[MOSHAOK]

ما حدث يوم الأحد 14-2-2010 في ميدان التحرير من مظاهرات لأول مرة من نوعها وهي تأخذ إسم "مظاهرات قبطية" مش إسلوبنا ولا إتجاهنا ، رغم أنه من حقنا ولأنه من حقنا لم يتدخل الأمن بشكل يناسب المظاهرات (عنف وضرب مثل مايحدث في معظم المظاهرات) ولكن هل هكذا خذنا حقنا ومنذ متى ونحن نترك الله ونتحدث للناس يا جماعة ربنا بيقول ((واما نحن فلنا فكر المسيح)) ويقول ((نسعى كسفراء للمسيح كأن المسيح يعظ بنا )) ، ((فقط عيشوا كما يحق لانجيل المسيح)) ,وايضا ((ركبت اناسا على رؤوسنا دخلنا في النار و الماء ثم اخرجتنا الى الخصب.)) فهل هكذا يكون سفراء المسيح وهذ هو فكره أم هو فكر خارج عن الكنيسة القبطية الأرثوذكسية يا جماعة لازم نخرج من تجربة نجع حمادي بإيجابيات مش بسلبيات انا عارف أن كلامي ممكن يستفز الكثير صدقوني انا شعوري نحو الحادث لايقل عن شعوركم لكن يجب أن لا ننجرف مع التيار وربنا بيقول ((الرب يدافع عنكم وانتم تصمتون)) حادث نجع حمادي رسالة من ربنا لنا لتثبيت إيماننا ولايجب أن ننسى أيضا أنه قبل الحادث كانت معجزة ظهور العدرا مريم والكل أجمع أن هذه المعجزة أيضا لتثبيت إيماننا والتصرفات دي مش بتعاعتنا دي بتاعت ناس بايعة السما ولازم نعرف إن حقنا مش اللي هياخده مش انسان ده ربنا اللي هياخده وتعويضنا هيكون في السما مش في الارض وعايز أوضح أيضا انه كلام السيد المسيح لنا حافظ على البلد كلها بكل طوائفها وكل عقائدها لان لو السيد المسيح له كل مجد كان قال من قتلك اقتله ورجل برجل وعين بعين كانت حدثت حرب اهلية وغي كده ربنا لو عايز يقتل حد ثأراً لشهدائنا لن ينتظرنا لأنه له جند السماء و لأنه من ياخذ بالسيف بالسيف ياخذ ....
ودي بعض الموضوعات التي نشرت عن هذه الأحداث
http://www.al-7ewar.com/m/showthread.php?p=16841
أنظروا الردود ايضا الموضوعة اسفل الموضوع المكتوب لتعلموا الى اين اتجهنا والى اين تغير فكرنا
انا اسف جدا للتطويل لكن حسيت أنه يجب إعادة نظر في تصرفاتنا

صلوا من أجل ضعفي

mosha

المصدر: †† ارثوذكس †† - من قسم: المنتدى العام

[bassem8800370]

مش عارف ارد عليك اقول ايهالصراحه
انا مش عجبنى رايك فى الموضوع

[menovich]

الرب يقاتل عنكم وانتم تصمتون

ربــنـــــــــا مـوجــــــود

[elphilasouf]

انا معاك في كل كلمه قولتها
نفسي نحس بالجميل الى عملوه الارهابيين دول
نفسي نقدر الهديه الى اهدوها للكنيسه وللسما

ازاي نمد ايدنا لرئيس ولا لناس ونطلب منهم حاجه واحنا معانا ملك الملوك
للاسف في ناس مهندها الايمان الي يثبت ده

الاتكال علي الرب خير من الاتكال علي الناس
الاتكال علي الرب خير من الاتكال علي الرؤساء
مز 118

[MOSHAOK]

شكرا جدا جدا جدا للردود الجميلة دي
شكرا يا bassem8800370
شكرا يا menovich
شكرا يا elphilasouf
بس ليا كلمة بسيط ليك يا bassem8800370 لو ربنا أعطاك مفتاح الكون كله وقالك خد حقك بإيدك وقمت حضرتك وقتلت كل البلد أنتقاما لما حدث ورجعت لربنا وقلتله يارب انا أخذت حق الشهداء وقتلت من قام بقتلهم هم وعائلتهم وكل من منهم هل سيكون ربنا راضي لما فعلته ، طبعا لا ، وتذكر قصة يونان لما شعر أن الله لن يهلك المدينة وتضايق لوسع رحمة الله ، إعلم أن جميع البشر الله يهتم بهم بدليل الدرس الذي أعطاه ربنا ليونان في موت اليقطينة
أقول لك أيضا أني أشعر بغيرتك وانا مثلك تماما وأؤكد لك أن حقنا لن يضيع أبداً ولكن لم يحن الوقت لهذا

اسف للتطويل وربنا معانا جميعا ويحمينا ويثمر فينا بشفاعة امنا العدرا
صلوا من أجلي

[kamer14]

يمكن المظاهرة ايلى عملوها مش لدافع انهم يقولوا للمسئولين هاتو حق الناس دى طبعا ملعون كل من اتكل على دراع بشر وربنا الوحيد ايلى هيجيبلنا حقهم بس يمكن كانو بيطلعو الغضب ايلى جواهم وبيلعنو رفضهم عن ايلى حصل مش اكتر
بيطلعو الكبت ايلى جواهم من الاضطهاد ايلى شافته الكنيسة على مر العصور بس دة رايى

وليا راى تانى معلش المفروض ان احنا بردو نطالب بحقوقنا تكلم ولاتخف زى قصة سمعتها عن امراتين فى العهد القديم هبقى اجيبهالك عشان مش فاكراها اوى

[مارينـــــا]

موضوع جميل جدااااااااااا . بس هو مجرد تعبير عن غضبهم الداخلى لانهم شعرين بعدم اخذ وضعهم فى مجتمعهم شعرين بالاضطهاد من الاخرين . ربنا موجود واللى ميقدرش علية البشر يقدر علية ربنا

[nanaromeo]

لو تسمح انى اتكلم بس هقول كلمة قالها ابونا مكارى يونان قالها تعليقا على مظاهرات حصلت قبل كده هى جملة عجبتنى قوى و اعتقد انها بردو هتعجبكوا :
هتتكلم انت ربنا هيسكت , هتسكت انت ربنا هيتكلم
ربنا موجود شكرا ليك

[miro_rook]

سامح معلش اللي عملوا المظاهره
بيقولوا اللي جوهم كنت ممكن اتفق معك لو ان المتظاهرين كانوا عملين يكسروا في المحلات يموت ناس حرقوا...... الخ
لكن دول بيعبروا عن رايهم
ان كان بولس الرسول اتكلم بجراءه قدام الوالي وقال انا روماني الجنسيه يعني لزم يكون لي محكمه عادله
بتزعل ان المسيحين بيقولوا انهم اصحاب البلد ومن حقهم هم كمان محكمه عادل
وكمان اهداف المظاهره كانت معروفه هي توصيل طلب لمجلس الشعب بانشاء دور عباده موحد وغيره من الطلبات
لا لا لا العكس طلما انهم احتاجه بطريقه سلميه دون المساس باي حد يبقي من حقهم
وميرسي لموضوع الجميل ده وربنا يباركك

[bassem8800370]

[بس ليا كلمة بسيط ليك يا bassem8800370 لو ربنا أعطاك مفتاح الكون كله وقالك خد حقك بإيدك وقمت حضرتك وقتلت كل البلد أنتقاما لما حدث ورجعت لربنا وقلتله يارب انا أخذت حق الشهداء وقتلت من قام بقتلهم هم وعائلتهم وكل من منهم هل سيكون ربنا راضي لما فعلته ، طبعا لا ، وتذكر قصة يونان لما شعر أن الله لن يهلك المدينة وتضايق لوسع رحمة الله ، إعلم أن جميع البشر الله يهتم بهم بدليل الدرس الذي أعطاه ربنا ليونان في موت اليقطينة
أقول لك أيضا أني أشعر بغيرتك وانا مثلك تماما وأؤكد لك أن حقنا لن يضيع أبداً ولكن لم يحن الوقت لهذا

انا مش قصدى خالص اللى احنا تقتل ولا تضرب ولا اى حاجه من اللى انت بتفكر فيها وانا مؤمن جدا الله يدافع عنا واحنا صامتين