[eng_fofa]

الشات ........ و نظره مختلفه

كتير مننا النت بقى شىء مهم فى حياته وميقدرش يستغنى عنه سواء كان شغل او تسليه او لاغراض تانيه كتير
ومن ضمن استخدامات النت هو الشات ناس كتير اتكلمت عن الشات والعلاقات اللى بتحصل بين الولاد والبنات عن طريقه انا مش هتكلم فى الموضوع ده لكن انا عايزه اتكلم فى حاجه تانيه مختلفه شويه او بمعنى اصح عايزه اعرف رأيكم فى حاجه معينه بخصوص الشات
وهى ليه كتير من الشباب والشابات بيقضو وقت كبير جدا فى الشات وفى ناس عندها استعداد تقضى يوم كامل فيه
هل دا سببه شعور بالوحده وان الشباب مش لاقيه حد يسمعهاونفسها تتكلم وتطلع اللى جواها وتلاقى حد يحس بيها ويفهما
ولا دا بيحصل لمجرد ان فى ناس بتحب تتدخل فى شئون غيرها وتعرف عنه تفاصيل حياته الشخصيه او بمعنى اصح مجرد تطفل مش اكتر
ولابيحصل لان احنا بطبعنا اجتماعيين وبنحب نتعرف على الناس
او يمكن فى اسباب تانيه انا معرفهاش
اتمنى اشوف رأيكو

المصدر: †† ارثوذكس †† - من قسم: صندوق مناقشات الاعضاء

[MICKEY]

صدقيني انا واحد من الناس صحيح بقعد علي النت كتير

وصحيح النت فيه اختلافات كتيرة في الأستخدام
يعني في نوع بيستخدمه للأستخدام السئ اللي يرضي بيها افكاره السيئة
وفي مننا بيستخدمه كنوع من انواع النضوج


لكن الحمد لله اغليبة اصحابي عملتهم من طريق النت والشات

يعني انا بحب النت والشات جدا والحمد لله بحاول استخدمهم صح

لكن اكيد في نوعيات تانيه متطفلة وبتعمل اللي انتي بتقولي عليه
موضوع جميل وربنا يعطيكي العاااااااااااااافية

[eng_fofa]

ميرسى ياميكى نورت الموضع وطبعا رايك مظبوط

الله يعافيك ياباشا

[ايريني حشمت]

المشاركة الأصلية كتبت بواسطة eng_fofa هل دا سببه شعور بالوحده وان الشباب مش لاقيه حد يسمعهاونفسها تتكلم وتطلع اللى جواها وتلاقى حد يحس بيها ويفهما

انا من رائي انا السبب ده اكبر سبب عند معظم الناس بس اكيد مش كلهم
اكيد في ناس بتحس انها محتاجه تتكلم مع حد متعرفوش للهروب من الوحده او انها عندها مشاكل كتير مع الاحواليها و مش عارفه تتكلم مع حد فبتلجا للشات وسيله انها تتكلم مع حد
مرسي ليكي قوي علي الموضوع المهم ده
ربنا يكون معاكي

[eng_fofa]

المشاركة الأصلية كتبت بواسطة ايريني حشمت انا من رائي انا السبب ده اكبر سبب عند معظم الناس بس اكيد مش كلهم اكيد في ناس بتحس انها محتاجه تتكلم مع حد متعرفوش للهروب من الوحده او انها عندها مشاكل كتير مع الاحواليها و مش عارفه تتكلم مع حد فبتلجا للشات وسيله انها تتكلم مع حد مرسي ليكي قوي علي الموضوع المهم ده ربنا يكون معاكي

ميرسى ليكى ياارينى
واحب اضيف حاجه كمان لرأيك ان اللى بيشجعنا على كده ان مفيش حد شايف حد يعنى الواحد بيقول اللى جواه من غير ما يتكسف او يحس ان الكلام اللى هيقوله ممن يتاخد ضده
نورتى الموضوع ياحبيبى
ربنا يفرح قلبك

[tamr ashak]

بنعمة الرب يسوع المسيح وبركة ام النور تكون مع جميعنا والرب ينور عقول شبابنا ويبعدهم عن السلبيات فى كل الاجهزة الجديدة نعم الكلام دة صحيح فى سلبيات واجا بيا ت

[eng_fofa]

المشاركة الأصلية كتبت بواسطة tamr ashak بنعمة الرب يسوع المسيح وبركة ام النور تكون مع جميعنا والرب ينور عقول شبابنا ويبعدهم عن السلبيات فى كل الاجهزة الجديدة نعم الكلام دة صحيح فى سلبيات واجا بيا ت

ربنا يدينا نعمه وينور بصيرتنا فى كل تصرفاتنا
ميرسى لمرورك نورت الموضع

[@ حبيبة البابا كيرلس @]

ميرسى لكى على الموضع الحلو
هل دا سببه شعور بالوحده وان الشباب مش لاقيه حد يسمعهاونفسها تتكلم وتطلع اللى جواها وتلاقى حد يحس بيها ويفهما
ممكن يكون ده السبب

[ZEZOMERO]

بصى يا فوفا
الموضوع وما فية
ان الشباب او الشبات مثلا بيقعو فى مشكلة فا مش هايقدرو يكلمو مع الاهل
علشان خايفين من العقاب يروحو يتكلمو مع اصحابهم فى المنتدى والشات
غير كدة زى ما انتى قولتى انهم حاسين بلوحدة

ودا فعلا لان الاباء والامهات عقلهم مش زى عقل الشباب الى دلوقتى عصر الكمبيوتر والانترنت
لا دا عصرهم ازاى احط الخيط جوة الابرة
شوفى الفرق بين الاتنين فا مستحيل دا هايقتنع بفكرة دا ولا دا هايقتنع بفكرة دا

واسف على الاطااااااااااالة

[eng_fofa]

المشاركة الأصلية كتبت بواسطة @ حبيبة البابا كيرلس @ ميرسى لكى على الموضع الحلو هل دا سببه شعور بالوحده وان الشباب مش لاقيه حد يسمعهاونفسها تتكلم وتطلع اللى جواها وتلاقى حد يحس بيها ويفهما ممكن يكون ده السبب

طبعا عندك حق فى اللى قولتيه ودا ممكن يكون من اهم الاسباب اللى بتخلى معظم الشباب يلجأ للشات
ميرسى ياقمر نورتى الموضوع بمرورك الجميل
ربنا يباركك ويفرح قلبك