[الناى الحزين]

(عيد الحب)

الحب كلمه من 4 حروف
صغيره جدا فى حجمها
لكن عظيمه جدا جدا فى معناها

كلنا سمعنا كتير عن اساطير وقصص الحب
روميو وجوليت
عنتر وعبله
قيس وليلى
وغيرهم

لما بنسمع الحكايات دى بنقول اهى روايات والسلام
والزمن ده انعدم منه الشعور والاحساس والحب

لكن الكلام ده مش صح

قبل ما نقول الكلام ده المفروض نسأل نفسنا كام كام سؤال مهمين جدا

هل احنا صح؟
هل اختيارنا صح؟
الوقت اللى اخترنا اننا نحب فيه وقت مناسب؟
هل احنا فكرنا مليون مره قبل ما ناخد القرار بالحب

الحب موجود
والتضحيه موجوده

بس لازم
نختار صح
ولازم نفكر صح
ويكون الوقت مناسب
ووقتها يبقى هناخد القرار الصح

والا هنقع فى بئر لا اخر له من الحزن واليأس
من ألم الفراق والاشتياق والحرمان

لكن ما دمت اختيارك صح وقرارك صح وتفكيرك صح
يبقى انت صح

ولو لاقيت الشخص المناسب ده وحسيت انه يستحق حبك له واهتمامك بيه

امسك فيه قوى
واوعى تفرط فيه

وحب واتحب وعيش الفرحه وحسها بقلبك

ولو ليك حبيب زعلان منك
اجرى عليه وخده فى حضنك

مش لازم تاخده فى حضنك بالمعنى الحرفى للكلمه لأ

احضنه بكلامك احضنه بنظرة عينك ليه احضنه بصوتك الحنين عليه

او ابعتله رساله على الموبيل
او رساله على الميل
او ابعتله ورده فى جواب

وقوله

انا أسف ومتزعلش منى
واوع تزعل منى

صدقنى مهما ان كانت حجم المشكله
هينسى انه زعلان منك
بس قوله

حبيبى انا متزعلش منى

اهداء لحبيبى

تحياتى
ناى

المصدر: †† ارثوذكس †† - من قسم: المنتدى العام

[menovich]

كل سنة وانتم جميعا طيبيين

[الناى الحزين]

المشاركة الأصلية كتبت بواسطة menovich كل سنة وانتم جميعا طيبيين

وانت طيب يا مينا
شكرا لمشركتك الجميله

[Katy_Archi-Mekhaeel]

الله

ايه التوبيك الرائع دا بجد

اسلوبك ف منتهى الروعة

احييك عليه

ربنا يفرح قلبك

والتقييم خمس نجوم ولو كان فى اكتر كنت حطيت

[الناى الحزين]

المشاركة الأصلية كتبت بواسطة katy_archi-mekhaeel الله ايه التوبيك الرائع دا بجد اسلوبك ف منتهى الروعة احييك عليه ربنا يفرح قلبك والتقييم خمس نجوم ولو كان فى اكتر كنت حطيت

الله الله الله
على ردك الجميل
بجد يا كاتى ردك اسعدنى جداجدا
وبجد متشكر قوى قوى على تقيمك للموضوع
وبجد سعيد جدا بوجودك وسطينا لان مواضيعك كلها جميله وردودك مشجعه جدا
ربنا يفرحك يارب

[kottah_sh]

ايه الجمال والحلاوه والرومانسيه دى ياعم ناى
مش متعودين منك على كده

رااااااااااااااااااااااائ ع يابنى بجد
وكلامك كله صح
فعلا مهما كان زعلان منك الحبيب
بمجرد كلمه حلوه منك بينسى كل حاجه مهما كان الزعل

بجد من اروع ماكتبت

تعيش وتكتب وتعيش وتحب ياناى
ربنا يفرح قلبك
ويكون معاك مايكون عليك

انت صدقت نفسك ولا ايه
انا كل اللى عاجبنى صور الكارتون اللى فوق
ههههههههههههههههههههههههه ههههههه
ههههههههههههههههههههههه

وانا بضم صوتى لصوتك واقول
حبيبى انا متزعلش منى

يابخت حبيبتك بيك
اسمعى كلامه يابت
دا نوايتى
وبلاش تزعلى منه
لحسن اشتغلك شغل الحموات
ههههههههههههههههههههههههه هههه

ربنا يفرحكو ببعض يارب قريب
ونخلص منك ياناى بقى

[الناى الحزين]

المشاركة الأصلية كتبت بواسطة kottah_sh ايه الجمال والحلاوه والرومانسيه دى ياعم ناى مش متعودين منك على كده رااااااااااااااااااااااائ ع يابنى بجد وكلامك كله صح فعلا مهما كان زعلان منك الحبيب بمجرد كلمه حلوه منك بينسى كل حاجه مهما كان الزعل بجد من اروع ماكتبت تعيش وتكتب وتعيش وتحب ياناى ربنا يفرح قلبك ويكون معاك مايكون عليك انت صدقت نفسك ولا ايه انا كل اللى عاجبنى صور الكارتون اللى فوق ههههههههههههههههههههههههه ههههههه ههههههههههههههههههههههه وانا بضم صوتى لصوتك واقول حبيبى انا متزعلش منى يابخت حبيبتك بيك اسمعى كلامه يابت دا نوايتى وبلاش تزعلى منه لحسن اشتغلك شغل الحموات ههههههههههههههههههههههههه هههه ربنا يفرحكو ببعض يارب قريب ونخلص منك ياناى بقى

متشكر بجد يا كوتا على ردك اللى بجد اسعدنى
مع انه ما سلمش ابدا من التريقه كالعاده
بس لو كان الرد كله كويس
كنت افتكرتك سخنه ولا حاجه
ههههههههه
شكرا يا احلى مريم بأمانه ربنا
ردك اسعدنى جدا جدا
ربنا يهنيكى ويسعدك فى حياتك يارب

[مينا الحديدى]

حبيبى الغالى
بجدمش عارف اقول اية
موضوع وكلام زى العسل
ربنا يفرح قلبك يا حزين

[الناى الحزين]

المشاركة الأصلية كتبت بواسطة الناى الفريح حبيبى الغالى بجدمش عارف اقول اية موضوع وكلام زى العسل ربنا يفرح قلبك يا حزين

شكرا يا مينا
ربنا ما يحرمنى منك يا حبيب قلبى
ويفرحك ويرح بالك
وشكرا على المشاركه الجميله

[sangorg]

ايه الجمال والرقه والرومانسيه دى يا ميدو
الموضوع ده اشم منه حاجه حاسس انها ممكن تكون صح
عرفنى يا ابن عمتى ايه الموضوع
عيب عليك لما اعرف من ناس تانيه وانت ابن عمتى