تذكرنــي
التسجيل التعليمـــات التقويم البحث مشاركات اليوم اجعل كافة الأقسام مقروءة
يمكنك البحث فى الموقع للوصول السريع لما تريد



حوار من الاعماق

منتدى مفتوح للحوار مع الزوار والاعضاء فى كل شيء دون تسجيل بالموقع حتى لا يكون به اى احراج لاى شخص ودون التعرف على شخصيته اتكلم من القلب وخرج كل ما بداخلك † من غير ما تقول انت مين هاكون معاك امين †


مشاهدة صفحة طباعة الموضوع مشاهدة صفحة طباعة الموضوع أرسل هذا الموضوع إلى صديق أرسل هذا الموضوع إلى صديق


عاوزة رايكم

سلام ونعمة انا اول مرة اشارك فى قسم ذى دة بخصوص الفضفضة وكنت كتير بتردد اكتب او احكى بس اللى شجعنى فعلا انى اكتب هى ارائكم وارشاداتكم وخاصة اراء استاذ

اضافة رد

 
أدوات الموضوع تقييم الموضوع انواع عرض الموضوع

رقم المشاركة : ( 1 )
بنت دميانة
Guest
 
رقم العضوية :
تاريخ التسجيل :
مكان الإقامة :
عدد المشاركات : n/a
عدد النقاط :
قوة التقييم :
افتراضي عاوزة رايكم

كُتب : [ 02-01-2012 - 11:12 PM ]


سلام ونعمة
انا اول مرة اشارك فى قسم ذى دة بخصوص الفضفضة وكنت كتير بتردد اكتب او احكى بس اللى شجعنى فعلا انى اكتب هى ارائكم وارشاداتكم وخاصة اراء استاذ ايمن

معلش سامحونى فى الاطالة عليكم فى الحكاية دى ومعلش محتاجة رايكم

اولا انا لما دخلت الخدمة جديد كنت متحمسة جدا جدا انى اشتغل وكان فية خادم معايا فى الخدمة ومنت حاسة انى مراقبة من نظراتة وكلامة فى كل شى اعملوا ولو كان فية طفل ضايقنى او هازعق فبة بيتولى هو المسئولية فحسيت ان فية حد متابعنى وقولت يمكن دة مع كل الخادمات وقولت عادى ولدرجة انى بقيت اتكسف اشرح قدامة ومعرفش لية
المهم عرفت فى مرة انة على علاقة بخادمة وانا فى الفترة دى مكنشى هاممنى بس لقبت نفسى بحب اتابع تحركاتة وعاوزة اعرف اية حكايتة معاها وبيعملوا اية وتصرفاتة ولدرجة انى كنت بحس بضيق وهو واقف معاها
وبعدين اتطورت الحاكية معايا واخد الايميل وكنا بنتكلم عادى جدا بس شوية شوية حست ان فية حاجة غريبة من ناحيتة ليا وانا بصراحة كنت بفرح بس مكنتش ببين دة او يمكن كان باين عليا فى تصرفاتى يمكن
المهم بحكى لابونا واقنعنى انى الغى الايميل ومليش دعوة بالشخص دة وهى دى اسطوانتة ومش اول مرة يقول كلام حلو لبنت وحكايات كدة عنة وانا فعلا نفذت الحاكية دى وحذفت الايميل
وفى الوقت اللى قررت فية انى اخلى تعاملى معاة خدام ةبس قبل ما اعمل اى حاجة لقيتة هو كمان بيعاملنى مرة واحدة وبدون مقدمات بنفس اللى الطريقة الل كنت هاكلمة بيها واستغربت جدا لان فجاة اتغيرت المعاملة
انا تعبت جدا جدا فى الفترة دى وبطلت اروح الخدمة مدة ولكن رجعت تانى لان الاطفال بحب اتعامل معاهم جدا

حاليا انا قلقانة لان كل شوية برجع وافكر فى الايام دى وبتمنى انى اشوف ابتسامة منوا من ايام زمان والفكر فية بين كل حين وحين بيجينى وكان فية واحد طلبنى للجواز وانا مكنتش بفكر فية غير اخ وبس لكن لما كنت افكر فى الانسان اللى عاوزاة كنت بفكر فى الخادم دة وعلشان كدة رفضت العريس لانى عاوزاة زى الخادم
واللى عجبنى فية شكلة ونشاطة فى الخدمة وكلامة وتعليقاتة على لبسى ومكياجى والاهتمام بيا

وخايفة من اختيار جوزى والحكاية دى تاثر على اختيارى


ثانيا انا عندى اخت اصغر منى واحلى منى فى الشكل لكن شخصية انا معجبة بشخصيتى كدة المهم ان ادام اختى احلى من واصغر منى يبق اكيد .....العرسان عليها هى مش انا ودى مسببالى صيق نفسى وحاسة انى عقبة قدامها وكمان تعليقات الاهل وخاصة من الناس اللى بتحبك بتزعلنى قوى لما تيجى ام وتقول هاتى زى لبس اختك الاصغر لانة احلى وانا لبسى بكون مقتنعة بية وشيك وحلو وعاجبنى بس مش عاجب البيت فلما اعترض بتكون خناقة ولما تتعود من صغرك ان اللبس الضيق والقصير غلط والمكياج الزايد غلط وفجاة كل دة يبقى متاح ليك لان مفيش حد بييجى غير لاختك الصغيرة تبقى مش عارف تعمل اية
تعمل اللى انت اتربيت واتعودت واخت التعليم دة من الصغر ولا تعمل اللى بقى الاهل عاوزينة
وفى مرة جالى عريسين كل مرة لازم انزل متشيكة والميكب مية مية ولازم لازم البس كعب علشان بس اعجب العريس مش هو اللى يعجبنى وخاصة لو العريس اول مرة يشوفنى وكانى عرض ازياء وفى الاخر ميرجعشى تانى لانة جاى على السيرة مشفنيش ولما شافنى معجبتوش فعلشان كدة بقى القصير والضيق والمكياج متاح اعمل اية فى احساسى انى غير مقبولة

ثالثا ومعلش للاطالة
من وانا فى اعدادى نفسى يكونلى اخ كبير يخاف عليا واحكى معاة على كل حاجة ويعاقبنى على اى شى غلط ودى اهم نقطة عاوزة اوصلهالكم انوا يعاقبنى على اى شى غلط
انا من طبعتى مش شقية ومش بعمل غلط كبير بس نفسى يكونلى اخ احكى معاة ويعاقبنى
وبتفرج على الافلام المسلسلات علشان اشوف اللقطة اللى فيها ولد بيزعق فى بنت او بيضربها وبنفذ الحوار اللى حصل فى اللقطة دى فى خيالى مع ناس من اللى حواليا بس فى خيالى وبصراحة لما اسرح واتخيل بحس بلذة وبحس انى مرتاحة
الاحساس دة فاضل معايا لغاية الان وانا فى الكلية ومش عارفة اخرتة اية معايا
ويمكن الرغبة اللى جوايا دى هى سبب فى انى بحب اتعامل مع الاولاد اكتر من البنات وعاوزة اعرف لية بحب الاحساس دة ولية انا مرتاحة وانا بفكر واتخيل كدة وسالت نفسى كتير ولاقية اجابة

فساعدونى ارجوكم فى المشاكل دى
مستنية ردودكم



رد مع إقتباس
Sponsored Links
بياناتي
 رقم المشاركة : ( 2 )
emmmy
ارثوذكسي ذهبي
رقم العضوية : 49304
تاريخ التسجيل : Feb 2009
مكان الإقامة :
عدد المشاركات : 7,158
عدد النقاط : 31

emmmy غير متواجد حالياً

افتراضي رد: عاوزة رايكم

كُتب : [ 02-08-2012 - 07:17 PM ]


حبيبتى دميانة ...
انتى بنت جميلة اوى عارفة لية !!
عشان انتى صادقة مع نفسك وعاوزة تغريها للأحسن
وعشان كدة هتنجحى فى دة صدقينى
بصى يا حبيبتى انتى بتقولى انك طالبة جماعية ودة معناة ان سنك فى حدود 20 سنة مثلا او تقريبا
يعنى مشاعرك مرفهة يا دميانة مشاعر شفافة رقيقة سهل انك تتأثر بسرعة من كل حاجة
ولو ان بصراحة المشاعر ملهاش علاقة بالسن طبعا بيبقوا كبار وبيحبوا وبيتحبوا ودة طبيعى جدا
انا كل قصدى بس انك وصلتى لمرحلة تقدرى فيها تقيمى الامور تقدرى ترفضى شئ انتى شايفة انة مش مناسب ليكى تقدرى تعملى اللى انتى عاوزاة من جواكى
احنا واحنا صغيرين كانوا اهالينا اللى بيطبعونا ويرسمونا
لكن لما بنكبر بنكون شخصيتنا بنفسنا بحسب رغبتنا احنا لاننا بنكون ملكنا الارادة
عاوزة اقولك ان الخدمة مش وقت جميل بنقضية مع بعض مفيش مانع طبعا من المشاركة والاحترام بس لو انتى وانتى خارجة من بيتك فى نيتك فعلا رايحة الخدمة حب فى الخدمة وبس والخدمة هى الهدف حقيقى مش هيبقى في فرصة لحاجة تانى تشغلك لو انتى صادقة مع نفسك فى انك رايحة للخدمة مش لأى سبب تانى مفيش حاجة هتأثر فيكى ولا خادم وسيم ونشيط وجذاب ولا اعجاب الناس بيكى ولا حاجة خالص لانك مركزة على هدف تاااانى خالص اكبر واعمق وانقى من كل دة
بالنسبة لاختك وموقف اهلك من لبسك
مع احترامى لاهلك خليكى زى ما انتى واوعى تكونى غير دميانة متكونيش غير نفسك وبس واذا كانت اختك اجمل منك شكلا فدة هى ملهاش فضل فية نهائى ولا عملتة ولا تملك فية شئ الجمال السطحى والمؤقت دة
انا الناس تكافئنى وتحبنى وتحترمنى على شئ انا اللى عملتة وتعبت فية بنعمة ربنا طبعا ومساندتة زى تعليمى وزى الخير اللى بقدمة للناس وزى استخدام مواهبى ووزاناتى لمجد اسم يسوع وزى احترامى لمشاعر الاخرين وحبهم وخدمتهم وهكذا
والعرسان هتيجى هتيجى متقلقيش بس لسة ربنا مأردتش
ثم الشخص اللى انتى حاسة انة بيرفضك علشان جمالك محدودمن وجهة نظرك دة ميستهلش انك تزعلى عشانة صدقينى لان دة معناة انة انسان تفكيرة سطحى ومش هيحترمك ويحبك ويكون حنون عليكى كشخص وكيان ولكن لمجرد الجمال الجسدى الوقتى اللى اللة اعلم لو راح هيحصل اية ؟؟
يا دميانة مش دى موصفات الراجل اللى بتتمناها اى بنت عاقلة البن عاوزة انسان فاهم الجمال الحقيقى جمال الروح والعقل

وبالنسبة لموضوع انك كان نفسك يبقى ليكى اخ اعتقد دى مشاعر طبيعية ولو كان ليكى اخ وملكيش اخت كنتى هتقولى نفس الكلام بردوا
حاولى تشغلى نفسك يا دميانة بحاجة تفيدك وتنميكى وتديكى ثقة فى نفسك وفى مواهبك وفى جمالك الداخلى وانتى هتلاقى انك محبوبة من الكل بس الاول تحبى انتى دميانة وتقبليها زى ما هى ومتقارنيش بينها وبين حد خالص نهائى


رد مع إقتباس
بياناتي
 رقم المشاركة : ( 3 )
mrmr soker
Guest
رقم العضوية :
تاريخ التسجيل :
مكان الإقامة :
عدد المشاركات : n/a
عدد النقاط :

افتراضي رد: عاوزة رايكم

كُتب : [ 02-10-2012 - 12:50 PM ]


طيب فى مشكلة تانية بتواجه كل البنات ازاى اقبل عريس واية تكون مواصفاتة ولو معرفوش اتكلم معاة ازاى وازاى اعرف انة حد كويسس واية الاسئلة اللى ممكن تعرفنى تفكيرة ودماغة
وفى نفس الوقت بردو افرض لما سالتة بيتكلم حلو وعجبتنى دماغة خايفة يكون كلامنجى وخلاص ينى كلام وبس مجرد كلام
ياريت تفيدونا


رد مع إقتباس
بياناتي
 رقم المشاركة : ( 4 )
emmmy
ارثوذكسي ذهبي
رقم العضوية : 49304
تاريخ التسجيل : Feb 2009
مكان الإقامة :
عدد المشاركات : 7,158
عدد النقاط : 31

emmmy غير متواجد حالياً

افتراضي رد: عاوزة رايكم

كُتب : [ 02-23-2012 - 03:37 PM ]


انتى عندك كام سنة يا مرمر ؟؟؟


رد مع إقتباس
بياناتي
 رقم المشاركة : ( 5 )
princess 22
ارثوذكسي متقدم
رقم العضوية : 40945
تاريخ التسجيل : Nov 2008
مكان الإقامة :
عدد المشاركات : 215
عدد النقاط : 11

princess 22 غير متواجد حالياً

افتراضي رد: عاوزة رايكم

كُتب : [ 04-30-2012 - 07:19 PM ]


بخصوص العرسان اللى بيتقدموا لاختك اكتر منك
عايزة اقولك احمدى ربنا قوووووووووووي عارفة لية علشان لما يتقدملك حد انت هتكونى متاكدة قوي ان الشخص دة جايلك مش علشان جسمك ولا شكلك وبيهمل الباقى عارفة حاجة جارحة قوي تكسر اى بنت انها تحس ان الشخص معجب بيها علشان هى حلوة طب افرض تخنت بعد الجواز؟ مش هيقبلها وممكن يكرها!!! لكن اللى يختارك على اساس مواصفاتك ده بجد اللى تتشرفى بيه لانة جة عشانك انت مش علشان شكلك


وبخصوص اللى اتقدموا ومجوش تانى اولا هما مجوش عشان التكلف الكعب واللبس والميكب الواحد لما بيدخل بيت حد يتعرف على بنت بيكون اكتر حاجة خايف منها انة يتخدع والفول ميكب والحنتفة الزيادة بتحسس اللى جاى ان دة مش الطبيعي بتاع البنت فجواة كدة فى عقلة الباطن بيخاف لحسن يتخدع
عارفة انت محتاجة اية بجد؟؟؟


رد مع إقتباس
بياناتي
 رقم المشاركة : ( 6 )
princess 22
ارثوذكسي متقدم
رقم العضوية : 40945
تاريخ التسجيل : Nov 2008
مكان الإقامة :
عدد المشاركات : 215
عدد النقاط : 11

princess 22 غير متواجد حالياً

افتراضي رد: عاوزة رايكم

كُتب : [ 04-30-2012 - 07:28 PM ]


انتى محتاجة تقبلى نفسك من جواكى ومش تقارنى نفسك بحد حتى لو اختك
عارفة لية تقبلى نفسك علشان انت فعلا بنت جميلة هتقولى لى ازاى عرفتى ؟ اوولا فهمك لنفسك واللى جواكى وقدرتك على التعبير عنة دة يدل على انك بنت تفكيرها عميييييييييييييق جدا جدا جدا جدا وشخصيتك صريحة وعميقة لابعد الحدود وعاقلة جدااااااااا جدااااااااااااااا ودماغك عالية على فكرة
تعرفى انى بجد قلبى اتفتحتلك علشان شوفت نفسي فيكي؟؟ انا نفسي نكون اصحاب لو تقبلي (دة بعيد عن الرد يعنى )
محتاجة كمان انك مش تقارنى نفسك بحد اهلك واختك والى حواليكي بصفو نية عايزينك تبقى كربونة من اختك لانها هى البيرفكت صح هى الحلوة الشقية الامورة الملكان بس عارفة انت محتاجة تقعدى مع نفسك وتاخدى قرار انك هتبقى انت هتبقى شخصيتك هتبقى ستايل لبسك هتبقى كل حاجة فىدماغك زي مانتى شايفاها صح مش زي ما هما شايفنها للاسف انت مشتتة بين انك تبقى زي اختك وبين شخصيتك الحقيقة ومش هتعرفى.. م هتعرفى تبقى حد تانى غيرك مهما حاولوا يلبسوكى زيها انت بشخصيتك وطريقتك وستايلك كدة كلك على بعضك تركيبة مع بعض حلوة قوي لو حاولتى تغيري فيها عشان تبقى زي حد تانى اللى هيحصل انك مش هتبقى زي اختك هتبقى اوحش لان دة مش انتى لما تكونى على طبيعتك حتى لو مختلفة تماما الاختلاف عن اختك هتبقى بردك ليكي لونك وطبيعتك وشخصيتك اللى حتى لو مختلفة بس لايقة عليكي
اسمحيلي اوضحلك بمثال
لو مثلا اختك لبسها كلة باديهات وستيالها شبابي قوووي حظاظات بقى وكيرلي وكعب وكدة
وانت طبيعتك رقيقة او شقية بس ملكيش فى الاستيال دةلو حاولتى تبقى زي اختك اللى يحصل انك هتفقدى طبيعتك وبصمتك وشخصيتك وهتبقى لابسة حد تانى بزوق حد تانى وكان انت مش انت كان برة حاجة وجوة حاجة تانى خالص صح؟؟؟


رد مع إقتباس
بياناتي
 رقم المشاركة : ( 7 )
princess 22
ارثوذكسي متقدم
رقم العضوية : 40945
تاريخ التسجيل : Nov 2008
مكان الإقامة :
عدد المشاركات : 215
عدد النقاط : 11

princess 22 غير متواجد حالياً

افتراضي رد: عاوزة رايكم

كُتب : [ 04-30-2012 - 07:31 PM ]


بقولك اية فية موقع لجويس ماير فية وعظات وكتب حلوة قوووي قووي عن الشعور بالرفض والثقة بالنفس وكدة حلوة قووي اعملى بحث على جوجل ولو قبلتى انك تبقى صاحبتى يبقى ياريت ابعتلي على الخاص هستنى منك رسالة


رد مع إقتباس
بياناتي
 رقم المشاركة : ( 8 )
sadjohn
ربنا يعينه
رقم العضوية : 46559
تاريخ التسجيل : Jan 2009
مكان الإقامة :
عدد المشاركات : 123
عدد النقاط : 10

sadjohn غير متواجد حالياً

رد: عاوزة رايكم

كُتب : [ 05-03-2012 - 05:27 PM ]


انا بقي هيكون ردي مختلف

مش هجاوب علي المشاكل خالص
ولا هسأل
لكن هقول حاجة واحدة ممكن تكون فكاهة
بس حاجة اتذكرت في الموضوع
و محدش اتكلم عنها

ان هي عايزة اخ او حد كبير يزعق فيها و يخاف عليها


بس كدا انت عاوزة حد يبقي متسلط
انصحك بلاش تقولي لاي حد النقطة دي
و خصوصا لما تتخطبي
عشان ميعتبرش ان شخصيتك ضعيفة

لان بصراحة لو قلتيها هيعتبروا ان شخصيتك ضعيفة
و كتير ناس بتحب تتسلط(ديكتاتورية)


اما لو عايزة حد يزعق معاكي
عادي كلنا فالمنتدي هنا موجودين

بصراحة الزعيق دا سهل جدا
لكن مش هو الطريقة الوحيدة اللي بتبين ان الشخص دا خايف عليكي

لان النصيحة و الارشاد افضل كتييير

علي فكرة لو زعقنا فيكي هتزعلي

رد مع إقتباس

اضافة رد

مواقع النشر (المفضلة)

الكلمات الدلالية (Tags)
رايكم, عاوزة

أدوات الموضوع
انواع عرض الموضوع تقييم هذا الموضوع
تقييم هذا الموضوع:

تعليمات المشاركة
تستطيع إضافة مواضيع جديدة
تستطيع الرد على المواضيع
لا تستطيع إرفاق ملفات
تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
حنونة ومعينة ياام النور.. عاوزة رايكم Yashaf3ty تصميمات الأعضاء 9 11-15-2009 11:03 PM
امى ايرينى يا محلاكى,, عاوزة رايكم Yashaf3ty تصميمات الأعضاء 9 11-04-2009 01:22 PM
بحبك ياسيدنا البابا ,, عاوزة رايكم Yashaf3ty تصميمات الأعضاء 6 08-08-2009 01:03 AM
عاوزة رايكم جدااا,, سيمبل Yashaf3ty تصميمات الأعضاء 10 04-16-2009 01:07 PM
تصميم سيمبل متحرك عاوزة رايكم Yashaf3ty تصميمات الأعضاء 12 03-20-2009 12:59 AM

Rss  Rss 2.0 Html  Xml Sitemap SiteMap Info-SiteMap Map Tags Forums Map Site Map


الساعة الآن 03:54 PM.