[الوجه الاخر]

مجدي:- مساء الخير على اعضاء منتدانا مساء الخير يانهى كل سنة وانتى طيبة

نهي:- مساء الفل على احلى اعضاء مساء النو يامجدى كل سنة وانت طيب

مجدي:- طبعا يانهى انتى عارفه ان بقولك كل سنة وانتى طيبة ليه بمناسبتين

نهي:- اكيد طبعا يامجدى المناسبة الاولى الصوم المقدس كل سنة وكل اعضائنا بخير وسلام وصوم مقدس ربنا يعود علينا الايام بخير وسلام

مجدي:- تمام يانهى المناسبة التانية عيد حبيبنا وشفيع الملايين البابا كيرلس السادس بركة صلاته معانا

نهي:- طبعا يا مجدى البابا كيرلس قديس عظيم شفيعى وشفيعك وشفيع الملايين وقت ما نطلبه ديما نلاقيه سريع الندهة برة صلاته معانا كلنا

مجدي:- حلقتنا النهاردة يانهى ولقائنا لقاء خااااااااااااص جدا

نهي:- اتمنى انه يعجب اعضائنا لقائنا النهاردة عن

قداسة ( البابا كيرلس السادس)

مجدي:- في البداية نحب نتعرف على قداستك؟

البابا كيرلس السادس:- انا اتولدت سنة 1902 وكان اسمى عازر اتولدت فى بلد طوخ النصاري بدمنهور كنت من عائلة من الطبقة المتوسطة والدى كان اسمه يوسف عطا كان بيحب الكنيسة وكان بيحب ينسخ الكتب ودرست فالثانوية.

نهي:- كان معروف عن قداستك انك محب للكهنوت وكان لقدسك عادة كده ممكن تحكلنا عنها؟

البابا كيرلس السادس:- انا كنت من صغري بحب الكهنوت جدا وكان ديما لما يجب اى راهب يزونا كنت بحب انام على رجله وكان ديما الرهبان بيقولوا انى هكون من نصيبهم

مجدي:- بعد ما قدستك انتهيت من الدراسة الثانوية هل التحقت بالعمل؟

البابا كيرلس السادس:- التحقت للعمل فى شركة النقل البحري بالاسكندرية

نهي:- ازاي قدسك دخلت في مرحلة الرهبنة ؟

البابا كيرلس السادس:- وانا سنى 25 سنة استقلت من العمل ورحت دير البراموس اترسمت راهب هناك وبقي اسمى الراهب مينا البراموسي وكنت محبوب بين الرهبان لانى ديما كنت بحب اخدم الرهبان الكبار في السن.

مجدي:- وهل خبر ذهاب قدسك للدير تم قبوله بالنسية لاسرة قدسك؟

البابا كيرلس السادس:- اخويا الاكبر كان رافض لكن الانبا يؤانس البطريرك ال 113 ساعدنى فى اقناعهم

نهي:- سمعنا ان خبر استقالت قدسك من العمل ضايق مدير الشركة وقدم لقدسك عرض؟

البابا كيرلس السادس:- فعلا مدير الشركة اتصدم من استقالتي وحاولى انى ابقي في الشغل مع زيادة مرتبي للضعف لكنى رفضت واخترت حياة الرهبنة.

مجدي:- ممكن قدسك تحكلنا عن قصة توحدك فالمغارة؟

البابا كيرلس السادس:- انا كنت بحب حياة الوحدة جدا علشان كده قررت انى اتوحد في مغارة تبعد حوالي 3 كم عن الدير وكنت بروح كل يوم سبت الدير احضر التسبحة ويوم الاحد كنت احضر القداس واتناول وكان فى ناس كتير بتيجي تزورنى فالمغارة علشان اصللهم

نهي:- كيف تم اختيار قدسك بطريرك ؟

البابا كيرلس السادس:-بعد نياحة الانبا يوساب البطريرك ال 115 تم اختياري مع مجموعة من الرهبان لاجراء القرعة الهيكلية علشان يتم اختيار بطريرك ويوم 19 ابريل تم اختياري انى اكون بطريرك وتغيير اسمي الي البابا كيرلس السادس

مجدي:- حصل فى فترة خدمة قدسك ظهور للسيدة العذراء مريم ممكن تحكلنا عنه؟

البابا كيرلس السادس:- الظهور الروحي للقديسة العذراء مريم بكنيستها بالزيتون الذي لم يتكرر في اى زمان ومكان. وكان هذا الاعلان السمائي الاول من نوعه منذ حلول الروح القدس على التلاميذ في يوم الخمسين. تكرر الظهور ليلة بعد ليلة ورآه آلاف الشعب من المسيحيين وغير المسيحيين على السواء. معجزات كثير ة تمت وقت الظهور مما دعى الكثيرين الى الرجوع للحق وكذلك تغير الكثيرين.

نهي:- في كمان حدث مهم حصل تانى ممكن تحكلنا عنه برده؟

البابا كيرلس السادس:-عودة الجسد المقدس للقديس مرقس الرسولي من مدينة فينسيا الايطالية الى مصر. وهو موجود الان بالكاتدرائية الجديدة بالعباسية والتي بناها تم بنائها في عهدي وتعد اكبر كاتدرائية في الشرق الاوسط.

مجدي:- نياحة قدسك كانت يوم 9 مارس سنة 1971 قدسك كنت سبب بركة كبيرة لناس كتير صنعت الكثير من المعجزات ممكن قدسك تحكلنا عن بعض معجزاتك؟

البابا كيرلس السادس:- السيد/مجدى عوض ميخائيل

العنوان/شارع البنك - مغاغة

اصيب فى ابهام القدم و تقلقل الظفر قليلا ولما خرج من منزله بعد يومان لقضاء امر هام و فى طريق العودة تورمت قدمه وبلغ الالم اشده ولم يستطع تكملة المشوار الا بصعوبة بالغة و ووصل المنزل وهو يبكى.

زار اكثر من طبيب و قرروا ان هناك كميات كبيرة من الصديد و وصف له مضاد حيوى و مرهم و عند منتصف الليل طلبت من زوجته ان تضغط على القدم لاخراج الصديد فلم يحتمل مجرد لمسه من يديها.

ثم اخذ يقرا الكتاب المقدس حتى الساعة الواحدة بعد منتصف الليل و حينما قام بوضع الكتاب المقدس فى درج المكتب الذى بجواره و جد كتاب معجزاتي ( الجزء الثامن ) و بدلا من النوم اخذ يطلع فيه و صلي ببكاء مرير و تحدث معي فى عتاب قائلا ((انت رحت لفلان.....و فلان...لماذا لا تاتينى....انا لا استحق ذلك و لكننى متعب ارجوك تعال ريحنى))

ووضع الكتاب على صدره و راح فى نوم عميق و كانت الساعة قد بلغت الثانية و النصف صباحا.

لقد سمع الله طلبته و جائت له .....

ايقظته من النوم و سالته : ( مالك يا ابنى؟ ) فاجب : (رجلى ضربت من الصديد) فطمانته قائلا : (لا تخف)
فكيت بيدي الشاش عن القدم و اعطانى مقصا كان على المكتب بجواره كطلبي له
وقومت بمعالجة قدمه و سالته عما اذا كان يشعر باى الم فاجبني بالنفى ثم اختفيت و كان النور يملا الحجرة ...وقد شفيت قدمه

نهي:- في معجزة كمان هيحكهالنا ابونا صليب سوريال نسمعها سوا؟

يحكى ابونا صليب سوريال ويقول ذهبت يوما الى مدينة ابو قرقاص ودعانى طبيب للغذاء عنده وبعد الغذاء قص لى ذلك الطبيب قصة جميلة جدا...

قال: اصبت بازمة قلبية وذهبت لطبيب فى القاهرة وبعد الكشف عرفنى ان الازمة قوية وفى حاجة لملازمة الفراش مدة 3 شهور دون حركة اطلاقا ويقول انى حزنت على نفسى كثيرا لانى صغير السن وفى احد الايام خلال رقادى فى السرير اخذت اعاتب الله خاصة وان اولادى الثلاثة فى سن السابعة والخامسة والثالثة وانخرطت فى البكاء فى هذه اللحظة تذكرت لو ان البابا كيرلس كان لسة عايش مش كنت رحت له وصلى لى يمكن كنت نلت الشفاء فى هذه اللحظة فُتح باب الغرفة وسمعت دقات عصا تدق الارض وسمعت صوت يقول انا عايش .. انت فاكر انى مت ؟ وهنا دخل البابا كيرلس بهيبته وقامته المرفوعة وعلى وجهه ابتسامة وجلس على كرسى الى جوار السرير ووضع يده على رأسى وصلى ثم قال لى الحياة دى هِدمة ولقمة .. ليه مموت نفسك .. هدى شوية .. هدى يا ابنى شوية .. ومن المهم يا ابنى انك تسافر للنزهة مع اسرتك لبعض الوقت ورشمنى بالصليب ووضع يده على قلبى وضغط عليه وقال لى خلاص انت نلت الشفاء لكن لا ترهق نفسك ثانية .. خفف من الجهد الكبير الذى تبذله .. ثم انصرف وانا غير مصدق توجهت بعد ذلك الى معهد القلب بامبابة اقود سيارتى بنفسى وأجرى الكشف علىّ مدير المعهد وقام بعمل رسم قلب وكانت النتيجة عجيبة لان نتيجة الرسم مختلفة تماما عن الرسم السابق حتى ظن مدير المعهد انها خاصة بمريض اخر ووقعت فى يدى بطريق الخطأ ولكنه وجد اسمى على الرسم فلم يسطع ان يقدم تفسيرا لما حدث سوى انه معجزة

في نهاية حدثنا عن قداسة البابا كيرلس السادس بعض اولادك حبوا يقدموا لقداستك حاجات بسيطة تعبر عن محبتهم لقدسك

العضوة ايمي قصيدة للبابا كيرلس

اجمل وارق الكلمات حبيبى البابا

فى يوم ذكرى جميل لحبيب الملايين

عاوزة اشرح واقول فية كلام ثمين

بس احتارقلمى فى وصفك ياحبيب المعين

تركت العالم المزيف وفى قلبك زاد الشوق

عمرك ما بصيت لتحت كنت باصص لفوق
قفلت ببان الدنيا وفتحت باب الطاحونة
لما رفعت ايديك صغر العالم فى عنيك
وتعدى الايام وتمر السنين ----
وابونا مينا المتوحد يبقى بابا الملايين
جينا فى يوم سالناة اية اجمل الذكريات
دق قلبة بالشوق ----
وقال ايام الطاحونة كانت اجمل الذكريات
سيرتك بتملئ قوبنا سعادة يا مثال للعبادة
قلبك مليان حنان يساع العالم وملايينة
اعطاك رب البشرية دالة وشفافية
بترشد وتعلم فى اوقات الفرح والازمات
صلواتك دايما بتسند الطلبة فى الامتحانات
حبيبى يا بابا كيرلس يا سريع الندهة
كنت غصن بتشرب من من اجمل ينبوع
علمتنى طريق الرجوع
كنت للحب معنى حقيقى غير مصنوع
شوفت معاك فرح تعزية ميعرفوش الدموع
كنت بلاقى وياك شبع روحى مفهوش جوع
لقيتك منهج روحى مرئئ ومسموع
فى عز الامنا واتعابنا شفاعتك بتسدنا
ولو تاهت منا معالمنا نلاقيك واقف بتنادينا
لو بكينا مين يسمع دمعتنا
لو شكينا مين يسمع شكوتنا
محتاجين منك نظرة حنية
محتاجين منك شوية تعزية
والقلوب اللى محتاجة لمسة شفاء
والناس يا ابويا اللى مش لاقية غير الجفاء
مين غيرك يشفع فيهم
مين غيرك يحن عليهم
والقلب يا ابويا اللى تاة فى الخطية
بعد عن المسيح وارتكب المعصية
مين غيرك بارشادة يردهم للحظيرة
مين ينقذهم من حياتهم الشريرة
ارجوك يا ابويا متحرمناش من شفاعتك لينا
اصلنا ضعفاء والضعف دة طبيعة فينا
اتعودنا منك على الحنية
فى كل مشكلة بنلاقى تعزية
قول يا ابويا لالهك القدوس
متحرمشى ولادك من الفردوس
وان كنا يا ابويا غير مستحقين
نتشفع بيك علشان خاطيين
بقلبك الكبير حن علينا
دا احنا رعيتك وانت راعينا
واحنا واثقين من قلبك الكبير
انك هتشفع فينا امام القدير
يا بابا كيرلس يا غالى كل سنة وانت ويانا
مقامك عندنا عالى هتفضل عايش جوانا

بعض الميديا من العضو كيرلس

اولا : فيديوهات نادره

البابا كيرلس السادس القرعة الهيكلية

[ame="http://www.youtube.com/watch?v=AcFsG...eature=related"]http://www.youtube.com/watch?v=AcFsG...eature=related[/ame]

فيديو رسامة قداسة البابا كيرلس السادس

[ame="http://www.youtube.com/watch?v=Xf91P...eature=related"]http://www.youtube.com/watch?v=Xf91P...eature=related[/ame]

فيديو نادر عن زيارة البابا كيرلس السادس لدير مارمينا

[ame="http://www.youtube.com/watch?v=ZOtOtE8LOrM"]http://www.youtube.com/watch?v=ZOtOtE8LOrM[/ame]

وصيه قداسه البابا كيرلس السادس بعد نياحنه

[ame="http://www.youtube.com/watch?v=sfeZO6GXf88"]http://www.youtube.com/watch?v=sfeZO6GXf88[/ame]

ثانيا : افلام البابا كيرلس

الاول المتوحد

الجزء الاول

الجزء الثانى

الثانى حصريا : فيلم البابا كيرلس السادس 2008 ( البابا كيرلس جوه الطاحونة ) بمساحة 190 ميجا فقط

الجزء الاول

https://www.orsozox.com/prot/?UQbb

الجزء الثانى

https://www.orsozox.com/prot/?pqje

فيلم " نهر العطايا " عن معجزات " للبابا كيرلس السادس "، 110 ميجا ، روابط مباشرة ؛

الجزء الأول

تقريبا :- 60 MB

أضغط هنا

الجزء الثاني

تقريبا :- 60 MB

أضغط هنا

فيلـــم سلسله

معجزات البابا كيرلس الجزء الثالث

يحكي معجزات البابا كيرلس

اضغط هنــــا

ثالثا ترانيم للبابا كيرلس

موسوعة شرائط البابا كيرلس.. راااائع

و

شريط ترانيم للبابا كيرلس السادس

و

شريط ترانيم للبابا كيرلس السادس
و
شرايط ترانيم للبابا كيرلس السادس
و
شريط دايما سهران(ترانيم للبابا كيرلس)بولس ملاك مع الفريق
و

شــريـط 9 مـارس ::لــ أنطـــون ابراهيم عياد:: لـلبـابـا كــيــرلــس

و

شريط أطيب قلب لبولس ملاك للبابا كيرلس

و

حصرياااااااااااااا شريط دموع البابا كيرلس
و
بعض من ترانيم البابا كيرلس السادس مكتوبه
و
مع السلامه ترنيمه جميله جدا للبابا كيرلس السادس مكتوبه
و
ترنيمه كرسى الراعية للبابا كيرلس من شريط جينا للبابا مكتوبه
وايضا
ياريت سنيني يرجعوا - أفضل ترنيمة للبابا كيرلس - بصوت جرجس موريس
و
الان عــلـى مـوقــعــنـا † تـرنـيـمه مــعـقـولـة تسيـبـنـي ونـا عـايـزك †للبابا كيرلس
و
ترنيمة لما تضيق الدنيا بجرى بسرعة عليك .. للبابا كيرلس
و
حصرى على منتدى ارثوذكس كليبات شريط دايما سهران للبابا كيرلس كامل
و
ترانيم البابا كيرلس من Aghapy
و
تمجيد " للبابا كيرلس السادس " ، بصوت المرتل " ساتر ميخائيل " ؛

رابعا تسبحه بصوت البابا كيرلس

تسبحة كيهك بصوت قداسة البابا كيرلس

خامسا قداسات بصوت البابا كيرلس

حصريآ.. قداس فيديو صوت وصورة للبابا كيرلس السادس

و

القداس الإلهى للبابا كيرلس السادس لعيد الميلاد 1961

القدااااس الباسيلى

بصوت حبيبى قداسه البابا كيرلس السادس

https://www.orsozox.com/prot/?IrTd

سادسا مـعـجـزات البـابـا كـيرلــس

(صدق ولابد ان تصدق)

بصوت

أبـونـا يـؤانـس كـمـال

part1

https://www.orsozox.com/prot/?Epoc

part2

https://www.orsozox.com/prot/?UWVP

سابعا صلاة بصوت البابا كيرلس السادس

https://www.orsozox.com/prot/?HqHJ

كلمة عن المحبة(بصوت البابا كيرلس السادس)

https://www.orsozox.com/prot/?qoEO

ظهور العدرا فى الزيتون وتسجيل بصوت البابا كيرلس للاذاعة المصرية

https://www.orsozox.com/prot/?9MEK

طرائف البابا شنودة والبابا كيرلس

https://www.orsozox.com/prot/?lBnZ

كل سنة وقدسك طيب يا حبيب الملايين

بركة صلاة البابا كيرلس معانا كلنا امين

" فقرة الافضل

علي مدار الاسبوع اللى فات كان من افضل الاقسام واكثرها تردد

" الالعاب والمسابقات بين الاعضاء"

اكثر الاعضاء نشاطا

" العضوة"

*only*

افضل توقيع

" نسمة الحياة "

انني ابنتك يامريم فاشفي جراحي

اعتني كما اوصاك يسوع بي

املئي فراغ وحدتي بوجودك قربي

اجعليني اسير ثابتة بخطواتي
مريم انتِ امي في يديك اضع همومي
اعلم انك تعتنين بي وترأفين بحالي
اليك اسير دون رجوع في دربي
اتكل عليك دوما في شدائدي
اتخذتك الملجأ وقت مصائبي
احميني وتشفعي لي دوما يا امي

كلمات التوقيع جميلة اوى

انتظرونا فالحلقة القادمة

من برنامج الوجه الاخر

مع تحيات

TOTIT

ZAZA

المصدر: †† ارثوذكس †† - من قسم: البرامج والخروجات الخاصة بالاعضاء

[بنت الراهب الصامت]

بجد الموضوع فجاءنى واحلى مفاجاه كمان حلو اوى اوى اوووووووووووووووووى بجد
ربنا يبارككم بصلاته
كل سنه وانتم طيبين

[ريم الخوري]

جميلة جدا جدا وافكاركم كل مالها للابداع اكتر بجد طريقة كتير حلو تعرفنا اكتر على القديس وكمان مرسي لتعب الكل واضح ان في مجهود جماعي بمحبة حلوة كتير شفاعتة وبركته صلواته تحفظكم جميعا و تكون مع الكل

بتمنالكم التوفيق الرب معكم

[emmmy]

مجهود رائع رائع رائع
حقيقى ربنا يعوضكم اروع مفأجاة فعلا
ومفيش حاجة تكتر عليك
يا حبيب الملايين كل سنة وانت طيب
مرسى يا نهى انتى ومجدى على تعب محبتكم
وشفاعة البابا كيرلس تكون معانا كلنا وخصوصا فى الايام دى
محتاجين لشفاعتك يا بابا كيرلس اوى صلى علشان كتير صلى
علشان اخواتنا فى اطفيح والمقطم واطلب من ربنا يعلن مجدة وعدلة
وينصر اولادة حتى يعلم كل احد ان تحت حما ورعاية رب المجد مش حد تانى
اطلب من مارمينا حبيبك يدافع عن الكنيسة اللى باسمة ويخليها تتبنى تانى واحسن من الاول يا بابا كيرلس احنا مش بنتشفع بيكم كدة وخلاص احنا مؤمنين بقوة صلاتكم وعمل ربنا بشفاعتكم يا صفوف السمائيين

احنا متعوديين اانا بنسال بطل كل حلقة علشان نتعرف علية اكتر ونزيد قرب المسافات بينا والمحبة اكثر واكثر
ولايمانى بوجودك واحساسك بينا هسالك يا حبيب العجايبى
لية وقفتوا تتفرجوا على اعدائنا وهما بيهدموا كنيستنا
لية سمحتوا بدة ؟؟؟
لية ؟؟
سؤالى مش تمرد ولا حتى عجبا من الاحداث لكن عاوزين ربنا يفتح عيونا ويعلن حكمتة وقصدة
ويعلن كمان عدلة ومجدة وبهاءة قدام العالم كلة

[يارب قف بجانبى]

مفاجأة جميلة جدااااااااااااا
بركتة تكون معنا امين
ميرسى على تعبكم الجميل دة

[krsta]

حلقة جميلة قوى لانها مع ابويا وحبيبى اتشفع عننا وصليلنا يابويا علشان ربنا يشيل عنا ويرحمنا كل سنة وانتم طيبين
مجهود رائع جدا الحوار جميل وكمان كلمات الشعر جميلة والافلام والترانيم حلوين شكرا ليكم على تعبكم وعلى المجهود الرائع ده ربنا يباركم ويعوضكم كل خير

[elshbah]

الله حلقة جميلة اوى اوى ومفاجاءة جميلة تعيش ايديكو مجدى ونهى
بركات البابا كيرلس على جميعنا امين

[elphilasouf]

فكره حلوه أوي فعلا
ميرسي كتير لتعبكوا الجميل والكتير ده
كل سنه وانتم طيبين ومبروك لأونلي وقسم الالعاب وأحلي توقيع

[dody2011]

الله بجد حلقة جميلة اووووووووووي لابويا الغالي وحبيبي البابا كيرلس اشفع في اولادك وبناتك وشعبك وصلي من اجلنا وبركة شفاعتك تكون معانا

ميرسي بجد علي تعب محبتكم ربنا يباركم ويفرح قلوبكم ببركة البابا كيرلس

[الوجه الاخر]

ميرسى ليكم كتير ع محبيتكم وع المتابعة الجميلة
وياريت كلنا نرفع صلواتنا علشان الايام اللى احنا فيها دى
اما با النسبة لسوال ايمى
ده سماح من ربنا كل ده طبهعا يحصل لكن احنا مش عارفين اية حكمته فى كده
عموما اكيد كله للخير واكيد احنا ولاده يبقى لاتخف ايها القطيع الصغير
انا بس عايزكم تصلوا كتير ونقرب اكتر واكتر من ربنا