انا مره سرقت اب اعترافي وانا بعترف

بنت الراعي · كُتب : [ 08-31-2008 - 12:06 PM ]

بسم الاب والابن والروح القدس

الاله الواحد
امـــــــين

شباب
تفتكروا لما ربنا بيحب يشتغل

ممكن يشتغل مع كذا واحد
فى وقت واحد
وفى نفس الموضوع
شادى

شادى خادم اعدادى
خادم نصف كوم
كان بيقول شئ ويعمل شئ عكسه
شادى : يا اولاد اوعه تشتموا
ومع الاسف
كان هو يشتم مع اصحابه
وهكذا
..........
لما جه الصوم الكبير
فكر شادى يطلع دير البراموس فى وادى النطرون
يمكن حاله يتعدل

كان فى الدير
ابونا ميصائل المرشد الروحى
بتاع شادى
ابونا ميصائل : ازيك يا شادى وايه اخبارك واخبار شغلك
شادى : الحمد الله يا ابونا كنت عاوز اقعد مع قدسك شوية احسن انا ضايع على الاخر
ابونا ميصائل : بكرة يا ولدى واقبلك فى التسبحة
وفعلا
فى الفجر صحى شادى علشان يحضر التسبحة
قابل ابونا ميصائل فى التسبحة
راحو فى اخر الكنيسة
ابونا ميصائل : ها يا ابنى انت جاى كام يوم؟؟؟
شادى : 3 ايام يا ابونا
ابونا ميصائل : ها يا ابنى.... أيه اخبارك وحياتك وخدمتك
شادى : انا بصراحة ضايع جدا يا ابونا

انا كنت بتكلم مع البنات كلام مش كويس على الشات على النت .........وكنت بتفرج على افلام تزعل ربنا منى
وكنت بكلم اولادى فى الخدمة على الطهارة..........ومرة كنت محتاج فلوس وفسرقت من العطا بتاع مدارس الاحد........ ومرة سرقت اب اعترافى وانا بعترف..........ومرة كنت كذا وكذا .............وكذا
ابونا ميصائل : ايه يا ابنى كل ده؟؟؟
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟
انت ايه؟؟؟؟؟ شغال مع ابليس؟؟؟

انت كل مرة تجى تقول نفس الكلام انت ما فيش فائدة فيك ؟؟شوفك مرشد تانى غيرى

وقام ابونا ميصائل وهو غضبان
وزعلان لان شادى ما بيتغيرش ابدا
شادى حس ان مزعل ربنا جدا
بس اتكسف والكبرياء اخده
وقبل ما التسبحة تخلص اخد شنطته ورجع على مصر وما كملش الخلوة

اخر اليوم جاء ابونا ميصائل بيت الخلوة يسال على شادى ابنه
ابونا ميصائل: كان جاء واحد من مصر اسمه شادى يا اخه نشأت انت شوفته؟؟؟
الاخ نشأت : ايوة ده مشى يا ابونا قبل ما التسبحة تخلص
ابونا زعل جدا
يااااااااااااااااااه
جرى ابونا جرى على الكنيسة
ودخل قدام جسد الانبا موسى الاسود وسجد

بكى جدا ابونا ميصائل
ابونا ميصائل : اه يا ويلى.... أيه اللى انا عملته ده ؟؟؟؟ليه انا قسيت عليه اوى كده؟؟؟؟؟؟؟؟ بدل ما اخذه فى حضنى اضيعه؟؟؟؟؟؟
ليه كده؟؟؟؟؟؟ هو انا مش بتعلم ؟؟ ولا ايه حكايتى؟؟؟
يا انبا موسى الاسود صلى عنى انا الخاطى واذكر ابنى شادى..... يا انبا موسى رجعه وتوبه
يا انبا موسى الاسود ده انت اعظم مثال لخلاص الخطاه ارجوك صلى عننا
وبكى ابونا ميصائل
ورجع قلايته
وكل يوم كان يصوم لحد النجمة من اجل ابنه شادى
وقبل ما الصوم الكبير يخلص
لقى شادى بيحضر التسبحة فى الدير
المجد ليك يارب
انك لا تشاء موت الخاطى
ابونا ميصائل : شادى ولدى كيفك انت رحت فين؟؟؟؟
شادى: سا محنى يا بونا انا فعلا كنت ضايع
ولولا كلامك وشدتك وخوفك عليا انا كنت ضعت خالص
ابونا : ربنا بيحبك يا ابنى
شادى : غضبك وزعلك رجعنى .......... حسيت قد ايه انا وحش وبتضيع الابدية منى
وقلت ده انا ما احتملتش انتهار وتوبيخ ابونا امال هعمل
ايه قدام رب المجد

وكمان لما انا احزنت قلب بشر
امال قلب ابويا اللى فى السميح؟؟؟
نزلت الدموع من عين شادى وابونا ميصائل
واترمى شادى فى حضن ابونا
شادى : قد ايه انا استريحت
ابونا ميصائل : امل هتعمل ايه فى حضن المسيح

الهى ومخلصى يسوع المسيح
اعمل معى وبى يا رب
استخدم كلمات النعمة الخارجة من فمى الحقير
يا الله انت اتيت لاجل خلاص الكل
خلصنا يا رب كلنا
فنخلص

منقول

المصدر: †† ارثوذكس †† - من قسم: المرشد الروحى (كلمة الله التى تؤثر فيك)

Team Work® · كُتب : [ 08-31-2008 - 12:43 PM ]

حلو قوى قوى التأمل دة بجد اشكرك جدا علية

maro$$ · كُتب : [ 08-31-2008 - 01:41 PM ]

جميل جدا عرضك للموضوع والموضوع بجد هايل
ربنا يعوضك وتكونى سبب بركة للآخرين

بنت الراعي · كُتب : [ 08-31-2008 - 05:22 PM ]

ميرسي هيما
ميرسي مارو
نورتوا الموضوع
ربنا يعوضكم ويبارككم ويفرح قلوبكم

غدا افضل · كُتب : [ 08-31-2008 - 05:32 PM ]

موضوعك رائع يا ايمى وبجد فكرته هايله ووصل بطريقه جميله اوى ربنا يفرح قلبك ويعوض تعب محبتك

بنت الراعي · كُتب : [ 08-31-2008 - 05:34 PM ]

ميرسي مريم ياقمر
ربنا يعوضك ويباركك ويفرح قلبك

elphilasouf · كُتب : [ 08-31-2008 - 05:54 PM ]

موضوع حلو زي كل مره يا ايمى
بس المرادي للاسف احلى حبتين
ربا يعوضك يا جميل

بنت الراعي · كُتب : [ 08-31-2008 - 05:59 PM ]

حلو طبعا بردودكم يافيلو
ميرسي جدا لمرورك وردك الجميل
نورت الموضوع
ربنا يعوضك ويباركك

كيرو رافت · كُتب : [ 08-31-2008 - 06:17 PM ]

ايه يا ايمى ده بجد القصه دى هزتنى بعنف
لانى كتير جدا بعمل زيه وبزعل ربنا منى
ويا ريت بجد الاقى اللى زى ابونا ميصائيل اللى ينتهرنى ويوبخنى
نفسى اروح ليه وارتمى بين يديه
بجد بجد انا نفسى اكون مكان شادى
نفسى ابكى نفسى اصرخ نفسى بجد الاقى نفسى
ميرسى جدا جدا يا ايمى على موضوعك الهايل ده بجد
وبجد ابكانى وفكرنى بحالى وتقصيرى

بنت الراعي · كُتب : [ 08-31-2008 - 07:12 PM ]

معلش يا كيرو انا مش قصدي ابكيك ولا حاجه
بس لو بجد نفسك تروح له وترتمي بين ايديه
روح لربنا هو الوحيد اللي ممكن يسمعك ويحس بيك اكتر من اي حد
قوم له قوله اللي انت حاسه وهو امين وعادل في وعوده ووعدنا وقال
من ياقبل الي لا اخرجه خارجا
وصدقني كلنا خاطين الجميع زاغو وفسدوا
لكن ربنا مهما كانت خطايانا كتيره وتقيله ووحشه هو هايخلصنا منها ويرميها في بحر النسيان وطلبه الوحيد اننا نطلب منه ده ونرجع له
ربنا كبير وناظر لضعفنا وقادر يلمس قلوبنا ويغيرنا
ميرسي جدا كيرو لمرورك
ربنا يعوضك ويباركك ويفرح قلبك

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
هي تحبني وانا اموت فيها	الأمبراطور	القسم الادبي	0	12-11-2012 06:25 PM
هي تحبني وانا اموت فيها	الأمبراطور	القسم الادبي	0	10-29-2012 08:41 PM
اتعلموها بقا فين الرومنسية دى دلوقتي؟	القطة كيتي	الضحك والفرفشة	7	08-13-2008 02:35 PM
منتدى هو وانا يطلب مساعده	MAYVOL	أعلانات وأحتياجات	0	08-08-2008 11:54 AM
كيف اكتب وانا .............	اسامة ثروت	القسم الادبي	6	02-23-2008 02:13 PM

		†† ارثوذكس †† > كل منتدايات الموقع > المنتديات المسيحية العامه > المرشد الروحى (كلمة الله التى تؤثر فيك)
انا مره سرقت اب اعترافي وانا بعترف

	تذكرنــي

انا مره سرقت اب اعترافي وانا بعترف

بسم الاب والابن والروح القدس الاله الواحد امـــــــين شباب تفتكروا لما ربنا بيحب يشتغل ممكن يشتغل مع كذا واحد فى وقت واحد وفى نفس الموضوع شادى شادى