[sawsaw]

رضعف ارادتك امام الخطيه دليل على ضعف حبك لله

بمعنى ان كلما زاد حبك لله كلما قويت ايرادتك امام الخطيه

المفرود ان احنا بنحب ربنا عشان كده مش بنزعلو ونعمل الخطيه

مش المفرود ابدا ان احنا مبنعملش الخطيه عشان خاطر خايفين من العقاب

انت مثلا لما تكون بتحب بنى ادم اوى اكتر من اى حد فى حياتك

لما تيجى تزعلو يخاصمك يجيلك اكتئاب وتقعد مش هاديلك بال غير

لما تصالحو ويرجع يضحك فى وشك من تانى

وتعمل المستحيل وتغير من نفسك وطباعك عشان خاطر

متزعلهوش تانى

او عشان على لاقل متعديش بلحظات الاكتئاب الى مريت بيها

وحبيبك مخاصمك

مع انو بشرى زيك وضعيف زيو زيك

شوفتو احنا ممكن نعمل ايه عشان خاطر منزعلش حد احنا بنحبوا

حد يعنى بنى ادم زيو زيك ضعيف وليه اخطاءو وضعفاتو وليه احتياجات زيو زيك

على راى المثل الى بيقولك

الحب يصنع المعجزات

يعنى لو اتنين مثلا حبو بعض

وحد فيهم فاشل ومش بيذاكر وبيسقط كل سنه

وبياخد السنه بسنتين ومفيش رجا منه ابدا

وحالتو حاله ومفيش حاجه عدله ابدا بيعملها ودايما متخانق مع باباه ومامتو والحجات دى

تلاقيه فجاءه قعد يذاكر واجتهد ونجح وعدل من نفسوا وخلى باباه ومامتو يرضوا عنو وتلاقيه كمان نجح بتفوق وبقى انسان قوى الايراده

شوفو هو غير من نفسوا قد ايه عشان خاطر انسان هو بيحبوا

عشان خاطر يشوف نظره حب ورضا من حبيبوا عنو

وبعد ما كان انسان ضعيف الاراده فجاءه بقا انسان قوى الاراده قدام كل عاده سيئه كان بيعملها وميعملهاش تنى عشان خاطر حبيبو

بشرى زيو زيه ضعيف زيو

فمابالك ربنا الى هو بيحبك وبيحميك وبيعملك حاجات فوق الوصف

فوق ان عقلك يفهمها ويقدرها بيوفرلك الحمايه والحب والحنان

ومديك زكاء ومواهب وقدره على الابداع

وتروح انت تكدب وتشتم ولا تعمل اى مصيبه سوده

وتزعلو منك

عمرك انت فكرت انك مزعل ربنا حبيبك منك

عمرك جالك اكتئاب عشان انت مزعلل ربنا منك

عمرك قولت لربنا فى يوم انا مش هايهدالى بال ولا انام النهارده غير لما اصالحك

زى ما ادايما بتقولها ولا بتقوليها للانسان الى بتحبيه او بتحبز

عمرك بكيت واضايت وروحت لربنا بدموعك وتقولو انا اسف وانا مش هعمل كده تانى وانا هتغير ومش هنام ولا هشتغل ولا هعمل اى حاجه غي لما اصالحك

واشوف نظره الحب والحنان والضى منك زى ما بتقولها لحبيبك

الانسان الضعيف

انت بتعمل كل الحجات دى مع الانسان او الانسانه الى بتحبها من الرغم انه ممكن يكون الانسان الى يتحبو يكون مزعلك ومطلع عينك وقلبو دايما قاسى عليك وبتبزل مجهود كبير عشان تصالحو

الى هو انت لو بذلت ربع المجهود ده لربنا

هتلاقيه بسرعه سامحك

وادالك الحنيه والحب والرضا

شوف انت بتعمل ايه

عشان خاطر بنى ادم زيك وبيغلط فى حقك وبتسامحو

وتعتزرلو وتقول عشان خاطر المركب تمشى

فما بالك ربنا الى عمرو ما كان قاسى عليك

او حتى رفضلك طلب ولو رفضلك طلب بيبقى عشان مصلحتك

ولا عمرو فى يوم ضايقك او جرحك او غلط حقك حتى فى ربع كلمه

الى انت بتغلط فى حقو فى الدقيقه ميت مره

ولما مينفذلكش طلب لمصلحتك تقولوا انا زعلان منك ومش هصليلك ومش هكلمك تانى

وتجرحوا وتزعلو زياده منك

ده حتى ربنا احن عليك من اى بشر جرب تصالحو كحبيب وتعاملو كحبيب هتلاقيه بيديك كل حاجه وكل احتياجاتك

ن الرغم هو بيدهالك من غير ما تصالحو

هتحس بحناو وايده معاك

هتحس بحضنو الدافى وهو بيحميك

وكمان هتلاقى نفسك مش بتعمل الخطيه عشان خاطر هو حبيبك

مش عشان خايف منو

ده الى ربنا عايزو مننا

كلنا قالك حبنى مش هتعمل حاجه تزعلنى ده القاعه الاساسيه للتوبه

واسفه جدا على الاطاله

ويارب علمنى احبك اكتر منى اى حد فى حياتى

تكون انت رقم واحد فى حياتى قبل اى حد

وتوبنى فاتوب

المصدر: †† ارثوذكس †† - من قسم: الموضوعات الشبابية

[minabobos]

اشكرك جدا ع الموضوع الجميل اوى دى
ربنا يجعلنا مستحقين ان نكون اولا ليا
ميرسى ع تعبك

[elphilasouf]

الله يا ثوثنا قمر ع الموضوع الموضوع حلو جدا
وكلام جميل

بس يمكن لو سألنا حد قالنا انت بتحب ربنا هنقوله وبدون تفكير اه طبعا بحبه جدا
بس يمكن فى الحقيقه اننا مش بنحبه خالص
والدليل اننا بنعمل حاجات تزعله مننا
مش مدركين هو بيحبنا اد ايه
فما العمل؟؟
ده غلط مين
ربنا ولا احنا
ربنا ؟!!
اكيد لا
لانه بيعمل حاجات كتير عشان يعرفنا بنفسه
لكن احنا الى مش بنقبل وبنسكل
يعنى الغلطه من الاول ومن الاخر غلطتنا احنا
مش غلطه حد تانى

يارب ليتنى استطيع ان اسلمك زاتى لتفعل بها ماتريد
لكن انت تردينى بأرادتى بدون اجبار

اد ايه يارب انت حلو
واد ايه يانفسي انتى قاسيه

[اس اسامة عوض]

من يحب الله يفعل بو صايا الله
موضوع مهم طبعا

[sawsaw]

مرسى كتير على مرورك يا مينا انت واسامه
الى اسعدنى كثيرا
وميرسى يا واد يا فسفس على مرورك الى اسعدنى
ومرسى على على توضيحك الجميل
ربنا يبارككم ويفرح قلبكم

[kottah_sh]

ايه يابت يا سوسنه الكلام الجامد ده
بجد كلامك تلقائى وجامد اوى
وفعلا جاى من القلب ودخل القلب على طووووووووووول
بجد انتى جامده جدااااااااااا

ميرسى يا احلى سوسنه فى المنتدى

[rossaa]

سوسنه بجد كلام فى منتهى الجمال


ربنا يباركك

[sawsaw]

المشاركة الأصلية كتبت بواسطة kottah_sh ايه يابت يا سوسنه الكلام الجامد ده بجد كلامك تلقائى وجامد اوى وفعلا جاى من القلب ودخل القلب على طووووووووووول بجد انتى جامده جدااااااااااا ميرسى يا احلى سوسنه فى المنتدى

ده انتى الى ميرسى يا قمر على زوقك
وعلى مرورك الى فرحنى واسعدنى جدا يا قمر
ميرسى ربنا يباركك ويفرح قلبك

[sawsaw]

المشاركة الأصلية كتبت بواسطة rossaa سوسنه بجد كلام فى منتهى الجمال ربنا يباركك

ده انتى الى زى السكر
ربنا يباركك ويفرح قلبك
وفينك يا قمر مش ظاهره ليه

[ELMAGEK]

الله يا سوسنة بجد موضوع جمييييييل اوى اوى اخر حاجة
بجد موضوع الارادة دا بيسببلى انا ضيق كبير وبجد نفسى
يبقى عندى ارادة جامدة
وشكرا على الموضوع الجاااااااااامد دا يا سوسو ومش نتحرم من مواضيعك الجميلة دى ابدا