[bolalover]

سلام و نعمة لكل اعضاء منتدي ارثوذوكس

انهارده و انفراد تام من منتديات ارثوذوكس فقط ... يعني هنا و بس
جيبلكم كل خبايا قضية هاني سعيد بالتفصيل الممل
الخبايا دي محدش قدر يعرفها ولا تقولي شوبير ولا بندق و صادق
بجد الكلام الي انا هقوله ده جاي من مصادر موثوق منها من داخل نادي الزمالك
و مفيش ولا مصدر اعلامي لحد دلوقتي عرفها او اعلان عنها او حتي لو عرفوها ميقدروش يعلنوا عنها
طبعا هتستغربوا بولا جاب المصادر الموثوقة دي منين و هتقولوا دا بيشتغلنا
و انا هقولكم جيبها منين اخويا محامي و علي علاقات قوية جدااا بناس مسئولين بنادي الزمالك
و هما كانوا قاعدين علي كافيه فاخويا سئل علي هاني سعيد فقلوا له كل حاجه و هو حكالي و انا قولت لازم اقولكم
علشان مطولش عليكم تابعوا معايا انفراد قسم الرياضة من منتديات ارثوذوكس
نبتدي حلقتنا و نقول القصة من الاول

نادي الزمالك تقدم بطلب رسمي لنادي الاسماعيلي لانضمام هاني سعيد لصفوفه
نادي الاسماعيلي قال شروطه و الزمالك وافق عليها و تم الاستغناء من قبل نادي الاسماعيلي لنادي الزمالك عن اللاعب هاني سعيد (( دي شرط اندية مع بعض ))
تعالو بقا نشوف شروط اللاعب
اللاعب عند التعاقد مع نادي الزمالك طلب انه يمضي عقد بمدة 3 سنين و بعد سنتين يحق للاعب انه ينتقل لاي نادي تاني بشرط انه يدفع الشرط الجزائي الي في العقد
و ده طبعا لاحتمال صعود مصر كاس العالم و احتمال ان هنا يجيلوا فرصة الاحتراف لاي نادي اجنبي محترم
المهم نادي الزمالك قاله لا يا هاني احنا عايزين 4 سنين
هاني قلوهم طيب يا جماعة انتوا عندك شروطي فكروا فيها و لو وفقتم انا تحت امركم
الكلام ده كله بقا حصل في الجلسة الي كان نادي الزمالك محضر فيها 4 عقود علشان هاني يمضي عليهم و طبعا هاني مش مضي علي حاجه علشان شروط العقد مش عجبته و كان حاضر الجلسة دي بالصدفة الكابتن محمد عبد المنصف
طيب كده هاني قام روح بعد ما نادي الزمالك دفع فلوس للاسماعيلي مقابل الاستغناء
و هاني مستني الرد من الزمالك اذا كانوا هيوفقوا علي شروطه ولا لا
و الزمالك عايز هاني لمدة 4 سنين
طيب ده موقف الزمالك مع هاني و بكده يكون هاني مش مضي اي عقود رسمية و طبعا الخبر ده مخالف للخبر الي انا كنت نشرته في القسم بان هاني مضي عقود رسمية و ده لاني مكنتش اعرف لسا الجديد و الخبايا
نيجي بقا بموقف نادي الاهلي من ناحية هاني سعيد
مستر محمود الخطيب عرف بالمشكلة الي بين الزمالك و هاني في الاتفاق
اتصل محمود الخطيب ب هاني و قاله عايز قبلك يا ابو الكاباتين
هاني راح قابل مستر محمود الخطيب
و دا الحوار الي دار بينهم بكل صراحة

الخطيب : ازيك يا هون عامل ايه يا حبيب قلبي
هاني : تمام يا كابتن الحمد الله بخير
الخطيب : بص يا هاني علشان نجيب من الاخر انا عرفت موقفك مع الزمالك و مع عباس
هاني : والهي عادي يا كابتن انا مستني ردهم
الخطيب : بص يا هاني .. عباس دماغه نشفة و هيعملك مشاكل انا هجبلك المفيد
هاني : اتفضل يا كابتن قول
(( الخطيب طلع دفتر الشيكات من جيبه و راح جاي قاطع شيك و مضي عليه ))
الخطيب : دا شيك يا هاني علي بياض حط فيه المبلغ الي انت عاوزه مقابل انتقالك لنادي الاهلي و باي شروط انت تطلبها
هاني : يااااااااه يا كابتن انت بصراحة فجئتني
الخطيب : ها يا ابني الناس ايه نظامك
هاني : طيب يا كابتن انا كنت سامع عن حاجه كده خايف منها
الخطيب : حاجه ايه يا هاني قول
هاني : بصراحة كده انا عرفت ان القائمة الافريقية مش هينفع يضاف عليها غير 4 لاعبين بس و انتم جبتم صفاقات كتير مهمة و حلوة يعني من الاخر كده الاربع لاعيبة دول هتحطوهم مين احمد حسن ولا احمد حسن التاني ولا الواد بتاع قطر ولا مصطفي ولا مين ولا مين و انا كده مش هيبقا ليا مكان في بطولة افريقيا
الخطيب : بص يا هاني دي حاجات انا مليش دعوة بيها دي ترجع لجوزيه و انا مقدرش اتكلم فيها .. بس انت مش تقلق يعني
هاني : بصراحة يا كابتن علشان اكون صريح معاك دي الحاجه الي قلقاني و انا بكده هستني رد الزمالك و اشوف و لو مش كده انا هاجي وة اقولك
الخطيب : طيب يا هاني خلي الشيك معاك و مفيش مشاكل
هاني : اوكي يا كابتن

و ده كان الحوار الي دار بين نادي الاهلي و هاني
طبعا الاخبار تسربت لكل وسائل الاعلام و الكل قال دا هاني مضي للاهلي و هاني في الاهلي علشان قعد مع الخطيب في بيته
و طبعا ده محصلش هاني ولا مضي مع اهلي ولا زمالك و دي الحقيقة
بكده الاخبار وصلة لممدوح عباس بان هاني بيفكر في الاهلي بعد الي حصل
طيب و ممدوح عباس يعمل ايه .. فكركم هيسكت
ممدوح عمل اتصل قلب بيه الدنيا و تعالوا نشوف سوه الاتصال ده

عباس : الو ازيك يا عبد المنصف
عبد المنصف : ازيك يا مستر ممدوح
عباس : بص يا اوسه انا عايزك تنزل دلوقتي حالا تعمل محضر في القسم ان هاني سعيد تعادي عليك و ضربك باسلحة بيضاء علي محور 6 اكتوبر هو و شوية بلطجية معاه علشان يسرق منك العقود 4 الي مضاهم
عبد المنصف : بس هو مش مضي حاجه
عباس : ما انا عارف بس انت قول كده زي ما بقولك علشان ندبس هاني معانا و ميروحش الاهلي
عبد المنصف : من عيوني يا كابتن

طبعا هتستغربوا من كلامي و تقولوا ده مش حقيقي
يعني انتم فكركم ان لاعب محترم زي هاني سعيد يعمل كده
طيب بلاش كده هاني سعيد ولا محترم ولا حاجه يا بشر
طيب و ليه العقود تبقا مع عبد المنصف و يمشي بيها كده في الشارع عادي
ايه خلاص مفيش خزنة في النادي .. مفيش مدير نادي يخلي العقود دي معاه
مش معقول يعني حاجه مهمة زي دي تتعان مع لاعب
و من امته الاعيبة بتشيل عقود لاعيبة تانية و تعنهم معاها
اكيد دي حاجه مش معقولة
و زي ما قولتلكم دا الي حصل فعلا
و اخر حاجه حصلت
ان اتحاد الكورة اصدر قرار بوقف الاعب هاني السعيد حتي يتم التحقيق معاه من قبل الاتحاد
غير كده هاني كمان بيتحقق معاه في النيابة عن الحدثة الي هو مش عاملها لانه اساسا مش مضي حاجه

و نادي الاسماعيلي لما عرف كده قال انا كده مش هقدر اصرف الــ 4 مليون بتوع الزمالك الي هما بتوع الاستغناء عن هاني علشان ممكن هاني بالشكل ده ميلعبش في الزمالك

هاني قال ان في مفاجاة هيعملها في اليومين الي جاين دول و هيكون في مفاجاة للجميع سواء زمالك او اهلي او اسماعيلي
و حاليا هاني سعيد في حالة نفسية وحشة جدااا و قافل كل حاجه موبايله و تليفون البيت و كله

بصوا يا جماعة اغلبكم هيستغرب لاني زملكاوي و قولت الكلام ده
بس عند الحق و الحقيقة مفيش ولا زمالك ولا اهلي
ايه ذنب لاعب زي ده يتظلم كده و يجراله كده
دا من احسن لاعيبة مصر ليه يحصله كل ده
انا راي ان هاني ولا يلعب في زمالك ولا اهلي لانه مش هيسلم من المشاكل
لو لعب في الزمالك مش هيرتاح في التعامل و كمان مظنش بعد التهام الباطل ده انه يفكر في الزمالك حتي لو وافقوا علي شروطه
و لا حتي ينفع يلعب في الاهلي لان هاني الي محدش يعرفه لو لعب في الاهلي هيعمل مشاكل كبيرة جداا لاسرته و عائلته و لنفسه و هيحصل مشاكل بجد و اساسا مش راضي بالاهلي علشان بالشكل ده مش هيدخل ضمن القائمة الافريقية لان مفيش مكان يسيعه و مش معقول لاعب زي ده ميلعبش و بطولة افريقيا لاندية
من الافضل احتراف هاني سعيد ده لو كان في عروض جايله من بره او البقاء ف يالاسماعيلي حتي كاس العالم 2010 و يحترف بعده
بكل صراحة ده الي حصل و بامانة الكلام ده كل من مصادر موثوق منها بجد فعلا و اعلب الاعلمين عارفين الكلام ده بس طبعا ميقدروش يعلنوا عنه
بس انا اعلنت عنه
يارب تكون التغطية للقضية عجبتكم
اخوكم
بولا

المصدر: †† ارثوذكس †† - من قسم: قسم الرياضة

[كيرو رافت]

بجد يا واد يا بولا كلامك منطقى جدااااااااااااااااااااااا اااااااا
انا شخصيا مصدقه جدا

انا نفسى الاعيبه الجامده اللى زى هانى وحسنى وعمرو زكى الناس دى تحترف برا بجد

ميرسى ليك يا اغلى بولا على احلى موضوع

[b o b b a]

الحاجه الوحيد اللي انا متاكد منها ان عبد المنصف اتهاماته كلها باطله لانه مينفعش يبقي معاه العقود ولو معاه بيبقي في نسخه في نادي الزمالك ونسخه في الاسماعيلي اكيد وهاني سعيد معندوش عقود احتراف غير الخليج يعني اهلي وزمالك احسن وبالمحضر والاتهامات الزور والاتفاق بين عباس ومنصف والشيك اللي علي بياض وجوزيه اللي طالب سعيد بالاسم يعني في القايمه الافريقيه ان شاء الله هاني سعيد في الاهلي ان شاء الله