استحملونى

معلش هطول عليكم استحملونى.....انا انسانة كنت مخطوبة مرتين ،وكل مرة كانت فترة الخطوبة قصيرة جداااااا لكن قدرت اتخطى الازمتين فى فترة قليلة قوى بعد كل واحدة والفرق مابينهم سنة ونصف، ونسيت الاتنين لانهم كانوا مخادعين لاقصى حد وحقيقى الخطوبتين ماحصلوش الا بعد تفكير طويل وسؤال كل من يعرفهم لكن مفيش حد بيقول على حد وحش الا بعد ما انفصلت عنهم ... وانا شخصيتى قوية جدا وعقلى متزن ولااتاثر بما سوف يقال لانى لا اريد ابنى حياتى على اساس كلام الناس.
المهم من قبل الشخصين دول كان عندى زميل فى الشغل كنت حاسة انة معجب بيا لكن انا كنت دائما اهرب منة لانة كان معروف بالشخصية القوية الصارمة الشديدة والكل بيعملو الف حساب سواء كانوا كبار او صغيرين فكنت خايفة منة وهو لم يحب قبل كدة فى حياتة ابدااااااااااااااااااااا عمرة ماانشد لوحدة وانا متاكدة من كدة من ناس تعرفة من زمان ............ فبعد مافسخت خطوبتى الثانية قرر انة يصارحنى بحبة وبعد فترة وخناق من اصحابى لى لانهم كانوا بيقولولى انت عارفاة كويس ومش هيخدعك مع وجود فرق مادى عالى بينى وبينة فوافقت ولكن طلبت منة وقت علشان اتاكد اذا كان هو الانسان الذى اكمل معاة لاخر العمر .........وبصراحة كان بيعاملنى معاملة الملكات رغم انة شديد لكن حسيت معة انى اسعد انسانة فى الدنيا واول مرة فى حياتى اعرف معنى الحب واثق فى حد........ حبيتة قوى قوى .... لكن بمجرد مرور اجمل شهرين فى حياتى وقبل مقابلتة مع والدى ليتقدم لخطوبتى لقيتة فى يوم بيعاملنى معاملة غريبة قوى بعد ماكان يتمنى اكلمة... بيهرب منى وبعد اسبوع واجهتة وسالتة لية بتعمل كدة قال محتاج وقت وهكلمك بس لقيتة من معاملة برنسيسات الى معاملة خدامات.. وبعد اسوء اسبوعين جة وقالى ان فلانة قالت لة كلام عنى وجاى بعد 3 اسابيع يتحقق منى صحة كلامها ....ساعتها حسيت بالاهانة وانسحبت وانا مصدومة فية وبقولة ازاى تقولى الكلام دة وانت اكتر واحد عارفنى وخصوصا انى معروفة انى بنت بمليون راجل.... ودافعت عن نفسى عن بعد ارسلت لة كل الادلة وواجهت فلانة وهى بنفسها راحت قالت لة انها كذابة فى حقى على الرغم انى كنت محذراة منها لانها مش بتحبنى....... وبعد فترة طويلة اثنائها غلط فية ودى كانت اول مرة اعملها انى اغلط فى حد بس دة لانى حقيقى حبيتة وكان غضبى شديد منة لانى كنت حاسة بالغدر لانى قلت انة هو الذى يقدر ان يحمينى ثم واجهتة وقال انة غلط بحقى وكان عذرة " توما شك فى ربنا يعنى عادى لما اى حديشك فى حد" ومتوقعتش نهائى انة ممكن اى كلمة تهزة وخصوصا فى حاجة زى دى لانة حقيقى اختبرنى كتير قوى وهو عرف انة اتغابى......... لكن انا رفضت انى اكمل معة لان خوفى بقى اعظم.
المصيبة ان الموضوع بقالوا 7 شهور ومش قادرة انساة لحظة واحدة حقيقى دة اول انسان احبة فى حياتى وانا مش صغيرة فى السن ورفضت ناس كتير قوى ومش عارفة اعمل اية حقيقى عندى اكتئاب حاااااااااااااااااااااد جداااااااااااااااااااااا.
وعلى فكرة انا قريبة من ربنا جدااااااااا وبقول دايما لتكن مشيئتة لكن مش قادرة انسى صدقونى غصب عنى ومحتاجة انكم تساعدونى وتقولولى اعمل اية ... على فكرة انا فى منطقة راقية جدا فى القاهرة علشان كدة مش لاقية حد اتكلم معاة ويفهمنى واهلى لهم مصالح مع ناس كتير وبيضغطوا عليا علشان اتعرف على اولاد حد منهم وارتبط بية......... لكن انا مش قادرة ابدأ حياة جديدة مع حد وانا فى قلبى حد تانى...... ممكن تقولولى انا صح ولاغلط.