[ملكه الاحزان]

المعاكسة واجب قومي وحق مشروع لكل شاب اتجاه اي " بنوته حلوة " نازلة الشارع وتاعبة نفسها ومتشيكه وحاطة ميكب ونازلة تقول للأرض اتهدي ما عليكي ادي ... عايزين ايه من الشباب يعني... مش لازم يشجعوا المنتج المحلي... وكمان لما البنت دي تتعاكس والشباب يقرفها في الشارع اكيد هاتتربى وهاتتعلم الادب وتنزل الشارع بعد كده محترمة .... ماهو لو محترمة و ما كانش حد قرب ناحيتها .

بس في مشكلة ...

البنت اللي لبسها كويس ولابسة و كمان خمار بتتعاكس ليه.؟؟؟.... ايه اللي بتتعاكس ليه ... اكيد ماشية تتمايع وتضحك في الشارع وحاطة ميكب اد كده ....لازم نربيها بردو وتنزل الشارع محترمه ... ساكتة ولا تنطق من اساسه ... مش بقولكم واجب قومي وحق مشروع لينا ... بنربي بنات مصر ...
طب واللي ماشية لابسه محترم ولا حاطة ميكب ولا غيره وماشية في حالها لا بتضحك ولا بتتمايع ماشية في حالها ... ...لأه بقى ما هي نازلة الشارع وحدها وقاصدة تتعاكس ايه اللي منزلها الشارع وحدها وهي عارفة الشوارع بقت عاملة ازاي ... ماهي لو محترمة بجد كانت نزلت مع باباها ولا اخوها ولا خطيبها حتى ... دي عايزة تعمل محترمة وتضحك عالشباب وتجيب عريس ... وبردو لازم نبينها على حقيقتها وتتعاكس علشان محدش يفتكرها محترمة ...

طب واللي نازلة مع اخوها ولا خطيبها ولا حتى جوزها (مش نازلة وحدها اهو) ويطلع لها واحد من ورا خطيبها ولا اخوها بيبصبص ليها كده من ورا ضهر الراجل الغلبان وعمال يشاور ويعمل حركات ويقرفها ... ... يا سلاااااااااااام ومين قاللك ان ده خطيبها ولا اخوها .. تلاقيها الواد اللي ماشية معاه ماهو لو كان خطيبها كان قعد يشوفها في بيتهم .. وانا بعاكسها علشان اعرفهم قيمتهم هما الاتنين علشان يتربوا ويبطلوا صرمحة في الشوارع ... مش بقولك واجب قومي وحق مشروع لكل الشباب علشان البلد والله....

طب واللي واقفه في البلكونه الغلبانه بتنشر ولا بتجيب حاجة بالسبت بيطلع لها ميت واحد من الشارع راصدينها واللي يعاكس واللي يشاور.. الله ما هي قاصداها اهي وطالعة البلكونة علشان الناس تشوفها وتتعاكس .. هي اللي عاوزة تتعاكس من الاساس .. وانا لما بعاكسها بوريها قيمتها اصلا ... هي ايه اللي طلعها البلكونة من الاساس .. تنشر .. هههه دي تلاكيك يا عمنا ... دي عاوزة تتعاكس ... ماهى لو محترمة والله ما كنت هاقرب ناحيتها ...

طب واللي قاعدة في بيتها يا ناس .. ويطلعلها من الشباك اللي عمال يبص ويبحلق فيها ويعاكسها ... شوفت اديك قلت بنفسك ياعم ... هيا اللي فاتحة الشباك علشان الراجل ده يشوفها ويعاكسها ... وتلاقيها كانت بتتمخطر قدامه رايحة جاية ومتشيكه علشان يشوفها ويعاكسها .. هي لو محترمة تفضل في بيتها وتقفل الشبابيك والبلكونات والبيبان كلها وتقعد تحت السرير كمان علشان تبقى بنت محترمة بصحيح ومحدش يشوفها خااااااالص وتدفن نفسها بالمرة...
على فكرة انا بوضح لكم ان اللى بيعاكس بيحلل تصرفاته على انه صح وبيقنع نفسه بكدة بس هى غلط مية فى المية ...


اجبلكم من الاخرررر يابنات هاتعاكسوا بالذوق و بالعافيه
لانه واجب قومى وحق مشروع لكل شباب بلدنا الغلابه
اي رائيكم في الموضوع
المعاكسه واجب؟؟؟!!

المصدر: †† ارثوذكس †† - من قسم: صندوق مناقشات الاعضاء

[miso]

ههههههههههههههههههههههههه ه عندك حق يابنتى
بس على رايى واحدة صحبتى قالتلنا يوم ما خرجنا
لو مش عارفة تردى فى ...........
يعنى ضرب
ههههههههههههههه غالبا ده هيبقى الحل
ربنا يرحمنا يابنتى

[جاسيكا]

هههههههههههههههههههههههه
واجب قومى فعلاً وبصراحة دى هبل من هبل الشباب الفاشل
اللى مش لاقى حاجة يعملها لازم يعاكس
صدقينى بجد مهو مش لاقى حاجة يعملها تخلية مشغول سواء بشغل او اى حاجة لازم يلاقى حاجة يشغل نفسة فيها ودا تلاقية فاشل فى كل حاجة الا فى المعاكسات
شباب فاشل فاشل
ربنا يرحمنا
ميرسى كتير

[miso]

صدقينى يا جاسى مش الشباب بس اللى بيعاكس
ده كللللللللللللللللللله الشباب والعيال الصغيرة اللى لسة ملطعتش من البيضة دى
والرجالة الكبيرة
هههههههههههههههههه مبقتش مقتصرة على الشباب بس

[وردة حزينة]

باامانه ببقى ماشيه فى ايد جوزى وبتعاكس وميش من وراه لالالالالالالالالالالالال اقدامه كده بامانه فعلا مابقاش فيه ذوق
وكتير بقى ببقى ماشيه نفسى اضحك يبقى عيل قد ركبتى وعمال يعاكس ومبهدلنى فى السكه ببقى نفسى اقوله روح ياحبيبى كمل الرضعه بتاعتك بس بخاف يطلع من جيبه مطوه ولا حاجه
موضوعك دمه خفيف اوى مع انه واقع موسف
ميرسى ملكه

[شمعة]

ههههههههههههههههههههههههه هه
حق مشروع اهىىىىىىىىى
بجد بجد دة اسلوب غبى
ولانسان الى بيعمل كدة
انسان مريض نفسيا
ومعندوش عقل ولا احترام
يابنتى لية بتفتحى ملف غبى زى دة
يلا اهم حاجة ان مش كل الشباب كدة
فى نسبة 5 % عاقلين
اهىىىىىىىىىىىىىى

[جاسيكا]

على رايك يا ميسو
الكل بقى بيعاكس سواء كان صغيرر او كبير محدش بقى لاقى حاجة يعملها

[ELMAGEK]

مش لازم يشجعوا المنتج المحلي...

ههههههههههههههههههههههههه ههههه
عجبتنى اوى الجملة دى وبعدين لما البنت تتعاكس من ابن بلدها
مش احسن ما تتعاكس من الغريب وبعدين يعنى اوعو ادونا فرصة بقى
الا ملقينا شغلانة فى البلد التيت دى الا لما طالبة انسة وطالبة صاحبة خبرى
يعنى لازم اى حاجة فيها مصلحه تبقى اخرها تة مربوطة
وبعد كل دا مش عايزين تتعاكس ام عجيبة وعلى رئى الشاعر الولهان حمادة التعبان
البت انح انح والحب ظاظا وكل ما اشوفها تتنح وتزيد لظاظة
ههههههههههههههههههههههههه هههههههههههههههههههههه

[kottah_sh]

اجبلكم من الاخرررر يابنات هاتعاكسوا بالذوق و بالعافيه
لانه واجب قومى وحق مشروع لكل شباب بلدنا الغلابه



دى حاجه طبيعيه جدااااااااااا دلوقتى
تصدقوا معاكسه الشباب مش بتخوف دلوقتى
اللى بيخوفنى معاكسه الاطفال
لانهم مش بيخافوا وبيبهدلوا الواحده وهيه ماشيه
وكمان معاكسه جدووو المراهق
اللى مفكر نفسه لسه شباب
وهوه رجل بره ورجل جوه
ههههههههههههههههههههههههه ههههه

بجد ربنا يرحمنا



كان عندى سؤال للماجيك
البت انح انح والحب ظاظا وكل ما اشوفها تتنح وتزيد لظاظة

من هوه الشعر الموهوب حماده التعبان
ياريت تنزلنا سيرته العطره علشان نستفاد منه
ههههههههههههههههههههههههه هههههههههههههه

[مانـــوو]

ياعينى ع الشباب المظلومه
مش عاوز اقولك ان فى بنات كتير بتبقى ماشيه ف الشارع عاوزه تتعاكس ولو مش اتعكست ممكن تتشل
والاناح من كده لما البنات هما اللى يعكسوا الشباب انا مش عاوز اقولك اتعكست كام مره بجد يعلم ربنا البنات هى اللى بتاعكس دلوقتى
وممكن اكون راكب موصلات والبنت تبقى عنيها عليا كانها بتقولى مستنى ايه تعالى كلمنى متعكسنى بقى
ده غير معكسات التليفون وتفضل ترن وعاوزه تتعرف بالعاقيه اوووووف
زمان حوا هى اللى عثرت ادام وخلته يخطىء والنهارده برضوا هى اللى بتعثروا وتخليه يعاكسها ويغلط
ارحموا الشباب شويه من ظلمكوا وانتقكدكم داحنا غلابه قوى
هههههههههههههههههههههه
شوفوا البنات اللى بتخلع من مدرسهم ومتلحقين ع البحر
ههههههههههههههههههههههه
والمجمع والمعاهد ملينين بلاوى وبرضه الهجوم ع الشباب كل الناس بتغلط
بس الصح ندور على سبب الغلط ونصلحه مش نهاجم الانسان اللى بيغلط وخلاص

كل بنت تصلح من نفسها وتلبس كويس ومحترم وتمشى ف الشارع ولو حد عكسها يبقى ربنا بقى يسمحه لان هى كده ملهاش زنب هى عملت اللى عليها لكن مش تبقى سبب عثره وتقول الشباب بيبهدلونى ف الحته
سامحونى لو كان رائى مش عجبكم بس اختلاف الرئى لا يفسد للود قضيه
واحب اسمع اروئكم كلكم

وميرسى كتير ليكى يا مارى على الموضوع ده لانه كان على بالى النهارده وكنت بفكر فيه وبحاول اشوف الغلط جاى منين

ربنا يحافظ عليكم ويحميكم يا بنات المسيح