[zaza2006]

انا مش عارفه ابدا الموضوع منين

لانى مش لاقيه كلام اكتبه بس كان لازم انزل الموضوع ده

انا اتعرضت لموقف صعب اوى انا قررت انزل الموضوع ده


انا اتقدملى شاب من فترة ومع الوقت اكتشفت انه انسان مش كويس

واتضحلى اكتر انه مريض نفسى بمعنى الكلمة ولما قررت ابعد عنه

قرر انه يدمرلى حياتى عملى هكرز عالجهاز وسرق الاميل والفيس بوك

ودخل كلم الناس بعضهم على انى انا والبعض التانى كلمهم بشخصية

مزيفه واتكلم عنى كلام صعب انه يتقال وقالى التهديد صريح لو موافقتيش

تتجوزينى مش هوقف الحرب اللى عاملها ضددك ولانى رفضت زاد فيها اكتر

وسجل فالمنتدى وعرفت انه بعت رسايل هنا لناس الله اعلم نصها ايه

انا مش هقولكم متصدقوش بس انا بقالى سنتين فالمنتدى عشرت منكم

ناس كتير ناس راحت وناس جت فى ناس عارفانى كويس اوى وفى ناس

ليها حق انها تصدق اى كلمة تسمعها لانها متعرفنيش انا مش قادرة ادخل

المنتدى او اعمل اى حاجة فحياتى بس مكنش ينفع ابعد وفى حد اخد

عنى فكرة مش صح لو مكنش ليا نصيب ادخل تانى بينكم اتمنى تفتكرونى

بالخير وتصلولى


دى كمان لينكات المواضيع اللى نزلتها علشان الناس تعرف ان اميلى اتسرق

https://www.orsozox.com/forums/f113/t57899/

https://www.orsozox.com/forums/f6/t57956/

https://www.orsozox.com/forums/f91/t57894/


وانا متشكرة جدا لكل شخص ساعدنى فالموضوع ده

ميرسى يا اسامة
ميرسى يامجدى
وميرسى يا ماريو

المصدر: †† ارثوذكس †† - من قسم: صندوق مناقشات الاعضاء

[MRAMER]

بسم الصليب يا نهي
ايه الكلام دا
هو فيه ناس كدا
لالالالالالالالا
الموضوع لازم تدخل فيه الكنيسة متسكتيش ومتستسلميش ابدا
مش الحل انك تبعدي وانك متدخليش تاني
لازم تتصرفي وارمي حمولك علي ربنا هو اللي هيساعدك مش حد تاني
واتشفعي كتييييييييييير بالعدرا لان شفاعتها مقبوله اوي خصوصا من البنات علشان هي زينا وحاسة بينا
ربنا معاكي يا نهي
وانا مش هبطل صلاة علشانك

[magdy totti]

دى ازمة وهاتدعى يانهى معليش ورنبا هايتصرف وهااايعمل وهايمد ايده
صلى انتى بس وهو هايدبر كل حاجه
ومفيش حاجه اسمها انك مش هاتدخلى المنتدى تانى والكلام ده
بلاش عبط

ا

[krsta]

يمكن انا معرفكيش ولا انتى تعرفينى بس انا حاسة انك شخصية حلوة قوى من جوه وبعدين ماتخافيش من اللى بيحصلك ده معلش تجربة وهتعدى وربنا اكيد واقف معاكى وهيجيبلك حقك الرب يدافع عنكم وانتم صامتون ربنا معاكى ويبعد عنك اى حاجة وحشة ويفرح قلبك

[aymonded]

سلام لنفسك يا محبوبة الله الحلوة
أولاً : لا تتزعزعي أمام تيارات المشاكل المتنوعة لأن يوجد كثيرين مرضى وعندهم مشاكل داخلية ولو تركتيه يدمر حياتك بهذه الصورة فأنت تعطية ما يريد، فتشددي بيسوع القيامة لأنه قادر أن يحميكي من كل شر ؛ فبالإيمان وقوة الصلاة تسلحي بالصبر وبقوة الله قفي ولا تضعفي ابداً ، واتركيه ولا تحاولي أن تدخلي معه في حوار، وغيري الميل وغيري الباس ورد في المنتدى وظبطي الجهاز مرة أخرى، ول معاه رقم الموبايل غيريه ببساطة، ولا تهتمي بما يحدث إطلاقاً ولا تهتمي بما يُقال أو يشاع ...

أنت أخت لنا وليس لنا أن نصدق أي كلمة تقال ، ده طبعاً انا باتكلم عن نفسي لأني أدرى شخص بافتراء الناس وادعائاتهم ولا أصدق اي كلمة إلا لما أسأل صاحب الموضوع أو المشكلة ، لأني على يقين من مبالغة الناس أو الحسد الذي يزرعه عدو الخير في القلب ليجعل الأخ يحارب أخيه، ونحن نعرفك جيداً يا أجمل أخت حلوة محبوبة الله فلا تتركينا مهما كانت الأسباب ...

ولو كل واحد ترك مكانه لأجل إشاعة تأكدي أن مصر كلها لن يبقى فيها أحد في مكانه ... تأكدي اننا جميعاً إخوة لك ونقف بجوارك في أي مشكلة ... وربنا يهديه يا رب

أقبلي مني كل تقدير لشخصك المحبوب في ربنا يسوع؛ النعمة معك

[عماد حسنى]

انا مش عارف اقولك ايه
لكن انتى اخت غاليه وسطينا وكلنا نعرف نهى كويس جدا
ومحدش ممكن يغير صورتك بين اخواتك واقرب الناس ليكى
وقبل اى حاجه ماتنسيش ربنا
ربنا عمره مابيسيب مظلوم ابداً
اتمسكى بربنا على اد ماتقدرى واتمسكى بأم النور وبشفيعك
ومش هاتتسابى ابدا

وطبعا ماتسبيش المنتدى انتى لازم تكونى متواجده
اقرب مثال انك نبهتى وقولتى يعنى لولا وجودك كانت هاتبقى مشكله فعلا
يبقى لازم تتوجدى
ومتخافيش ربنا مش بيسيب مظلوم ابدا
ربنا معاكى ويساعدك وام النور تشيل من عليكى المشكله دى على خير

[la tristeza y el dolor]

موش هقولك غير كلمتين ,

طول مانتى مراعيه ربنا فى تصرفاتك اوعى تتخيلى او يجى فى مخك انك ممكن تتأذى بشره ,

و بعدين افتكرى كلامك

المشاركة الأصلية كتبت بواسطة zaza2006 صدقنى يا بندق بكرة هتتاكد ان التجربة هتقويك وهتبقى احسن من الاول ربنا مش بيعمل لينا حاجة وحشة بس احنا بنبص بعين صغننة لكن ربنا بيبص بعين اكير ربنا يدبرلك كل امورك ويفرح قلبك

[magdy totti]

حرام عليكى نفسك

[kiro0oalex]

حقيقى مشكله فعلا يا نهى
بس مش تقلقى ربنا موجود وقادر انه يحلها
وكمان كويس انك رفضتيه لان انسان بالاسلوب ده مش كويس خلص
لانها توصل للتهديد كمان لاء لاء
بس انتى حاولى تخدى بالك من اللى جاى
وكلمى اصحابك وابعتى رسايل علشان كله يبقى فاهم ومفيش اى خطأ يحصل وانشاء الله هتعدى السحابه ديه على خير مش تقلقى ابدا
ومش معاكى فى موضوع البعاد عن المنتدى ده هروب ومتعودين منك دايما المواجه والصمود
لو على هنا حاولى تغيرى الباسور بتاعك هو كده مش هيقدر يدخل وكمان حولى الايميل الى ايميل تانى
بس هو هيدخل يكتب الباس مش يعرف يطلب استرجاعه هيطرفض بس كده
يعنى على قد ما اعرف
وربنا معاكى ويدبر امروك يطمنا عليكى دايما

[marina m]

نهى بجد انتى اخت غالية علينا جدا وعمر ما حد فينا هيصدق اى كلام عليكى
بصلوات العدرا والقدسين الموضوع هيتحل بسلام واكيد ربنا هيحللك المشكلة لانة بجد لا يمكن يكون ابن المسيح
واوعى تسيبى المنتدى لان كلنا بنحبك صلوات العدرا ام النور تكون معاكى وتبعدة عنك