انا مشكلتى مع خطيبى فى تصرفاته معايا انا متاكدة انه بيحبنى جدا وبيقول قدام كل الناس انه بيحبنى جدا جدا لكن فيه حاجات بتضايقنى منه جدا جدااااااا اولها لما يحسسنى انه مش مهتم بيا كتير بيبقى نفسى يكلمنى ولو دقيقة يخلينى احس انه فاكرنى وسط زحمة شغله لكن مش بيحصل وخاصة انه مسافر وانا بحس انى محتاجة احس بمشاعره اكتر ومع ذلك يقولى انتى رقم واحد فى حياتى واهم انسانة عندنى ولو مثلا كان فى اجازة فى مصر وكان فى بيتهم مايكلمنيش ولو كلمنى يكلمنى كلام ناشف ويتعمد ده قدام اللى قاعدين معه من اهله وكمان بحسه بخيل عليا انا لوحدى مع انى مش بحس بده مع باقى الناس وبحس انه مش حاسسنى علشان يعرف انى متضايقة لازم اقول انا متضايقة حتى لو حكيت على الحاجة اللى مضايقانى وعلى اساس انه يفهم انه دى حاجة مزعلانى برضه لاء مايحسنيش طول الوقت عاوزنى اضحك واول ماازعل يقول هاتضايقنى ليه وحتى لو اخد يوم اجازة ويكون بعد فترة مشغول وماعرفناش نتكلم فيها يخرج فى اى خروجة مالهاش لازمة يعنى صحابه رايحين يشتروا حاجة يروح معهم ويفضل معهم من الصبح لغاية بليل وطبعا مش بيلاقى وقت يكلمنى ولو كلمنى يقولى انه مشغول وهايتاخر وكمان اهله مش بيتصلوا يسالوا عليا ودى حاجة مضيقانى جدا يمكن بعد الكلام ده تقولوا هو ازاى بيحبنى بس بحس بحبه قوى لما يكون جنبى واكون شيفاه بلاقى حبه باين فى عينيه وكل اللى حوالينا شايفينه وحسينه انا بصراحة مش عارفة اعمل ايه باقيت طول الوقت فى حزن والحزن جوايا عمال بيكبر قوىىى ومش عارفة اكمل معه ولا لاء

المصدر: †† ارثوذكس †† - من قسم: حوار من الاعماق

[بيفام]

ركزى كويس قوى انت بعد الجواز هتعيشى بتصرفاته اللى كلها علط فى غلط مش هتعيشى بعنيه الحب الحقيقى يبان بالافعال لكن حب الافلام فى العين