[سيزر الروش]

صدقينـــى يابنتى ده بيتسلى بيكـــى
بتحب ؟ آه بحب
بتحب مين ؟ بحب البنت كتكوتة
هى عندها كام سنة ؟22
وهى بتحبك ؟ اسكت يابنى دى بتموت فى دباديبى
ازاى؟ كل ما بتشوفنى تقولى بحبك
كده على طول ؟ طبعاً صحبك روش برضه
لا ماهو باين
اهلها يعرفوا ؟ لا طبعاً
ليه ؟ ممممممممممم مش عارف
يمكن علشان كده غلط ؟ لا طبعاً
طيب ليه ؟ جهل بعيد عنك
طيب واخرتها ؟ اخرة ايه
اخرة الحب ده ؟ ادينا بنتسلا
بتتسلى ؟ ايوة
يعنى مش ناوى تتجوزها ؟ هههههه اتجوز مين يا عم انا لاقى اكل
طيب بتحبها ليه ؟ مش عارف انا بحبها آه لكن جواز لا
ليه ؟ يمكن علشان لسة بدرى وصعب اكون اسرة دلوقتى
طيب بتحبها ليه ؟ يابنى اصل انت مش فاهم طالما دخلت الجامعة لازم يبقى عندك الجيرل فرند بتعتك
وده مهم ؟ طبعاً لاننا لازم نواكب العصر ونعيش اللحظة
طيب مانتا كده ممكن تحطم البنت وتصدمها ؟ ايه يا عم الدراما دى لا مش كده خالص
طيب ازاى ؟ هو يومين وهتنسى وانا هقولها ان غصب عنى
غصب عنك ازاى ؟ ماهو انا حتى لو رحت اتقدملها اهلها مش هيوافقوا غير لما اغلص دراسة واشتغل وخلنى بقى حد لاقى شغل اليومين دول
يعنى انتا بتحبها وممكن تسبها فى اى وقت من غير ما تعمل حساب لمشاعرها
؟
مانا قلتلك يومين وهتنسى وهى هتتجوز وخلاص
بس دا ميمنعش انك هتجرحها ؟ اجرح مين ياعم الدنيا كلها كده هو انتا هتصلح الكون
عندك حق انا مش هصلح الكون
سلام بقى علشان البنت بتعتى جاية اهى
هو ده حب شباب الجامعات
اختى انتى غالية جدا ًعند ربنا
فمترخصيش نفسك مع واحد كل همه انه عاوز يتسلى
خليكى غالية فى نظرك
واوعى تنساقى خلف كلام ليس له اى فائدة
فكرى ان الشاب ده
اولا ًبيحبنى ليه ؟
واخرة الحب ؟
وهل هو جاد؟
بدل من ان تندمى على كل لحظة قضيتيها مع شاب مستهتر لا يعرف شيى عن المسؤلية
وستكونى انتى الخاسرة الوحيد فى وقت لن يفيد فيه ندم
منقول

المصدر: †† ارثوذكس †† - من قسم: المنتدى العام

[وردة حزينة]

شكرا بجد على الموضوع الاكثر من رائع
ربنا يحافظ على بناته

[nermos1982]

الموضوع بجد جميييييييييييييييل اوى وفعلا الكدب بقى موضة اليومين دول . ربنا يرحمنا بجد

[losivertheprince]

سلام المسيح
يا سيدى عامة موضوع جميل وده بيحصل فعلآ واكتر منه وعلى فكرة انت مصور الموضوع من زاويتين لوجهة النظر لكن اوقات كتير بيكون الاصدقاء زى بعض وبيشجعوا بعض والاكتر بيتنافسوا كمان على مين يوقع بنات أكتر من التانى
عامة ربنا يستر علينا وعلى أخواتنا

[nemnema2010]

ميرسى ليك ع الموضوع الجميل دا فعلا الكلام دا بيحصل ربنا يحافظ علينا

[أميرة عبده]

الموضوع حلو اوى
ميرسى يا سيزر
ربنا يحافظ على كل بناته وولاده