[elphilasouf]

هل ممكن تعمل راديو فى 10 دقايق من اشياء بسيطه موجوده فى بيتك وكمان من غير بطاريه ؟
يمكن تكون مستحيل او صعب
لكن معانا مفيش مستحيل ركز معايا بس

طب ازاي هيشتغل الراديو الكرستال من غير بطاريه؟
السبب فى ان الراديو الكرستال لا يحتاج الى أي بطاريات هو قدره اذن الانسان المدهشه ، ان اذن الانسان حساسه جدا لاي صوت خافت
الراديو الكرستال يستخدم فقط طاقه موجات الراديو الذي يبثها مرسل موجات الراديو والذي يرسل كميله هائله من الطاقه " مئات الالاف من الوات "
لكى تصل لاماكن بعيده ، ونحن ع مقربه مئات المترات من من الاريال " الهوائي " ،

كميه الطاقه التى يستقبلها الراديو الكرستال تقاس ببليونات الوات ، وع أي حاله تستطيع اذن الانسان ان تكشف الاصوات الاقل من المليون .



مكونات الراديو
1- ازازه بلاستيك متينه
يمكن استخادم ازازه شامبو قطرها 7 سم وطولها من 12 الى15 سم ، المهم ان تكون ذات جدران متينه .
2-حوالى 15 متر من سلك نحاس معزول " سلك بيبوناج / ديروفلكس / لف مواتير "
ممكن استخدام السلك زو القطر العادي ، والاحسن استخدام سلك سميك بعض الشئ حتى يكون سهل فى عمليه الف والسلك ممكن نشتريه من محلات بيع سلك لف المواتير
او ممكن ناخد الطول الى احنا عاوزينه من محول او موتور كهربئ قديم بايظ
2- ثنائي الجيرمنيوم
وده ممكن نشتريه من أي محل بيبيع مكونات الكترونيه

A Germanium diode  1n34a

ده رقمه
وده احسن من الموحدات السليكونيه المشهوره لانه الصمام الجيرمنيوم بينتج صوت اعلى من السليكونى .

3- سماعه اذن
4- اريال " هوائي "
اريال قديم لتلفزيون او ردايو اف ام او نشتري واحد موجود فى المحلات

الطريقه
التركيب
استخدم مسمار عشان تعمل 4 اثقاب فى الازازه كما بالشكل



اربط السلك كما بالشكل فى أي ثقبين مع ملاحظه ترك جزء مناسب فى الخارج



لف السلك حوالين الازازه كما بالشكل



وفى كل خمس لفات اعمل لفه صغيره كما بالشكل وممكن تستخدم قلم بلاستيك عشان يساعدك




استمر فى اللف لحد ماتوصل لنهايه الازازه فى الثقبين الاخرين



بعد كده اعمل عقده فى الاخر واقطع السلك بس سيب حته مناسبه





ازاله العزل



ودلوقتى هنشيل العزل من اطراف السلك وكمان نشيل العزل من اللفات الصغيره الى عملناها
ممكن عن طريق ورق سنفره
ملحوظه :لا يجب ان نزيل العزل من الملف نفسه لكن من الاطراف بس

التوصيل

نبدا بثنائي الجيرمانيوم
نوصل احد اطراف الثنائي فى طرف سلك الملف من ناحيه أسفل الزجاجة. ومن الأفضل لحام هذا التوصيل ، وإن كان يمكنك أيضا مجرد لف الأسلاك معا وربطهم .

نلحم الطرف الاخر من الثنائي باحد اطراف سماعه الاذن
ونلحم ايضا فى نهايه الملف توصيله الاريل " الهوائي "


طرف سماعه الاذن الاخري ممكن نلحمه فى يكون مشبك مكتب حديد لو معندناش الكبير الموجود فى الصوره
مكن نحطه فى نهايه الملف او فى احد الدوائر الى احنا عملناها



وكمان هن نلحم نهايه الملف فى سلك طويل
ونوصل هذه السلك بتوصيله الارضي
وهى ان نوصله بمسوره ماء مصنوعه من الحديد " توصيل جيد "




ده الرسم الكهربى للدائره

هتحط السماعه ع ودنك
*هنلاحظ سماع احد المحطات او اتنين معا فى وقت واحد

الخواص التى تميز هذه الراديو عن غيره
1- يتكون من اجزاء بسيطه جدا .
2- لا يحتاج الى بطاريه او أي مصدر كهرباء لكى يعمل .
3- يمكن عمله فى وقت قصير جدا ومن اجزاء موجود فى المنزل .

لو فى اي اعطال او مشاكل انا موجود ..

ياريت تنفذوا الكلام ده
واول واحد هيصورلى الى عمله عندي ليه موضوع هديه هيعجبه جدا

المصدر: †† ارثوذكس †† - من قسم: قسم المناقشات الثقافيه والعلميه

[bolalover]

انت يالا يا جورج
انا شاكك فيك اساسا
شكلك شيوعي يااااض
او تبع المخابرات
او منهم

[وردة حزينة]

ايه الجمال ده يابرعى
كل الاختراعات ده من فيرانى
بجد موضوع هايل ياجورج
ويالا بالموضوع التانى الصوت واطى اوى

[elphilasouf]

المشاركة الأصلية كتبت بواسطة وردة حزينة ايه الجمال ده يابرعى كل الاختراعات ده من فيرانى بجد موضوع هايل ياجورج ويالا بالموضوع التانى الصوت واطى اوى

هههههههههههههه
اها طبعا
فرانك هى الغذاء السليم الى نشط العقل عشان ينتج حاجه زي كده
ةنفيش موضعات تطوير غير لما اشوف التطبيق بتاعكوا الاول

[elphilasouf]

المشاركة الأصلية كتبت بواسطة bolalover انت يالا يا جورج انا شاكك فيك اساسا شكلك شيوعي يااااض او تبع المخابرات او منهم

هههههههههههههههههه
ياعم روح خليك فى ولادك الى انت سيبهم فى الشارع دول
يارب متعرف تغش فى الامتحان يا بولا يابن ام بولا هيه بس

[bolalover]

انا اعترض و بشدة
ده تحيز و ظلم كمان
انت واخد اقتباس لرد ورده الاول
و انا رادد قبليها و واخد الاقتباس بتاعي بعدها
دي عنصرية
اعترررررررررررررررررررررر ض

[elphilasouf]

هههههههههههههههه
ايوه عشان ورده ليدي
وليدذ فرست


هههههههههههههه
لا صدقنى يا بولا انت فتحت صفحه كل رد بس بتاعه ورده حملت الاول
دمتزعلش يا حبيبى
وبعدين بيقولوا ان الاخير ربه كريم
انغغغغغغغغغغه

[Malak sokar]

المشاركة الأصلية كتبت بواسطة elphilasouf هههههههههههههههه ايوه عشان ورده ليدي وليدذ فرست هههههههههههههه لا صدقنى يا بولا انت فتحت صفحه كل رد بس بتاعه ورده حملت الاول دمتزعلش يا حبيبى وبعدين بيقولوا ان الاخير ربه كريم انغغغغغغغغغغه

ههههههههههههههههههههههههه ههههههههههههههههههههههههه هههههههه

[mina-lana]

طيب فين الاريال؟؟؟؟؟؟؟؟؟؟؟؟؟؟؟
او متمثل في إيه في الراديو:ـ

[elphilasouf]

بص يا مينا هى مش باينه فى الصوره دي
بس هتبان فى الرسم الكهربى ليها



بمعنى انك اول حاجه
هتوصل
1-طرف من ثنائي الجيرمانيوم
2-الاريال
3-نهايه الملف الى عملناه
التلاته دول هتوصلهم ببعض

الطرف التانى لثنائي الجيرمانيوم هتوصله بطرف من السماعه

والطرف التانى للسماعه هتوصله باثتنين
الاولى بتوصيله الارض
والثانيه توصيله مشبك ورق

والمشبك ده هنحطه فى دواير السلك بتاعه الملف الى عملناها
كل ديره ممكن تجيب صوت محطه او اتنين

لو فى استفسار تانى انا معاك وياريت تورينا التطبيق بتاعك وطمنا عليه
عشان هديك مفجأه حلوه