[MICKEY]

اهلا ومرحبا بيكم في حلقات برنامجكم

من انا

انتظروا كل هؤلاء النجوم وأكثر

في برنامجكم


who i'm

برنامج من انا هو برنامج شخصي يخص الشخص وكل مايتعلق به

نود انا نعرف وندخل بداخل قلوب الجميع

فنتجه الي غواصة من انا اللي تدخل الي شريان ارثوزكس ومنها الي قلوب الاعضاء

ضيفه حلقتنا اليوم في حلقة من انا

عضوة زي العسل
في مواضعها وخفة اسلوبها ورقتها وصراحتها

ده غير الصور الجميله اللي بتنزلها
ملكة الصور بجد
ومواضيعها اللي كلها ارشادات نافعه



من انا هو الكشاف الذي سنري به بطاقة العضو كاملة

ضيفه حلقتنا هي

ريهامووو

برنامجنا يستضيف من يريد البقاء بعيدا


برنامجنا هو المغناطيس الذي يجزب العضو للجسد

اهلا بيكي ياريهامو معانا في حلقتنا


ونبدا الحلقة

ـــــــــــــــــــــــــ ـــــــــــــــ

ما اسمك

اسمى ريهامووو
اكتب لنا سنك كما مكتوب بالبطاقة

سنى 26 سنة
هل انت طالب ام خريج

لا انا خريجة كلية تجارة شعبة محاسبة
ماذا تدرس الأن

انا كنت بدرس دلوقتى لالالالالالالا خلصت
هل تعمل وماذا تعمل ؟
كنت بدى كورسات كمبيوتر لغاية ما استقلت ودا بقالو شهر تقريبا
هل هذه اول شغلانه لك .. طيب احكي لنا عن اعمالك السابقه ايضا
لا دا مش اول عمل انا كنت بعمل سكرتيرة فى شركة كمبيوتر ودا اول ما خلصت الكلية على طول وكانت بوسطة لمدة 3 سنين وبعدين اشتغلت فى التعبئة العامة والاحصاء لمدة سنة تقريبا
هل لديك اخوات .. كم ولد وكم بنت

نعم عندى اخت اكبر منى واخ اصغر منى يعنى انا اللى فى النص
احكي لنا عن موقف كوميدي حدث لك داخل منزلك سواء معك او مع احد اخوتك
موقف حصل مع اخويا ان انا كنت زعلانة منه وهو طلب منى انى اقوم اعمله سندوتش وانا طبعا المفروض ان احنا زعلانين مع بعض مش بكلمه فروحت قولتوا لا مش هقوم راح قالى هتقومى يا اما هقول لبابا قولتوا ماشى ودخلت عملتوا سندوتشات وبعدين بقى فى سندوتش المربى وحطيت ملح على المربى واديتو السندوتشات وخد كل بقى يعنى ومش هقول حصل ايه بعد كدا طبعا انتم عارفين
من اين عرفت طريق المنتدي

عرفت المنتدى كنت بدور على حاجة وبعدين وانا بعمل بحث لقيت المنتدى واشتركت فيه
احكي لنا ماذا يسير يومك المعتاد من اول ماتستيقظ حتي تدخل وتنام

يومى المعتاد عادى جدا جدا فى البيت من اول اليوم لاخر اليوم فى البيت مش بنزل خالص من البيت يوم جميل صح
ما هي الأشياء التي تنقص المنتدي من وجهة نظرك وتريد ان ننظر اليها بعين الأعتبار
بصراحة المنتدى جميل جدا وانا بحبه اوى وبحب كل الناس اللى فيه ويارب ديما يكونوا مع بعض ومفيش حاجة تقدر تفرق المنتدى عن بعضه وبمتنى انه يستمر للابد
هل لديك تجارب سابقه في الحب ولماذا فشلت

ميكى انا اسفه جدا مش هجاوب على السؤال دا اعفينىمن فضلك
هل كنت متفوق في دراستك

كنت متفوقة فى دراستى اقولك مش متفوقة اوى يعنى كنت بطلع من الاوائل بس مش الاولى لا كنت الثالثة التانية الخامسة كدا يعنى مرة واحده بس كنت الاولى لما كنت فى 2 ابتدائى كفاية
جبت كام في الثانوية العامه وهل كنت علمي ولا أدبي

انا مدخلتش ثانوية عامة ليه بقى
علشان انا كنت بكره الثانوية العامة مش بحبها نهائى فقولت انا لو جبت مجموع كبير بابا هيخلينى ادخل ثانوية عامة لا انا اذاكر علشان انجح بس المهم النتيجة طلعت وللاسف جبت مجموع بردوا يدخلنى ثانوبة عامة وبابا فرحان وقالى هنروح نقدم ثانوية عامة قولتوا لا تجارة بابا قال نعم قولتوا تجارة قالى ثانوية عامة قولتوا معلش تجارة ولا كانى قولت حاجة خالص وطول الاجازة بقى طبعا كان نكد علشان خاطر الثانوية العامة وروحنا الثانوية العامة وقدم اوراقى فى الثانوى العام المهم بدات الدراسة وروحت ثانوية عامة لمدة اسبوع واحد فقط وبعدين اتصلت بعمتو وعمى وجبت العيلة كلها علشان اخرج من الثانوية العامة وفعلا حصل ماما راحت سحبت اوراقى من ثانوية عامة وقدمتها فى التجارة وكنت مبسوطة جدا بس كان فيه شرط ودا اللى على اساسة دخلت التجارة انى لازم اجيب مجموع يدخلنى كلية التجارة وبجد ويامانة دا كان هدفى انى ادخل كلية التجارة وفعلا 3 سنين تجارة كنت بطلع من الاوائل على المدرسة من اول سنة لغاية ما جبت مجموع يدخلنى كلية التجارة وكمان انا عديت النسبة المطلوبة كمان لما دخلت الكلية اخدت منحة تفوق ودى كانت فى السنة الاولى فقط بس كدا
ماهي نقطة ضعفك

نقطة ضعفى انى مستحملش ان طفل يبكى

ميكي : طيب خدي عندك بقي

نياهاهاهاهاهاهاها


عاوزة تاني ولا كفايه

ماهو افضل اسم تحب ان ينادوك به اصحابك .. اسم الدلع يعني

اسم الدلع اللى احبه اللى جدى بينادينى بيه
هل دخلت الجيش .. سلاح ايه .. احكي لنا

دخلت الجيش الحقيقة كان نفسى بس معلش بقى
متي بكيت ولماذا بكيت
كتيرررررررررررررررررررررر ررررررررررررررررررررررر جدا بكيت وعلى طول
احكي لنا موقف محرج حدث معك

كنت فى اولى اعدادى وكنت باخد درس عند استاذ ودا صديق والدى ومكنش فيه حد بياخد معايا انا بس بس كان فيه بنت بتاخد معايا اصغر منى كانت فى خمسة ابتدائى المهم انا جيت اليوم دا وحضرت نفسى انى هاخد درس عربى فهو قال هناخد رياضة قولتوا انا حضرت عربى وهاخد عربى قالى انا قولت رياضة قولتوا لا راح قالى لو مش عاوزا تاخدى رياضة مع السلامة قولتوا ماشى وبعدين سبنى وخرج المهم البنت بقى اللى كانت معايا قالتلى انا كمان مش عاوزا رياضة قولتها تعالى نمشى قالتلى ماشى المهم قمنا ومشينا واحنا نزلين على السلم راحت قالت وماما لو شافت الكراسة مش هتلاقينى اخدت حاجة قولتها وانا كمان طيب استنى قعدنا على السلم وقولتها انا هديكى الدرس قالت ايه قولتها ملكيش دعوة بس مسكت الكشكول بتاعها وكتبتلها مسائل سهلة جدا وقعدت وحلت المسائل وصححتلها وبعدين قالتلى وانتى قولتها بسيطة فتحت الكشوكل بتاعى ونقلت درس من الكتاب وعلمت لنفسى وجبت 10/10 طبعا روحنا البيت واليوم عدى وخلاص لقيت تانى يوم المدرس بيتصل ببابا بيقولوا عاوز اشوفك بابا خرج وبعد ما وصل راح قالى هاتى كرستك قولتلوا ليه قالى هاتى كرستك وتعالى واخدنى ونزلنا روحنا للاستاذ ففتح الكشكول وقال ايه دا انا اديتك درس انا اديتك 10/10 وراح قال لبابا بنتك سابت الدرس ومشيت علشان مش عاوزا تاخد رياضة لا وكمان مشيت هى والبنت التانية لا مش وكدا بس دى قعدت على السلم واديتها مسائل حلتها وعلمتهالها كمان فاكرة نفسها هى المدرسة طيب وانتى بقى عملتى ايه مردتش بصراحة مردتش اه كتبتى لنفسك وعلمتى وكمان 10/10 يسلام يسلام بابا كان باصص ليا بطريقة عمرى ما هنساها زى ما يكون كدا مش مصدق اللى انا عملته ازاى اعمل كدا راح بابا قالى ليه عملتى كدا والاستاذ قاعد انا بصراحة مش عارفة ارد ولا اعمل حاجة خالص من كتر الاحراج اللى انا فيه وكنت بقول فى سرى عاوزا امشى بقى روحت قولت انا مش عاوزا اخد درس عنده مش بيفهمنى الاستاذ قال انا مش بفهمك اه كل دا علشان مكنتيش عاوزا رياضة عاوزا تاخدى عربى المهم بابا قالوا خلاص ونزلنا روحنا البيت وبعدين بابا قال لماما على اللى حصل راحت ماما ضحكت ومش هنسى شكلها بجد وهى بتقولى انتى اخدتى البنت وقعدتى تديها درس على السلم ياخبر انتى تعملى كدا انا مش مصدقة انتى وسبتنى ومشيت وبعدين بقى انا كنت بفكر فى حاجة تانية مين اللى قال وعرفوا منين اصلا اللى حصل بعد كدا بقى عرفت ان البنت لما روحت قالت لمامتها ومامتها راحت للاستاذ والاستاذ بلغ بابا وانا اللى ضعت فى الاخر
طولت عليكم صح معلش معلش مش انتم اللى عاوزين موقف محرج وعمرى ما هنساه بجد
من هو مثلك الأعلي

مثلى الاعلى هو والدى
من الأقرب لك الوالد ام الوالده

الاقرب والدى
هل انت متزوج .. هل لديك اطفال

لست متزوجة ولن يحـــــدث هـــــذا ابــــــــدا
ماهي افضل المأكولات التي تحبها

المكرونة البشامل
وماذا عن مشروباتك المفضله

احب النسكويك جدا
نس ايه ياختي ؟؟ ماعلينا
من اين عرفت طريق المنتدي

انا قولت فوق عرفت المنتدى اقول تانى ولا ايه انتو بتنسوا بسرعة كدا
ماذا تمثل لك الخروجات الشهرية

الخروجات الشهرية جميلة جدا جدا وبحس انها بتقرب اعضاء المنتدى اكتر واكتر ويارب ديما موجودين مع بعض وتكون موجودة الخروجات الشهرية على طول
اسال نفسك سؤال وجاوب عليه

للاسف مش بعرف اسال نفسى
معاكي المايك في اخر الحلقة فماذا تقولي ؟؟

المايك معايا
اقول انا مبسوطة جدا انى معاكو فى المنتدى بحس ان وسط اخواتى وانا بجد سعيده اوى بيكو وبكلامو وتعليقاتكم الجميلة جدا جدا وديما يارب كدا فى استمرار والمنتدى يكبر بيكو ويكون احسن منتدى بس وانا معاكو مش لوحدكم يعنى
وبتمنى انى مكنش طولت عليكو

شكرا ريهامو علي الحلقة وكل سنه وانتي طيب بمناسبة صوم القيامة

وانتظروني في حلقة اخري قريبا في برنامجكم

who i'm

الأنسان قبل دخوله البرنامج يكون انسان لم نعرفه وبعد خروجه نجد انفسنا نعرفه من زماااااااااااااان

من انا

برنامج خفيف خفيف يتاكل أكل

انتظرونا الحلقة القادمة ونجم جديد في برنامجكم

who i'm

?

لقرائة من انا ( 1 ) اضغط هنا
لقرائة من انا ( 2 ) اضغط هنا
لقرائة من انا ( 3 ) اضغط هنا
لقرائة من انا ( 4 ) اضغط هنا
لقرائة من انا ( 5 ) اضغط هنا
لقرائة من انا ( 6 ) اضغط هنا
لقرائة من انا ( 7 ) اضغط هنا
لقرائة من انا ( 8 ) اضغط هنا
لقرائة من انا ( 9 ) اضغط هنا
لقرائة من انا ( 10 ) اضغط هنا
لقرائة من انا ( 11 ) اضغط هنا
لقرائة من انا ( 12 ) اضغط هنا
لقرائة من انا ( 13 ) اضغط هنا
لقرائة من انا ( 14 ) اضغط هنا
لقرائة من انا ( 15 ) اضغط هنا
لقرائة من انا ( 16 ) اضغط هنا
لقرائة من انا ( 17 ) اضغط هنا
لقرائة من انا ( 18 ) اضغط هنا
لقرائة من انا ( 19 ) اضغط هنا
لقرائة من انا ( 20 ) اضغط هنا
لقرائة من انا ( 21 ) اضغط هنا

المصدر: †† ارثوذكس †† - من قسم: البرامج والخروجات الخاصة بالاعضاء

[zaza2006]

حلقة جميلة اوى يا ميكى وريهاموو زى العسل بجد

والموقف المحرج ده فظيع بجد

ميرسى يا ميكى على الضيفة الجميلة دى

[mr_desigen]

الله يا ريهامو
قصدى يا مس ريهامو
بجد توبيك روهة اووووووووووووى
وانتى زى العسل
والموقف تحفة بجد
ميرسي كتتير علية
امير

[ZEZOMERO]

جميلة اوى الحلقة يا ريهامووووو
بجد موتنى الموقف من الضحك
ملح يا ااااا حرام بجد



ميرسى يا ميكى على العضوة الجميلة دى

[القطة كيتي]

حلقة حلوة اوى ميرسي

[قلب المحيط]

كميلةةةةةةةةةة موتتتت

[الماكس مايكل]

بجد حلقه جميله وريهاموو زاى العسل ورقيه جدا
الف شكر يامعلم على الحلقه الجميله

[ريهامووو]

كل الاطفال دى حرام عليك بجد حرام

اشكرك يا ميكى على اسئلتك الجميلة

واشكر كل الناس اللى ردت على الحلقة بتاعتى

وبجد انا مبسوطة جدا جدا انى كنت معاك فى الحلقة

ويارب ديما مع بعض اخوات واصحاب

مش عارف النسكويك

شكولاتة باللبن

مش فاكر انت الاعلان بتاع الارنب

اللى بيمشى ويقول نسكويك نسكويك

ها افتكرت يا ميكى ولا لسة

[nermos1982]

حلقة جميلة يا ميكى وضيفة بجد زى العسل.
ومستنيين بقية ضيوفك يا واد

[minabobos]

الجميل يجيب الشخصيات الجميله معاه
بجد تحفه يا ميكى
ميرسى يا ريهامووو
بجد عرفت اسرار حلوة خالص
وعجبنى الموقف خالص
تعمل خير يتقلب عليكى
ههههههههه

منتظرين المزيد ا جميل