[M!SS N@NO]

سلام على أحلى أعضاء فى الدنيا كلها



أنا فيه موضوع شاغلنى أوى ومحيرنى أوى أوى
حبيت اناقشكم فيه وأخد رأيكم
يمكن أرتاح



الموضوع هو ليه الولد لما يحب بنت كانت بتحب قبله واحد تانى وهى صارحته بكده بيسيبها ... ولو مسبهاش بتفضل بينهم مشاكل بسبب الموضوع ده؟



ماهى كان ممكن تخبى عليك ومش تقولك انها كانت بتحب قبلك
ولا هو ده جزاء الصراحة؟






فى حين ان لو البنت حبت ولد حب قبلها أكتر من مرة
البنت بتسامح عادى وبتنسى وبتبتدى معاه من جديد
أدام هو نسى حبه القديم وعلاقاته وصارحها وهى اتأكدت من كده




يمكن عشان احنا فى مجتمع شرقى وذكورى بيدى للراجل حقوق أكتر من البنت؟


طب ليه؟ ده مش فيه ظلم للبنت ؟

واحنا بالشكل ده بنجبرها على انها متكونش صريحه بعد كده
وتخفى مشاعرها



ده مش بس كده
ده فيه الأدهى

ده أحنا بنفرح أوى بالولد ايللى عامل فيها بورم و فلانتينو وكذا نوفا وليه علاقات كتير بعدد شعر راسه

يعنى زى مابيقولو كده مقطع السمكه وديلها

زى لوسى فى فيلم اشاعه حب ( بابا هو ايللى بيشتغل وأنا ايللى بصرف )

لكن لو البنت حبت مرة واحده بسسسس
بيبقا نهاية الكون

طب بذمتك انتى وهى
أنا بذممك يا شيخة منك ليها
تختارى واحد زى ده
واخد الجايزة الاولى فى جمال السيقان
كل همه توقيع البنات
ويصرف عليهم فلوس ببااه










ولا واحد زى ده
راجل بجد
رزين وتقيل
بتاع شغل وبس
يوم مايحب ... هيحب بجد
وقلبه هيكون ليكى لوحدك



والأختيار ليكى فى الأخر
عشان أحنا ايللى بنعمل فى نفسنا كده
.
.
.
.
.

طب ماشى معاكو للاخر
تيجى نعكس الاية

على العكس بقا

لو بنت ممرتش بتجربة حب قبل كده
وحبت ولد وكان هو أول حب فى حياتها وفرحت بيه أوى
وهو لما عرف انها محبتش قبل كده اتهمها انها معقده وقلبها ميت



ياحول الله يارب
واللهى الواحد غولب مع ولاد ادم دول
لا كده نافع ولا كده ماشى

وده ميمنعش ان ده بردو ممكن يحصل للولد
ان البنت تسيب الولد ايللى أول مرة يحب
عشان واحد قلبه رمرم قبليها كتير


وانا شوفت الحالات دى بعنيا



أنا تعبت بصراحه
ومش عارفه ايه الصح
ياريت تشاركونى برأيكم
ولاااااااااد وبناااااااااااات
وكل واحد يقولى وجهه نظرة هو
ويحط نفسه فى الموقف ده
ولد او بنت

وربنا يباركم

المصدر: †† ارثوذكس †† - من قسم: صندوق مناقشات الاعضاء

[merrete]

موضوعك جميل اوى يا حنان بس انا متهيالى ان اللى بيحب بجد مش بيبص بقه اذا كانت البنت دى حبت قبله ولا لا ده رايى يعنى اصلى لسه مجربتش هههههه استنينى كده ست سبع سنين اجرب وارد عليكى ميرسى يا قمر على الموضوع ومستنين نشوف ردود اللى جربوا ربنا يباركك يا حبيبتى

[hana montana 2010]

انا برضوا مع ميراى كلامها صح ليه نبص على اللى فات خلينا فى الجاى

[ZEZOMERO]

بصى يا نونا
انا هاتكلم من نظرة الولد للبنت

اى حد ممكن يحب مش ممكن لا دا اكيد هايحب
فا مابالك ان الى بيحب دا بنت ويا سلام لما يكون اول حب فى حياتها
يعنى بتديلة الحب كلللللللللللللللللللللللل للللللللللللللللللللللللل لة

وحطى تحت كلة دى سبعين خط
بعد كدة الولد يفركش على اى سبب
البنت مش هاتنسى بسهولة كدة ان الولد الى حبيتة يسيبها بسهولة كدة
وبتفضل فاكرة لغايا لما تلاقى حبيب غيرة

ممكن تقعد سنتين لغايا لماتحب تانى فى السنتين دول بتفضل مستنية كلمة حب من الحبيب الاولانى
فا لما تحب تانى والولد الجديد يسالها هايفكر يعنى هى لسة بتحبة وانا لا
فا يقرر انو يسيبهاااااااااااااااااااا ااا

ودا غلط كبير





اما بفى الولد الى عمل نفسو فلانتينو دا انسان معقد
اكيد مكنش لية كلام مع البنات ومحدش كان بيطيقة
حب يطلع غلة كلة فى البنات يا عينى
ههههههههههههههههههههههههه ههههههههههه
والبنت فى الاخر بتصدق كلامو

بس اقولك الولد دا مسيرة يقع وقعة سودة اوى
هههههههههههههههههه
انا اعرف واحد كدة اخد مقلبين ورا بعض
حرم يكلم بنات من اصلة
هههههههههههههه


معلش يا نونا طولت عليكى اوى اوى

[kamer14]

هههههههههههههههههه بصى يانونا مجتمعنا الشرقى دة ظالم وتيت ومفترى يعنى برة مش بيسال بقى بتحب قبله ولالا والكلام دة بس الانسان من رايى ميتكلمش فى الماضى لان حبيبه مسئول عن الحاجات ايلى بتحصل من اول اما حبو بعض ملهوش دعوه بحياتها قبله وملهوش حق انه يحاسبها ماهى اكيد بنى ادمه وهتحب قبله وهى يعنى حطا على قلبها قفل ؟ ده رايى وميرسى بجد يانونا على موضوعك الشائك دة وفى انتظار باقى الاراء

[kiko]

الى يجب بجد ويحب صح
عمره ماهيبص للماضى بتاع البنت
وهكذا الولد

دا رائى والولد الى يعمل زى مابتقولى ياحنان يبقى اولا مش متحضرر فى التفكير وماشى مع المجتمع التيت الى هو عايش فيه وثانيا يبقى مش بيحب بجد

ميرسى يانونا على التوبك الجميل

[ELMAGEK]

بوص يا نون انا هقولك على حاجة حلوة ومش هتكلم عن الولاد عموما
انا هتكلم عن نفسى وبس انا عن نفسى لو حبيت بنت وجات صارحتنى انها كانت بتحب حد
قبليا ياااا هتكبر فى نظرى جدا لانها مكذبتش عليا وصارحتنى وهى كدة فعلا خلاص مبقتش
تفكر فى الشخص دا لانها كان ممكن تخبى عليا وانا مكنتش ممكن اعرف
وفى نفس الوقت طالما خبت يبقى اكيد لسة بتحب الشخص دا
وبكدة تبقى فعلا متستحقش ان الواحد يرتبط بيها

وعلى العكس الولد الدنجوان او الفلانتينو دا اكتر ناس بيبصو لية نظرة اعجاب
او انبهار وبصراحة هما البنات نفسهم لاكن احنا معشر الولاد عمرنا ما بنبص
لولد يعرف دى ويسيب دى ويجرح دى بنحس انو فعلا مش واد جدع وكلو
بياخد منو جنب كشباب محترم او عارف ان دا عيب وان الواحد
لية اخت وقرايب بنات لازم يحافظ عليهم

وصدقينى المقارنة بين الصورتين هيبقى 50 ل 50
لان في بنات كتيييييييييير بتفضل لوسى عن عمر الشريف
وفى الاخر موضوعك جااامد يا بنت وبجد رووووووعة


وفى الاخر احب اقولك معلومة بس لطيفة





دا رافت الهجان بتاع المخابرات
D:

[مينا الحديدى]

ميرسى يا حنون
بجد بجد صورة حلوة

[MICKEY]

حنان انتي محسساني انكم ملايكه

الولد لما بيختار البنت بيختارها بقلبه وعقله
وبيكون فعلا عاوزها وباقي عليها

ولما بيصارح البنت بده بتوافق وبتدعي انها بتحبه لحد مايجي واحد تاني يعجب بيها تقوم تديله غمزة وضحكة يتهبل عليها
تقوم تقلب علي الغلبان وتروح للتاني وهكذا



انتوا من الأخر رخااااااااااص اوي

وعاوز بنت توريني نفسها وتقولي انت غلطان

ال لوسي ال

واللهي لوسي ضفره برقبتكم

[kamer14]

ياراجل رافت مين بس ده لوسى

هههههههههه اشعرفك انه رافت الهجان ؟ واساسا اسمه رفعت الجمال انما رافت الهجان ده اسم سينمائى