[ظريف]

المشاركة الأصلية كتبت بواسطة kamel أولا موضوعك مهم يا بوبا أشكرك علية بس ليا طلب صغير لو ممكن يبقى كدة أفضل وهو : نخلى أستاذ/ ظريف يكتب قصة لا تزيد عن 5 سطور والكل يكتبها شعريا ودى تبق أفضل من الأشتراك بموضوع سبق كتابتة... أية رأيكم ودى تبقى أفضل الطرق وطبعــــــــــــــــا أنا مشترك معاكم وكلنا نستفيد من بعض ونشوف ممكن للقصة الواحدة نكتب فيها شعر إزاى ماااااااااااااااااااااشى ســــــــــــلام الرب مع الجميع

طلب حضرتك سيف على رقبتى يا أستاذ / كامل ( أبو مجدى ) وإلى حضرتك تلك القصه
كان فيه خادم وخادمه عايشين حياة الخدمه سويا وبيساعدوا جميع المحتاجين وكان عندهم طفله عمرها خمس سنوات وكانوا بيشغلوا للطفله فيلم حياة المسيح فى الفيديو وعند موقف تعذيب المسيح يوقفوا الفيديو حتى لا تتأثر الطفله فى يوم كانت الطفله بمفردها شغلت الفيديو وشاهدت أبشع صور للتعذيب للمسيح صرخت وبكت وقالت سيبوه سيبو ربى يسوع وبعد الصلب إنهارت الطفله على الأرض فوجدت المسيح يحملها ويمسح دموعها ويقول لها ماتخفيش ياحبيبتى أنا بخيبر وحاجى بالليل أخذك معايا . وعند عودة الأب والأم حكت الطفله لهم ماصدقوهاش وقالوا ده من تأثير الفيلم وبعد منتصف الليل أستيقظت الأم والأب على رائحة بخور ونور عظيم فى حجرة الطفله ودخلوا عليها وجدوها إنتقلت . فبكوا كثيرا ولكنهم تذكروا كلام الطفله فمجدوا الرب بمخافه وإطمئن قلبهم

[MICKEY]

انا موافق علي رأي استاذ كامل جدا جدا جدا
ودي فعلا احلي طريقة تكشف الموهبة الحقيقية
وكمان لو سبنا العملية عايمة
مش هنعرف نقيم مابين الشعر الديني او الرومانسي
لأن لكل واحد لون
لكن لما يبقي الشعر موحد
وخاضع تحت قرارات لجنة التحكيم
هو ده اللي هيبين الموهبة الحقيقية
ولبوبا الاقتراح النهائي

بس بجد فكرة في الجون وقصة استاذ ظريف جميلة
بس عاوز اعرف ابدأ التأليف ولا استني لما تعتمدوا الفكرة
وكمان عاوز اعرف اخر موعد لتقديم المواضيع امتي

[kamel]

شكرا يا أستاذ/ ظريف لتلبية النداء
الرب يباركك وبجد قصتك جميلة جدا جدا
وأشكر أستاذ / ميكى لأعجابة بالموضوع
وهقولك يا ميكى جهز نغسك للموضوع
وبرضة ها نستنى باقى الأعضاء
يا رب الفكرة تعجبهم
شكرا أستاذ ظريف للقصة المعزية
الرب يبارك الجمبع

[MICKEY]

انا كتبت حاجه كده
هي مش قوي يعني
لكن علي قد معرفتي
ويارب تعجبكم

-------------------------

ماما قالتلي تعالي ياحبيبتي هوريكي فيلم يسوع
تعالي وشوفي اد ايه هو لينا الينبوع
اللي بيروينا وبيمسح لينا من عيونا اي دموع

وكل مرة اشوف الفيلم يخلص ويسوعي بيبشر
رافع اسم الهي دايما ولكلامه داير ينشر
ودايما واقف يصلي ودايما واقف يشكر

وفي مرة شغلت الفيلم وانا لوحدي في البيت
شفت منظر رهيب فظيع حقيقي خلاني اتخضيت

واحد قاسي ماسك كورباج وعلي جسمه كانوا بيجلدوه
وواحد تاني دق مسمار وبيقولوا انهم بيصلبوه
هو عملكم ايه لده كله ارجوكم امشوا وسيبوه

ليه ياوحشيين ليه ياقاسيين هو كان عملكم ايه
انت ياحارس سيب ايديه وانت ياقاسي سيب رجليه
منظر قاسي هذ كياني خلاني ابكي عليه

جالي حبيبي بعد الفيلم وقالي كله مكتوب
اب يشيل ذنب ابنه والابن مش راضي يتوب

صرخت وقولت ياربي بحبك ارجوك ارجوك متسبنيش
طبطب عليا وخدني في حضنه وقالي حبيبتي متقلقيش
بالليل هاجي وتيجي معايا ومع بعض سوا هنعيش

ماما جت وعرفت الحكاية قالتلي ده تأثير الفيلم
نامي ياحبيبتي نامي واتغطي ده مش علم ده اكيد حلم

قالتلي نامي وارتاحي ياحبيبة ماما وانا هحكيلك حدوته
نمت ونامت صحيت بصت بس ملقتنيش موجوده

انا مع ربي انا مع حبي الوقتي فوق في الملكوت
اللي فداني اللي سباني اللي عشاني داق الموت

**************

اتمني انه يكون عجبكم
بس مش عشان الفوز
لا لا لا لا
عشان المجد الباطل
نياهاهاهاهاهها

[ظريف]

جالي حبيبي بعد الفيلم وقالي كله مكتوب اب يشيل ذنب ابنه والابن مش راضي يتوب

بجد وبدون مجامله رائع رائع رائع
ياميكى ياللى بتطلع من الفسيخ شربات
ربنا يباركك ويعوضك

[b o b b a]

موااااااااااااااااااااااا افق
علي الفكره
بس دي هتبقي المرحله الاولي
يعني كده لكل المشتركين دي المرحله الاوووووووووولي
هنكتب علي قصه استاذ ظريف
واخر ميعاد للشتراك يوم 15
واخر ميعاد لتسليم ايجابات المرحله لاولي يوم 20
وكمان مفيش حد هيخرج من اي مرحله وهيبقي نظام دوري زي ماقال استاذ ظريف وجاري اختيار لجنه التحكيم
اووووووووك
قولولي رايكوا

[ظريف]

وأنا كمان كتبت حاجه كده على أدى
عشان اشارك فى المسابقه الجميله
ويارب تعجبكم ......... تأليفى ههههههههه

كان فيه أب وأم على خدمة يسوع متعاهدين
وبنتهم عمرها خمس سنين وتشبه عود الياسمين
فى مخافة الرب علموها وعودوها تساعد المحتاجين
كان الأب والأم يحرصوا على أفتقاد الناس المؤمنين
وفى مره كانت الطفله بمفردها وهما عن البيت غايبين
ومسكت شريط الفيديو وبدأت تشغله بإيدها اليمين
وكان غلاف الشريط عليه صورة رب المجد المعين
وشاهدت أجمل معجزات وآيات ليسوع الأمين
وكمان شاهدت أفظع عذاب وجلد من وحوش آدميين
وكان موقف مؤلم لطفله عمرها يادوب خمس سنين
وكمان شاهدت منظر دم وأكليل شوك فوق الجبين
بكت الطفله وصرخت وإنهارت سيبوه يامتخلفين
ووقعت من على الكرسى ضحيه لظلم العابسين
وهى على الأرض شافت يسوع بمحبه وحنين
شالها بين زراعه وقالها ياحبيبتى دول غفلانين
وعشان بحبك حاخدك معايا عند الملايكه السهرانين
رجع الأب والأم من خدمتهم ومن مشقة اليوم تعبانين
حكت لهم الطفله وماصدقوهاش وناموا وهما قلقانين
وفجأه صحوا على ريحة بخور ونور يعمى العين
جروا بفزع على حجرة الطفله وجدوها بين المنتقلين
بكوا بحرقه ولكنهم إفتكروا كلام الطفله وخروا قائلين
لتكن إرادتك يارب وقضوا باقى أيامهم صامتين وشاكرين

[b o b b a]

تمااااااااااااااااااااااا ااااااام
بس ياريت الاجابات في رسايل خاصه بعد كده اوووووووووك
شكرا استاذ ظريف

[ramy.journalist]

طبعاً يا جماعه انا مشترك معاكم وهبعتلك يا بوبا رساله خاصه بموضوعى قبل يوم 15

[اسامة ثروت]

ممكن اكون معاكم يا غالى لو ممكن الرسالة هتكون عندك بعد بكرة يا غالى