[ماروجيرافك]

بصراحة يا استاذ شنودة هو فعلا الموضوع كتر لحد ما الفترة دي وانا معاك
اه احنا من زمان واحنا بنسمح بموضوع الأعلانات
وكتير جدا صدقني وبيكون معظها ملك لبعض الاعضاء هنا
دي وكنا بندخل الاول المنتدي ونشوف هل سيكون المنتدي ده هيقدم فعلا حاجة مفيدة للاعضاء او لا وكتير حذفنا مواضيع ليس تليق او الغير مناسبة
اما موضوع انهم ياخدو الاعضاء صدقني كتير اوي راحو منتديات تاني ورجعو لينا وبقي المنتدي التاني مجرد زيارة واحنا الأصل الي هو ارثوذكس
وانا من متابعتي لبعض المواضيع وردود بعض الاعضاء الفترة الي فاتت استشفيت زي الكتير مننا ان معظم الاعضاء بيدورا علي حل يجمعهم لو المنتدي اغلق وطبعا ده هيكون من خلال موقع اخر لكن الكثير منهم ليس له علاقه بالفيس بوك مثلا او التيوتر فالحل من وجهه نظرهم انهم يدورا علي موقع اخر يجمعوا في لو اراد الرب والمنتدي اغلق
لكن الامل لسا موجود وربنا يرتب فريب اوي هيكون في خبر للجميع يحدد اية الي هيتم
الرب يبارك يا استاذ شنودة ويبارك في محبتك الكبيرة للمنتدي ولاخواتك الي موجودين في

[شنوده جرجس]

عزيزى أ / أيمن ... سلام ونعمة

أشكرك على المقدمة الجميلة فى ردك

وإسمح لى أرد على جزء بسيط من رسالتك

لأن هذا الجزء مبنى عليه الكلام المفيد

أنا أُريدك ان لا تأخذ الأمر على محمل الضيق والحزن والتعب لأن كل الأشياء تعمل معاً للخير للذين يحبون الله، وكل ما يدبره الله لخيرنا جميعاً وبناء حياتنا حتى لو لم نرى ذلك قط

كيف نقول من تدبير الله وأنا أرى من يضعون أيديهم فى المياه الباردة بل ويساعدون على قفل هذا المنتدى ... الله طالبنا بالعمل والعطاء وليس بالسلبية واللامبالاة نحن لنا دور وهو عليه الباقى بمعنى لا نترك كل شيئ عليه ونقول إنها من تدبير الله والكتاب المقدس يقول لنا ( تأمل النملة أيها الكسلان ) فالله ميزنا عن سائر المخلوقات بمميزات عديدة منها روح الحكمة والفهم والإفراز لنميز جيداً الخطأ من الصواب .

طيب ياسيدى الفاضل خد عندك المفيد : ــ

1 ـ الأخت إيمى نوهت بزكاء لدفعى على الرد على المبادرة التى طرحها أخونا رويس وأنا لم أريد الرد وقتها لأنى لو تكلمت سأقول الحقيقة ودائماً الحقيقة ما تغضب الآخرين وأقول لحضرتك ولأخونا رويس وباقى الأخوة . إحنا بندخل الكنيسة ويا حبذا لو عظة اليوم عن العطاء فتلاقى أبونا يتكلم كلام زى الفل ( المعطى بسرور يحبه الرب ) و ( المرأة التى أعطت الفلسين وأنها أعطت من كل أعوازها بل وأعطت كل ما تملك ) ... إلخ . وتتأثر بالعظة وتبقى مش ناقص غير أنك تطلع كل اللى فى جيبك أو تروح بيتك وتجيب مصروف البيت وتقعد العيال بالجوع علشان تبقى تبرعت بكل ما تملك ولمن هل للكنيسة ؟ طبعاً لأ .. لأن كثير من الفقراء يصارعون الجوع والمرض دون أن يمد لهم أحد يد العون لذلك وآبائنا الكهنة عايشين عيشة فايف ستارز فأنصح بكل من يريد تقديم العشور أو أى مساعدات مالية أن يقدمها لعائلات فقيرة تحتاج لذلك وما أكثرها خاصة فى وقتنا الحاضر والكنيسة متمثلة فى آبائنا الكهنة والذين لا يمدون يد المساعدة المادية لأحد مهما كانت ظروفهم فالمساعدة المادية فقط تكون مقتصرة عليهم شخصياً وعائلاتهم والناس اللى بيخافوا منهم والذين يستطيعون عمل مشاكل كبيرة لهم .. أما لو أنت مبسوط مادياً تلاقى كل الكهنة حواليك متمنين أى خدمة تقدم لك واللى مش مصدقنى يشوف بنفسه الأفراح والمآتم للناس الأغنياء تلاقى العديد من الآباء الكهنة والصلاة تطول وياولداه لو واحد فقير وعلى قد حاله تلاقى كاهن واحد وفى داخله يقول ده هيدفع ولا مش هيدفع أن شخصياً قبل زواجى بعدة أيام قلت لأب كاهن يا أبونا أنا عاوزك تعمل لى فرح ما حصلش وكنت بقولها على سبيل المزاح فكانت إجابته لى بنبره جادة كالتالى ( ياحبيبى لو عاوز أعمل لك فرح محصلش تقل لى جيبى ) قال لى ذلك وهو بيخبط بإيده على جيبه صدقونى هذا ما حصل وطبعاً ولإعلان الحق أنا لا أتكلم عن الكهنه ككل لأنه يوجد كهنة روحانيون بس للأسف ( هم قلة ) مقارنة بالعدد الوفيرلإجمالى الكهنة فهذه القلة هى التى تعمل حسب وصايا الرب ولها إرتباط قوى بربنا أما الباقى فلا وألف لا وأنا لا أتحامل عليهم بل أقول ذلك عن تجارب شخصية عديدة لو ذكرتها عاوز صفحات ولكن يكفى أن أختم بهذه النقطة بقول قداسة البابا فى أحد إجتماعاته موجها كلامه لهم للكهنة والأساقفة الموجودين ( الكتاب المقدس يقول على الكاهن أن يأكل من خبز المذبح مش يشفط المذبح كله فى كرشه ) !!! .. وصدقونى لو منتدانا كان منه فائدة مادية للكنيسة ويدر عليها دخلاً وفيراً لتصارع الآباء الكهنة فى إنقاذه حتى لو المنتدى حسب قولكم غير تابع للكنيسه . طيب لما هو مش تابع للكنيسه فالمفروض كان أبونا عند إستلام الجائزة والأمانة تحتم عليه وأمام كل الحضور أن يقول الجايزة دى مش من حقى ولا حق الكنيسة وأنا حضرت معكم الآن لأشارك فى تكريم من يستحقها وكان أعطاها أمام الناس لأخونا إبراهيم المستحق الحقيقى لهذه الجائزة لأنه الأحق بهذا التكريم مش قلت لكم الحق بيزعل .

فكل ما ذكرته فى هذه النقطة هل هو من تدبير الله ؟ !!!!!

2 ــ بإعلانات المنتديات التى ذكرتها فى رسالتى السابقة هل هو تدبير من الله أم تدخل إنسانى ؟ !!! .

3 ــ ألا ترى بأن أخونا إبراهيم قد ترك الحبل على الغارب لكل من هب ودب لدخول المنتدى يمرح ويجول فيه كيفما يشاء وينسخ ويحمل ما يشاء من موسوعات وحصريات لتحميلها على مواقع أخرى بل ويوضع إعلاناته كما يشاء دون حتى أن يسجل أسمه أو يستفيد منه المنتدى بعدد محدد من المشاركات ودون أى ضابط أو رابط ومنهم من قام بالتسجيل الصورى وقام بمشاركات تعد على أصابع اليد الواحدة وده طبعاً لكى يقنع إدارتنا الطيبة بأنه عضو شغال فى المنتدى وعلى رأى المقولة التى تقول ( بيت المهمل يتخرب قبل بيت الكافر ) فهل هذا أيضاً تدبير من الله ؟ !!!

4 ــ ألم تلاحظ معى بأن المناقشات الكثيرة عن غلق المنتدى زادت من إحباط الكثير من الأعضاء مما جعلهم يصومون عن المشاركة فى المنتدى .. أهذا أيضاً تدبير من الله ؟ !!!

أخى الحبيب لماذا نلقى كثيراً من سلبياتنا وأخطائنا على إرادة الله ؟ فكرتنى بأحد الأشخاص الذين أعرفهم وهو تاجر ولاحظت أن حياته طوال اليوم كذب فى كذب وحلفان مستمر فقلت له حرام عليك روح إعترف وإتناول وربنا هيباركك ويديك خيرات كتير فرد علىَ وقال الناس مبتصدقش غير بكده وربنا عارف ظروفى ولو ربنا مش عاوزنى كده كان أعطانى عمل آخر ده فيه الناس بتكسب ملايين وهى قاعدة على المكتب . حاولت معه دون فائده وهو يرمى اللوم كله على الله .

مرة أخرى أرجو قراءة رسالتى السابقة جيداً وتقنعنى لأنى مع شديد أسفى غير مقتنع .. ولا حضرتك عاوزنى أقول أمين وأسكت . فالأمانة تحتم علىَ قول الصدق . فلو أنا غير أمين فى قول الصدق أكيد مش هأكون أمين فى صداقتى بك

أخيراً أشكرك على ردك وإهتمامك وبلاش دبلوماسية ووضع شاش على جرح ملوث دون تنظيفه جيداً وبرغم انى غير مقتنع كما قلت .. صممت على الرد عليك لأنك غالى جداً علىَ ومقدرش مردش عليك أنت بالخصوص وأنت تعى هذا جيداً .

ربنا يباركك ويملأ حياتك بالمحبة والفرح الدئم ويعوض تعب محبتك بكل الخير

له المجد الدائم إلى الأبد آمين

[hany1982]

جميل قوى شعورك يا ايمى وانا هتكلم على نفسى واعترف بتقصيرى وباعتذر بس بجد ظروفى مش مساعدانى انى انشط زى زمان بس الروح الحلوة دى تخلينى فعلاً اتمنى انى ارجع واشارك ذى الاول لأنى عمرى ما هقدر استغنى عن بركة الخدمه ولا عن الاخوة والاخوات الجمال ومحبتهم الجميله اللى لاقيتها هنا

[شنوده جرجس]

المشاركة الأصلية كتبت بواسطة ماروجيرافك بصراحة يا استاذ شنودة هو فعلا الموضوع كتر لحد ما الفترة دي وانا معاك اه احنا من زمان واحنا بنسمح بموضوع الأعلانات وكتير جدا صدقني وبيكون معظها ملك لبعض الاعضاء هنا دي وكنا بندخل الاول المنتدي ونشوف هل سيكون المنتدي ده هيقدم فعلا حاجة مفيدة للاعضاء او لا وكتير حذفنا مواضيع ليس تليق او الغير مناسبة اما موضوع انهم ياخدو الاعضاء صدقني كتير اوي راحو منتديات تاني ورجعو لينا وبقي المنتدي التاني مجرد زيارة واحنا الأصل الي هو ارثوذكس وانا من متابعتي لبعض المواضيع وردود بعض الاعضاء الفترة الي فاتت استشفيت زي الكتير مننا ان معظم الاعضاء بيدورا علي حل يجمعهم لو المنتدي اغلق وطبعا ده هيكون من خلال موقع اخر لكن الكثير منهم ليس له علاقه بالفيس بوك مثلا او التيوتر فالحل من وجهه نظرهم انهم يدورا علي موقع اخر يجمعوا في لو اراد الرب والمنتدي اغلق لكن الامل لسا موجود وربنا يرتب فريب اوي هيكون في خبر للجميع يحدد اية الي هيتم الرب يبارك يا استاذ شنودة ويبارك في محبتك الكبيرة للمنتدي ولاخواتك الي موجودين في

أهلاً بأخى الحبيب ومساء الورد على احلى ماريو

أشكرك على مشاركتك ورد ك الحلو

أشكرك جداً ليس لتصديقك على كلامى فقط بل لتوضيحك بالنسبة لموضوع الأعضاء وأصحاب المنتديات الأخرى بالنسبة لخروج الأعضاء من منتدانا وإشتراكهم فى منتديات أخرى ثم عودتهم مرة أخرى ده صحيح ولكن ليس فى كل الأحوال لأن يوجد منهم من يعود ومن نراه كل عدة أيام بل وأحيانا أسابيع طيب وكمان ليه متقولش أن الأعضائنا أصحاب المنتديات الأخرى ممكن يكونوا صداقات عندنا وبناء على هذه الصداقات بيتم سحب بعض الأعضاء إلى منتدياتهم أما بالنسبة للأعضاء الذين يبحثون عن منتدى أخر ليتجمعوا فيه نعم هذا صحيح وأنا واحد منهم ولكن قرارى الذى إتخذته هو عدم ترك منتدى أرثو إلا فى حالة الغلق التام لا قدر الله وأنا متفائل حتى الآن ولم أيأس قط .. وحتى عندما طلبت منى أحدى الأخوات فى المنتدى لأرسال رابط منتدى آخر لها أرسلت لها الرابط وقلت لها إحتفظى بهذا الرابط لحين الإحتياج إليه وهى تفهمت ذلك لكن كلماتك التالية .

لكن الامل لسا موجود وربنا يرتب فريب اوي هيكون في خبر للجميع يحدد اية الي هيتم

هذه الكلمات هى التى أسعدتنى وبعثت فى الأمل والذى كنت أنتظره .. وأتمنى أن يدخل أخونا إبراهيم ويطلعنا على آخر الأخبار لأن الوقت خلاص ودخوله مهم جدا فى هذا الوقت بالذات

لك جزيل شكرى وتحياتى والرب يبارك ويحفظ حياتك

[emmmy]

سلام ونعمة استاذ شنودة ممكن اشارك معاكم فى الرد بعد اذنك يا استاذ ايمن
اعتقد كدة حضرتك خرجت عن الموضوع تماما صح ولا انا غلطانة ؟
الكنيسة مش هينفع تتكفل بالمنتدى يا افندم لانة بيصرف مبلغ كبير جدا
والكنيسة هتقولك فى اولويات اهم من المنتدى اللى بالنسبة لهم مجرد موقع - وفى غيرة كتير - ومش هيقدروا الترابط اللى بين الاعضاء وحب الناس للمنتدى لا نهم معشوش معانا وشافوا وجربوا يعنى الفة ومحبة وخدمة من خلال منتدى
ومع ذلك !!!
يا استاذ شنودة الموضوع كلة بيصب فى النهاية لاراداة اللة - ولو ربنا عاوز المنتدى يستمر هيستمر ممكن جدا يكون ربنا لية قصد معين احنا منعرفوش - ممكن يكون فى منتدى تانى ومواقع تانية محتاجة لخدام ارثوذكس اكثر - او فى ناس محتاجة تتعامل مع خدام ارثو او يمكن لما المنتدى يبقى مدونة ودة هيدفع ناااس كتير تدور على مواقع تانية تخدم فيها ربما يكون دة ترتيب ربنا وفى ناس تانية محتاجة خدمة خدام ارثوذكس - مين عااارف ؟؟؟
وبالنسبة لاقتباس الموضوعات من منتدانا لمنتدى تانى دة ميزعلشى لان كلمة ربنا لما بتخرج مننا بتبقى خلاص ملكة بتاعتة وهو يعمل فيها اللى هو عاوزة والمفروض اننا نفرح لو راحت مكان تااانى احنا مش بنتسابق مين افضل ومين اكبر انا لما بشوف موضوع ليا فى منتدى تانى بفرح جدا لان دة معناة انة نال اعجاب ناس تانية وهتستفيد منة وهيوصل لناس كتير ودة يسعدنى يا افندم ميزعلنيش خالص ودة دليل على النجاح
وابراهيم لانة طيب زى ما حضرتك ذكرت ومكنشى بيمنع حد من انة يعمل اللى هو عاوزة ربنا بارك خدمتة
ابراهيم فعلا مش بيدور على نجاح منتدى وتكبيرة عمرة ما دور على مجد باطل وعلشان كدة ربنا كبرة وكل ما بيستخبى كل ما بيظهر اكثر
صدقنى انا شفت منتديات تانية وشفت طريقة المشرفين والمسئولين هدفهم مش الخدمة مع انهم بيخدموا بالفعل - بس الخدمة فى حد ذاتها مش الهدف لكنها مجرد ستارة حلوة قدام الناس متدارى وراها حاجات تانية
وفكرة اننا بندور على منتدى تانى علشان لو ارثو اتقفل دة مش عيب بالعكس دة دليل على الترابط والمحبة وانا اول واحدة فكرت الفكرة دى وبعت لناس كتير اسألهم اية رايكم نتجمع فى منتدى تااانى واغلبهم وافق وقالى ياريت شوفى منتدى كويس وقوللنا علية وحضرتك كنت واحد منهم وعرضت عليا اسم منتدى معين
وانا مستينة لما نشوف ارثو هيرسى على اية لانى لاخر لحظة عندى امل انة يفضل
يا استاذ شنودة الكنيسة معزورة بلاش نحملها فوق طاقتها وبلاش ندخل فى متناهات مش هتوصلنا لحاجة ارجوك

[emmmy]

على فكرة !!!
نقطة تانية معلش موضوع سحب الاعضاء لمنتدى تانى دى
انا مش مقتنعة بيها خالص نهائى كل واحد عارف مكان راحتة واستفادتة انا اتعرض عليا كتير انى اشارك فى منتديات تانية كتير صدقنى وفى اللى دخلتها بالفعل بس مش متابعة معاهم كتير وفى اللى اعتزرت عنها
يا استاذ شنودة الاعضاء عارفين اية اللى يسعدهم ويريحهم
ومش فى حد بيسحب حد صدقنى الا اذا كان هو عاوز كدة وفى الحالة دى يبقى هو عندة استعداد داخلى ومش مرتاح هنا وكدة كدة هيمشى

[شنوده جرجس]

سلام ونعمة يا أخت إيمى

معلش سوف أقتبس نقط من موضوعك وأرد عليها

انتى بتقولى

ممكن اشارك معاكم فى الرد

وأنا بقول لك مشاركتك أكيدة لأنك صاحبة الموضوع الرئيسى ( أرثوذكس مريض بالإحباط ) .

بعد اذنك يا استاذ ايمن
اعتقد كدة حضرتك خرجت عن الموضوع تماما صح ولا انا غلطانة ؟

لا وألف لا وسامحينى أكيد غلطانة لأن متعرفيش علاقة المحبة القوية التى تربطنى به فهى أكبر بكثير من إختلاف آرائنا فى نقاط معينة ( فالإختلاف فى الرأى لا يفسد للود قضية ) والحمد لله الود ( المحبة ) بيننا موجودة وأنا عمرى ما كرهت أى إنسان فى حياتى بل بالعكس لو إنسان زعلنى كنت بأصلى له (( أما لو كلامى زعل أخى أيمن فأنا مستعد أنسحب وأترك المنتدى فوراً بالفعل وليس بالكلام )) . وبكلمتك لأخى أيمن ( كدة حضرتك خرجت عن الموضوع تماماً ) دى معناها كبير وأنا وأنتم تفهمون ذلك جيداً يعنى المفروض كلمة زى دى متتقالش

الكنيسة مش هينفع تتكفل بالمنتدى يا افندم لانة بيصرف مبلغ كبير جدا
والكنيسة هتقولك فى اولويات اهم من المنتدى اللى بالنسبة لهم مجرد موقع

أنا طبعاً أكيد فاهم وواعى للكلام دة كويس جداً بس برضه عارف رد فعل آبائنا الكهنة وزى ما قلت لو فيه فايدة ومكسب للكنيسة كانوا قاموا بتمويله جيداً وإفتخروا بيه وضموه للكنيسة هذا ما قصدته

الموضوع كلة بيصب فى النهاية لاراداة اللة - ولو ربنا عاوز المنتدى يستمر هيستمر ممكن جدا يكون ربنا لية قصد معين احنا منعرفوش - ممكن يكون فى منتدى تانى ومواقع تانية محتاجة لخدام ارثوذكس اكثر - او فى ناس محتاجة تتعامل مع خدام ارثو او يمكن لما المنتدى يبقى مدونة ودة هيدفع ناااس كتير تدور على مواقع تانية تخدم فيها ربما يكون دة ترتيب ربنا وفى ناس تانية محتاجة خدمة خدام ارثوذكس - مين عااارف ؟؟؟

برضه ده انا فاهمه كويس ولكن كل الإختلاف فى السلبيات اللى ذكرتها وقلت إحنا منبقاش سلبيين ونقول إرادة ربنا يعنى أنا بأعترض على السلبيات فقط ولا أنتى متخيلة أنى أقدر أعترض على إرادة ربنا ؟؟

وبالنسبة لاقتباس الموضوعات من منتدانا لمنتدى تانى دة ميزعلشى لان كلمة ربنا لما بتخرج مننا بتبقى خلاص ملكة بتاعتة وهو يعمل فيها اللى هو عاوزة والمفروض اننا نفرح لو راحت مكان تااانى احنا مش بنتسابق مين افضل ومين اكبر انا لما بشوف موضوع ليا فى منتدى تانى بفرح جدا لان دة معناة انة نال اعجاب ناس تانية وهتستفيد منة وهيوصل لناس كتير ودة يسعدنى يا افندم ميزعلنيش خالص ودة دليل على النجاح

يا أختى أرجوكى تفهمى كلامى كلمة الله هى كالسراج المنير الذى من المفروض أن يوضع على المنارة مش تحت المكيال وإلا مافائدتها ولكن كل اللى قصدته أن الكل يستفيد بمعنى أن يقوم بالتسجيل والمشاركة الفعالة ولينسخ وينقل ما يشاء ولكنه يجب أن يفيد المنتدى أيضاً وأنا عمرى ما فكرت زى ما بتقولى أحنا مش بنتسابق مين أفضل ومين أكبر أنتى شايفة أنا تفكيرى كده ؟ وهى الكلمة اللى أنا قلتها بأنه زى ما المنتدى بيفيد الغير لازم أيضاً يستفاد هل ده غلط أو دى مباراة بنشوف مين الأشطر أو الأقوى ولا أنتى عاوزة تركبينى خطأ أنا لم أقترفه والسلام ؟

صدقنى انا شفت منتديات تانية وشفت طريقة المشرفين والمسئولين هدفهم مش الخدمة مع انهم بيخدموا بالفعل - بس الخدمة فى حد ذاتها مش الهدف لكنها مجرد ستارة حلوة قدام الناس متدارى وراها حاجات تانية

أنا مشترك فى منتديات أخرى عديدة ومش بأدخلها ولا متابع معاها ولا بشارك لأنى مرتاح لمنتدانا هو المنتدى الوحيد الذى راقنى جداً برئيسه ومشرفيه وأعضاءه وبكل ما فيه لأنى أحب الصراحة والوضوح مش ستارة زى ما بتقولى ولو كان ستارة مكنتش إستمريت فيه

وفكرة اننا بندور على منتدى تانى علشان لو ارثو اتقفل دة مش عيب بالعكس دة دليل على الترابط والمحبة وانا اول واحدة فكرت الفكرة دى وبعت لناس كتير اسألهم اية رايكم نتجمع فى منتدى تااانى واغلبهم وافق وقالى ياريت شوفى منتدى كويس وقوللنا علية وحضرتك كنت واحد منهم وعرضت عليا اسم منتدى معين

ومين قال انه عيب أعتقد بأنى قلت هذا الكلام فى ردى على أخونا ماريو قبل ردك هذا..

وهذا نص ما قلته بالحرف الواحد

أما بالنسبة للأعضاء الذين يبحثون عن منتدى أخر ليتجمعوا فيه نعم هذا صحيح وأنا واحد منهم ولكن قرارى الذى إتخذته هو عدم ترك منتدى أرثو إلا فى حالة الغلق التام لا قدر الله وأنا متفائل حتى الآن ولم أيأس قط .. وحتى عندما طلبت منى أحدى الأخوات فى المنتدى لأرسال رابط منتدى آخر لها أرسلت لها الرابط وقلت لها إحتفظى بهذا الرابط لحين الإحتياج إليه وهى تفهمت ذلك لكن كلماتك التالية .

وقلتى أيضاً

وانا مستينة لما نشوف ارثو هيرسى على اية لانى لاخر لحظة عندى امل

وأنا كمان لآخر يوم مش هأفقد ذلك الأمل بدليل أنى قلت لماريو

وأنا متفائل حتى الآن ولم أيأس قط .

..

على فكرة !!!
نقطة تانية معلش موضوع سحب الاعضاء لمنتدى تانى دى
انا مش مقتنعة بيها خالص نهائى كل واحد عارف مكان راحتة واستفادتة انا اتعرض عليا كتير انى اشارك فى منتديات تانية كتير صدقنى وفى اللى دخلتها بالفعل بس مش متابعة معاهم كتير وفى اللى اعتزرت عنها

عزيزتى إيمى أنت مش مقتنعة لأنك وضعتى نفسك كمثال بدليل أنك قلتى بأنك اتعرض عليكى أن تشاركى فى المنتديات ودخلتيها بالفعل وفى الآخر إعتذرتى عنها لأنك كبيرة وواعية ومدركة وتستطيعى التمييز . لكن عندما تريدى أن تحكمى جيداً على الموضوع لازم تضعى فى إعتبارك الأعمار صغيرة السن وهذا هو لب الموضوع أنا لم أكن أقصد السن الناضج بل قصدت السن الصغير

الاعضاء عارفين اية اللى يسعدهم ويريحهم
ومش فى حد بيسحب حد صدقنى الا اذا كان هو عاوز كدة وفى الحالة دى يبقى هو عندة استعداد داخلى ومش مرتاح هنا وكدة كدة هيمشى

أكرر أيضاً بأنى باتكلم على السن الصغير اللى كلمة تجيبه وكلمة توديه وليس الكبير الواعى والمدرك

أعتقد أنى رديت عليكى نقطة نقطة ولو لسة مش فاهمانى أرجو قراءة ردودى خطوة خطوة وبتأنى لأن فية نقاط كثيرة أجبرتينى على وضعها مرة أخرى دلبل على عدم قراءتك لها جيداً

حقيقى أنا تعبت الآن

ربنا يبارك حياتك

والسلام من ملك السلام

[emmmy]

استاذ شنوده حضرتك فهمتني غلط خالص خالص خالص انا لما قلت حضرتك خرجت عن الموضوع كنت أقصدك إنت بصراحه لأنك دخلت في فرعيات تانيه بعيده شويه عن الموضوع يا افندم
ولما قلت بعد إذنك يا إستاذ ايمن كنت بستأذنه للتدخل في الكلام معاكم بس مش أكثر
وصدقني حتي لو فرضنا ان الكنيسه إقتنعت بالكلام ده والأنبا موسي بصفته المشجع للشباب وافكارهم فكر يدعم المنتدي هتلاقي باقي المنتديات تقولك وإحنا كمان عاوزين ده وكده مش هنخلص بقي
بلاش ندخل الكنيسه في الموضوع ده خالص من فضلك

[شنوده جرجس]

المشاركة الأصلية كتبت بواسطة emmmy استاذ شنوده حضرتك فهمتني غلط خالص خالص خالص انا لما قلت حضرتك خرجت عن الموضوع كنت أقصدك إنت بصراحه لأنك دخلت في فرعيات تانيه بعيده شويه عن الموضوع يا افندم ولما قلت بعد إذنك يا إستاذ ايمن كنت بستأذنه للتدخل في الكلام معاكم بس مش أكثر وصدقني حتي لو فرضنا ان الكنيسه إقتنعت بالكلام ده والأنبا موسي بصفته المشجع للشباب وافكارهم فكر يدعم المنتدي هتلاقي باقي المنتديات تقولك وإحنا كمان عاوزين ده وكده مش هنخلص بقي بلاش ندخل الكنيسه في الموضوع ده خالص من فضلك

أختى أيمى سلام ونعمة كنت أفضل أن تنادينى

بكلمة أخى لأنها أفضل عندى من يافندم وحضرتك وطالما الأسلوب تغير

يبقى من هنا ورايح أخاطبك بنفس الطريقة التى إخترتيها أنت


أستاذة إيمى سيادتك يافندم قلتى

استاذ شنوده حضرتك فهمتني غلط خالص خالص خالص انا لما قلت حضرتك خرجت عن الموضوع كنت أقصدك إنت بصراحه لأنك دخلت في فرعيات تانيه بعيده شويه عن الموضوع يا افندم ولما قلت بعد إذنك يا إستاذ ايمن كنت بستأذنه للتدخل في الكلام معاكم بس مش أكثر

تمام يافندم كدة أنا فهمت قصد حضرتك وأكيد أيضاً الصورة وضحت أمام أخى أيمن لأن ممكن يكون هو بدوره فهم الموضوع زيى بالضبط لأن حضرتك بعد أن قلتى بعد إذنك يا أستاذ أيمن أتبعتيها مباشرة بالجملة إياها وكأنك كنت تخاطبى أخى أيمن .

أما عن كلمة خرجت عن الموضوع ودخلت فى فرعيات

حضرتك يافندم أنا لم أخرج عن الموضوع سوى فى كلامى عن الآباء الكهنه والكلام ده كان قصدى أوجهه أساساً لأخونا رويس وهذا خطأ أعترف به يافندم لأنه كان من المفروض أن أرد على رويس برد منفصل . هذه واحدة من الفرعيات اللى سيادتك يافندم ذكرتيها وأنا بكل أمانة إعترفت بخطأى فيها . كل ما أريده من حضرتك أن تذكرينى بباقى الفرعيات التى خرجت بها عن الموضوع .

أما عن مساعدة الأنبا موسى ... بقى ده كلام .. ويبقى الأنبا موسى زى ماحضرتك تفضلتى وقلتى ما معناه بأنه يراعى كل المنتديات المسيحية فى مصر ... أنا لم أذكر الأنبا موسى بتاتاً ولاحتى جه فى بالى .

بلاش ندخل الكنيسه في الموضوع ده خالص من فضلك

صدقينى أنا من إمبارح كنت تعبان جداً بالليل وفى نفس الوقت عمال أحاسب نفسى
فعلاً ياريت بلاش نجيب سيرة الكنيسة خالص

شكراً يافندم لسعة صدر سعادتك

[emmmy]

العفو يا إستاذ شنوده اقولك أخي إزاي في بنت تقول لأبوها يا أخي حضرتك مقامك كبير جدآ وانا لما إتكلمت بالإسلوب ده كان علشان حاسه بمكانتك صدقني مش قصدي تغيير طريقه ولأ حاجه
تعرف إن في ناس قالتلي قبل كده دمك تقيل جدآ وإنتي بتتكلمي برسميات ههههههههه سبحان الله ، خلاص بلاش افدم وحضرتك حاضر نخليها بساطه وتلقائيه
ولو كنت رديت علي رويس رد مستقل كنت هدخل بمحبه في المناقشه معاكم بردوا واقول نفس الكلام لأني واثقه من محبتكم كلكم وإتساع صدركم‎
وبالنسبه لما فهمت إني اقصد استاذ ايمن من الكلام فأنت معاك حق لأن انا فعلآ شبكبت الكلام في بعض دي غلطتي وبعتذز عنها
علي فكره !!
انا لما ذكرت الأنبا موسي كان علشان هو اللي سلم هديه التشجيع لابونا والمشرفين يبقي سيدنا مقدر العمل ونجاحه ومقدر تفكير الشباب يا صديقي بس بردوا فكره ان الكنيسه تدعم المنتدي صعبه جدآ
حاجه أخيره بقي في غلطه املائيه إنت بتقع فيها دايمآ انا مش ريم أنا تؤام ريم ، هتفضل تتلغبط كده كتير ههههههه
ولو اني مش بعتبرها غلطه لكن بعتبرها كتير عليا اكون ريم