[Narmar]

† سلام يسوع معاكم †


منذ فترة وليس ببعيدة
كانت أفضل منتديات تحب ان تتصفحها هي المنتديات القبطية المسيحية

في خالص رونقها وجمال مواضيعها

في كل المجالات

اذ كان روحانية
موسيقي
برامج
موبايل
ترفيه
وغيرها .
وكان الجميع يدخلونها بحب ومحبة لهذة المواقع
وكان اعداد من الزوار كبيرة جدا تستفاد من هذة المواقع
وتحقق الهدف الاسمي من خدمتها

ولكن ...

اين ذهب هذا الجمال
اين ذهب الجمال الروحي
اين ذهب الجمال الموسيقي
اين ذهبت روح المحبة
اين ذهب الزوار المستفيدون من خدمتنا


انا عاوز كل واحد فيكم يقولي وجهه نظرة
واية السبب
للتأخر اللي لحق بكل المواقع القبطية بلا استثناء في الترتيب اذا كان ترتيب عالمي
او الترتيب من ناحية الأهمية بالنسبة للناس
وبهتان المواضيع
وغيرها

أقولكم الجواب من وجهه نظري البسيطة
واتمني التفاعل والمشاركة وكل واحد يقول رأية من فضلكم ...


1- الاعضاء نفسهم في حالة ملل بسبب المواضيع الموجودة فهي موجودة في المواقع القبطية وغير القبطية
2- كثرة الموضوعات المنقولة من المواقع الاخري دون حفظ الحقوق للكاتب ومع التناسي بأننا نكتب او ننقل الموضوع في موقع مسيحي يقدم رساله المسيح وليس اسلوب السرقة من الاخر حقوقة ولا تكفي كلمة منقول لحفظ حقوق الاخر فرأيت على سبيل المثال لا الحصر : في الكثير من المواقع مواضيع لأستاذنا أيمن منقولة من هنا او من موقع اخر هو مشترك فية ومنقولة نصياً دون ذكر أدني حقوق او احترام الأخرين .
3- بعض الناس يعتادون على كتابة المواضيع لأجل الشهرة فقط ! وليس غير ذلك . وتتضح جدا من سمات مواضيعهم
4- البعد عن الهدف الأساسي لرساله المنتديات المسيحية وهو رساله الحب والسلام والنشر المعرفة في كل المجالات وبدأنا في الاهتمام بالألعاب وغيرها انا لا أنكر ان الألعاب مهمة كنوع من أنواع الترفية الالكتروني ولكن ليس بهذة الطريقة . لدرجة لو دخلنا أي منتدي مسيحي هنلاقي ان اكثر المشاهدات هي 85 % تقريبا لللألعاب و الردود اغلبها ضائعة للألعاب
5- سطوع شئ جديد على السطح الالكتروني وهو المنتديات المجانية. وهي للأسف الكبير تشد الأعضاء والزوار اليها بشكل غير طبيعي انا لا اقول انها خطا عملها لكن الخطأ في محتواها لأن للأسف محتواها 99 % منه منقول من المواقع الاخري وليس من كتابة صاحبها وذلك بهدف رفع اسم الموقع وشهرتة ( في المشمش طالما فري طبعاً ) ودة بيأدي لتعليم السرقة بطريقة تانية لللأعضاء سرقة الموضوعات انا اسف لهذة التسمية لكن احباببي بجد عدم حفظ الحقوق لأصحابها يعتبر سرقة لفكرة وبعدين اللي بينقل اي موضوع بينقلة بفكر معين
فعلى سبيل المثال : كلنا نعرف ان الشخصيات مختلفة في كل شئ حتي طريقة الكتابة فمثلا اذا انا كنارمر كتبت موضوع ونقلة عضو واستاذي ايمن كتب موضوع نقلة نفس العضو وهيما كتب موضوع ونقلة نفس العضو
لو انا جيت كقارئ واعي اقرأ اي موضوع للشخص سوف اكتشف انه متغير الاسلوب وانه شخص مشوش مما يؤدي الي هروبي كزائر من هذا الموقع المشوش الأفكار .
واخرون ينشأون مواقع بدون أهداف لغرض المراكز الادارية كشئ جديد علية ومتناسيين هدف المنتدي الأساسي
6- السلبية السائدة في الفترة الأخيرة : كم مرة منكم او غيركم دخل موضوع وقرأ كلمة شكراً أو ربنا يخليك ربنا يباركك اي كلمة رد سلبية ليس لها معني في موضوع نقاشي كبير والكثير لا يقرأ بهدف زيادة عدد المشاركات وانا متأكد أن الكثير سيقرأ الموضوع ويرد بشكرا وعندك حق وهو بناء على رد الى قبلة ولكنه في الحقيقة لم يقرأ الموضوع
7- قلة الايجابيين في المنتديات المسيحية : من أسمي أهداف المنتديات ومن اللفظ ذاته لفظ المنتدي انه يجب ان يكون حواري لازم الناس تتناقش وتشوف الفكر وتشوف فكر الاخر وتحترمة لكي نصل بالفكر السليم مثال لا احد يتكلم في موضوع عن التناول من وجهه نظرة ويتسائل لماذا نفعل هكذا ولا يجب ان نفعلة بطريقة اخري انا افضل في هذة الحالة النقاش وليس التوبيخ والتريقة واسلوب الاستهترار برأي الاخر
فلازم كلنا نعرف اننا كلنا افكارنا مختلفة ولازم نحترم بعض لان انت لو مش احترمت اللى قدامك وفكرة فلا تنتظر منه احترام .
8- المواضيع الكاذبة والأشاعات الكثيرة ومنها ما يكون لغرض المواضيع المثيرة ليكسب شعبية او يكون شخص عندة حب التشهير فنجد الكثير من المواضيع عن المعجزات اللتي لم تحدث من الأساس ومعجزات نقرأها غريبة جدا وليس لها اي اساس من الصحة وقد يتفق معي البعض أو يختلف ويقول انه لا شئ صعب على الله فأنا لا اقول هذا انه صعب لكني أقول اقرا بنفسك المعجزة وشوف انت هتقتنع ولا لا يعني مثال قرأتة في منتدي أخر ان احد الأشخاص طلب مارجرجس فتأخر علية فطلب الشهيد ابو سيفين وجاءة ولبي طلبة اما سألة عن الشهيد مارجرجس فرد قائلاً حصان الشهيد مارجرجس متعور فمش كان فاضي يجي
بذمتكم هل دة كلام يعقل ؟
هل في السما الكلام دة ؟
لية فقدنا مصدقيتنا
لية فقدنا رونقنا
لية فقدنا محتوانا المفيد


انا ليا كلام كتير اوي اوي وجوايا كلام كتير اوي بس مش عاوز اطول أكتر من كدة ...

وفي الاخر الخاسر

كلنااااااا بلا استثناء
هنخسر المواضيع المفيدة
هنشوش في الفكر
حاجات كتير سلبية

عاوز رأيكم كلكم عن سبب التأخر .

ربنا معاكم ,
سلام ونعمة ربنا يسوع تكون معاكم كلكم في محبة أبدية
باي
Narmar

المصدر: †† ارثوذكس †† - من قسم: المنتدى العام

[Team Work®]

بصراحة عندك حق فى كل اللى بتقولوا ولو شوفنا هنلاقى ان اكبر المواقع بتعتمد على الحصريات وانا مش بتكلم عن المواقع المسيحية لا انا بتكلم على المواقع الكبيرة عمتا وكلوا عارفها وبيدخل عليها

والحصريات بتاعتها مش افلام ولا اغانى ولا شرايط بس

لالالا خالص الحصريات بتاعتها فى الكتب والمواضيع والقصص الجميلة الثقافية التى تفيد الانسان بجد انا اتمنى ان يكون فى كددة فى المنتدى عندنا

انا عارف ان كل واحد هايقول ما انت بتدخل تقول ربنا يفرح قلبك وتجري هاقولكم انا بكون نفسي بج اكتب كتير لكن مش بقدر لانى براجع عشرات المواضيع فى وقت قليل جدا فا لو رديت رد كبير على كل واحد يبقى مش هاعرف اخلص

فا بكتفى انى برد على الموضوع وبقدر اللى كاتبوا فى كتير غيري عندوا وقت حلو يبقى من الممكن يتناقش حلو قوى

وبقى فى اقسام مفتوحة للمناقشة رغم ان فيها 4 مواضيع فقط لكن بجد حسيت بروح المشاركة وهو قسم من الاعماق

ارجو منكم ان الكل يساعد فى بناء الخدمة وتكبر اكبر واكبر ونساعد على نشر كلمة ربنا ويعطيكم نعمة وبركة امين

ولو فى افكار قولوا ولو عاوزين المنتدى يكون موقع فقط وليس منتدى قولوا حتى لا احد يكتب مشكور وربنا معاكم

[ملكه الاحزان]

كله بيدخل في كله دلوقتي الديني مع الغير ديني
مرسي علي الموضوع الحلو ربنا يبركك

[bolalover]

انا قريت الموضوع كله يا نارمر
و بجد في حاجات كتير ممكن تتقال
و من ان الناس بقت تدور علي المجال الترفيهي اكتر من المجال الديني و الروحاني
و حتي الناس الي بتقود المجال الديني زي الترانيم الافلام الدينية و الموضوعات الدينية و الروحنية و التاملات مبقوش مهتمين زي الاول و مبقاش في نشاط عندهم زي الاول
لازم نهضة كبيرة يا نارمر و نهضة شاملة و الكل يبقا عنده احساس الخسارة علشان يقدر يعمل علي المزيد و زيادة العمل دلاخل المنتديات الدينية و ترجع زي زمان و لازم كلنا نبقا فكر واحد و ايد واحدة و الاهم هي الروح
الروح من جوانا اننا نكون عاوزين نرجع زي زمان و يبقا في نشاط في جميع اقسام المنتدي و اولها الديني قبل الترفيهي

[aymonded]

بصراحة يا أروع غالي ؛ المشكلة الحقيقية هي روح الكسل والتراخي في التفاعل عند البعض ، وللأسف منتدايات كثيرة لا تأتي بما هو جديد أو مفيد ، بل وأحياناً كثيرة ، تأتي بهرطقات ، يا أما قديمة أو جديدة مستحدثة ، عن دون قصد أو وعي لعدة أسباب :
يا أما عن عدم دراية تامة بكل الأمور الروحية واللاهوتية السليمة
يا أما بلا وعي بنقل الموضوعات بلا فحص دون تصحيح ما فيها من أخطاء !!!
يا أما بسبب أن البعض يظن انه له دراية تامة بكل التعليم الذي يدركه ويعرفه بالتمام دون أن يصغي أو يحاول أن يفحص ما يقول في ضوء كلمة الله والتعليم الآبائي السليم !!!
يا أما الأخطاء في عدم اختيار اللفظ المناسب !!! ، واختيار ألفاظ تعطي معنى آخر تماماً غير المقصود وتؤدي لفهم مغاير للمقصود ...

وأيضاً ما يقضي على المنتديات أنها بلا هدف واضح عند من يمسكها من إداريين وأحياناً - طبعاً - عند مشتركيها ، لأنهم بيحاولوا يضيعوا وقت دون إفادة حقيقية أو قراءة الموضوعات بتمعن وتدقيق !!!

عموماً الأسباب كثيرة وبعضها محزن جداً ، ولكن نشكر الله أنه يوجد أيضاً منتديات في منتهى الروعة ، تعمل بقوة ولا زالت لها هدف واضح وتستمر وتعطي كل ما هو جديد ...

عموماً صعب نغطي جميع النقاط في منقشة واحدة أو رد واحد لأن الموضوع له ابعاد كثيرة جداً ، منها ما هو فكري ، وروحي ، ولا هوتي ، ونفسي ، واجتماعي ...

أقبل مني كل تقدير بمحبة ، يا محبوب ربنا يسوع ، النعمة معك

[Narmar]

انا سعيد اوي بردك يا هيما الجميل اوي دة

بصراحة عندك حق فى كل اللى بتقولوا ولو شوفنا هنلاقى ان اكبر المواقع بتعتمد على الحصريات وانا مش بتكلم عن المواقع المسيحية لا انا بتكلم على المواقع الكبيرة عمتا وكلوا عارفها وبيدخل عليها والحصريات بتاعتها مش افلام ولا اغانى ولا شرايط بس لالالا خالص الحصريات بتاعتها فى الكتب والمواضيع والقصص الجميلة الثقافية التى تفيد الانسان بجد انا اتمنى ان يكون فى كددة فى المنتدى عندنا

اكيد طبعا دة شئ اساسي
الحصريات مش مالتي ميديا بس

انا عارف ان كل واحد هايقول ما انت بتدخل تقول ربنا يفرح قلبك وتجري هاقولكم انا بكون نفسي بج اكتب كتير لكن مش بقدر لانى براجع عشرات المواضيع فى وقت قليل جدا فا لو رديت رد كبير على كل واحد يبقى مش هاعرف اخلص فا بكتفى انى برد على الموضوع وبقدر اللى كاتبوا فى كتير غيري عندوا وقت حلو يبقى من الممكن يتناقش حلو قوى

يا هيما انت كتر خيرك اصلا كفاية عليك تعب الادارة

وبقى فى اقسام مفتوحة للمناقشة رغم ان فيها 4 مواضيع فقط لكن بجد حسيت بروح المشاركة وهو قسم من الاعماق ارجو منكم ان الكل يساعد فى بناء الخدمة وتكبر اكبر واكبر ونساعد على نشر كلمة ربنا ويعطيكم نعمة وبركة امين ولو فى افكار قولوا ولو عاوزين المنتدى يكون موقع فقط وليس منتدى قولوا حتى لا احد يكتب مشكور وربنا معاكم

قسم رائع بجد وربنا يبارك في خدمتك وفكرتة جميلة اوي
ويارب كل الاقسام تبقي كدة
ومستني باقي الاعضاء
شكرا ليك يا هيما

[Narmar]

المشاركة الأصلية كتبت بواسطة ملكه الاحزان كله بيدخل في كله دلوقتي الديني مع الغير ديني مرسي علي الموضوع الحلو ربنا يبركك

شكرا لرأيك ومرورك

[Narmar]

انا قريت الموضوع كله يا نارمر و بجد في حاجات كتير ممكن تتقال

شكرا ليك يا بولا منور الموضوع .

و من ان الناس بقت تدور علي المجال الترفيهي اكتر من المجال الديني و الروحاني

المشكلة مش في كدة بس يا بولا
المشكلة كمان
ان المجال الترفيهي كمان باظ
بقي سلبي جدا في الردود والمواضيع
يعني مثلا لو دخلت حتي الألعاب ابسط شئ مش هتلاقيها زي زمان
هتلاقي كلالالعاب تقريبا شبة بعض وكله عد 123 والكلام دة وتدخل تعد تعد وواحد يختار او يعمل مش عارف اية
ودة نوع من أنواع الركاكة وسلبية التفكير وسلبية مننا اننا نشارك في حاجات زي كدة لية منجبش الجديد حتي في الألعاب لية منبتكرش

و حتي الناس الي بتقود المجال الديني زي الترانيم الافلام الدينية و الموضوعات الدينية و الروحنية و التاملات مبقوش مهتمين زي الاول و مبقاش في نشاط عندهم زي الاول

حقيقي عندك حق ودي فعلا من أهم الاقسام الموجودة

لازم نهضة كبيرة يا نارمر و نهضة شاملة و الكل يبقا عنده احساس الخسارة علشان يقدر يعمل علي المزيد و زيادة العمل دلاخل المنتديات الدينية و ترجع زي زمان و لازم كلنا نبقا فكر واحد و ايد واحدة و الاهم هي الروح الروح من جوانا اننا نكون عاوزين نرجع زي زمان و يبقا في نشاط في جميع اقسام المنتدي و اولها الديني قبل الترفيهي

منتظرين التغيير دة بفارغ الصبر بدل من حالة الملل اللي بدأنا نشعر بيها حتي في الفيس بوك والمنتديات وكل حاجة بقت شبة بعض ودة سببة سلبية الاغلبية في المشاركة
ياريت نغير من نفسنا
شكرا يا بولا نورت
ربنا معاك
وواحشني كتير بجد

ربنا معاك ,

[Narmar]

بصراحة يا أروع غالي ؛ المشكلة الحقيقية هي روح الكسل والتراخي في التفاعل عند البعض ، وللأسف منتدايات كثيرة لا تأتي بما هو جديد أو مفيد ، بل وأحياناً كثيرة ، تأتي بهرطقات ، يا أما قديمة أو جديدة مستحدثة ، عن دون قصد أو وعي لعدة أسباب : يا أما عن عدم دراية تامة بكل الأمور الروحية واللاهوتية السليمة يا أما بلا وعي بنقل الموضوعات بلا فحص دون تصحيح ما فيها من أخطاء !!! يا أما بسبب أن البعض يظن انه له دراية تامة بكل التعليم الذي يدركه ويعرفه بالتمام دون أن يصغي أو يحاول أن يفحص ما يقول في ضوء كلمة الله والتعليم الآبائي السليم !!! يا أما الأخطاء في عدم اختيار اللفظ المناسب !!! ، واختيار ألفاظ تعطي معنى آخر تماماً غير المقصود وتؤدي لفهم مغاير للمقصود ...

حقيقي عندك حق استانا بجد دي برضة مشكلة كبيرة
وخصوصا موضوع التعاليم الهرطقية اذا كانت بقصد او بغير قصد
فعلا شئ محزن جدا جدا :s

وأيضاً ما يقضي على المنتديات أنها بلا هدف واضح عند من يمسكها من إداريين وأحياناً - طبعاً - عند مشتركيها ، لأنهم بيحاولوا يضيعوا وقت دون إفادة حقيقية أو قراءة الموضوعات بتمعن وتدقيق !!!

اكيد طبعا يا باشا كتير من الناس مش بيقرا اصلا المواضيع
انا افضل ان يكون عندي 10 موضوعات في منتدي يفيدوا الناس افضل من 1000 مشاركة مفدوش حد
وافضل اشوف موضوع واحد بس يفيدني افضل من 1000 مش يفيدوني

عموماً الأسباب كثيرة وبعضها محزن جداً ، ولكن نشكر الله أنه يوجد أيضاً منتديات في منتهى الروعة ، تعمل بقوة ولا زالت لها هدف واضح وتستمر وتعطي كل ما هو جديد ...

فعلا نشكر ربنا على المنتديات المستمرة وعلينا كلنا لازم نهتم من كبيرنا لصغيرنا لمجد اسمة
وليس لتشوية والنظر في المواضيع السلبية
ونشكر فعلا ربنا على المنتديات القوية ونحاول نحافظ عليها

عموماً صعب نغطي جميع النقاط في منقشة واحدة أو رد واحد لأن الموضوع له ابعاد كثيرة جداً ، منها ما هو فكري ، وروحي ، ولا هوتي ، ونفسي ، واجتماعي ... أقبل مني كل تقدير بمحبة ، يا محبوب ربنا يسوع ، النعمة معك

اكيد طبعا يا ايموني عندك حق
ونورتني بردك الجميل
شكرا ليك ولردك وتعبك معانا

[aymonded]

ربنا يخليك لينا يا جميل
مع ان نفسي اتناقش مع الناس في موضوع المعجزات والخوارق اللي هارينا بيه بمناسبة ومن غير مناسبة ، وربنا يستر ومش انضرب على هذا الكلام ، لأن الحق بيوجع عند الناس ، والغريب أني مندهش من البعض لأنهم بيقولوا أني لو أظهرت الحق ممكن الناس تعثر !!!

ونفسي أسأل سؤال : هل الحق يعثر ويسبب بلبلة !!!
لو كان كده يبقى نبعد عن ربنا يسوع لأنه هو الطريق والحق ( الذي يعثر ) والحياة !!!

+ كما هو مكتوب ها انا اضع في صهيون حجر صدمة و صخرة عثرة و كل من يؤمن به لا يخزى (رو 9 : 33)
+ و لكننا نحن نكرز بالمسيح مصلوبا لليهود عثرة و لليونانيين جهالة (1كو 1 : 23)
+ و حجر صدمة و صخرة عثرة الذين يعثرون غير طائعين للكلمة الامر الذي جعلوا له (1بط 2 : 8)

النعمة معك يا أروع أخ غالي محبوب يسوع