[مايكل عبد الشهيد]

اللى حصل النهارده بجد بجد قمه حرق الدم

طبعا قبل ما اتكلم احب اقول للاعضاء اللى لسه ماتشرفتش بمعرفتهم انى اهلاوى جدا جدا وطبعا لون النادى اللى بشجعه باين من مواضيعى بس بجد انا اول مره اشعر بحاله من السخط على اداره النادى صاحب المبادئ الراسخه



ولكن كونى اهلاوى اصيل احب انى اوضح ان اللى حصل النهارده من استهانه بمشاعر اكتر من 40 مليون مصرى اهلاوي فى مصر والمغتربين بعدم السماح لكاميرات القنوات الرياضيه المتعاقده رسميا مع اتحاد كره القدم المصرى على ازاعه مباريات الدورى العام كاملا ده تحدى صارخ مش لشرف التعاقدات فقط بل لمشاعر الجماهير الكبيره اللى لولا معرفه الاهلى بحبها وثقتها العمياء بها لما جرء احد على ما تم اليوم

ازاى قناه زي مودرن سبورت اللى ليها حق اصيل فى نقل المباراه يبقى اخر حاجه تعملها انها ترسل اشخاص لنقل المباره بالموبايل صوت فقط

والاغرب ان كل شويه يتقبض على اللى بيحاول ينقل صوت لجمهور غلبان مطلوب منه انه يتخيل اللى بيحصل فى الملعب



هو احنا فى جوانتنامو يا خوانا


عفوى يا معشوقى لقد اخطئت فى حق تاريخك وفى حق جماهيرك

والمطلوب انك تحافظ على حقوقك ايوة

بس لازم الحفاظ على حقوقك يكون مع درايه كامله بواجباتك

اخيرا ارجو اللا تتكرر المهزله اللى حدثت فى مباراه اليوم وده لصالح الاهلى

فبدون جماهير الاهلى ودعمهم لما وصل النادى للقوى اللى تتيحله الوقوف وقفه القوى امام اتحاد الكره واتحاد الازاعه والتلفزيون والقنوات الفضائيه وتحديهم




ملحوظه

بالرغم من زعلى جدا من اللى حصل النهارده بس اللى فرحنى بجد هو ظهور المعدن النفيس لابناء النادى الاهلى واثبات نظريه الانتماء تعريف البعض بطريقه عمليه معنى الانتماء



فابالرغم من خلاف الكابتن مصطفى يونس الشديد والمعروف مع اداره الاهلى فانه لم ينساق وراء معاده وافتراء الجميز اسف قاصدى البندق الشهير بالمتغندر واكثر الاشخاص اثاره للاشمئزاز والشهير بعداوته الظاهره اسامه خليل ووقف فى برنامج تصور المتغندر بانه برنامج الشماته واظهار الغل ليترك ليهم احساس بمدى صغرهم وتفاهتهم بوجه الفارس الاحمر

الغريبه ان المتغندر كان متصور او متوهم ان ممكن احد ابناء النادى المشهور بتماسك ابنائه انه يعوم مع موجه الغل والافتراء من المتغندر و جهل الجهبز اسامه خليل ويفتكرو انه ممكن يقف ويغلط فى حق نادى رباه وجعله انسان عظيم ومشهور



فعظيم يا اهلى عظيم بابنائك اللى لما تكون الخلافات تعتصرك بينك وبين ابنائك لا يسمح احد بتوجيه اى اهانه لك

واحب اقول للمتغندر العب غيرها ومش ابناء الاهلى هما اللى لما يكونوفى خلافات ممكن يقولو او يشاركو فى اى شيء يسيء لناديهم

المصدر: †† ارثوذكس †† - من قسم: قسم الرياضة

[M@@@NOOOO]

عندك حق فعلا
واللى حصل النهارده مهزله
ويارب ما يتكرر تانى
ويارب اداره النادى تحس ان من حق جماهيرها العريقه
انها تشاهد فريقهاا
وده يعتبر ابسط الحقوق للجماهير الوفيه دى
ميرسى يامايكل ومبروك ليكوا الفوز النهارده
ربنا معاك
وياريت نشوف دورى محترم

[الناى الحزين]

الى حصل ده اسمها مسخره مش مهزله


ازى يعنى يحصل كدا

الحل الواحيد اننا كلنا نروح الاستاد ونتفرج على النادى الاهلى

لكده لنخبط دماغنا فى الحيط

[كيرو رافت]

عندك حق يا مايكل فعلا موش ذنبنا احنا الجماهير فى خلاف الاهلى مع الاتحاد ولا مع اى حد

بس هما وعدوا ان ده الماتش الوحيد اللى هايحصل فيه كدااااااااااا

ولما نشوف لانى بجد النهارده دمى اتحرق علشان اللى بيحصل

[bolalover]

عندك حق يا مايكل
و الي بيحصل ده مهزلة

[iloveusomuch]

طالما فى اسم النادى الاهلى
يبقى لازم يبقى فى مهزلة او فضيحة
شكرا ليك يا مايكل على موضوعك

[مايكل عبد الشهيد]

المشاركة الأصلية كتبت بواسطة iloveusomuch طالما فى اسم النادى الاهلى يبقى لازم يبقى فى مهزلة او فضيحة شكرا ليك يا مايكل على موضوعك

يالهوي اوبااااااااا طب حد يكلمه بقى انا مش هاتعصب عليه سيبووووووونى انا مش هاضربه انا هافهمه غلطه بس


بقى ياراجل انا كونى اهلاوى زعلان على اللى بيعمله تقولى انت مهزله


مهزله ايه بس اللى حصل مابين جمال حمزه وريكاردو هو المهزله


بل الكارثه ان الحكم يطرد اللى دافع عن نفسه وينزر المعتدى




اما المصيبه بقى هاااااااا المصيبه ان اداره الزمالك تحط غرامه على ريكاردو اكبر وتجبره على الاعتزار لجمال


ليه هو جمال عبد الناصر


نصيحه بلاش كلمه مهزله دى تانى وشوفتو يا جماعه انا فهمته غلطه بس

[iloveusomuch]

مهزله ايه بس اللى حصل مابين جمال حمزه وريكاردو هو المهزله

يعنى الكلام ده ماحصلش فى النادى الاهلى
واحكم انت برضو وخلى ذاكرتك كويسة