[MICKEY]

مفتقد وجودكم جدا جدا معانا
ولما رجعت المنتدي من تاني ومش شوفتكم فيه بامانه حسيت انه ناقصة اهم عناصر معانا
عنصر الأبوه وعنصر الأخ الكبير

عم كامل بروحه الحلوة كان دايما يجمعنا
وفي اي خروجه بيكون واقف معانا ووسطينا زي الأب اللي واقف وسط اولاده
اللي بيخاف عليهم وعينه بتكون علي كل واحد فيهم
مشهور بكرمه وسخاء عطاءه

اما عم ظريف فهو مثال للراجل الجدع ابن البلد
اللي دايما بيتواجد وسطينا بخفه ظله وردوده الصريحه الخاليه من اي مجاملات
صاحب المواقف الكثيرة .. وانا شخصيا لمست ده جدا لما نزلت اليكس اول مرة عشان اقابله ودخلني بيته وضايفني طول فترة اقامتي
حقا نحن نفتقد وجود هذه الشخصيات وسطنا من جديد


انزع قبعتي وانحني احتراما وتقديرا لكل من
عم كامل وعم ظريف
واقول لهم ان المنتدي سيكمل فرحته برجوعكم وسطيما ووجودكم المتكرر من جديد

المصدر: †† ارثوذكس †† - من قسم: صندوق مناقشات الاعضاء

[aymonded]

حقيقي من قلبي اتمنى رجوعهم بسلام وسطنا من جديد
لأن وجودهم كان له مذاق خاص وسطنا هنا
وعم كامل غني عن التعريف بأشعاره الرائعة
ومحبته وتجميعه للكل بالمحبة
وعم ظريف طبعاً غني عن التعريف
أشكرك يا جميل ميكي على اهتمامك الرائع للغاية
لك مني - يا أجمل ميكي - كل تقدير واحترام لشخصك الجميل
طالباً من الله أن يعيدهم إلينا سريعاً معافين ومملوئين نعمة وفرح الروح القدس
النعمة معك ومعهم كل حين آمين

[سائح]

شكرااااااااااااااااااااا ياجميللتفقدك الناس الحلوةربنا يطمنا عليهم ويعودوا بالسلامةالف شكر

[كيرو رافت]

ايوه كدااااااااااااااااااااااا اااااااااااااااااااااا
يا ابو المكاميك
بجد انا مفتقد عمى كامل جداااااااااااااااا
ومن غيره حاسس انى مفتقد حاجه كبيرة فى حياتى

ومقتقد لاستاذى الغالى ظريف

ميرسى ليك جدا يا مايكل وواضح انك هاترجع كل الطيور المهاجرة
بس انا اتصلت بعمى كامل واطمنت عليه وهو وعدنى بالدخول بس لما وقته يسمح

[ظريف]

ألف شكر لحبيبى ميكى على أفتقاده الجميل
وأشكر أستاذنا كلنا اللى له فضل على الكبير قبل الصغير
أستاذ أيمن ( أيموند ) وأنا مره سألته عن معنى إسم أيموند
قال لى الأطفال بينادونى بيه وساعات بيقولولى أيمون
وطبعا أستاذنا بيحب الأطفال جدا وبيعالجهم نفسيا قبل تعليمهم
ربنا يحفظ حياته لنا وللمنتدى أزمنه عديده وبصحة جيده
وأشكر عريس المنتدى الأستاذ كيرو رأفت مدير مطعم سفن دجريز
على روحه الجميله ومحبته الكبيره
وبالنسبه لأستاذنا كامل
هو معى لحظه بلحظه لأننا عملنا منتدى صغير
ومافيش غيرنا إحنا الأتنين أعضاء فيه
هههههههههههههههههههههه
وعلشان كده طول اليوم أنا وهو نكتب مواضيع ونرد على بعض
ههههههههههههههههههههههههه هههه
وساعات بطنشه ومش برد على مواضيعه بيزعل منى
ههههههههههههههههه
ما تزعلش منى يا أستاذ كامل

[kamel]

من كل قلبى أشكر محبتكم الغالية أخوتى الأعزاء
وصدقونى عمرى مانسيتكم ولا فارقتم قلبى
أكن لكم الكثير والكثير
وسامحونى لتغيبى عنكم فترة من الزمن
فأنتم عائلتى التى أعتز بها
ولكم مكانة خاصة عندى
كل الشكر حبيب قلبى ميكى
كل الشكر أستاذنا أيمن
كل الشكر أستاذ سائح
كل الشكر حبيبى رأفت
كل الشكر أستاذنا ظريف
أشكركم أشكركم
وشكر خاص للأستاذ رأفت والأستاذ عماد حسنى
والأستاذ ميكى للأتصال تلفونياً بى للأطمأنان
الرب لا يحرمنى منكم ولا من سؤالكم الذى ينعش الحياة بى
فهنا وسطكم أجد نفسى مع أخوتى وعائلتى التى أعتز بها
(ورب أخ لم تلدة أمك)
هذة مقولة صحيحة فى محلها
وأشكر حبيب قلبى عم ظريف ومسامحك على تطنيشك الرقيق
ههههههههههههههههههههههههه ههههه
والأيام بيننا ياعزيزى
ههههههههههههههههههههههههه هههههه
كل الشكر والتقدير أخوتى الأعزاء
وسلام يسوع المسيح الذى يفوق كل عقل
مع جميعكم أجمعين

[elphilasouf]

اديب المنتدي الكبير أستاذ كامل
ياما كنت بقري موضوعاتك الرائعه واتمني لو تتنشر في كتب يقراها الملايين ويستمتعوا بكلامك الرائع ..و خبرت سنوات

عم ظريف كنت كل شويه تقولي أستاذ جورج أستاذ جورج واخر مره كنا بنتكلم كنت بتقولي واد يا جورج واد ياجورج
هههههههههه بأمانه كانت طالعه منك زي العسل ع قلبي

فكك من المنتدي بتاعك ده خطفت مننا الاديب بتعنا فك أسره وتعالي هنااااااا قولي اي حاجه استاذ او واد :d

[اسامه سمسم]

ياسلام يا ميكى بجد
انا فعلا حاسس انى كنت تايه ورجعت لقيت نفسى من جديييييييييييييد
عم كامل بجد من الناس الطيبه جدا واب لينا كلنا
واستاذ ظريف من الشخصيات المحترمه اوى
ربنا يديم علينا المحبه دايما

[aymonded]

حقيقي ميكي يستاهل منا جايزة كبيرة قوي قوي قوي
لأنه جمع الأحباء في يومين بطريقة عجيبة وسريعة جدا
حقيقي يا أجمل ميكي مش عارف اقول لك ايه والا أشكرك ازاي على عملك العظيم
الذي سيظل بصمة في المنتدى تكتب ليك بفخر عظيم
وتحية خاصة مني لأحباء قلبي
الأب الحلو الأستاذ كامل، والأخ الرائع أستاذ ظريف
لكم مني تحية حب متقدة يا أروع أحباء لنا جميعاً
نعمة ربنا يسوع تفيض سلام ومسرة في قلوبكم

[samornotika]

حمدلله ع سلامتكم كلكم ميرسى ياميكى انك رجعت و رجعت معاك كل الناس الحلوة ربنا يديم المحبة بينكم