تذكرنــي
التسجيل التعليمـــات التقويم البحث مشاركات اليوم اجعل كافة الأقسام مقروءة



حوار من الاعماق

منتدى مفتوح للحوار مع الزوار والاعضاء فى كل شيء دون تسجيل بالموقع حتى لا يكون به اى احراج لاى شخص ودون التعرف على شخصيته اتكلم من القلب وخرج كل ما بداخلك † من غير ما تقول انت مين هاكون معاك امين †


ديني صح ولا انا اللي غلطت لما فكرت

انا محتاره اوي انا طول عمري مقتنعه من صغري ان المسيحيه هي الدين الصح اللي هيوصلني للملكوت مع اني مقريتش فيه بس بروح الكنيسه وبصلي ممكن كنت مقصره في حقه

اعلانات

اضافة رد

 
أدوات الموضوع تقييم الموضوع انواع عرض الموضوع

رقم المشاركة : ( 1 )
Maria Dawood
ارثوذكسي جديد
Maria Dawood غير متواجد حالياً
 
رقم العضوية : 136507
تاريخ التسجيل : Jul 2016
مكان الإقامة :
عدد المشاركات : 1
عدد النقاط : 10
قوة التقييم : Maria Dawood is on a distinguished road
IC16 ديني صح ولا انا اللي غلطت لما فكرت

كُتب : [ 07-06-2016 - 06:33 PM ]


انا محتاره اوي انا طول عمري مقتنعه من صغري ان المسيحيه هي الدين الصح اللي هيوصلني للملكوت مع اني مقريتش فيه بس بروح الكنيسه وبصلي ممكن كنت مقصره في حقه من ناحيه قرايه الانجيل والصلاه ف الاجبيه بس برضه في اساسيات مخلياني شايفه ان المسيحيه هي الاختيار الصحيح وبحمد ربنا اني اتولدت كده عشان متعبش لحد ما جه وقت وعرفت واحد مسلم هو طيب جدا ومن كتر طيبته انا اتمنيت ياريت لو كان مسيحي زيي عشان ارتبط بيه بس بعد كده انا مقدرتش وارتبطنا بالكلام بنسال ع بعض ونتكلم علي طول هدفنا ف الحياه نتجوز ونخش الجنه سوا هو مطلبش مني اغير ديني عشان اتجوزه بس قالي تعالي نقرا سوا الانجيل ونقرا القرآن ونشوف ونقارن ايه الصح عايزين نخش الجنه سوا محدش ضامن عمره لو حد فينا مات يبقي مطمن ع التاني انه ف مكان كويس وهيحصله انا تعبت ودورت كتير بس فعلا محتاره في من جوايا حاجه بتقولي لا المسيحيه اتربيتي عليها وهي اكيد الصح وهو كمان برضه من جواه ان دينه هو الصح بس المشكله ان لما اتكلمنا هو في نقط بيناقشني فيها فعلا اتكسفت اوي منه علي حالنا اللي وصلناله وخايفه بعد عمري ده كله اكون كنت غلط وكنت هخش النار وربنا بعتهولي عشان يلحقني يمكن لان في بعض النقط هقولهالكم ياريت تساعدوني وتردو عليا بحاجات ودلائل قويه اقدر اقولهاله الحمدلله هو مبيجبرنيش علي حاجه وهو مش هيخطفني ولا يجبرني بس كل الموضوع بندرو سوا واحده واحده عشان هو انسان كويس بجد
اولا : هو بيقولي ان القرآن فيه حاجات واضحه واوامر محدده يعني كل شئ متحدد وكل موقف وله اجابه يعني مثلا الزنا حرام او السرقه يقصد ان ديننا شويه مش بعرف اطلع منه قوانين تخليني اعرف اتصرف ازاي في موقف معين
ثانيا : الطلاق انه محلل عندهم وعندنا محلل فقط لعله الزنا بيقولي يعني ربنا هيعمل ليه كده ف البشر ليه لو العشره استحالت وطرف بيبهدل ف التاني ومعذبه ليه مينفصلش ويشوف حياته ليه ملزوم بيه لاخر العمر وربنا بيسهلها علينا مش بيصعبها
ثالثا: احنا اتفرجنا علي فيلم المسيح وصلبه وشفناه كله قالي ازاي انتي تعتبري انسان جه واتولد انه إله اه ربنا قادر علي كل شئ بس هو ربنا يعني مكانش لازم يجي بنفسه ربنا اعلي من كده ولو حتي جه مكانش ينفع يتعامل كانسان عادي ازاي إله ياكل ويشرب ويدخل الحمام وكل ده ولما شافه وقت لما المسيح كان الجنود بيهينوه ويضربوه قالي ازاي كده ربنا محدش بيهينه مينفعش انه يسمح بكده والاكثر بقي ازاي اصلا يتعمل فيلم لربنا هو ربنا بيتمثل او ينفع يتشبه بيه
في الحاجات دي انا مهما اتكلمت كنت بسكت وبفكر ودماغي بتقف
ومكتوب انه ابن الله بس انا مش قادره افهم وافهمه الجمله دي يعني ايه ابن الله برضه اه انا فاهمه انه ربنا مبيخلفش ومش ده المعني بس مينفعش يبقي في ربنا فوق وف نفس الوقت منزل حته منه يعني ع الارض وبرضه مكانش ينفع يتعذب ولو اتعذب ليه حس بالعذاب ده ربنا فوقنا كلنا
رابعا : المسيح لما اتصلب كان جنبه اتنين كمان اتصلبو زيه اه هما اتصلبو لاسباب اخري وكانت جرايم بس كده يبقي ربنا معملش حاجه زياده ولا حاجه لا يحتملها بشر لان كان في اتنين زيهم زيه ع الصليب اينعم المسيح كان عشان رساله معينه بس متقولش فدانا بقي طب والاتنين التانيين طب ما كان ممكن برضه رسول من الرسل يتصلب نتيجه لتبشيره وكان يبقي معاه
خامسا : ودي فعلا مضايقاني احنا ليه مش محتشمين ليه هما بيلبسو الحجاب والنقاب وجسمهم غالي واحنا مرخصينه ليه بقينا بنروح الكنيسه استعراض مش كل الناس طبعا بس ليه ملبسش زي السيده العذراء انا جيت افكر البس زيهم والبس ايشارب علي شعري ف الشارع وابقي زيها لقيت ان ابويا نفسه مش هيوافق هيقولي الناس هتفكرك مسلمه
والادهي من ده كله طب كل واحد حر ف حياته ازاي اخش بيت ربنا لابسه قصير او حتي محتشم بس دراعي باين او رجلي باينه ما اكيد في راجل ممكن يبص عليا لو حتي مبصش انا ليه ابين حتي لو حته من جلدي وازاي ده مسموح مفيش قانون صارم ليه مبنصليش وفي فصل بين الرجاله والستات علي فكره الحاجات دي كانت ايام العدرا وايام زمان بس الدين دين ومينفعش نغيره عشان مجتمع هما كمسلمين ماسكين بدينهم وبقواعده ومتغيروش اه منهم لللي بتبلس مش محترم بس بيت ربنا مبنشوفش طالع من عندهم واحده لابسه فوق ركبه وعامله شعرها انا مش عارفه اصلا هو ديننا اللي غلط ولا احنا يعني زيننا مالزمناش ليه بالحجاب وكان وقتها البس حشمه واغطي شعري براحتي ولا الكلام مكتوب ف الانجيل واحنا اللي متغاضين عنه
**
انا اسفه اني طولت بس جوايا اسئله كتير اوي وعايزه اعرف الصح عشان كده لجأتلكو ساعدوني اعرف بالدلائل الصح فين وياريت من غير انحياذيه او تعصب يمكن انا افهم وهو كمان وندخل ملكوت السما مع بعض لو اكتشفت اني غلط وديني غلط هغير ديني مش عشانه هو لا عشاني انا اللي عايزه جنه ربنا ومش عايزه اتعذب وكمان انا من حقي جسمي ميبانش غير لجوزي وحتي شعري هو بس اللي يشوفه ابين اني حلوه له هو مش لاي حد
وكمان مشكله الجواز دي اني اتجوز من غير ديانتي ياريت اهلي يتقبلوها ولو ان طبعا غير مقبوله ف مجتمعنا بس ربنا يسهل يمكن ربنا يدلنا ع الطريق الصح وساعتها فعلا مقدرش ابعد عن ربنا عشان اي انسان
شكرا لمساعدتكم



]dkd wp ,gh hkh hggd yg'j glh t;vj


رد مع إقتباس
Sponsored Links
بياناتي
 رقم المشاركة : ( 2 )
aymonded
ارثوذكسي ذهبي
رقم العضوية : 527
تاريخ التسجيل : Jun 2007
مكان الإقامة :
عدد المشاركات : 20,876
عدد النقاط : 58

aymonded غير متواجد حالياً

افتراضي رد: ديني صح ولا انا اللي غلطت لما فكرت

كُتب : [ 07-17-2016 - 06:29 PM ]


سلام لشخصك العزيز والمحبوب من الله، أولاً الأسئلة اللي موجودة كلها تعتبر طفولية جداً وسطحية للغاية، لأن الكتاب المقدس فيه الوصايا والناموس الإلهي الفائق، وكلها معروفة لا تزني - لا تسرق.. الخ، ومش فيه تشويش ولا قوانين غير واضحة، لأنه بيعلن إرادة الله فيه، ثم المسيح لما بيتقال عنه ابن الإنسان بيوضح أنه تأنس فعلاً يعني اتحد بجسم بشريتنا، لأن في البدء كان الكلمة (اللوغوس) والكلمة هو الله.

المهم انا مش غرضي ارد على الأسئلة المردود عليها آلاف المرات لو انتِ كنتِ بحثتي عنها بكل اجتهاد ده لو كنتِ عايزة تعرفي الحقيقة بجد فعلاً، لكن عايز اوضح لشخصك العزيز حاجة، وهو أن الموضوع مش جنة ونار، الموضوع يخص مُلك الله على القلب، اي ملكوت الله، والمسيح الرب قال ها ملكوت الله داخلكم، فالموضوع هل ملكوت الله فيَّ والا مش فيَّ، لأن الطبيعة تعلمنا أن كل جسم له حياة تخصه أو بيئة بيعيش فيها، بمعنى أن الإنسان يعيش على اليابسة ويتنفس الهواء، والطيور تعيش في الجو وتعشش على الأشجار، والأسماك تحيا في البحار والأنهار والمُحيطات، بمعنى أن كل واحد له البيئة الخاصة التي يحيا فيها، وهكذا الحياة مع الله لن يدخلها من هو غريب عنها، لأن من يدخل ويحيا في مكان لابد من ان تكون قواه مهيئة ومُكيفة لكي تحيا فيه، لأن السمكة مستحيل تعشش على الشجر أو تحيا على اليابسة، والإنسان لن يقدر أن يحيا تحت الماء ايام عمره كلها ويتنفس طبيعياً فيه، فمن المستحيل يدخل أحد ملكوت الله وهو غريب عنه، لابد من ان يتغير وكل قواه تتكيف لتقدر ان تحيا في الحضرة الإلهية.

الله حي متكلم وله صوته ودعوته المقدمة للإنسان، فلو الإنسان لم يسمع صوته ولم يجد دعوته فأنه يضل ويحيا تائهاً، فهل هناك معرفة حقيقية لله الحي عند أحد فيكم، هل وجدتي عند هذا الشخص معرفة حقيقية لله ودخول في الحرية من تحت سلطان الخطية والموت، هل وجدت الحياة عنده والنور الإلهي سطع ونلتِ سلام وبهجة وفرح داخلي.
الله بيعطي حياة وشفاء داخلي للنفس، ويغيرها على صورته هو حقيقة، ويعطي قوة غلبة الموت والنصرة على الخطية والتحكم في شهوات النفس، وهو يعطي سلطان ان ندوس الحيات والعقارب وكل قوات العدو.

الحياة مع الله حياة بنوة وشركة محبة حقيقية في النور، مش مجرد عواطف ورجاء في الأرض التي ستزول من جهة ناموس الحياة الطبيعية، لأن في المسيح يسوع تتغير طبيعتنا ونصير إنسان الله الحي بروحه القدوس، أختي العزيزة أنتِ لم تبني علاقة حية مع الله لتعرفيه إله حي وحضور مُحيي لكي تقرري أن تبحثي عن الله في مكان آخر، لأنك اتتحركين بعاطفتك مش باتزان العقل الراجح، فلا تنخدعي بصورة عاطفية ستهبط بيكي لمستوى لن تستطيعي الخروج منه مهما ما بذلتي من مجهود، فصلي واطلبي رب الحياة لكي يشع فيكي نوره وحياته الخاصة.


رد مع إقتباس
بياناتي
 رقم المشاركة : ( 3 )
aymonded
ارثوذكسي ذهبي
رقم العضوية : 527
تاريخ التسجيل : Jun 2007
مكان الإقامة :
عدد المشاركات : 20,876
عدد النقاط : 58

aymonded غير متواجد حالياً

افتراضي رد: ديني صح ولا انا اللي غلطت لما فكرت

كُتب : [ 07-18-2016 - 01:55 PM ]


بالنسبة بقى للكلمة دية (احنا ليه مش محتشمين)، هل هذا السؤال يتوجه للمسيحية والا للمسيحيات !!!!
+ كذلكن ايتها النساء... ملاحظين سيرتكن الطاهرة بخوف. ولا تكن زينتكن الزينة الخارجية من ضفر الشعر والتحلي بالذهب ولبس الثياب. بل إنسان القلب الخفي في العديمة الفساد زينة الروح الوديع الهادئ الذي هو قدام الله كثير الثمن - (1بطرس 3: 1 - 3)
________________________

أختي العزيزة محبوبة الله الحي، مشكلة الناس في هذه الأيام انهم غير عارفين الكتاب المقدس وحياتهم مع الله سطحية جداً ومش يعرفوا حقيقية المسيحية في واقعها العملي المُعاش، وبالتالي لم يتعرفوا على مسيح القيامة والحياة، أنتِ بتتكلمي على موت المسيح ناسية أنه قام، لأن الكل ممكن يموت بنفس شكل ظاهر موت المسيح الرب على الصليب لكن مستحيل حد فيهم يقوم بقدرة ذاته، فالمسيح الرب هو القيامة والحياة، وأن مات بجسم بشريتنا نفس ذات موتنا عينه لكي يعطينا قوة قيامته ويضعها فينا عربون ظاهر عملياً في الانتصار على الموت وخوفه وعلى كل قوات العدو، لأن الإنسان بطبعة متكبر يُريد شخصية عظيمة أي شخصية البطل (هيرو) اللي ينقذه بعظمة ويجعله يفتخر ويرتفع على الناس، لكن الرب فضح كبرياء الإنسان لما دخل في حمل عار الصليب والموت، لأنه سُرّ أن يُخلصنا بجهالة الكرازة التي لا يتقبلها الناس وهو الصليب، لكي يعطيهم القيامة في تواضع ووداعة، ويعرفهم كيف يكون الحب الحقيقي وهو البذل حتى الموت، لكن الإنسان لا يُريد أن يبذل حتى الموت، بل يُريد العظمة والملوكية، لذلك لن يقبل الصليب إلا المتواضعين وعارفي الحق المجدد لشخصية الإنسان كُلياً، لذلك الرب قال تعلموا مني لأني وديع ومتواضع القلب، احملوا نيري، والرب بيشفي النفس بالصليب فعلياً لو اقتربنا إليه بكل قلبنا وعرفناه إلهاً حياً مُحيياً وآمنا به صدقاً، لأنه هو نفسه قال لمريم أخت لعازر: ألم أقل لك أن آمنتِ ترين مجد الله!

رد مع إقتباس

اضافة رد

مواقع النشر (المفضلة)

الكلمات الدلالية (Tags)
ديني, اللي, انا, غلطت, صح, لما, ولا, فكرت

اعلانات

أدوات الموضوع
انواع عرض الموضوع تقييم هذا الموضوع
تقييم هذا الموضوع:

تعليمات المشاركة
تستطيع إضافة مواضيع جديدة
تستطيع الرد على المواضيع
لا تستطيع إرفاق ملفات
تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
مسرحيات توميان الغلبان قسم المسرح الكنسي 26 10-07-2015 02:15 PM
تعـــــــــــريف الغبــــــــــــــاء nancy الضحك والفرفشة 7 03-13-2012 08:53 PM
العاب مخيمات هدية الاخ ميشو ريم الخوري قسم اعداد الخدام واجتماعات الخدمة 18 04-04-2011 11:03 AM
تعريف الغباوة nana222 المرشد الروحى (كلمة الله التى تؤثر فيك) 2 07-01-2007 04:46 PM


الساعة الآن 06:23 AM.