[bolalover]

اهلا بيكم معانا في برنامجكم الجديد



دقـــات قـلـب




اكيد كل واحد فينا بيحب و يتحب
اكيد في منا الي بيخاف من الحب
و اكيد في الي بسيب نفسه للحب
لو عايش بتتنفس يبقا بتتنفس حب
الحب هو كل حاجه في حياتنا



برنامج دقات قلب

برنامج هيناقش معاكم
كل قضايا الحب .. كل مشاكل الحب ..
و لاكن من منظور مسيحي
يعني احنا ايه الي يصح لينا كاولاد المسيح
و في نفس الوقت بشر بتحس و عندها مشاعر و قلب

(( البرنامج معد بدراسة و تحضير جيد و قراءة جيدة ))

انتظرونا .. كل خميس من الساعة العاشرة مساء علي رديو ارثوذوكس



كان معانا حلقة الخميس السابق هي
الحب من دين اخر

هنعرض عليكم ملخص كتابي سريع للحلقة
و هتلاقي في اخر الموضوع ملف تحميل فيه الحلقة مسجلة بالكامل
نتمني الحلقة تعجبكم و تقدرو تستفادوا منها


قولنا في الحلقة ان مشكلة الحب من دين اخر هي مشكلة منتشرة بشكل كبير و خطيرة جدااا و اتخذنا جانب التحدث علي البنت لان الشئ السائد هو حب بنات مسحين لاولاد غير مسحين و برضه علقنا عن نقط بخصوص الولاد الي بيحبوا بنات مش مسحين

موضوع الحلقة في شكل نقط سريعة و ملخصة

• الاسباب و الدوافع التي تجعل البنت او الشاب ان يلجاء للحب من دين اخر

1- البيت : لو البنت فعلا شبعانة رعاية و محبة في البيت لا يمكن انها تبص بره ابدا و ده لان بيبقا الحال انهم في البيت نايمين و محدش يعرف عنها حاجه فالبنت بتفتقد الحب و العطف و الحنان من البيت اولا
2- المجتمع : البنت ملقتش حد مننا يعبرها و يهتم بيها يعني مثلا في الكليات لو بنهتم بشكل كبير باخوتنا الي معانا و بالاخص البنات يعني نحاوط عليهم ونلمهم جنبنا و حولينا و نهتم بيهم كاخوات لينا بمحبة و لازم الشباب المسيحي يدرك كويس انه مش مسئول عن نفسه بس و لاكنه مسئول عن اخواته البنات الي معاه في الكلية او الشغل او البيئة الي حوليه و ده حاجه ربنا هيحسبه عليها
3- الانفتاح : انفتاح البنت في التعامل مع الشباب الاخر دون علم بالي ممكن يودي ليه الانفتاح ده و تبتدي العلاقة تزيد واحدة واحدة من زمالة لصداقة و بعدها صحاب اوي و بيحكوا لبعض كل حاجه و البنت تبتدي تحكيله مشاكلها كلها و هو نفس الشئ و يخدوا علي بعض و يدوروا علي بعض و تبتدي البنت تفتقده و واحدة واحدة يقعوا في الحب و ده كل من غير ما البنت تحس ولا تاخد بالها ايه نتايج العاطفة الي الي هي ماشية وراها
4- الكنيسة : البعد التام عن الكنيسة و الاعتراف و التناول و الصلاة و تبتدي البنت تتوسع في العلاقات مع الشباب و الزملاء و اصحبها البنات الي من الدين التاني فتبقي كل قعدتها هي مع ناس مش من دينها و تاخد عليهم بشكل كبير

• الخطوات التدريجية لبداية هذه العلاقة
  

و هي زي اي خطوات بيبتدي بيها اي علاقة حب بين ولد و بنت و لاكن هنا في سماح للتحرر بمشاعر البنت من غير ما تحس و تبقا سيبة مشعرها ماشية كده و خلاص و لاكن الاختلاف بين الحب العادي في بدايته و الحب من دين اخر في بدايته هو عدم ادارك البنت لخطورة المشاعر الي بتتبني جواها و ايه النتايج المترتبه عليها و ايه هيبقا نهاية العلاقة دي و حتي لما البنت بتدرك ده بعد كده بتكون خلاص عاطفتها تغلبت علي عقلها و تفكيرها بشكل كبير .

• نتايج الحب من دين اخر
  

من الاكيد في نتايج كتير جدا و لاكن احنا هنركز علي النتايج الي ممكن متخدوش بالكم منها او البنت متبقاش علي وعي بيها.

1- عدم مقدرة البنت او الشاب علي البعد عن الطرف الاخر حتي بعد ادارك خطورة الموقف الي هي فيه
2- اصبحت العلاقة خطية زيها زي اي خطية لا تقدر البنت ان تتركها و تبعد عنها و ده لاشباع عاطفتها و راحت النفس
3- الشباب الي بيحبوا بنات من دين اخر بيقعوا في مشاكل كبيرة و واقعية و من ضمنها و شئ وقعي و حدث بالفعل هي ان شاب حب بنت و بعد قصة حب قوية ظهروا اهلها و هما سوه و قالولوا لتجوزها لتدفع فلوس و علشان يتجوزها يبقا لازم تبقا من دينها و وصلوا للاخر لحل انه دفع 30 الف جنيه و دي حصلت بجد
4- فقدان سمعة البنت - تلاقي الولد الي بتحبه قاعد مع صحابه و بيقولهم بصوا فلانة المسيحية بترن عليا اهي و لا بصوا بصوا بعتالي رسايل بتقول ايه و يبتوا بتكلموا علي البنت دي كل ما يشوفوها و يطلع عليها سمعة في كل مكان
5- في حالات كتير بتنتهي بالجواز و يقولك انتي علي دينك و انا علي دينك تقوم البنت تعمل ايه تحول نفسها للكنيسة الكاثوليكية لانها بتسمع بالزواج من اي دين تاني و لاكن الكنيسة الارثوذوكسية من شروط الزواج اتحاد الدين و الطائفة فبالتالي تكون البنت كده حلة المصيبة بكارثة و هي انها بدت او اختارت حبها و حياتها و زواجها عن ربنا و سابت ربنا و المسيح .

• الحـلـول

1- لابد انت تعلم البنت جيدا انه غير مسموح للنظر في العاطفة للشخص ده
2- عدت نقاط لازم البنت تدركها و تفهمها كويس :
أ - ما هي فائدة زرع الرب لينا العاطفة بداخلنا ؟؟
اكيد ده علشان نقدر نتعايش سوه كبشر و نخوض في الارتباط ثم الزواج و الزيجة الصالحة حسب ما اتمها ربنا لينا
ب - نهاية اي علاقة عاطفية هي الزواج و الزواج هو قرار مصيري بابديتنا و ليس شهوة جسدية او تكملة شئ معتاد عليه في حياتنا و لكن الزواج حياة شركة مقدسة تحت جناح المسيح
ج - الوعي الجيد ان هذه العلاقة ليس لها اي قرب من الحب فالحب الحقيقي هو الحب عن وعي .. الحب الناضج الي مفهوش مصلحة و تلاقي فيه كل واحد من الطرفين همه علي مصلحة الطرف التاني لاكن في الحب من دين اخر مفيش حد بيقا همه علي مصلحة التاني يعني هو فعلا لو بحبك مش هيرتبط بيكي من البداية علشان همه علي مصلحتك و خايف عليكي و عارف ان ده غلط ليكي بس هو بيبقا همه تقضية يومين حلوين و بيبقا في اهداف تانية و هي معروفة
د - العلم بان اي حاجه صحيحة بتكون في النور و الي في الضلمة بيبقا غلط و مليون غلط
3 - البيت : الرعاية و المحبة من الاسرة لبناتهم و نبقا عارفين عنهم كل حاجه و بيعملوا ايه و بيروحوا فين و بيكلموا مين و كل ده في جو محبة مش جو شد و اكيد علي حسب ما هتربي ولادك في صغرهم هيطلعوا
4 - المجتمع و البيئة و بالاخص احنا - لو انت مثلا ليك اخت في الكلية او الشغل و عرفت انها بتحب من الحب ده تعمل ايه ؟؟
مش تقول و انا مالي لا لازم تعرف ان دي مسئولية كبيرة عليك
حاول ان انت تقرب من البنت تتصاحب عليها تتكلم معاها في البداية بالعقل تكسب ودها
مش هتعرف تعمل كده ممكن تزق بنتين تلاته مسحين زميلكم عليها يتصحبوا عليه و يبقوا قريبين منها واحدة واحدة و يتكلموا معاها بشويش
تحاول ان يبقا في حلول عقلانية علشان خاطر سمعة البنت مش تتضر
لو منفعش الحلول دي تعرف اسمها بس كامل و كنيستها ايه و دي سهلة يعني مش صعبة .. و تروح لاب الاعتراف بتاعك تحكيله كل حاجه و تقوله علي اسم البنت و كنيستها ابونا هيرفع سماعة التليفون و يتصل بكاهن كنسيتها و يقوله عندك بنت اسمها كذا كذا و هي بتعمل كذا كذا
و ابونا هيتصرف هيتصل يجبها او يروحلها افتقاد و هيعرف يرجعها كويس .

دي كان ملخص سريع لاهم النقاط و من غير تفاصل كبيرة للحصل في الحلقة و الي قولناه
لو عاوز تعرف التفاصل و كل حاجه اتكلمنا فيها و اتنقشنا فيها و المشاكل الي اتبعتتلنا علشان تقدر تستفيد من مشاكل غير
حمل الحلقة و اسمعها من هنا


نتمني ان البرنامج يعجبكم
و سمحونا لو مش قدرنا ندخل في تفاصل بشكل اكبير و نقول حلول اكتر من كده لان وقت البرنامج مكنش سامح بس احنا هنحاول قدام بعد كده نعمل حلقة مخصوصة للحلول بس في الموضوع ده

فريق الاعداد :
امير زيزو
قلب يسوع
عماد حسني

هندسة صوتية و منتاج الحلقة :
Mena-IO

البرنامج تقديم :
بولا & نهي


الحلقة القادمة بعنوان
قسمة و نصيب

هناقش معاكم كل حاجه في الموضوع ده يوم الخميس الي جاي
هنتكلم من منظور عاطفي
و مسيحي
و اجتماعي
و هنستناكم كلكم تشاركونا الحوار

و غير كده لو عندك اي مشكلة اي حاجه محتاج تحكيها محتاج حد يسمعك و يفكر معاك
ابعتلنا مشكلتك علي ميل البرنامج و احنا هنقراها
و لو حابب منذكرش اسمك برحتك او ممكن تبعت الرسالة من ميل غريب و تكتب التوقيع اي اسم مستعار

ميل البرنامج
[email protected]

تقدر تبعت رسايل في اي وقت طول الاسبوع و هتتقري في الحلقة و كمان تقدر تشاركنا من علي ميل البرنامج وقت الحلقة نفسها بانك تبعت رسايل او تعمل اضافة للميل و تكلمنا وقت الحلقة و تكون من اصدقاء البرنامج معانا
و ممكن تراسلنا علي الرسايل الخاصة

ليا انا بولا

من هنا

او لنهي

من هنا


منتظرين متابعتكم و مشاركاتكم معانا
و لو في اي اقترحات ياريت نسمعها منكم

المصدر: †† ارثوذكس †† - من قسم: البرامج والخروجات الخاصة بالاعضاء

[ميرا الامورة]

الله عليكم بجد
برنامج فوق الرائع
وشغل جامد وجبار
الله معاكم
وكل المنتدي معاكم ان شالله
جدع يا بولا
عسل يا نها

وتسلم ايدين عماد وزيزو وقلب يسوع

[البوب الجديد]

كااااااانت حلقة جاااامدة بس انا الى جيت فى الاخر يا خسارة
بس مجهود رائع انكم تنزلوها صوت واققدر انى اسمعها

[اسامه سمسم]

شكرا يا بولا شكرا يا نهى
انا فعلا كنت عايز اسمع اول حلقه ليكم
بس ظروف شغلى منعتنى
انى اسمعكم
لاكن مجهودكم الجميل انكم تنزلوة فى الموضوع هنا
علشان اللى ملحقش الحلقه
بشكركم عليه جدا
وربنا يوفقكم كمان وكمان

[aymonded]

أنا طبعا هاحاول اسمع تفاصيل الحلقة ، لأن أكيد فيها تفاصيل أكثر ، ولكن يمكن هناك عدة نقاط أغفلت في الموضوع ربما غصب عن الكل ، لأن الموضوع يحتاج لرؤية متسعة أكثر ، أو ربما لضيق الوقت لأن من المستحيل تناول جميع النقاط في حوار لا يدوم إلا ساعة أو اتنين ، ولكن عموماً يحتاج الموضوع للتطرق للحالة النفسية والعاطفية ولاجتماعية بصورة أعمق ، وايضاً التطرق لحياة الشركة بأصالة الحب في اتساع معناه من جهة الخبرة والتأصل في التوبة وتغيير القلب وشركة الله لا في شكلها إنما في جوهرها كخبرة ، ومعرفة كيف يقطع الإنسان مشوار معرفة الآخر في عمق أصالة جوهره ، لأن كثيراً جداً ما نبتعد عن الجوهر لنتعلق بما تسقطة أحلامنا على الشخص الآخر متوهمين أن هذا هو الحب ونرى فيه ما لم يوجد ...

عموماً المجهود المبذول واضح أنه كبير ، وحاولتم تدخلوا لج الموضوع بقدر الإمكان ، واكيد في حلقات قادمة تقدموه بشكل أوسع وأعمق من هذا ، اقبلوا مني كل تقدر بمحبة ، النعمة معكم

[lolaemo]

بحييك يا بولا وبحييكى يانهى على مجهودك وتعبكم فى الحلقة
حلقة حلوة اوى بججد
عقبال كل حلقة انشءالله
بس انا مع استاذ ايمن ان فى جزء مهم نسيتوه الحالة النفسية للبنت او الولد
ربنا يستر علينا

[kottah_sh]

بجد مجهود رائع يا بولا
ميرسى بجد على الحلقه الجميله اوى دى
ميرسى يا نهى يا قمر
وميرسى لفريق الاعداد
ربنا يبارك خدمتكوا
وتكونوا سبب بركه لباقى الاعضاء

[الناى الحزين]

انا كنت عارف انكم هتتكلموا فى الموضوع ده وكنت مجهز نفسى بجد انى اراسلكم وقت البرنامج لان فيه حاجات كتير كان نفسى اتكلم معاكم فيها بخصوص الموضوع ده
وده لحاله للاحد الاصدقاء كنت عايشها معاه نقطة بنقطه
وبجد كنت اتمنى انى اكون معاكم لكن للاسف ظروف الشغل ماعتنى
على العموم انا سعيد جدا انكم سجلتوها وانا هحملها واسمعها
وياريت تخصصوا حلقه تانى يتكلم عن نفس الموضوع
ربنا يباركم ويكون معاكم
ومن نجاح لنجاح يا احلى اخوات
نهى$بولا
ربنا معاكم

[bolalover]

المشاركة الأصلية كتبت بواسطة ميرا الامورة الله عليكم بجد برنامج فوق الرائع وشغل جامد وجبار الله معاكم وكل المنتدي معاكم ان شالله جدع يا بولا عسل يا نها وتسلم ايدين عماد وزيزو وقلب يسوع

شكرا ليكي كتير يا ميرا علي متبعتك
و علي ردك الجميل
و نتمني ديما كل حلقة تعجبكم

[bolalover]

المشاركة الأصلية كتبت بواسطة البوب الجديد كااااااانت حلقة جاااامدة بس انا الى جيت فى الاخر يا خسارة بس مجهود رائع انكم تنزلوها صوت واققدر انى اسمعها

شكرا ليك يا بوب علي المتابعه يا باشا
و منور معانا
و يارب الحلقة كلها تعجبك