[جانيت سمير]

لو طلبت من ربنا طلب ومتحققش هاتعمل اية
انا هاقول الاول وبعدين ردو عليا بردكم على ربنا
انا عارفة انك سامعنى وبتحبنى وعارف طلبى بس اكيد انت عارف ان الطلب دة مش فى مصلحتى او لسة معادة ماجاش فلتكن مشيئتك
او
كدة برضة ياربى بقى انا اجرى عليك واطلب منك الطلب دة وانت متردش عليا انت نسيتنى كدة ياربى دانا مليش غيرك انا مستنى ردك
وانت هايكون ردك انهى واحد فيهم

المصدر: †† ارثوذكس †† - من قسم: المنتدى العام

[نبيل نصيف جرجس]

صدقينى احنا خطاة زو فكر محدود معقول هنعرف الصالح لينا فين
دا هوة مات وانصلب من اجلنا مش معقول لو طلبنا حاجة وكانت فيها خير لينا
اكيد من غير ما نطلب هيحققها لينا
موضوع فكرتة رائعة

[romy_lover]

على حسب ايمانك ربنا هيديك
ربنا يبارك حياتك
اذكرينى فى صلوتك

[الناى الحزين]

هقوله
يارب
المر الذى تختاره لى
احلى بكثير من الشهد
الذى اختاره انا لنفسى

شكرا للموضوع الجميل بجد

[nona queen]

انا ردى هاتلاقيه فى الاجبيه فى طلب مشوره الله قبل الشروع فى عمل

[سعد الدالى]

انا عارفة انك سامعنى وبتحبنى وعارف طلبى بس اكيد انت عارف ان الطلب دة مش فى مصلحتى او لسة معادة ماجاش فلتكن مشيئتك
هو ده الرد الصح ويمكن ربنا هينفزو بس مش وقته هيكون في وقت تاني لكل شي تحت السماء وقت موضوع جميل ميرسي ليكي كتيييييييير

[مجدي سمير فهيم]

يا أخت جانيت
أوقات كتير جدا بنعمل الطلب التاني
بس مهما كان الطلب الأولاني أو التاني
المهم أني أنا عن نفسي وعن تجربة لسة ما مرش عليا شهر
كنت بتمنى لنفسي طلب كدة
وكل الأمور كانت ماشية تقريبا كويسة
وفأجة لاقيت أن الموضوع ما تمش
ليه ؟
عشان ربنا عمره أبدا ما هيوقعنا في أي حاجة تضرنا
لأنه يريد فقط من الأنسان حاجة واحدة بس مافيش غيرها
خلاص نفسه .
وإللي يطمنا أكتر وبأختصار لكل الردود
نفتكر كويس جدا كلامه إللي قاله في
إنجيل متى الأصحاح 6 العدد 33
لكن إطلبوا أولا ملكوت الله وبره وهذه كلها تزاد لكم .آمين
وأظن أن معنى الآية واضح مش محتاج لتفسير
صلوا من أجلي كتييييييييييييييير جدا .
أخوكم مجدي سمير

[جانيت سمير]

انا بشكركوا على تعبكم بلردود التحفة دى بس انا بجد برمى الموضوع فى البير بتاعة وهو الى بيغطية يفتحة وقت مايحب ويقفلة لو هو عاوز علشان انا عارفة انة بيحبنى
كلمونى عنكو
مش عايزة اعرف الموضوع بس عاوزة اعرف اية الحاجة الى طلبتها من ربنا ومحققهاش قلتلة انت اية
وربنا يديكو حكمة وبركة

[menalouka]

ردود جميلة كلها ...
دايماً ربنا يتأنى علينا وأحياناً لما يلقانا لحوحين بشدة ممكن يمنحنا طلبنا
بسماح منه لأجل التجربة علشان يقولى أنا أديتك طلبك اهو بس يا إبنى هتتعب
لكن أرجع وأقول إن ربنا مش بيسيبنا نهلك
ربنا يباركك يا جانيت

[مجدي سمير فهيم]

المشاركة الأصلية كتبت بواسطة جانيت سمير انا بشكركوا على تعبكم بلردود التحفة دى بس انا بجد برمى الموضوع فى البير بتاعة وهو الى بيغطية يفتحة وقت مايحب ويقفلة لو هو عاوز علشان انا عارفة انة بيحبنى كلمونى عنكو مش عايزة اعرف الموضوع بس عاوزة اعرف اية الحاجة الى طلبتها من ربنا ومحققهاش قلتلة انت اية وربنا يديكو حكمة وبركة

عادي لو قولت الموضوع
كان مووع خطوبة وماتمش , لأن البنت نفسها وأهلها لحد آخر وقت كانت كل الأمور ماشية كويسة . وجه ساعة الأتفاق ومحصلش أننا إتفئنا بشكل طبيعي.أو بمعنى أوضح . والدها إختلف معايا على حاجة ةدة بجد بأمان ربنا من ترتيب ربنا عشان ماليش نصيب مع البنت دي
لأني قبل ماأتقدم للموضوع دة طلبت معونة ربنا وأنه هو يرشدني , وقولته كدة بالنص
يارب انا إبنك , وماأفتكرش أني في حساتي أزيت بنت في مشاعرها
أو لعبت بيها
ف من أجل أولا شفاعة أم النور ومن أجل الموضوع دة
أنا هتقدم وأعمل إللي عليا ,
أما من ناحيتك انت يا ربي وأبويا
لو البنت دي من نصيبي كمل الموضوع , أما لو مش نصيبي
أنت يار بأكيد هتوقف الموضوع لوحده ومن غير مشاكل أو زعل للطرفين....
وفعلا بجد هوة دة إللي حصل معايا بالظبط
وقولت لنفسي ربنا هيبعت كل حاجة في وقتها .
وفيه تأمل جميل جدا جدا لسيدنا البابا شنودة هنا في أرثوذكس بعنوان الرجاء,
سدينا بيقول فيها جملة جميلة جدا وهي
جايز ربنا هيتأخر , أو يبطىء, لكنه لابد أن يجيىء
ودة لينك التأمل

http://www.4shared.com/get/89105317/...F36EC075.dc116

وما أجمل قول الكتاب إطلبوا أولا ملكوت الله وبره وهذه كلها تزاد لكم
وما أجمل قول سيدنا قداسة البابا شنودة الثالث بعبراته المشهورة جدا
طول ما ربنا موجود
يبقى كله للخير
وأي ضيقة مسيرها تنتهي

آدي الموضوع وأرجو أني مش أكون طولت
يارب تكوني دايما بخير
وعلى فكرة. وللعلم
أنا أختي إسمها جانيت برضو
ربنا معاكي وتكوني دايما بخير
صلي من أجلي
مجدي سمير