[bolalover]

أ ج ا ز ة ص ي ف



أجــــازة صــــيـــــف


2009





تعرف ان انت بجد منورنا في المنتدي ... احنا اكتر ناس سعداء بوجودك معانا
احنا مين !!!
احنا كل اعضاء و مشرفين منتدي ارثوذوكس بجد مبسوطين اوي انك عضو معانا في المنتدي
ايون انت الي هو انت ... ايون انت الي بتقراء الموضوع دلوقتي مالك مستغرب ليه دا احنا بنحبك جدا و من غير حتي ما نعرفك

خت الاجازة يا باشا .... اكيد قاعد زهقان و في ملل و مش عارف تعمل ايه و ليل نهار نت و مفيش حاجه عدلة علي النت ....




لالالالالا اوعي اشوفك قاعد القاعدة دي خالص ازعل منك بجد
بقا يا راجل تقعد القاعدة دي و ارثوذوكس موجود
طيب هقولك علي حاجه و بامانة وعد مني ليك
اوعدك .. ان ارثوذوكس هيكون كفيل باجازة صيفك كلها
يا عم انت بتستغرب كتير ليه

وعد من منتدي ارثوذوكس

مسئول عن متعتك في اجازة صيفك
مسئول عن بسمتك في اجازة صيفك
مسئول عن فرحتك في اجازة صيفك
مسئول عن فسحتك في اجازة صيفك



هتقولي و انا هقدي الوقت ليل نهار علي النت و مش هخرج ولا اتفسح و بعدين ما انا كده هزهق مهما كان
هرد عليك اقولك و مين قالك انك مع ارثوذوكس مش هتخرج و تتفسح و تسافر كمان و تصيف و تبلبط في الميه
ده حقيقي
هنا في ارثوذوكس ايدنا في ايد بعض هنعيش حياتنا و لحظتنا احنا شباب ارثوذوكس
هنتمتع ليل نهار بارثوذوكس
صيفنا هنخليه بشكل تاني و طعم تاني و لون تاني
هنخرج سوه ... هنتفسح ... هنسافر ... هنعمل برامج ... هنلعب ...ضحك و فرفشة ... قفشات و هزار ... اقوي المسابقات ... اجمد راديو تسمعه
و لسا و لسا ولسا ولسا بادينا هنبدع اكتر و هتكون اجازة صيف
اخـــــــر حـــاجـــه



ارثوذوكس في اجازة صيف مش منتدي و نت و بس
ارثوذوكس هيخدك من بيتك لعالم المتعة

تمتع بصيفك مع ارثوذوكس



تعالا بقا يا عم معانا تعرف ارثوذوكس هيقدملك ايه في اجازة صيفك
مع العلم ان الكلام الي انت هتقراه ده دلوقتي و الروابط الي هتشوفها
هتتجدد كل يوم يعني علشان تتمتع بصيفك معانا ديما بجد تابع اجازة صيف باستمرار هتلاقي كل يوم حاجه جديدة و معانا في متعة اكيدة

تعال بقا يا باشا نخدك كده واحدة واحدة علي رحلة اجازة صيف
و هنبتدي بالــــ


الخروجات الشهرية


بص بقا يا معلم يا كبير احنا كل اول اربع من كل شهر بنتقابل سوه و نخرج

احنا بتوع منتدي ارثوذوكس كلنا بنروح و نشوف بعض و نتقابل كده

اووووو شوف بقا الاحساس كده تتعرف علي ناس من علي النت وهوب تروح تقابلهم و تشوفهم و تهزر معاهم و تخرج معاهم

بجد احساس اكتر من الرائع و علي فكرة انا عن نفسي يا باشا اجدع صحاب و اجمل اصدقاء طلعتهم من معرفت النت دي

تعال بقا افهمك الليلة اكتر

كل اول شهر يوم الاربع بنتقابل في الكتدرائية بالعباسية الساعة 5 بالظبط بتلاقي بشر متجمعة قدام مسرح الانبا رويس
فكك بقا من جو الكسوف ده سواء بنت او ولد ... بيجي الخروجة بنات و ولاد كتير يعني بيس يا مان
و علي فكرة احنا خرجنا سوه 14 مرة قبل كده يعني بقالنا سنة و شهرين بنخرج سوه
هنستناك يا باشا في الخروجة الي جاية هتكون يوم 1 / 7 / 2009
الساعة خمسة .. خمسة و نص يعني ههههه
قدام مسرح الانبا رويس و عارف لو مجتش هتندم
ده في ناس بتجازف بحياتها علشان الخروجة دي و تيجي من الصعيد و اسماعلية و طنطا و الزقازيق و العريش و الهند كمان
ايون يا عم الهند و بيركنوا الفيل علي باب الكتدرائية
اصل الامن مبيبقاش قادر يتعرف علي ديانة الفيل فبسبوه بره
يالا ادخل قول انا جاي انت لسا هتفكر يا جدع

الخروجة الخامسة عشر


و لو عايز بقا تتاكد فعلا ان الخروجات دي حاجه كده خرافة و خيال و جامدة اخر حاجه

دوس هنا يا برنجي

^
^
^
^



لقاءات الجبابرة





خروجات المحافظات

طبعا يا معلم مش معقول هنقدي السنة كلها خروجات في القاهرة بس ده حتي يبقا حرام للناس التانية
قوم احنا عملنا ايه بقا
بقينا نعمل خروجات كمان في باقي المحافظات
يعني خد عندك يا عم عملنا قبل كده 4 خروجات في الاسكندرية
و منهم كان خروجة عبارة عن مصيف قاعدنا 4 ايام هناك و ده كان الصيف الي فات
(( مش تقلق هنعملها الصيف ده كمان علشان خطرك ))

و سافرنا قبل كده الزقازيق و برده هنكررها تاني يوم 27 / 6
و ده هتعرفه بالتفاصيل لما ينزل موضوع بالخروجة دي

و روحنا كمان الصعيد شوف حتي الصعيد روحناه

و قريبا هنروح الهند

و هنروح اي حته فيكي يا جمهورية مصر

بس علشان تبقا فله و صاحي معانا باستمرار و مش يفوتك اي طالعة من طول خليك ديما متابع معانا قسم خروجات الاعضاء

الي هو ده

البرامج والخروجات الخاصة بالاعضاء



WeeKenD




ويك اند برنامج متخصص من الدرجة الاولي لعرض كل اخبار و احداث المنتدي علي مدار اسبوع و عرض فقرات لفريق عمل البرنامج مجهزة بشكل غاية في الروعة علي هيئة مجلة اسبوعية مع عرض فقرات اعلانية لاهم الاشياء في المنتدي
من الأخر كده يا حلوين ايللى هيغيب عن المنتدي يوم ولا أتنين ولا أسبوع أو أي فترة
لأي أسباب طارئة... بمجرد دخوله في البرنامج هيعرف كل الحصريات و كل الاحداث ايللي حصلت
كتير مننا مش بيقدر يزور جميع الأقسام في المنتدي و فيه أقسام بيبقا فيها موضوعات مهمة جداا
معانا مش محتاج تدور و تتعب نفسك ... احنا جبنالك من الاخر
عاوز تشوف حلقات ويك اند و تاعنا ديما ادخل
قــســم
البرامج والخروجات الخاصة بالاعضاء

و لو عاوز تشوف اخر حلقة لويك اند اضغط علي الصورة يا باشا





رديو ارثوذوكس

معانا في رديو ارثوذوكس متعة اخر حاجه
رديو ارثوذوكس ده بقا يا سيدي حاجه ولا حصلت ولا هتحصل في اي منتدي تاني هو ارثوذوكس و بس بتاع الحاجات العالية دي
هو عبارة عن رديو عن طريق النت
زي اي رديو عادي خالص بس عن طريق النت فقط


بنقدملك فيه


قدسات
ترانيم
وعظات
بث لبرامج اغابي و سي تي في
برامج معدة و مقدمة من اعضاء المنتدي

و انت نفسك لو عندك فكرة برنامج تقدر تجهزه و تقولنا و تطلع تقدمها بنفسك و كلنا هنساعدك في دعايا في تحضير في اي حاجه هتعوزها و هيسمعك كل الناس بقا يا عم و هتبقا عامل زي اكرم حسني
بس المهم طبعا ان الناس تستفيد و نقدم حاجه مفيدة مش اي كلام

و دي يا باشا البرامج الي بنقدمها في ارثوذوكس



تحد واقعك ... وعيش حر

برنامج اسبوعى من تقديم العضوة ملاك سكر
يذاع كل يوم اثنين
فى تمام الساعة 10 مساءا
و بيتكلم عن المشاكل الاجتماعية و الامور الحياتية و بعض الحلول لصعاب الحياة


مع ميرا ... ما فى حيرا

برنامج اسبوعى من تقديم العضوة ميرا الأمورة
يذاع كل يوم اربعاء
فى تمام الساعة 10 مساءا
بيتكلم عن ظروف الشباب و اراهم حولين قضايا كتيرة


دقـــــــــــات قلب

برنامج اسبوعى من تقديم العضوين
bolalover
و
zaza2006
يذاع كل يوم خميس
فى تمام الساعة 10 مساءا
بيتكلم عن المشاكل العاطفية و الحب و كل قضايا الحب
و لاكن من منظور كنسي يعني ايه يصح لينا احنا اولاد المسيح

بجد الرديو ده حكاية من الاخر هتلاقي الي هيسليك طول ما انت قاعد علي النت و بطريقة شبابية و مسيحية في نفس الوقت
يالا يا عم مستني ايه
ادخل اسمع الرديو حالا
للاستماع للرديو
دوس هنا
او
دوس هنا

و دي مدونة الرديو علشان و انت بتسمعه تشارك مع المذيع و تعلق و تعلقاتك تتقري


دوس هنا

و لو عايز تتابع اكتر و تنزل الحلقات المتسجلة
ادخل خدلك لفة خفيفة في القسم ده
البرامج والخروجات الخاصة بالاعضاء



المسابقات الصيفية

ارثوذوكس عاملك شوية مسابقات ايه بقا اوعي وشك
و مسابقات مش اي كلام و السلام
لالالا ده في جوايز و الصيف الي فات ناس كسبت فعلا معانا و جويزها راحت لحد عندهم
ده غير كروت الشحن الي شغالة علي ودنه
بس انت يا خويا ورينا شطرتك و اكسب و هتلاقي نفسك متروق علي الاخر
و دي المسابقات المطروحة حالياً

مسابقة مؤلفين ارثوذوكس



مسابقة مؤلفين ارثوذوكس دي مسابقة صيفية اتعملت الصيف الي فات بتاع 2008 و كسب فيها العضوة ملاك سكر لو ليك في التاليف سواء شعر او قصص
و حتي لو مش بتعرف تالف يا عم تعال و اشترك و احنا هنعلمك ازاي تالف
و علي فكرة انت بالطول بالعرض كسبان معانا
كسبت خسرت عرفت معرفتش كسبان كسبان من غير ما تخربش ولا حظ سعيد المرة القادمة

يالا ادخل هنا علشان تعرف كل حاجه و تشترك يا باشا

اشترك في الموسم التاني من مؤلفين ارثوذوكس 2009 ( شكل جديد )

---------------------------------------------------

مسابقة افضل تصميم & افضل مصمم




لو انت بقا دماغك عالية و متكلفة و ليك في الفتوشوب و الجو ده ادخل اتحدي العمالقة الي عندنا في التصميم
و لو لسا حته صغير فيه و مش ليك فيه اوي و ماله يا عم ادخل جرب حظك و انت هتخسر حاجه
انشاء الله حتي تصمم صورة لفرجة بتبيض بيضة و ايه يعني بس المهم تجرب علشان مستواك يعلي



يالا دوس هنا و ادخل دوس مع البشر

افضل مصمم & افضل تصميم


---------------------------------------------------

و لسا دا احنا في اول الصيف
في مسابقات كتير جاية و مستنياك
و لو ليك في جو الالعاب و المسابقات الي علي الخفيف دي و شغل الاشتغالات و الهزار
خدلك غطس في القسم ده

الالعاب والمسابقات بين الاعضاء


ابدعات الاعضاء


و هنا بقا يا باشا هنحطلك كل الحاجات و الخدمات التمام الي بيقدمها اعضاء ارثوذوكس علشان برده انت تهمنا و يهمنا انك تكون مبسوط معانا

(( هستني من كل الاعضاء انهم يحطوا ابدعتهم و الحاجات الي بقدموها حتي لو موضوع عادي و فيه فكرة لذيذة حطها في رد و انا هخدها احطها هنا في الموضوع ))



و لسا و لسا و لسا
في حاجات كتير بجهزهالك يا باشا علشان تتكيف معانا في ارثوذوكس
عايز اقولك بجد بجد انك هتكون مبسوط معانا و دي حاجه نضمنهالك
و هتستفيد مننا و كمان هتفيدنا علشان انت اكيد دماغك عالية
عاوزينك تبقا متحرر وينا بلاش كسوف بلاش خجل
احنا اخواتك كلنا ولاد المسيح محدش احسن من حد
كلنا بنمد ادينا ليك و بتقول اتفضل في بيتك ارثوذوكس
نورتنا و شرفتنا



رجاء محبة من جميع اعضاء ارثوذوكس و هام جدا

• اي عضو معانا و عنده اي فكرة اي فقرة اي موضوع اي اي حاجه حابب الناس كلها تشوفها و تعرفها تسيبها في رد و احنا هنحطها في الموضوع هنا
  
• الموضوع ده مش هينجح غير بيك و بيا و بيكم كلكم احنا الي في ادينا نكبر بتنا ارثوذوكس و نفيد و نستفيد من بعض
  
• بلاش كسل بلاش ملل في 65 الف عضو معانا لازم نبسطهم و ننبسط معاهم خليك ايجابي و شارك مشاركة ايجابية
  
• لو كنت جديد و اول مرة وسطينا مستنين مشاركتك و ابداعك معانا و لو مش عاوز تشارك باي حاجه برده مش مهم المهم تكون مبسوط معانا و نقدر اننا نمتعك في اجازة صيفك
  
• اي حاجه نفسك فيها قولها ... اي حاجه نفسك تعملها معانا قولها هنا و احنا هنفذ علطول ... احنا تحت امرك يا باشا
  

رجاء هام من جميع الاعضاء هنعمل حاجه مهمة طول فترة الصيف و لازم ننشرها كلنا في كل المنتدي و هي فكرة لذيذة
التصميم الصغير ده


دوس علي الصورة و اتمتع بصيفك مع ارثوذوكس

هتحطه في كل موضوع هتكتبه من تحت خالص
عملت موضوع عادي
نزلت شريط ترانيم جديد
او فيلم جديد
او فكرة او مسابقة اوي اي حاجه
تاخد التصميم ده كوبي و بست و تحطه في الاخر هو و الجملة الي مكتوبة فوقيه و الي هيقدر يحطه في توقيعه يبقا اكسلنت اوي
علشان اي عضو جديد داخل المنتدي من طريق الجوجل او اي سيرش مش يدخل و يمشي كده لازم نعرفه امكانياتنا و الي عندنا
و هو ده الطريق اننا نخليه يدخل و ميخرجش تاني ابدا من ارثوذوكس
الصورة هتلاقوها محطوطة و في رابط متنشطة معاه و هو رابط الموضوع ده
علشان اي حد يشوف الصورة يضغط عليها و يتمتع معانا باجمل اجازة صيف بيقدمهالكم ارثوذوكس

مستني مشاركتكم و عاوزين ردود فيها شغل و فاعلية

مـــع
اجـــازة صــــيـــف

اتمتع بصيفك مع ارثوذوكس

اعداد و تقديم

M@RiN@&bolalver
بولا & مارينا

المصدر: †† ارثوذكس †† - من قسم: البرامج والخروجات الخاصة بالاعضاء

[البوب الجديد]

اموووووووووووووت واعرف بتجيب الكلام دة منين ياااااااااااااااااااد
جنتنى بكلامك الترتب دة لو عندك برنامج يعمل كدة
قولى
ههههههههههههههههههههه

جاااااااامد ولا تعليق

[ELMAGEK]

ايوة يعنى اية مغزى الموضوع دا يا عمى
من الاخر ما كل دا احنا عارفينو وبردو فى ملل يا عزيزى العضو
ماذا نحن بفاعلون يا ايها الشحات
؟؟؟؟؟

[ملكه الاحزان]

واااااااااااااااااااااااا ااااااااااااااااااااااااا او
ايه الناس الجامده دي
برااااااافو يامارينا وبرافو يابولا
فعلا شغل زي الفل جامدين اوي
فعلا هاتبقي اجمل اجازه صيف مع ارثوذكس بتنا

[مادونا نبيل]

وااااااااااااااااااااو رااااااائع
الله عليك يا بولا انتا و مارينا
برافو عليكو يا حلوييين
موضوعكم حلو وجاامد
انشاء الله تبقا اجازة جامده
على ايديكو

[اسامه سمسم]

بص يا عم انت
انا كل اللى انت عامله ده مش مهم بنسبالى
المهم انكم تظبطو رحله مصيف
فى اول اغسطس
وهتلاقينى معاااااااااااااااااكم
وشكرا يا بولا على الموضوع الجميل ده

[bolalover]

ايوة يعنى اية مغزى الموضوع دا يا عمى من الاخر ما كل دا احنا عارفينو وبردو فى ملل يا عزيزى العضو ماذا نحن بفاعلون يا ايها الشحات ؟؟؟؟؟

مغزاه يا عزيزي فادي
ان اي عضو جديد هيدخل هيعرف كل الحاجات دي
انت قديم يا عم و عارف كل حاجه
في 60 الف واحد غيرك مش عارف الحاجات دي
و بعدين مين قالك ان في ملل
احنا الي بنحط نفسينا في الملل ده
اهو دي بداية النشاط في الصيف
ما تفكر يا عم معانا و تحاول تخلينا مفيش ملل
ادخل في المسابقات
اعمل حاجه علي الرديو
قدم فكرة جديدة
اشترك معانا في اي حاجه
تعال الخروجات
كل ده مش كفيل يا فادي ولا ايه
؟؟؟؟

واحدة واحدة يا فادي و الدنيا هتبقا نشيطة مش مرة واحدة

[مينا الحديدى]

شغل جاااااااااااااامد
بجد يا بولا ميرسى ليك ولمارينا
ربنا يعوض تعب محبتكم

[bolalover]

بص يا عم انت انا كل اللى انت عامله ده مش مهم بنسبالى المهم انكم تظبطو رحله مصيف فى اول اغسطس وهتلاقينى معاااااااااااااااااكم وشكرا يا بولا على الموضوع الجميل ده

انت تؤمر يا سمسم
و هنظبط الدنيا سوه و نعملها يا باشا
ما احنا ياما عملنا و روحنا
يعني انت فكرك الصيف هيعدي كده


يا جماعة ارجوكم عاوزين ردود فيها نشاط اصل المنتدي ده مش منتدايا لوحدي ولا منتدي مارينا لوحدها
ده منتاداكم كلكم و مش هينشط بايد ولا اتنين بس لازم ادينا كلنا في ايد بعض
فبلاش ملل في الردود
جيبوا حاجات ليكم انتوا شايفين انها تستاهل و حطوها و احنا هنخدها نحطها في الموضوع
خدوا التصميم و حطوه في ردودكم في توقعاتكم في مواضيعكم الي بتنزلوها
بجد ناس كتير بتدخل المنتدي و تخرج من غير ما تعرف ايه الحلو الي فيه
عاوزين الي يدخل ميخرجش تاني ابدا

[Malak sokar]

برفو بولا برفو مارينا فكرة حلوة وطبعا مع ارثوزكس اكيد هتتحقق
ربنا معكم