[kamel]

تعالوا كلنا نعرف أصل القانون
أصل القانون عندا من زمان
أصل القانون على الكانون لسة بيطبخوة
على كل لون بيطرمخوة
حسب الزبون بيفصلوة
إن كان غنى ولا فقير
واللى ما يصدق يسأل أ. ظريف
أأأأأية اللى جرالة فى المرور
أو أسألوا الناى الحزين
لييييية بيئن عبر الأسير
قانون جديد لسة بيتولد
لسة حبرة ما نشف على الورق
جايين يا عينى يطبقوة
على أولاد البلد
اللى يا عينى ما عرفوا أمتى أتولد
أأأأأأأأأأأأة عليكم يا أولاد البلد
هقولكم أيييييية السبب
فاكرين زمان لما صاحبنا
أستورد صفقة جلود
قال القانون الحزام فية مغنطيس إمنعوة
قالوا الحزام فية مرض خبيس يلا شلوة
فاكرين زمان لما صاحبنا
أستورد صفقة بويات
قالوا عاوزين نطور البلد وحدوا جميع الوجهات
بلون معين يلا أدهنوووووة
والنهاردة واحد صاحبنا
أستورد صفقة شنط و مثلثات
ما تكفى ربع العربيات
عملولها قانون التعلب فات فات
ودور يا عم ظريف ع المثلثات
وشوف وإكتم يا نااااااااااى
وكفااااااااااااااااية أناااااااااات
أدوا فرصة ل........ا ولل......ت
وعهد العشرة والعشرين عدى وفات
دلوقتى فية المية.. والميات
وسعادة الباشا تحت الشماسى
يعد ويرصرص الغلاااااااااات
واللى ما معهوش
طبقوا عليييية حالا قانون العقوبات
والتعلب فات فات

المصدر: †† ارثوذكس †† - من قسم: القسم الادبي

[nermos1982]

كلمات جميييييييييييييلة يا استاذ كامل بس بعد الكلام ده هاتلاقى المنتدى كله بيقول انهم مش يعرفوك .حتى لما تروح تتفسح (واخد بالك من تتفسح دى) محدش هايزورك بعيش وحلاوة قصدى بكباب وكفتة مانت رايح تتفسح هو انت رايح معتقل لاسمح الله
ربنا يباركك يا استاذ كامل ويكون معاك

[elphilasouf]

ههههههههههههههههههههههههه هههههههههههههه
اوعى تروح تتفسح يا استاذ كامل
ههههههههههههههههههههههههه ههههههه
بجد كلامك كله من قلب الحدث
ربنا يباركلنا فيك يا استاذ كامل

[ظريف]

بأمانه خضتنى يا أستاذ / كامل ( أبو مجدى )
الله يسامحك
ههههههههههههههههههههههههه ههه
أصل إحنا فى بلد الأمن والأمان
تصور يا أستاذ / كامل مره عسكرى جالى البيت وقالى الباشا عاوزك فى النقطه رحت للباشا قالى فيه محضر برقم سيارتك بأنك ضربت واحد بالسياره وجريت ...... قلتله بريئ ياباشا ماحصلش قالى لأ حصل وكأنه شافنى وقعد يقرالى المحضر وأثناء القرائه قال السياره البيجو رقم 4680 قلتله حاسب ياباشا أنا معايا لادا رقم 8640 ووريته الرخصه قالى جميل روح يالذيد هاتلى صاحب المحضر عشان يتنازلك وكأنى عملت الجريمه وطلعت عينى لحد ماجبته وفعلا إتنازلى وطلعت برائه
ومره تانى بعتلى الباشا وكأن مافيش غير ظريف فى المنطقه وقالى فيه محضر برقم سيارتك واحده ست بتقول إنك أخذت منها مبلغ 50 جنيه ومارجعتلهاش الباقى قلتله ياباشا خد منى 100 وسيبنى أروح لعيالى قالى لأ روح إنتا هات الست تتنازلك عن المحضر بيبنى وبينك ياعم كامل أتكسفت أروح أسأل على واحده ست ولبست القضيه ( إتهام فى سرقه ) وإتعملى كارته فى مديرية الأمن وموجوده حتى اليوم
ومره ماشى فى شارع بور سعيد فوجئت بشابين بيزنقوا عليا بسيارتهم وقفت ! قالولى هات الموبيل ياحرامى ؟؟؟؟ بينى وبينك ياعم كامل أنا قلت أكيد ده برنامج الكاميرا الخفيه وحافظت على مظهرى أمام الكاميرا وفوجئت بسيارة النجده بجوارى !!! قلت لأ بقى ده الموضوع حقيقى .... وسألتهم هو فيه إيه ؟ الشاب قالى أنا والدى مستشار محكمة طنطا وحتجيب الموبيل والحمد لله فى القسم والده حضر وسمع الحكايه وبرئنى وبين مين اللى سرق الموبيل ......
أحكيلك إيه وألا إيه ياعم كامل
وإنتا النهارده تقولهم إسئلوا ظريف
يارتها جات على الشنطه والحزام
ولا حتى المثلث .... دى بتيجى فى شرف وأعراض الناس وهم صامتون

[kamel]

المشاركة الأصلية كتبت بواسطة nermos1982 كلمات جميييييييييييييلة يا استاذ كامل بس بعد الكلام ده هاتلاقى المنتدى كله بيقول انهم مش يعرفوك .حتى لما تروح تتفسح (واخد بالك من تتفسح دى) محدش هايزورك بعيش وحلاوة قصدى بكباب وكفتة مانت رايح تتفسح هو انت رايح معتقل لاسمح الله ربنا يباركك يا استاذ كامل ويكون معاك

شكرا أستاذة على لقاءك بالموضوع
ههههههههههههههه
ومن دلوقتى محدش يعرفنى زى ما أنتى شايفة من الردود
امااااااااال لو رحت فسحة فى بيت خالتى أية اللى ها يحصل
قولى يا رب
هلاقى أبويا السماوى يعزينى
هههههههههههههههه

[kamel]

المشاركة الأصلية كتبت بواسطة elphilasouf ههههههههههههههههههههههههه هههههههههههههه اوعى تروح تتفسح يا استاذ كامل ههههههههههههههههههههههههه ههههههه بجد كلامك كله من قلب الحدث ربنا يباركلنا فيك يا استاذ كامل

طيب قولى يا فيلسوف بتضحك ليييييييييييييية
هفسحك معايا خليك تغير جووووو
أسعدنى مرورك
الرب معك

[kamel]

وإنتا النهارده تقولهم إسئلوا ظريف
يارتها جات على الشنطه والحزام
ولا حتى المثلث .... دى بتيجى فى شرف وأعراض الناس وهم صامتون
صدقنى حاسس بيك ولذلك بقولهم أسألوا أ.ظريف
لأنك أكتر واحد فينا بتلمس الحاجات دى
وأنت عارف كل خبايا وزويا المواضيع أكتر مننا
عشان يا رفيقى أحنا مقوقعين خلف الشاشات
وما دريانين غير بال.......................
على أيييييية السكوت أحسن
ربنا معك ينجيك من فخاخ الصيادين
يرعاك يردك الى أولادك فى كل وقت فى أمان
الرب راعى فلا يعوزنى شىء

[الناى الحزين]

المشاركة الأصلية كتبت بواسطة kamel أو أسألوا الناى الحزين لييييية بيئن عبر الأسير وشوف وإكتم يا نااااااااااى

ناى مين ده

فى حد هنا اسمه ناى


ايه يا عم كامل

مش كدا حرام عليك

ده انا لسه فى عز شبابى ما لحقتش افرح بالدنيا


شوف يا عم كامل

لحد هنا وكفايه

نمره تليفونى اللى عندك امسحها

وانسى ان ليك ابن اسمه ناى

ماشى يابا انسى

[kamel]

المشاركة الأصلية كتبت بواسطة الناى الحزين [/center] ناى مين ده فى حد هنا اسمه ناى ايه يا عم كامل مش كدا حرام عليك ده انا لسه فى عز شبابى ما لحقتش افرح بالدنيا شوف يا عم كامل لحد هنا وكفايه نمره تليفونى اللى عندك امسحها وانسى ان ليك ابن اسمه ناى ماشى يابا انسى

أنا عارف أنك زعلان قلبت عليك المواجع
سامحنى يا غالى
ولا أعملك قانون طوارق
يرد لك حقك اللى ضايع
وتسيبنى وحدى وسط المواجع
وسط خلق رايح وراجع
روح اللة يسامحك
يا أبنى

[عماد حسنى]

شكرا جدا جدا يا استاذ كامل على موضوعاتك المميزه دى
ربنا يباركك