها معيطة
فتحت عينيها وسط سنينها ودورت على كلامها.. لقيته وسط أحلامها اتسرسب من غير ما تحس
اتريه كلام بنات
منقول
مشاهدة صفحة طباعة الموضوع
أرسل هذا الموضوع إلى صديق
كلام بنات
المواضيع المتشابهه
العرض الشجري