[mark_scream]

في اسئله بتبقى مالهاش اي لازمه في الدنيا

بنتعرض ليها كل يوم من كل الناس
خلـونـــا نشــوف أمثلة
أنت في أوضتك . على السرير
وطافي النور ومتغطي ..
يجي أخوك الظريف ويفتح الباب عليك ويقول : ايه ياده انت هتنام ولا ايه ؟
((أظن ده مش وضع اللعب !!! واضح ان انا هنام))


أنتم معزومين عند ناس ورحتو لبيتهم
وأول ما فتحولكوا الباب يقول ابنهم الصغير " انتوا جيتــواااااااااااااااا
((لا لسه))

والعكس : أنت لابس هدومك و متأنتك و على سنجه عشره وريحة البارفان واصله لاخر
الشارع . وخلاص بتفتح باب الشقه,, يجي حد من أهلك وينادي بصوت عالي : انت
خااااارج ولا اييييييييييه
((لا ابدا ))

أو مثلا راكب العربيه ودورتها وخلاص هتطلع ... يجيلك لك البواب ويخبطلك على
الزجاج,, أنت بكل ذوق تفتح الزجاج وتقوله : خير في حاجه؟
يقولك : انت رايح الشغل يابيه ؟
((لا العربيه واحشاني))

مثلا : ماسك مذكرة أو كتاب وقاعد تحفظ ومتحمس اول مره بقى) .. جه حد وقالك
:هاه قاعد تذاكر؟)
(( تقوم رامي الكتاب و تقوله لااااااااء ))

ولا تعالــو شوفو قنواتنا واسئلتهم البايخه
برنامج اهداءات يتصل واحد يطلب أغنيه
ترد عليه ست الكوتكوته (المذيعه) بكل خفه : أنتا بتحب الاغنيّة ديه
ولا ايه ؟
((لا طالبها اخنق على نفسي))
كفايه كده عليكواااااا
اظن ان انتوا اتخنقتو شويه ولا ايه؟؟؟؟

المصدر: †† ارثوذكس †† - من قسم: الضحك والفرفشة

[Team Work®]

ههههههههههههههههههههههههه هههههههه

مشكلة بجد انت مشكلة

[kamel]

طيب أنت ها تكتب حاجة تانية ولا أية!!!! الرب يباركك

[حياة الروح]

هو ده منتدى ولا ايه
انت عضو في النتدى ولا ايه
ههههههههههههههههههههههههه ههههه
مشكور حبيبي
حياة الروح

[mark_scream]

لا مش منتدى انا عارف كده
ههههههههههههههههههههه

[ماريو عادل]

بس فى حاجات تانيه انت مقولتهاش مستنيينك

[Mmk_media]

ههههههههههههههه
جامدة ومستنين المزيد من الاسئلة الرخمة

[minabobos]

شكرا ليك يا مان ع الحاجات الرخامه
ربنا يبارك حياتك
يا عسل
ههههههههههههههه