[emmmy]

طبعا جذبكم العنوان وكل واحد فيكم داخل وفى نيتة
يقول لصاحب الكلمات لأ طبعا ربنا بيحبك جدا

احبائى فى الرب يسوع انا عارفة طبعا ان ربنا بيحبنا كتير
اكتر مما نتصور واكتر مما نعرف نحب احنا بكل طاقتنا
الهنا غير محدود وعلشان كدة حبة بردوا غير محدود

احنا اللى بتصرفتنا بنثب اننا مش بنحب ربنا حب حقيقى وبرغم عدم امانتنا هو امين معانا بردوا

كل الالام والضيقات والاضطهاد دة شئ طبيعى رب المجد قال عنة زمان انة هيحصل وكنا عارفين من قبل ما يحصل انة هيحصل وهيفضل يحصل طول ما فى حياة على الارض لان الصراع بين السمائيين والارضيين هيفضل مستمر
ولو محصلشى يبقى ربنا مكنشى صادق فى كلامة

يا اخواتى لا ترتاعوا ولا ترتعبوا بل افرحوا -- ايوة افرحوا
افرحوا بقرب العريس وانتهاء رحلة الغربة

الهنا قرب يجى وكل واحد فينا عارف ان حياتة مجرد بخار يظهر قليلا ثم يضمحل كل واحد فينا متوقع ان الدور علية ممكن يبقى قاعد فى كنيستة وفجاءة يلاقى نفسة محاط بالسلاح والنيران والموت ياترى كام واحد فين مستعد للحظة دى كام واحد فينا مستنى اللحظة دى ؟؟؟؟؟

اعتمادنا على الاذرع البشرية والقوات الارضية وتدخل الغرب مش حل لمشاكلنا ابدا واحنا سبق وجربنا الحل دة زمان لما سمحنا للعرب المسلمين يتدخلوا ويحمونا من الرومان وكانت النتيجة اننا غلطتنا غلطة دفعنا ثمنها غالى اوى ولسة بندفع فية لحد دلوقتى

سلاحنا هو الايمان بالرب يسوع والصلاة والصراخ بقلوبنا نحو السماء وطلب الغفران والصفح لينا وليهم
يسوع اليهود صلبوة وهو برئ ومع ذلك طلب ليهم الصفح والغفران لازم نتشبة بية ونحمل سماتة ونمجد اسمة
باعمالنا مش بالكلام بس لازم نبقى صادقين مع نفسنا

داود زمان خرج يفتقد اخواتة لاقاهم واقفين مع الجيش وخايفين من جليات والملك محتار طلب منهم يحارب جليات ويخلصهم منة استهزؤا بية وبضعفة وصغر سنة لكنة اصر واقنع الملك ووافق شاول ولبسة لبس الضباط وادالة سلاح وخوذة وهيئة تمام لكن داود رفض كل دة وخلعة تااانى وقالهم دة مش لبسى مش مقاسى مش بتاعى انا هحارب جليات باسم رب القوات باسم رب الجنود بسلاح سمائى مش باسلحة الشر والضعف

احنا للاسف نسينا السلاح دة ( اسم رب الجنود ) واتعلمنا نمسك سلاح العالم والشر ونطلب الحماية من الملوك الارضية والسلطات الارضية اتعلمنا نلبس لبس مش بتاعنا ونحمل خوذة الضعف

يا احبائى !!!!!
الرسالة موجهة لينا قبل منهم السما بتكلمنا احنا اكتر منهم
اعدائنا وكل قوات الشر محتاجين مننا صلاة من اجلهم علشان ربنا يفتح عيونهم ويشوفوا نورة ويمجدوا اسمة
ولازم يعرفوا احنا متمسكين بربنا اد اية ؟؟؟
لازم يعرفوا ان ايمانا وكتابنا حياة معاشة حقيقية مش كلام على منابر وحبر على الورق

اعطينى يارب !!!
ان احمل سماتك واشهد لاسمك واحيا حياة الاستعداد الدائم لمجيئك على السحاب
ولحظة الوقوف امامك وامام عرشك يا الهى







اذكرونى فى صلاتكم

المصدر: †† ارثوذكس †† - من قسم: الصلوات وطلبات الصلاة

[Dr.PeRO]

ايه الكلام الجامد ده يا ميس إيمي ..

احنا للاسف نسينا السلاح دة ( اسم رب الجنود ) واتعلمنا نمسك سلاح العالم والشر ونطلب الحماية من الملوك الارضية والسلطات الارضية اتعلمنا نلبس لبس مش بتاعنا ونحمل خوذة الضعف

بحيكي عالموضوع ومعاكى فيه ان الاضطهاد اللى هنواجهه عشان احنا مسيحيين مش هيخلص .. حتى لو بعد آلاف السنين تانى .. الاضطهاد هيزيد او هيقل لكن مش هيختفى لأن الله قال فى العالم سيكون لكم ضيق، وقال آيات تانية كتير توحى وتؤكد ان الكنيسة دائماً ستواجه أزمات ومشاكل وعثرات .. ربنا يعطينا الصبر والتعزية، ويزيد من ايماننا وارتباطنا بيه لأننا لسه مش قادرين نطبق آية "يابنى اعطنى قلبك" بطريقة سليمة .. ولسه ناس مسيحيين كتيييييييير مش عايشين مع ربنا وديه مشكلة ...

وطبعاً انا شربت المقلب بتاع العنوان زي كل اللى هيخشوا يقرأوا

[emmmy]

المشاركة الأصلية كتبت بواسطة dr.pero ايه الكلام الجامد ده يا ميس إيمي .. بحيكي عالموضوع ومعاكى فيه ان الاضطهاد اللى هنواجهه عشان احنا مسيحيين مش هيخلص .. حتى لو بعد آلاف السنين تانى .. الاضطهاد هيزيد او هيقل لكن مش هيختفى لأن الله قال فى العالم سيكون لكم ضيق، وقال آيات تانية كتير توحى وتؤكد ان الكنيسة دائماً ستواجه أزمات ومشاكل وعثرات .. ربنا يعطينا الصبر والتعزية، ويزيد من ايماننا وارتباطنا بيه لأننا لسه مش قادرين نطبق آية "يابنى اعطنى قلبك" بطريقة سليمة .. ولسه ناس مسيحيين كتيييييييير مش عايشين مع ربنا وديه مشكلة ... تماااام يا بيتر بالظبط احييك على ردك الجميل والاضطهاد هيفضل مستمر مش هخلص ابدا لحد ما يجى الملك ويفصل الحنطة عن الزوان يارب نتعلم نعطى قلوبنا لرب المجد علشان يملائها سلام ويعطينا الصبر والايمان والرجاء ومواجهة المشاكل صححح وطبعاً انا شربت المقلب بتاع العنوان زي كل اللى هيخشوا يقرأوا

صدقنى يا بيتر مش مقصود منها مقلب ولا حاجة بالعكس كل الحكاية انى كتبت العنوان بحسب احساسنا لما بنعاتب ربنا ونقولة لية يارب كدة ؟ ولحد امتى هتفضل واقف ساكت ؟ وكفاية يارب تعبنا ؟ وتعبيرات كتير بتعبر عن ضعف الايمان المعنى اللى كتبتة فى العنوان مش لازم نقولها بالفظ الصريح لكن بنقولها بتصرفتنا بالغتاب الغلط لربنا واتهامتنا لية بالتراخى وطول الاناة على الاشرار بيدل على عدم احساسة بينا احنا وكاننا ملايكة مع ان اللوم هيكون علينا اكبر لاننا عرفناة ودقناة وعشرناة ولمسناة ومع ذلك بنحفر لانفسنا ينابيع وابار لا تضبط ماء

[ماري جمال جرجس]

موضوع جميل

[emmmy]

مرسى يا مارى