[Malak sokar]

بقلم صافي ملاك سكر


فايز :شفتي يافوزية العيال مش عاوزين ياخدوا خمسة جنية عدية .العيال الي لسة ماطلعوش من البيضة
فوزية :هههههه عادي بقي يانصحي مانت عارف الزمن اتغير
نصحي :ليوة يافوزية اتغير فاكرة زمان الخمسة جنية دي كانت بتعمل اية
ولافاكرة كانت ازاي بتيجي
فوزية :ياة كانت بتعمل كتير اوي يانصحي
ولااصعب كانت بتيجي ازاي
نصحي:ياااااااااااة
كانت ايام
(فلاش باك لايام ماكان فايز ولد صغير سنة 6 سنوات )
نصحي (والد فايز )قوموو ياولاد يالا قوموا عشان تيجو
معايا الشغل انا رايح افتح الورشة بتاعتي
مراتة :ههههههه ورشة حتة واحدة
نصحي :اة ياختي ورشة حتة واحدة واهو انا معايا 5 رجالة وبنتين لما نشوف بقي
هيعملوا اية للدكان الي مش عاجبك
مراتة :طيب ربنا يدبر بقي ويكون معك
ياولاد قوموا اصحو بقي
الولد الكبير عياد :حاضر ياامي اهو انا صحيت
الام :اهو كدة يابني انت الي شايلنا ربنا يخليك لينا ولا خواتك
عياد :ويحليكي لينا ياما
نصحي الاب:يالا ياعياد عشان عاوزين نفتح الورشة
عياد:هههههه طيب يابويا ربنا يكملهالك وتبقي ورشة بجد بس انا يابا كان ليا طلب عندك
نصحي :قول يابني
عياد:انا يابا ماليش في شغلانة الجزم دي ومش بحبها انا شفت واحد نجار كدة ونفسي اشتغل معة
فايز يفكر ولايريد ان يرد فهو رجل خير لايريد الا المستقبل الجيد لاولادة )
طيب يابني لية ماتكونش معايا وتشيلني
عياد:صراحة يابا انا ماليش تقل عليها الشغلانة دي وكمان البلد اساسا مش شغالة اوووي وانت معك اخواتي اهما يساعدوك
نصحي :عندك حق يالولدي الشغلانة دي والبلد كلها اساسا ماعدتش زي الاول ماشي ياولدي الي يريحك اعملة
عياد .(وهو فرحان )ربنا يخليك يابا طيب يابا بعد شرب الشاي اسمحلي انا هروح للرجال الي قلتلك علية
نصحي :ماشي يابني وانا هاخد نصحي وبقيت اخواتك معايا
عياد:ههههههه نصحي وبقيت اخواتك ؟؟؟؟
مع ان فايز مش اكبر اخواتي الا انك بتعزة اوي يابا
نصحي:انت عارف ياعياد اني بحبكم كلكم لاكن اخوك فايز واعي شوية عن بقيت اخواتك واهو انت هتسبيني يبقي بقي هو مكانك
عياد:ماشي يابا ربنا يباركلك فية ويخليك لينا
فايز :ازيك يابا
نصحي :ازيك يابني
فايز :انا كويس يالا بقي بينا علي الورشة اكبيرة بتاعتنا
نصحي :ه ربنا يباركك انت بس الي مفرحني بورشتي
فايز :مانا يابا ناوي اخليهالك كبيرةقوووووي
نصحي :ربنا يديك الصحة انت واخواتك
فايز :يابا انت مش ناوي توديني المرجسة زي اخويا توما واسكندر
نصحي :معلش يافايز ياولدي انا مش هقدر اوديكم انتو التلاتة المدرسة الظروف ياولدي مش مساعداني
وكمان توما واسكندر مالهمش في التجارة عشان كدة انا هعلمهم حتي ياخدو ا الابتدائية وانت واخوك رزق تبقوا معايا واهو عياد هيسيبني
فايز :تحت امرك يابا ربنا يخليك لينا وتساعدنا وتتفهمنا
نصحي :انت ياولدي لو عاوز تتعلم شوية يبقي خلي توما ولا اسكنر يدرسولك
فايز :هو توما ولا اسكندر دول بيطيقو حد مانا كل ماقرب من احد منهم يضربني ويزعق فيا
نصحي :ماتزعلش ياولدي انا هكلهملك المهم دلوقت يالا بينا
فايز : يالا بينا يابا
(وياخد نصحي ابنة فايز وابنة رزق الي ورشتة اقصد دكانة الصغير الذي لايتعدي حجمة متر في متر ونصف
ومن ضيق المكان تجد ان فايز ورزق يفرشون خارج الدكان لكي يقواماو بالعمل مع والدهم الذي كان يعمل نقلتي وهذة الكلمة كان معنها قديما من يقوم باصلاح الاخزية يدويا بواسطة المسامير فهذة كانت مهنة الاب وكان الاب رجلا بسيطا وطيب القلب يكر دائما في اسعادابنائة واخر مايفكر فية هو نفسة واكن لة بناتان كانات في المنزل مع الام يقوما باعمال المنزل حتي انهما لم يتعلما .وتمر الايام ويكبر فايز ورزق و عن طريق ضغط الاب علي اولادة المتعلمين توما واسكندر يقوما الاثنين بتعليم كلا من فايز ورزق مبادي القراءة والكتابة لان الاب يعي جيدا ان تاجر بدون قراءة وحساب لاينفع وكافي جدا مافعلة بة والدة اما عن عياد فهو يعمل الان مع صاحب محل نجارة ولد تعلم اصول المهنة ويفكر ان يفتح محل لنفسة وهو لم ينسي فضل والدة الذي سمح لة من البداية واعطاة الفرصة ان يعمل مايحب .وعياد ايضا كان يساهم كثيرا في مصاريف المنزل ويحوش باقي راتبة مع امة التي كانت لاتقل حكمة ولا حنان عن زوجها وتمر الايام ويعرض عياد فكرة مجنونة علي ابية)
عياد .ازيك يابا
نصحي الاب:اهلا ياولدي اية اخبار المعلم محروةس معك
عياد كويس يابا الراجل دة راجل كويس وعلمني كتير ومش ممكن انسي جميلة لان جميلة فوق راسي
نصحي :طيب ياولدي ربنا يباركلك
مالك ياولدي انت عاوز تقول حاجة
الام:مالك ياعياد ياولدي في حاجة حصلت ؟في حد من اخوتك ضايقك ؟
عياد لاياما احنا خلاص كبرنا علي الحاجت دي حتي اخويا اسكنر وتوما بقوا زي الفل معنا ومش بيتباهو بشاهيدهم
الام :نشكرربنا ياولدي ربنا يبارك فيكم
عياد :يابا انا كنت عاوز اسيب المعلم محروس
نصحي : لية بس ياولدي مالسة انت قايل انك مش هتنسي جميلة وان جميلة فوق راسك . هتجازي الراجل المعروف بشر وتسيبة وتفتح هنا محل يعني انت شايف البلد كبيرة قوي
عياد :يابا انا هسيبة صح لكن مش هفتح هنا
نصحي :امال ياولدي انت هتفتح فين ؟في المركز؟
عياد :لايابا انا هفتح في البلد الجديدة دي الي اسمها الوادي الجديد
نصحي :يابوي وادي مين ياولدي دي صحرا وبيقولو مافيهاش ناس اصلا
عياد :ماهو يابا البلاد دي هي الي ليها مستقبل مانت شايف اها ان الرزق هنا مابقاش قد كدة
نصحي :ياولدي انا عمري ماوقفت في طريق حد فيكم واهو اخواتك كبرو وهيشيلوني انا واخوتك البنات وامك
عياد : انا يابا الكبير وهفضل علي طول شايلكم
نصحي :ربنا يخليك ياولدي ويبارك فيك انت قررت تسافر امتي ؟
عياد:انا يابا اتفقت انا وواحد معايا هنروح البلد دي يوم الاحد ونشوف اية الاخبار
نصحي :طيب ياولدي ربنا معك
(يدخل الاخان الحاصلان علي الاعدادية )
اسكندر :يابا احنا خلاص كدة عاوزين نشتغل بقي
توما :اه بقي احنا زهقنا من العلام
نصحي :مانتو بتساعدوني في المحل في اية بقي
توما يابا هو المحل اساسا بقي محل مااتخزنيش يعني البلد مابقاش فيها شغل
اسكندر :واحنا سمعنا ان البلد الي رايحها عياد دي عاوزة ناس
تشتغل عشان هي صحرا فعاوزين موظفين فاسمحلنا نسافر معة ونجرب
نصحي :تعالي ياام الرجالة شوفي عيالك هيعملو فيا اية عشان سكت هيسيبوني مع الولاد الصغيرة
فايز:اية يابا اولاد صغيرة بقي بعد السنين دي تقول عليا صغير انا ماعدتش صغير هو مين ماسك المحل غير ي انا ورزق
نصحي: انا ماقصدش ياولدي بس ازاي اخواتك التلاتة يسيبوني مرة واحدة
(تدخل فايز بالكلام ولان الاب يسمع لكلام فايز رغم صغر سنة لذلك صمت حتي تكلم فايز واهي كلامة )
فايز:بس يابا ومن غير زعل البلد بتاعتنا دي ماعدتش زي الاول يعني الناس مابقتش زي زمان والبلد بقيت زحمة والشغل فيها مش حلو فيها اية لما اخواتي يروحوا يشوفوا رزقهم في مكان تاني هو مش ربنا قال اسعي ياعبد وانا اسعي معك سيبهم يمكن بلاد جديدة تفتح رزق جديد
الام :سيبهم يانصحي يجربوا حظهم في مكان تاني يمكن ربنا يقف معهم
(سكت الاب ولم يتكلم بكلمة فعرفوا انة اقتنع نوعا ما بكلام فايز والام واخذ كل واحد من الاخوة يبدا بترتيب بهجتة فلم يكن هناك حقائب ولم تكن هذة الاسرة وصلت الي درجة من الرفاهية لامتلاك حقيبة وجاء يوم الاحد وسافر الاولاد الثلاثة وقدم كل من اسكندر وتوما اوراق الاعدادية والابتدائية وعملا كلا منهما في وزارة التموين ولم يعودا الي البلدة ولكن عياد عاد مرة اخري للبلد لانة كنجار لم يكن رتب ظروفة بعد وعاد حزين قائلا)
عياد:انا رحت هناك وظروف البلد غريبة دورت علي مكان لدكان كويس لكن مالقتش خخاجة سعرها مناسب وانا مش مستعد ارمي فلوسي وكمان اتداين خليني هنا احسن كدة كدة البلد دي فقرية ورزقها ضيق (واخد يبكي )
فايز :اية اية انت بتتبكي ياكبيرنا انت فرحان بشكلك قدامنا ؟ وكمان البلد الجددة لها رزق جديد
الام .(تنتهر فايز )
عيب ياولدي الي انت بتقولة دة علي اخوك سيبة في حالة بقي
فايز :بص ياعياد انا محوش فلوس من شغلي مع ابوك خدها وخليني شريك معك اية رائيك
عياد :انت محوش ؟؟؟؟؟
فايز :امال برمي فلوسي علي الجلاليب زيك كل يوم والتاني جلبية جديدة ؟؟؟؟؟؟
عياد :ماشي ياولد ابوي هات وتبقي شريكي
فايز تكتبلي ورقة بكدة ؟؟؟؟؟؟؟
عياد : اية امال انا هسرقك ؟
فايز :طبعا لا ياخوي لكن الحق حق
عياد :ماشي مانت بتعرف تقرا وتكتب غير ي ياعم ماشي ابصملك علي ورقة انك شريكي
فايز :ماشي وانا كمان هخلي متولي يكتبها عشان نبقي متاكدين انها مكتوبة صح وانت ياخويا قوم امسح دموعك وبكرة سافر بدري وروح شوف رزقك
عياد :متشكر ياخويا يابن امي وابويا
(وفعلا زهب عياد الي الوادي الجديد تلك البلدة الجديدة بعدد سكانها القليل املا ان يفتح لة اللة باب للرزق وبدا يعمل وترك ابية وامة لاخية فايز ضامنا سلامتهم مع فايز الصغير زو العقل الكبير ومرت السنين وتزوجت الاختان وضاق الحال علي الاب في بلدتهم فجاء الاب يوما من الايام وهو في منزلة يتكلم مع ابنة فايز الذي اصبح اقرب ابنائة الية وقال لة )
نصحي :ياة يافايز البلد دي بقيت قاسية علينا قوووي
فايز :صح يابا البلد ضاقت علينا قوي
يابا ماتيجي نروح الوادي الجديد دي واهو عياد واسكندر وتوما ليهم سبع سنين هناك واشتروا بيت واحنا نبيع البيت دة ونوسع تجارتنا
الام :عين اعقل يافايز كلامك صح ياولدي
الاب :طيب واخواتك البنات ؟
فايز :اخواتي ماتجوزوا وخلاص بقي واحنا نبقي نودهم من الوقت للتاني
نصحي يفكر قليلا ويحسبها وبدورها في دماغة ويقول لنفسة مااولادي هناك لهم 4 سنين وبيقولو ان البلد كويسة ولية لا؟؟؟؟؟)
خلاص ياولدي نرتب امورنا ونروح نسافر الوادي الجديد
(فرح فايز فرحا شديدا واخد ينادي علي اخية رزق ويهلل قائلا لة )
فايز :رزق رزق تعال خلاص هنسيب البلد دي ونروح الوادي
رزق :هو انت بردو هتعمل الي كنت بتفكر فية من كام سنة وتسيب البلد
فايز :لا مش وحدي كلنا هنسافر مع بعض وخلاص هنروح البلد الجديدة
(وفي خلال اسبوع كانت الاسرة قد لملمت كل مالها من عفش او مايقال عنة عفش وذلك استعدادا للذهاب للبلد الجديد وهناك وقبل ذهابهم بعثوا رسالة الي اولادهم الثلاثة عياد واسكندر وتوما وهناك كان الحال افضل حيث كان اوضع اكثر استقرار ففي خلال الاربعة اعوام تزوج الابن الاكبر عياد .وايضا اسكندر وتوما كلا منهم تزوج ويقيمو في منزل واحد لكل اخ حجرة اما عن الاب والام وفايز ورزق فقد رتبو لهم ايضا حجرتين الاب والام حجرة وفايز ورزق حجرة,لم تكن حجرات بالمعني المتعارف علية بل كانت حجرات من الحجر ارضها طين وسقفها خشب فهذة الاسرة بدات من الصفر وكان كل همهم ان يكبروا .وابتدا الاب في رحلة البحث عن دكان مع محاولة اولادة المستميتة ان يجعوة يرتاح ولا يعمل
وكن جاءت فكرة لابو الافكار فايز وقال لابية )
فايز :ابا البلد دي مش هينفع تشتغل فيها زي ماكنت بتشتغل في بلدنا هنا الناس انضف من بلدنا ماتفكر يابوي انك تبيع جزم جاهزة بدل تفصيل وخياطة الجزم
(فكر الاب برة من الزمن ثم قال )
نصحي :طيب ياولدي واحنا معانا فلوس لكل دة
فايز :ايوة يابا احنا بعنا البيت وانا معايا فلوسي وكمان انا شريك مع عياد في محل النجارة بتاعة وانا معايا الورقة الي تثبت دة
نصحي :وانت ياولدي بتفهم في النجارة ؟
فايز :انا يابا افهم في اي حاجة طالما بعرف اتعلم
ومين قال اصلا اني هشتغل في النجارة مانا بقلك نبيع جزم جاهزة بدل القباقيب ووجع القلب الي مش هيمشي هنا
نصحي :بص يافايز ياولدي انا عارف ان انت تاجر شاطر لكن انا ياولدي خلاص كبرت ومعدتش قادر اسافر ولا اروح واجي انت بقي اعمل اللي انت عاوزة انت واخوك رزق
رزق :لالالالا انا ياعم زهقت من الشغلانة دي انا هروح اشتغل مع اخويا عياد
فايز:خليك معايا الشغلانة دي مستقبلها حلو هنا
رزق لالالالا كل واحد يشوف مصلحتة
فايز :عين العقل ياخويا انا هسافر الاسبوع الي جاي بعد ماشوفلي دكان كدة ابدا في
ة( وفعلا ساعدة اخوة عياد علي ايجاد دكان بمكان جيد ويعتبر وسط مكان راقي في هذة البلدة الجديدة و اخذ فايز مامعة من اموال وما لة عند اخوة من مال وايضا ابوة ساعدة ببيعض المال الذي اخزة علي سبيل الدين والسلف وسافر الي القاهرة هذة البلد الواسعة الي اول مرة بنزل اليها ويتخبط ولايعرف يمينة من شمالة لكنة يعرف شي واحد انة اذا عزم يتوكل وان اللة لايترك الانسان طالما الانسان يريد بناء نفسة وهو ايضا يعرف شي اخر ان معة راس مال ليس سي ومعة ايضا خبرة في انواع الجلود من عملة مع ابية
في اول مرة ذهب الي الوكالة احتار فما كل هذا )
فايز :يابوي دي كلها جزم ودي مكلها الوان اية دة كلة
ياتري انا هشتري اية ولا ابيع اية ؟
(بدا ف ي السوال عن الاسعار وجد انة هناك ماهو مصري وماهو مستورد وماهو مصري جيد ومتوسط فاحتار وجاء الليل وهو لايريد ان يبات في هذة البلدة الغريبة يخاف ان يسرق ففكر برهة قائلا )
فايز :انا لسة فاتح الدكان جديد لازم اجرب الاول حاة السوق هناك اشتري الاول احاجة ارخيصة واشوف الناس هتشتري اية ؟
(وفعلا اشتري كمية من الاحزية بالوان مختلفة ومقاسات مختلفة ومجموعة من الشنط الغريبة واستخدم شطارتة كتاجر واشتري الاشياء بنصف ثمنها الاصلي واقام علاقات كبيرة مع اصحاب المتاجر
واخذ اشياء كثيرة بالدين قائلا لنفسة )
فايز :من بدا كبير يبقي كبير ومن بدا صغير يبقي صغير
(فهو لم يخاطر فقط بمالة ومال والدة كنة وضع نفسة بين الهنبازين ولكن ثقتة في نفسة وفي ربة كانت اكبر من كل شي .ولاننسي ايضا انة يعرف القليل من القراءة والحساب ولاننسي ايضا فضل ابية علية كل هذا كان لة تاثير في اتخاذة قرارتة .عاد فايز الي الوادي الجديد ببضاعتة الجديدة التي بيها ماهو جيد ومتوسط وردي معة كل شي وكل الانواع موجودة لمن يريد ان يشتري .فعاد وفرش محلة ببضاعتة وكان في البداية يكسب العملاء (الزباين )ولايخرج احدا غير مرضي من محلة فهو علي دراية كاملة بمعمالة الناس ومع مرور الايام اصبح لة زبونة الذي لايذهب لاحد سواة وايضا تعلم فايز اصول اللعبة .تعلم كيف يبيع مالايباع تعلم ان الصبر هو افضل الطرق للوصول فكان يبيع بضاعتة ويذهب ليسدد ماعلية من ديون ويشتري اخر الموديلات ويرجع الي الوادي مرة اخري وهكذا حتي مرت السنين تلو الاخري وامتلك فايز محل واثنين وثلاثة.بل اصبح هو المورد الاساسي لجميع انواع الجلود فاصبح يبيع بالجملة كانة مالك السوق ومالك الجلود .وايضا كان قد سدد ماعلية من ديون لابية ولالاخرين فقد حان الوقت لكي يرتبط فاعجب بواحدة تدعي مي
ومي هذة ليست امينة فهمه الفلوس وليس الحب
ولكن صاحبنا وقع في حبها وفي فترة الخطوبة اعطاها كل اسرار شغلة والمكان الذي يضع فية مالة.
وفي احدي سفرياتة الي القاهرة وكان معة كاعدتة الاموال التي سوف يشتري يها بضاعتة ولكن هذة المرة كانت مختلفة فهناك من يتبعة ولالاسف من يتبعة هذا كان من طرف مي احب انسانة الي قلبة
وقد حدث مالم يكن في الحسبان فقد ضربة احدي الرجال فوق راسة ووقع مغشيا علية وعندما فاق كان بالمستشفي وعندما فاق اعلموة بكل شي وانة قد تمت سرقتة .فحزن كثيرا لما اصابة فهمو ماصدق ان يصل لما هو علية وماسرق ليس باقليل فدخل فايز في دوامة اكتئاب بعدما عرف ان السارق هو احدي اولاد قريتة ويعمل معة وليس هذا فقط بل ايضا مااحزنة اكثر انة تصرف هكذا بناء علي مكافئة سوف ياخذها من مي .كان الدنيا استكترت علية افرحة بنجاحة وحبة .ولكن احبائة لم يتركوة اخواتة وامةوابوة وجميع التاجر الذئن كان يعمل معهم .والذين كان هو سبب في نجاهحم .جميع الشباب الذين وقف بجوراهم في بدايتهم وجميع من اعطي فايز لهم احسانات لم يتركوة بل وقفوا جنبة و ساعدو لكي يقوم مرةاخري .ومرت الايام واصبح اكثر غنا من الاول حتي انة اقام اول مصنع باسمة .اول مصنع لالاحزية باسمة وكان سبب ايضا في فتح الكثير من البيوت كاعدتة .علكم تتسائلون هل تزوج ؟؟؟؟؟؟
لا لم يتزوج فلقد اصابتة عقدة نفسية من حبة الاول وقرر عدم الزواج ولكن لاتنزعجوا فهو الان في حفلة اقاماها لة احد اصدقائة وها هي تقترب منة .من هي؟
هي من تبتسم لة وتبتسم معها الدنيا من جديد .هي فوزية موظفة باحد المصالح الحكومية هي لم تكن صغير في السن فهي ايضا لم تتزوج لنها صدمت في حيها .من اول مرة رائها ورائتة ابتسمت لة اما هو من هول المفاحئة لم يتحرك بل ظل ناظرا الية بعيني حانيتين كانة وجد نهر بعد عطش او وجد راحة بعد تعب )
صديقة :فايز فايز فايز بية انسة فوزية
فايز :اسف اهلا بيكي انسة فوزية
فوزية اهلا بحضرتك
(اخذ صديقة يكلمهةعن فوزية وهو لايسمع شي فهو الان شاخصا اليها يحاول ان يقول لها بعينة اين كنتي ؟وهي ايضا تنظر الية تحاول ان تفهم ماهو سر نظراتة
كلاهما شعرا ان كلاهما جزء من الاخر فهو احساس غريب جدا لم يعهده كلاهما )
صديقة :فايز مازا يحدث هل انت متضايق من الحفلة
ماجتش انهردة.انسة فوزية ممكن اكلم حضرتك شوية
(فوزية هتموت وتقول لة ايوةانت كنت كل دة فين انا مستنياك منن زمان لكنها بمنتهي الرقة نظرت الية وابتسمت ابتسامة تشير الي قبولها وفعلا تحدثا معا طويلا طويلا حتي نسيا الناس وفي هذة المرة تقدم لها بطلب الزواج قائلا لها انا انتظرت طويلا وهي اجابتة انها ايضا انتظرتة وشاعرة انة هو من تنتظرة فهناك احساس غريب انك جزء مني انك ابني او ابي لست اعلم وهكزا عثر عليها وتزوج فايز وكانت الايام بعد زواجة شي اخر فبدل المصنع اصبح معة اثنان وثلاثة واصبح فايز من اهم رجال الاعمال في مصر:وبجانب كل هذا لم ينسي ابوة وامة واخوتة بل اهتم بيهم واعطاهم فلوس لكي يعيشو حياة افضل وهو انجب ابنين واصبح اسعد انسان في الدنيا )


اتمني ان تنول استحسانكم ازكروني في صولتكم

المصدر: †† ارثوذكس †† - من قسم: القصص النصية

[zaza2006]

رائع يا صافى تسلم ايديكى

[شنودة سعيد]

ممتاااااااااااااااااااااا ااااااااااااااااااااز

[Malak sokar]

ميرسي نهي ميرسي شنودة ربنا يباركو يارب

[mr_desigen]

جاااااااااااااااااااااااا اااااامدة اخر حاجة يا صافى بجد
تسلم دماغك
تستحق التقييم والسمعة ليكى طبعا
بجد تحفة اوووووووووووووووووووووووو وووووووووووى
منتظرين ابدعاتك بجد

[rozy lover]

جميله اوى اوى اوى اوى
بجد عجبتنى جداً يا صافى
ميرسى كتير ليكى يا قمر
ربنا يعوض تعب محبتك

[Malak sokar]

ميرسي روزي ميرسي امر ربنا يباركو

[milano kaka]

واااااااااااااااااااااااا ااو
تسلم دماغك يا بنتى
روووووعة بجد ميرسى ليكى ع القصة

[يحنا1975]

قصه جميله يا صافي ربنا يبارك فيك

[nona queen]

ايه الابداع ده يا صافى
انتى طلعتى بلووووووه
بس بجد جميله اوى اوى اوى
يلا مستنين الباقى ربنا يباركك يا سكره