رد: الاعتقاد الأرثوذكسي السليم عن السماء والجحيم وتعبيرات سفر الرؤيا المادية (3)
كُتب : [ 09-23-2009
- 12:24 AM
]
سلام ومحبة لنفسك ايها الاخ المبارك
بص انا زى ما قلت لك هرد عليك بعد ما افحص كلامك ومتخافشى مش هطول عليك ولا هحكى لك تفاصيل على اد ما اقدر
انا سالت ابونا وخدام فى كلامك الغريب اللى شرحتة عن السماء والجحيم ولكنة استغرب من كلامى وسالنى مين اللى علمك الكلام دة
وقال لى عموما هو مش غلط ولكنة مجرد تامل شخصى من صاحب الكلام بمعنى انة عمق فى المعانى المقصودة مش اكتر
يعنى الجحيم فعلا زى ما انت قلت محدش يعرف مكانة ولكنة مكان مظلم ورعب مكان انتظار الاشرار
والسماء فوق زى ما احنا طول عمرنا عارفين وفى ثلاث سموات مش زى ما انت قلت مفيش
كلامك كلة مش اكتر من عمق فى المعانى السامية وتامل رائع منك
ولكن مصعبشى الامور وفى وسط كلامك بتقول يجب ان نفهم الامور على قدر ما تؤكدة الاسفار المقدسة وليس حسب اداراكنا البشرى -- لا يا ايمن لازم اداكنا البشرى يكون عامل فى الاحداث احنا ربنا خلقنا على صورتة ومثالة ادانا العقل والحكمة اللى بتميزنا عن باقى المخلوقات يعنى لازم نفهم ونقبل الامور كلها وربنا مش هيزعل لو قلت انا عايزة اعرف وافهم يعنى بادراكنا نقدر نتخيل جمال السماء وروعتها علشان نشتهيها ونعمل للحصول عليها
انما بلاش التعقيد ومتقوليش السماء مش زى ما انتوا فاكرين والجحيم مش زى ما انتوا فاكرين
التخيل دة نعمة نقدر نعيش فية لو نخلينا شئ جميل وسعينا لتحقيقة
وفى حاجة مهمة معظم الناس مش هيقدروا يستعبوا كلامك الجديد دة صدقنى
انا شخصيا مش شايفة انة فى مشكلة معظم كلامك هو اللى احنا عارفينة واختلافى معالك فى مكان السماء وتخيل جمالها ووجود ثلاث سموات والجحيم والعقاب كمان انت بتقول انة تصور ارضى ولا يخدم بشارة الانجيل --- يا ايمن احنا بنتصور على اد ما يقدر عقلنا المحدود مدى العقاب وبنوصفة بالغة البشرية بافظع صورة ممكنة علشان نبقى عارفين
او انا موافقاك ان زى ما الله غير محدود فالخطية تجاهة كانت غير محدودة وبالتالى العقاب غير محدود وبردوا السماء وجمالها غير محدود
بس علشان نعرف نتفاهم مع بعض احنا البشر بنوصف الامور على قدر اسيعابنا ولاحظ ان فى ناس بسطاء كتير جدا مش هينفع الاباء والخدام يقفوا على منابر ويقولوا كلامك دة
انا بردوا طولت عليك معلش سامحنى واقبل منى كل التقدير والحترام
الرب يبارك حياتك
|