[s_marium]

هقولكوا على طريقة مامتى فى عمل العيش
اللى هتريحكم من وقفة الطوابين و دا غير الدقيق المستخدم فى الطابونه بيكون ......زى منتوا عارفين

الأدوات الواجب توافرها فى البيت من أجل صناعة العيش:

_ فرن صغيرة للخبيز (معلش بتشتغل بـ أنبوبة الغاز ) .... سعرها مش غالى

_ رول لفرد الرغيف أو نشابة

_ خشبة مستديرة ولها يد خشبية من أجل دخول العيش للفرن

_ 2صاج كبير
زى ده

_ ميزان المطبخ

ملحوظة مهمة:

أول ما تجيبى الفرن وتوصليها وتتأكدى من التوصيلات وأنها أمان تشغليها وباستخدام قطعة قماش مبلولة وتمسحيها وهى شغاله كويس علشان مطرح الألومنيوم يطلع
وطبعا الفرن يفضل وضعها فى البلكونه ودا أريحلك لأن كمان درجة حرارتها بتبقى عالية أكتر بكتير من فرن البتوجاز

بعد ما تنوى العزم وتتوكلى على ربنا و تجهزى الأدوات دى نبدأ بقى الشغل

المقادير : (تنتج حوالى 15 رغيف)
2 كيلو دقيق فاخر
2 ملعقة ممسوحه ملح
10جرام خميرة بيرة
ردة ناعمة

الطريقة:

أولا نضيف للخميرة قليل من السكر وشوية ماء دافئ ونسخنها شوية فى فرن البتوجاز

ثانيا نضع الدقيق فى كروانه أو أناء للعجن (واختارى مقاس منابس وخدى بالك أن العجين هيخمر)
ثم نضيف إليه الملح والخميرة بعد ما تكون خمرت ثم نبدأ فى إضافة ماء دافئ ونبدأ نعجن كويس ونلف العجينة كويس ونلمها من تحت لفوق ونخلط المكونات كويس مع بعضها
لغاية ما يبقى قوام العجينة متماسك بحيث ولا أنها ناشفة ولا طرية (وخدى بالك أنها عجينة بتلزق فى الأيد يعنى متفضليش تضيفى ماء علشان تبطل تلزق فى الحاله دى هتلاقيها طريه خالص ومينفعش فردها)

ثم نغطي اناء العجن بكيس بلاستيك (علشان العجينة متلزقش جامد فيه) ونلفها ببطانية ونضعها فى فرن البتوجاز ( وهى دافئه مكان ماسخنا الخميرة)

ونتركها لمدة ساعة علشان تخمر

بعد ما تخمر نقرص العيش
تكونى فاتحة ماء الصنبور و تاخدى من العجينة وتبليها قليلا بالماء علشان متلزقش جامد فى إيديك وتوزنيها على الميزان حوالى 200 جرام الرغيف
ونكون مجهزين صاج ومفروش ردة ناعمة ونضع علية الأرغفة و خلى فيه مسافة بين كل رغيف والأرغفة الأخرى

غطى الصاج بكيس بلاستيك وأتركيهم ساعة علشان يخمروا

المرحلة الأخيرة الخبيز

شغلى الفرن وخلي الشعلة اللى تحت عاليه واللى على الجانبين قليله

على الطرابيزة أفرشى شوية ردة ناعمة وحطى الرغيف عليها
أنثرى قليل من الدقيق فوق الرغيف
وأبدئ بواسطة النشابة أو الرول أفردى الرغيف لحد ما يوصل لمقاس مناسب

أمسكى الرغيف كويس وأنقليه على الخشبة المستديرة واللى من خلالها أرمى الرغيف فى الفرن

أستنى شوية لحد لما يقب

بعد كده قومى بتعليه النار اللى على الجانبين علشان يحمر من فوق

تقدرى تخرجى الرغيف وبالهنا والشفا

متنسوش تدعو لمامتى

SARA A

المصدر: †† ارثوذكس †† - من قسم: طباخك الخاص

[madline]

ميرسى اوى يا مريم على طريقة العيش وربنا يخليكى يا حبيبتى انت وماما وا نا هجربها ان شاء الله

[mervo]

مجهود رائع

[monus1960]

l;,vvvvvvvvvvvv مشكورررررررررررررررر

[sangogo111]

بجد مجهود رائع
ربنا يباركك

[sangogo111]

ميرسى على تعبك ده ربنا
يعوض تعب محبتك

[جاكلين ادوارد]

العيش دة جميل جدا وكفايه انه نظيبف ويتاكل بامان ويفتح النفس بس دة مش كويس للى بيعملوا رجيم عشان هيبوظوا الرجيم يعنى هيبوظوا شكررررررررررررررررررررررر رررا

[s_marium]

أشكركم على المشاركة
وحاولوا تجربوه
وأكيد هيعجبكم
ربنا معاكم

[andro dodo]

شكل العيش جميل جداااااااااااااا ويفتح النفس
سلم يدك ياقمر واشكرى ماما كتير

[viviannee]

طريقة حلوة خالص ربنا يباركك على المجهود الرائع
وشكرا طبعا لطنط