يا جماعه اولا احب اشكركم جدا علي اهتمامكم
اما بالنسبه ليا ازاي متاكده انه بيحبني ومش متهئ لي
اولا انا عندي 24 سنه يعني اعرف احدد كويس مشاعري ومشاعر اللي قدامي
ثانيا احنا قصة حب كبيره بدات من ايام الجامعه هو كان اكبر مني بسنه وهو بسببي استحمل مشاكل كتير وتعب كتير فمش معقول يستحمل كده ومايكونش بيحب
انا اسفه ماعرفتش اعبر عن مشكلتي كويس
المشكله مش في انه مش بيقولي كلام حلو او اني مابوحشهوش او انه بيكلمني قليل لا
المشكله انه مش بيهتم بيا ازاي يعني
انا مثلا يفرق معايا الميسدات والمسيجات والورد وكده هو شايف ان ده تفاهه
وبعدين احنا مخطوبين رسمي من شهرين وهو مستعجل عايزنا نجوز الشهر الجاي وده مخوفني شويه

[مينا ابن الراعي]

شوفى حضرتك مش معنى ان خطيبك مهتم بشغله انو هملك لا بالعكس ده لو اهمل الشغل مش هيكون امين ان يوفرلك احتياجاتك ومتطلبات المنزل ده فى المستقبل وفى الوقت الحاضر مش هيقدر يوفر لك التزامات قبل الزواج ؟
اكيد اهتمامه بشغله علشان هو بيحبك وعايز ننجوزو فى اسرع وقت
انتى لازم تشجعيه على العمل
اما بالنسبه ان مهملك ؟
مفيش خطيب يهمل خطيبته ممكن يكون مش بيعرف يعبر ممكن يكون خجول شجعيه انو يتكلم

[nanaromeo]

سلام المسيح مع الكل
احب اقول رائى لصاحبة الموضوع ان فى حاجات كتير لازم تفهميها
اولا الراجل بيحب يكون ناجح فى عمله وخصوصاً لو كان بيحب شغله
ثانيا انت لازم تقدرى انه علشان يقدر يبقى ناجح لازم يركز فى شغله وعلى كلامك هو عايز يشتغل علشان فى الآخر تتجوزوا
بصى يا حبيبتى انا مش جاية عليكى بالعكس انا حاسة بيكى لأنى فى نفس المشكلة مع خطيبى
بس علشان انا كنت زيك فى الأول بتضايق قوى فا أحب اقولك انك انت لازم تبقى مقتنعة انه بيشتغل علشان فى الآخر تكونوا مع بعض وكمان ممكن تعوديه انه يسال عليكى يعنى قوليه اول ماتصحى ابقى رن عليه - لما ترجع من الشغل كلمنى علشان اطمن عليك ... الخ . انت عوديه من الأول انه يسأل وانت كمان لازم تشغليه بيكى يعنى متكلمش هو كلميه انتى يومين تلاتة وهو هيتعود هتلاقيه هو اللى بيتصل
ونصيحة ليكى ولكل البنات اوعى تسمعيه كلام يعكنن عليه كل الولاد بيكره كده . يعنى اول متكلميه ديما سمعيه كلام حلو وكلميه بشوق مثلا ياحبيبى وحشتنى ..... كده يعنى. هتلقيه بيتصل بيكى علشان يسمع منك الكلام الحلو ده .
سورى لو كنت طولت عليكى ربنا معاكى ويدبر حياتك بصلوات امك العدرا

[marian magde]

:em0400:اعتقد ان من المفروض انك تصريحة وتقوليلوا ان دة حاجة لا تقل اهمية عن حبوا ليك والاحسن ان باسلوب كدة براحة تحاولى تعملى معاة زى مهو بيعمل ولو مرة عشان يحس بالاانتى حسااة بس دة طبعا راى وربنا هو الى يوصلك للحل الصحيح وربنا معاكى ومعانا

[SNoW]

بصى انا عايزاكى تاخدى بالك كويس جدا .. معظم الشباب بيبينوا اهتمام فى فترة الخطوبة و بعد كدة بينفضوا بعد الجواز فمابالك ان خطيبك دة اصلا مكبر دماغة من و انتوا لسة مخطوبين امال بعد الجواز هيعمل ايه يعنى؟؟ انا برضة من النوع اللى بيحب الاهتمام و احب احس انى اهم حاجة عند الشخص اللى انا احبة مش انا ابقى مخلياة اهم حاجة فى حياتى و هو مكبر .. بصى هو بيقول مشغول (ماشى) طب تفتكرى اللى مشغول دلوقتى هيفضى بعد الجواز؟؟ اسألى نفسك السؤال دة و اعملى وقفة مع نفسك .. كان احد الاباء قال فى التليفزيون ان الناس بتفتكر ان المرتبطين بيهم هيغيروا طباعهم بعد الجواز لكن بيتفاجأوا ان الشخص بيفضل زى ما هو .. يعنى انتوا لما تتجوزوا هيهملك نفس الاهمال دة و هو طول عمرة هيبقى عندة شغل و عمر ما فى حد بيفضى اصلا فا هيفضل طول عمرة يقولك مشغول مشغول و مش هيسأل فيكى صدقينى .. احسن حل ليكى فهمية كدة انك عايزة تحسى باهتمامة يا كدة يا أما تشوفى حياتك مع حد تانى ميكونش "مشغول" او " معندوش وقت ليكى و لا لاهتماماتك و لا عندة وقت يعمل الحاجات البسيطة جدا اللى تخليكى تبقى مبسوطة و حاسة بقيمتك عندة " ... و خلى بالك من دلوقتى لان اللى عندة طبع مش هيغيرة فا ]اما يغير طبعة يا أما سيبك منه ... كلنا مليانين عيوب لكن كل واحد بيختار شريك الحياة اللى بيتناسب مع شخصيتة .. فا انتى كواحدة بتحبى الاهتمام هتبقى محتاجة من شريك الحياة اهتمام ... انا جاية علية لانى الجزء دة من شخصيتى زيك فا عرفة قد اية الموضوع دة مضايقك ... ربنا معاكى و يرشدك

[دونا ممدوح]

حاولى انك تهتمى بيه انتى الاول يعنى كلمية كل شوية واساليه عن شغلة ومشاكلة حاولى تحسسية بالاهتمام واكيد صدقينى هتلاقيه هو كمان بيردلك نفس المعاملةوهيهتم بيكى ولو مااهتمشيبقى استعملى طريقة تانية هى انك تنفضيلة وتتكلمى مع اخوه مثلا او حد قريبك اكترمنه قدامه هتلاقيه غار وابتدى يهتم بيكى بس استعملى الطريقة الاولى الاول

[misho]

طالما انك واثق انه بيحك
اى حاجة تانى بعد كد هتبقى سهلة
حتى لوكانت الحاجة دى عدم اهتمامه بيكى
هدى اعصابك .وقدرى ظروفوه واتكلمى معها بهدؤ
دا راى خطيبتى
لكن بالنسبة لى سيبك منه بكره يجيللك اللى يقدرك