[vemy]

مالك زعلان ليه؟! (حوار مع قلبي)




مالك زعلان ليه؟! مش كنت عايز كده


بس مكنتش اعرف ان بعده هيموتني بالشكل ده


متشتكيش انت الي عملت في نفسك كل ده


ياما قولتلك حنيته مفيش قدها
حبه وخوفه وجنته مش هتلاقي زيها
وجاي دلوقتي تبكي وتقولي ايامي المر ملاها كلها


طيب قولي اعملك دلوقتي ايه؟؟؟؟؟؟؟؟؟؟؟؟؟!!!!!!!!!


بعد ما ظلمته وجيت عليه
بعد ما جرحته ودوست عليه
بعد ما عملت كل ده فيه
خلاص انت مستني منه ايه!!!!!!!!!


عايزاك تعرف انه نسيك
وانه خلاص معدش بيفكر فيك
وان عمره تاني ما هيشتريك


بس كفايا متقوليش كده متعذبنيش


لا تاني وتالت هقولك
فوق بئى واتعلم تعيش لوحدك
اتعود لما تبكي متلقهوش جنبك
واعرف ان عمره تاني ما هيوحشه حضنك


ابعد عنه كفايا الي عملته فيه
ابعد عنه كفايا الجرح بقى مليه
ابعد عنه كفايا دا انت ياما نزلت دموع عنيه


متقسيش عليا كده دا من غيره مش عارف اعيش
حرام عليكي دا ايامي مبتعديش
من بعده دموعي واحزاني مبتسبنيش


قولتلك اسكت ومتشتكيش
اسكت ومتقوليش متقسيش
خلاص معدش يهمني تموت او تعيش
الي زيك ملهوش علاج خلاص مفيش
خليك عايش تتعذب انا ميهمنيش
وانا هتعلم من غيرك ازاي اعيش


ولو جاتلي فرصه هبيعك وبمفيش

منقوول

المصدر: †† ارثوذكس †† - من قسم: القسم الادبي

[نبيل نصيف جرجس]

اسلوبك حلو اوى فى الكتابة
ربنا يباركك ويفرح قلبك يا رب

[مارجو بنت الملاك]

رائع جدااااااااااااااااااااا ميرسى ليكى ربنا يفرح قلبك

[عماد نابليون]

[بنت الراهب الصامت]

عايزاك تعرف انه نسيك
وانه خلاص معدش بيفكر فيك
وان عمره تاني ما هيشتريك كلماتك حلوه اوى بجد بس الجمله دى حسستنى فيها ان ربنا ممكن يبعد عننا فى يوم وده مش صح فعلا احنا بنخطى كل ثانيه بس ربنا بينادى علينا ويقولنا توبو بس مش بيسيبنا وكمان مش هيشترينا لو ربنا مش هيشترينا مكنش نزل من الاول واشترانا وكمان ربنا مش بينسى اولاده مهما حصل منهم ربنا يباركك وسامحنى على تعليقى اخطيت

[vemy]

[quote=نبيل نصيف جرجس;445785]اسلوبك حلو اوى فى الكتابة
ربنا يباركك ويفرح قلبك يا رب[/

شكرا يا نبيل
مبسوطة انة عجبك
ميرسى لمرورك

[vemy]

المشاركة الأصلية كتبت بواسطة مارجو بنت الملاك رائع جدااااااااااااااااااااا ميرسى ليكى ربنا يفرح قلبك

ميرسى لمرورك يامارجو

[vemy]

المشاركة الأصلية كتبت بواسطة عماد نابليون

ميرسى ياعماد
نوررت

[اسامه سمسم]

جميل اوى
ربنا يفرح قلبك
وفى انتظار المذيد

[vemy]

المشاركة الأصلية كتبت بواسطة بنت الراهب الصامت عايزاك تعرف انه نسيك وانه خلاص معدش بيفكر فيك وان عمره تاني ما هيشتريك كلماتك حلوه اوى بجد بس الجمله دى حسستنى فيها ان ربنا ممكن يبعد عننا فى يوم وده مش صح فعلا احنا بنخطى كل ثانيه بس ربنا بينادى علينا ويقولنا توبو بس مش بيسيبنا وكمان مش هيشترينا لو ربنا مش هيشترينا مكنش نزل من الاول واشترانا وكمان ربنا مش بينسى اولاده مهما حصل منهم ربنا يباركك وسامحنى على تعليقى اخطيت

شكرا لتعليقك يابنت الراهب
بس الحوار كان على حبيبة
مش ربنا

اكيد ربنا عمرة ما بيسبنا
نورتى الموضوع