[نورالمنتدى]

اولا؟؟ الصبح وانت رايح على شغلك وهى نايمة تعمد اسقاط اى شيئ او خبط الباب
بصوت عالى علشان تصحيها هى كمان .. اشمعنى انت ؟ ولو حاولت ترجع تنام تانى
قولها مادام صحيتى حضري الفطار بقى
الطريقة الثانية
اذا كنت بتتفرج على التلفزيون وهى عايزة تغير القناة .. قالها معلش
الحلقة دى مهمة جدا واحد صحبى شافها على القناة الفضائية وقالى ان
الحلقة دى هى المسلسل كله .. ولو كنت بتتفرج على ماتش كورة
هيبقى الموضوع اسهل .. كل ما حد من اللاعبين من اى فريق يمسك الكورة قالها
معلش ثوانى بقى انا حاسس ان الكورة دى جون حتى لو كان حارس المرمى ماسك الكورة
والماتش واقف لان فى واحد مصاب ( ملحوظة : اغلب النساء ذو ثقافة كروية ضعيفة )
الطريقة الثالثة
اصح يوم الجمعة بهمة ونشاط وجهز الافطار لزوجتك بس متنساش انك تستخدم
15 طبق واكبر كمية من الملاعق والشوك و 5 حلل من اللى عندكم فى المطبخ و 10 كوبيات
لاعداد طبق بيض وسندوتش جبنة طبعا يراعى ترك اثار سمنة على الارض مع ترك التلاجة مفتوحة
وقشر البيض فى الحوض
الطريقة الرابعة
فى عيد ميلادها زينلها تورتة عيد ميلادها بخمسين شمعة ولو سألتك لية خمسين رغم ان عندها 15 سنة بس ؟
اتحجج بضعف الاضاءة فى البيت وانت بتبص على النجفة اللى عندكم اللى فيها 30 لمبة مع ابتسامة صفراء خفيفة
الطريقة الخامسة
لو عملة ريجيم اجرى على السوبر ماركت ومحلات الحلويات واملى التلاجة شكولاتة وحلويات وجاتوهات
يراعى التجول وانت مستمتع بأكل الجاتوة امامها
الطريقة السادسة
متنساش رأيك فى طبيخها لو عاملة لحمة قالها حلو اوووى الفراخ دى ..ولو طبخة بامية
.. جميلة اوى الملوخية دي ياحياتي حطة عليها اية ؟؟ ولو عملة كيكة قالها
انا بحب اشرب شاى مع البسكويت الحلو دة !!
الطريقة السابعة
لو طلبت منك تنشر الهدوم قالها حاضر مع ابتسامة حانية وبعد ما تخلص نشر الهدوم ادخل
عليها وقولها انا نازل اجيب الهدوم اللى وقعت منى فى الشارع ولو سألتك هو اية اللى وقع ؟
اذكر لها كل هدومها اللى كانت مغسولة مع فردة شراب من بتوعك علشان متبقاش مقصودة منك !
الطريقة الثامنة
لو الزوجة قررت مسح الارضيات فى البيت حاول انك تروح وتيجى على المناطق المبلولة
متحجج بأنك محتاج تتصل ضرورى بواحد صحبك ومرة عطشان
ومرة تانية بتجيب الجرنال ومفيش مانع انك تقول انك حاسس ان التليفون هيرن كمان شوية
الطريقة التاسعة
لو كانت مشغولة فى نظافة البيت او مع الاولاد وطلبت منك تغسل كوبتين
الشاى بتوع الصبح الموجودين فى الحوض ارجعلها كمان دقيقة من دخولك المطبخ
وانت ماسك كوباية من الاتنين وهى مكسورة واسألها فى براءة ارمى دى فين
الطريقة العاشرة
وانت قاعد تتفرج على التلفزيون وهى طالع عينها فى تنظيف البيت وبعد ما
تخلص وتيجى يدوبكك تقعد تستريح جنبك بصلها وقالها حبيبتى معلش ممكن
كوباية مية علشان ضهرى بيوجعنى
لوووووووووووووووووووووووو ووول
واتمنى ان يعجبكم الفكره وتجربوها
هههههههههههه

المصدر: †† ارثوذكس †† - من قسم: الضحك والفرفشة

[merrete]

ههههههههههههه طيب ليه الاذيه دى حرام عليك يا راجل تحفه بجد ميرسى يا باشا

[الماكس مايكل]

هههههههههههههههه
موضوع جامد يا ميخا
ميرسى ليك

[نورالمنتدى]

هههههههههههههههههه يلا يبنات عايز المنتدى يولع شباب على بنات عايز انفعال وضرب ودم يلا مستنى

[hany1982]

الله عليك يا راجل موضوع جنان بالذات لأنه بيحرق دم البنات

[مادونا نبيل]

ممممممممممممممممم
تفتكر يا ميخا لما واحد يعمل
فى مراته كل ده هى مش هيبقا
ليها رد فعل
دى على الاقل هتتطخه بالفرفر
او تدبحه و تقطعه و تحطه فى اكياس سوده
هههههههههههههههههه

[نورالمنتدى]

المشاركة الأصلية كتبت بواسطة هانى سليمان الله عليك يا راجل موضوع جنان بالذات لأنه بيحرق دم البنات

هههههههههههههههههه وانت لسة شفت حاجا دول هيشوفو ايام حلوة معيا

[نورالمنتدى]

المشاركة الأصلية كتبت بواسطة مادونا نبيل ممممممممممممممممم تفتكر يا ميخا لما واحد يعمل فى مراته كل ده هى مش هيبقا ليها رد فعل دى على الاقل هتتطخه بالفرفر او تدبحه و تقطعه و تحطه فى اكياس سوده هههههههههههههههههه

ههههههههههههههههه مش هتقدر تعمل حاجا عشان هتخاف منو اما الكياس السودة بطلو يبعوهة

[يسوع ربى]

اولا ن الرجل مش محتاجه النصيحه ديه
لان هموه فعلا ن غلسين من غير نصيحه

ههههههههههههه
هههههههههههههههههه

[نورالمنتدى]

المشاركة الأصلية كتبت بواسطة يسوع ربى اولا ن الرجل مش محتاجه النصيحه ديه لان هموه فعلا ن غلسين من غير نصيحه ههههههههههههه هههههههههههههههههه

ههههههههههههههههههههه ايوة كدة يارب كلو يبقا غلس