تذكرنــي
التسجيل التعليمـــات التقويم البحث مشاركات اليوم اجعل كافة الأقسام مقروءة
يمكنك البحث فى الموقع للوصول السريع لما تريد


  †† ارثوذكس †† > كل منتدايات الموقع > المنتدى الترفيهى > الضحك والفرفشة

الضحك والفرفشة كل جديد من نكت والافشات

مشاهدة صفحة طباعة الموضوع مشاهدة صفحة طباعة الموضوع أرسل هذا الموضوع إلى صديق أرسل هذا الموضوع إلى صديق


واحد مشرف رايح يخطب تخيلو هيحصل ايه !!

كان المشرف مرتبط بموعد مع العروس وأهلها ليتقدم إليها ولكنه لم يشأ إغلاق المنتدى لمدة ساعة هى مدة اللقاء مع الأهل فأخذ اللابتوب معه وشحنه على آخره وتابع الردود على

اضافة رد

 
أدوات الموضوع انواع عرض الموضوع

رقم المشاركة : ( 1 )
الصورة الرمزية مايكل مايك
مايكل مايك
ارثوذكسي شغال
مايكل مايك غير متواجد حالياً
 
رقم العضوية : 15693
تاريخ التسجيل : Feb 2008
مكان الإقامة :
عدد المشاركات : 54
عدد النقاط : 10
قوة التقييم : مايكل مايك is on a distinguished road
واحد مشرف رايح يخطب تخيلو هيحصل ايه !!

كُتب : [ 02-19-2008 - 07:49 PM ]


كان المشرف مرتبط بموعد مع العروس وأهلها
ليتقدم إليها ولكنه لم يشأ إغلاق المنتدى لمدة ساعة هى مدة اللقاء
مع الأهل فأخذ اللابتوب معه وشحنه على آخره وتابع الردود على
الأعضاء فى صفحة الشكاوى وهو فى طريقة للمنزل راكبا التاكسى

بمجرد وصوله إلى العروس سأل عن أقرب فيشة كهرباء لأن الشحن شارف
على الإنتهاء

والد العروس: أهلا يابنى ... ....إزيك !!

المشرف(وهو مشغول بلوحة مفاتيح اللابتوب): أهلا بيك يا عمى .....

أنا يشرفنى إنى أطلب إيد بنتك مها .....موافق ولا لأ؟!!!!

تبادل كلا من والد العروس ووالدتها وأخيها نظرات الدهشة

والد العروس(مستغربا): حضرتك بتكلمنى ولا بتكلم حد على الإنترنت

المشرف(مازال منشغلا بلوحة المفاتيح): لا يا عمى أنا بكلمك إنت هو معقولة
أتكلم مع حد غيرك وأنا قدام حضرتك!!!

والدة العروس: طب يابنى طالما بتكلمنا بصلنا طيب

المشرف(لم يرفع عينه ويديه من على جهازه):ليه يا حاجة هو أنا هتكلم بعينى ولا ببقى؟!!!!

إقترب الولد الصغير(8سنوات) من العريس مبهورا بالابتوب(الجهاز المحمول) وهو يقول

الصبى: عمو .....هو الجهاز دة فيه ألعاب كتير زى الأتارى الى عندى؟!!

العريس(مازال منشغلا بجهازه): أيوة يا حبيبى وأحلى من الى عندك كمان

الصبى: طيب ممكن ألعب شوية .. ...عشان خاطرى يا عمو

(هنا فقط رفع العريس عينه من على جهازه لأول مرة وتوقف عن الكتابة
وهو يوشوش فى أذن الصبى)

العريس: لو خليت أبوك يوافق عليا هلعبك كتير قوى

طار الصبى فرحا وهو يقول
بابا بابا أنا موافق إن عمو يتجوز أختى الكبيرة أبلة مها!!!!!!
ثم إلتفت إلى العريس وهو يقول
ألف مبروك يا عمو!

الوالد(صارخا): أمشى ياد خش ذاكر . .... مبقاش إلا إنت يا أبو ريالة الى هتوافق ومتوافقشى

(مشى الولد باكيا ولم يهتم به العريس وقد عاد إلى جهازه منشغلا)

الوالد: إنت يا حبيبى إنت كمان .....إنت إيه حكايتك ؟

العريس: حكاية إيه يا عمى .....أنا معنديش حكايات إنت عندك؟!!!

الوالد(بضجر): إنت جاى تهزر

(لم يعره العريس أى إهتمام وقد ظهر مشغولا بموضوع ما على جهازه)

فإقتربت الأم من الوالد وتكلمت هامستا

الأم: إلا قولى يا حاج .....هو الجدع دة بيعمل إيه على البتاع الى معاه دة ....
.وإزاى بيكلمنا وهو بيحرك إديه الإثنين على الزراير دى كلها؟

الوالد: والله معرفشى يا تفيدة..... يظهر والله أعلم إنه بيكتب الكلام الى
بيقوله لنا فيطلع من بقه!!!!!!!


الأم: يا ندامتى !!!..... معقولة دى يا حاج ؟!!

الأب:طبعا يا تفيدة معقولة ماهو إحنا فى عصر التكنولوبيا!!!
إنتى مش شفتى إزاى كان ملهوف على أى فيشة كهربا أول ما جيه لأن
الشحن بتاع الكلام بتاعه كان هيخلص!

الأم: يا خويا الى يعيش ياما يشوف!!!
على كدة يا حاج لو النور قطع هيبقى أخرس؟!!!!

الأم: طب يا خويا لازم لو وافقت عليه نشترى للبت كرتونة حجارة قلم
عشان تبقى عاملة حسابها فى أى وقت!!!

الأب(صارخا): هو أنا معقولة أوافق على الآلة دى .....ليه من قلة الرجالة يعنى

العريس: حضرتك بتكلمنى يا عمى

الأب: لأ يا حبيبى أنا بكلم تفيدة

العريس: تفيدة مين ؟

(دخلت العروسة فى هذه اللحظة مكسوفة وهى تنظر إلى الأرض
وبيدها أكواب العصير ولكنها لم تلاحظ فيشة الكهرباء فإنقلبت
على وجهها أرضا وإنفصلت الفيشة )

العريس(صارخا): إيه الى هببتيه دة .....إنتى إزاى تفصلى الجهاز!!

الأم(بصوت خافت): يا حلاوة .....أهو بيتكلم من غير كهربا أهو يا حاج

الأب(بصوت خافت): ماهو كان شحن على الآخر يا تفيدة .....افهمى بقى

ثم إلتفت إلى العريس قائلا

الوالد: إيه يابنى قلة الذوق دى إنت بتصرخ فى عروستك وإنت جاى تتقدملها؟!!
دة بدل ما تساعدها إنها تقوم وتودها بكلمتين بعد ما فيشتك الهباب دى وقعتها

العريس: يعنى أساعدها تقوم ولا ألحق أشغل الجهاز عشان المنتدى ما يتعطلشى؟!!

الأب: دة جيل إيه دة.....هو جاى لينا منين دة!

العروسة: من النت يا بابا.....من النت

الأم: الله يقطع النت والى شغالين فى النت !
يا رب تيجى عاصفة تسومانى على النت والى فيه!!!!!

الأب:ممكن بقى يابنى تقفل المخروب دة وتكلمنا شوية

العريس: خلاص يا عمى المساعد بتاعى جه بدالى دلوقتى

إلتفت الجميع حولهم يبحثون عن ذلك المساعد فضحك الموديراتور

العريس (ضاحكا): لأ يا جماعة أنا اقصد إن المساعد بتاعى أخذ مكانى
فى الشغل دلوقتى يعنى أنا دلوقتى جاهز لأى إستفسار لمدة ربع ساعة

الأب: لا حول ولا قوة إلا بالله .....طيب يابنى طالما مش فاضى ليه حددت المعاد دة
مش كنت تحدد معاد تكون فاضى فيه

العريس: يا عمى خير البر عاجله

الأب: طيب..... إحنا لسة متعرفناش بإسمك ولا شغلتك
ولا سنك ولا شهادتك ولا أى حاجة خالص!

العريس: أنا اسمى موديراتور ...دة الإسم المستعار!

قامت الأم تحوم حول العريس وتنظر إلى يديه تبحث عن شىء ما ثم مسكت
يده فجأةوهى تقول
ممكن تشمر إيدك يا عريس الهنا

العريس(وهو يشمر): ليه ياحاجة إنتى هطعمينى!!! أنا إطعمت قبل ما آجى عندكوا ‍‍‍‍‍

الأب:ليه قالولك إننا عندنا كوليرا !!!

العريس: لأ يا عمى أصل أنا قاعد ليل نهار فى غرفتى المكيفة
الصحية فلما بروح أى داهية تانية لازم أطعّم

الأب(بصوت منخفض): داهية لما تخدك يا شيخ!!!

صرخت الأم( وهى تمسك بيده اليمين وترفعها عاليا): يعنى مافيش صليب
إمال إيه موديراتور دة؟ إنت يهودى؟‍‍‍‍‍‍‍‍‍!!!!

ضحكت العروسة وهى تقول: لا يا ماما دة النيك نيم بتاعه

الأم: ال إيه يا ضنايا؟‍‍!

العريس: خلاص يا جماعة .....أنا إسمى سعيد وعندى 25 سنة يعنى تأبيدة‍‍‍!!!
معايا شهادات كتيرة لو قلتها لكم كلها يبقى هنقعد يومين فبلاش أحسن
وشغلتى مشرف عام على منتدى الفقر حشمة

نظر الأب إلى المشرف وملابسه البسيطة غير المتناسقة وهو يقول
سيماهم على وجوههم‍‍‍‍!!!‍‍‍‍

العروسة(مبتسمة): بجد إنت المشرف بتاع الفقر حشمة .....
ده أنا مشتركة فيه من 5 شهور

العريس: ما شاء الله....بس إنتى مش ملتزمة بقوانين المنتدى
ولابسة كويس وعايشة فى عيشة آخر أبهة

العروسة: أنا عملت كدة عشان عارفة إن فيه عريس جاى يخطبنى

الأب: إنت يابنى عاوزها تلبس إيه .....هدوم مقطعة

العريس: لا يا عمى خلاص مش مهم لما أبقى أتجوزها أبقى أقطع لها هدومها‍‍‍‍‍‍!

الأب: ومين قالك إنى وافقت عليك أصلا

العروسة: ومتوافقشى ليه يا بابا دة حتى الموديراتور أكيد هيخلينى مميزة فى المنتدى
مش كدة برضه يا موديراتور

العريس: طبعا وهعينك معانا من المشرفين على قسم لوحدك

العروسة(بسعادة): بجد..... هتعينى مشرفة على قسم لوحدى

العريس: طبعا وهديكى أسهل وأحسن قسم فى المنتدى

العروسة(فرحانة): هييييه .....هتدينى قسم إيه ؟

العريس: الشكاوى!!!

العروسة (صارخة)
: لا أرجوك .....كله إلا الشكاوى

هز العريس كتفيه وهو يقول
خلاص نفتح قسم للوفيات وأعينك مشرفة عليه

الأب: يا ترى خلصتوا ولا لسة

نظر العريس فى ساعته وهو يقول: أنا فعلا وقتى قرب ينتهى
لأن المساعد بتاعى عنده ميعاد مهم ولازم أدخل مكانه

الأب: أنا مش موافق على الجوازة دى

العروسة: ليه يا بابا دة انا.....

قاطعها الأب صارخا : اخرصى يا بت إنتى وروحى ذاكرى لأخوكى

خرجت العروسة باكية غاضبة بينما إلتفت الأب إلى العريس قائلا
شوف يابنى .....لما تبقى تفضى للجواز إبقى تعالى إتجوز بنتى .....
لكن طول ما إنت فى الفقر حشمة دة مالكشى عرايس عندى
فاهمنى

العريس: خلاص يا عمى براحتك .....بس إذا كان منتدى الفقر حشمة
هو الى مزعلك أنا ممكن أسيبه

الأب(فرحا): بجد يابنى .....طيب سيبه هو فعلا الى مزعلنى
لو سيبته أنا هسيبلك بنتى بدون أى كلام


شكره العريس ثم جاء إليه فى اليوم التالى ومعه نفس اللابتوب وهو يقول
أنا سيبت الفقر حشمة من إمبارح وإشتركت فى منتدى تانى اسمه

اللاجــئـيـن >>>>



سقط الأب على الأرض ميتا وصرخت الأم وبكت العروسة وأخيها الصغير
بينما جلس العريس فى غرفة الصالون يتابع منتداه الجديد



رد مع إقتباس
Sponsored Links
بياناتي
 رقم المشاركة : ( 2 )
M@@@NOOOO
ارثوذكسي ذهبي
رقم العضوية : 13010
تاريخ التسجيل : Jan 2008
مكان الإقامة :
عدد المشاركات : 8,790
عدد النقاط : 10

M@@@NOOOO غير متواجد حالياً

افتراضي رد: واحد مشرف رايح يخطب تخيلو هيحصل ايه !!

كُتب : [ 02-19-2008 - 11:34 PM ]


هههههههههههههههههههههه
حلوين اووى المنتدياات دى
ممكن تقولى الاقيهم فين
ههههههههههههه
ربناا يبارركك واذكررنى فى صلاااتك

رد مع إقتباس
بياناتي
 رقم المشاركة : ( 3 )
iyiy
ارثوذكسي بارع
رقم العضوية : 4297
تاريخ التسجيل : Oct 2007
مكان الإقامة : المنصورة
عدد المشاركات : 2,306
عدد النقاط : 11

iyiy غير متواجد حالياً

افتراضي رد: واحد مشرف رايح يخطب تخيلو هيحصل ايه !!

كُتب : [ 02-20-2008 - 12:25 AM ]


هههههههههههههههههههههههه
ميرسى ع الموضوع الهايل دة


رد مع إقتباس
بياناتي
 رقم المشاركة : ( 4 )
ghada2000
ارثوذكسي صانع
رقم العضوية : 6752
تاريخ التسجيل : Nov 2007
مكان الإقامة :
عدد المشاركات : 563
عدد النقاط : 10

ghada2000 غير متواجد حالياً

افتراضي رد: واحد مشرف رايح يخطب تخيلو هيحصل ايه !!

كُتب : [ 02-20-2008 - 12:46 AM ]


hhhhhhhhhhhhhhhhhhhhh
bgad gamda awy

رد مع إقتباس
بياناتي
 رقم المشاركة : ( 5 )
soso_14
ارثوذكسي متقدم
رقم العضوية : 16478
تاريخ التسجيل : Feb 2008
مكان الإقامة :
عدد المشاركات : 357
عدد النقاط : 10

soso_14 غير متواجد حالياً

افتراضي رد: واحد مشرف رايح يخطب تخيلو هيحصل ايه !!

كُتب : [ 02-20-2008 - 03:31 PM ]


ههههههههههههههه
بجد تحفه اوووووى
ميرسى على التوبيك الجميل ده

رد مع إقتباس
بياناتي
 رقم المشاركة : ( 6 )
انسطاسيا
ارثوذكسي متألق
رقم العضوية : 6550
تاريخ التسجيل : Nov 2007
مكان الإقامة :
عدد المشاركات : 746
عدد النقاط : 10

انسطاسيا غير متواجد حالياً

افتراضي رد: واحد مشرف رايح يخطب تخيلو هيحصل ايه !!

كُتب : [ 02-20-2008 - 10:55 PM ]


ههههههههههههههههههههههههه البقيه في حياتك
البركه فيك وشد حيلك
ههههههههههه بجد حلوه قوي
ميرسي ليك بس لو كل مشرف هيعمل كده ده هيموتوا نص البلد علشان المشرفين كتييييير
ههههههههههههههههههه


رد مع إقتباس
بياناتي
 رقم المشاركة : ( 7 )
minabobos
ارثوذكسي ذهبي
رقم العضوية : 2197
تاريخ التسجيل : Sep 2007
مكان الإقامة : فـــ قلب بابا يسوع ـــــ
عدد المشاركات : 9,794
عدد النقاط : 21

minabobos غير متواجد حالياً

افتراضي رد: واحد مشرف رايح يخطب تخيلو هيحصل ايه !!

كُتب : [ 02-25-2008 - 01:14 AM ]


هههههههههههههههههههههههه
ميرسى ع الموضوع الهايل دة

يابنى ابعدوا عن المشرفين بقه
مفيش غيرنا ف المنتدى

ههههههههههههههههههه


رد مع إقتباس
بياناتي
 رقم المشاركة : ( 8 )
melanora
ارثوذكسي متألق
رقم العضوية : 11940
تاريخ التسجيل : Jan 2008
مكان الإقامة :
عدد المشاركات : 1,258
عدد النقاط : 10

melanora غير متواجد حالياً

افتراضي رد: واحد مشرف رايح يخطب تخيلو هيحصل ايه !!

كُتب : [ 05-09-2008 - 12:33 AM ]


هههههههههههههه
هههههههههههههههه
بجد هاااااااااااايل


رد مع إقتباس
بياناتي
 رقم المشاركة : ( 9 )
love is the key
ارثوذكسي متقدم
رقم العضوية : 296
تاريخ التسجيل : May 2007
مكان الإقامة :
عدد المشاركات : 320
عدد النقاط : 10

love is the key غير متواجد حالياً

افتراضي رد: واحد مشرف رايح يخطب تخيلو هيحصل ايه !!

كُتب : [ 05-09-2008 - 02:45 AM ]


والله الرال بيتكلم كلام سليم ولكن ابو سوسو
متفهمش معاه

يلا يابني الف مليون بنت تتمناك لو امى مش متجوزه كنت جوزتهالك

رد مع إقتباس

اضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
محاضرات تبسيط الايمان للانبا بيشوى marina shohdy دراسات وأبحاث في الكتاب المقدس 3 09-17-2015 03:40 PM
كتاب التلمود اليهودى Team Work® مكتبة الكتب 8 12-15-2011 03:17 AM
مشرف من المنتدى راح يخطب ... هههههههه Narmar الضحك والفرفشة 58 06-18-2008 06:23 PM
اجمد نكت 2007 mundoo الضحك والفرفشة 3 02-06-2008 07:55 PM
نكتتتتتتتتتت على الاغبياء سامح الاسمعلاوى الضحك والفرفشة 3 02-06-2008 07:18 PM

Rss  Rss 2.0 Html  Xml Sitemap SiteMap Info-SiteMap Map Tags Forums Map Site Map


الساعة الآن 09:05 AM.