[safrota el shakia]

ممكن اقولك رأى
مش تيأس ولا تحزن لان لو ليك نصيب فيها هتخدها
صلى انت بس لربنا وهو اكيد هيكون جنبك ومش هيسيبك
كل اللى انت فية دة تجارب من ربنا مش اكتر
قرب منوا وهو هيكون جنبك فى مشكلتك وهتلقيها اتحلت
ربنا يكون معاك ويوفقك

[bassem8800370]

ادخل الباب ولعرف راى الاهل فيك واقولهم على ظروفك

[Sinner]

للاسف اهلها انا عارفهم كويس مش بيرحمو وهيقولو ده لعب عيال واما تخلص جامعه
انا كده هنزل السنادى فى الجامعه
حد ينقظنى

[safrota el shakia]

لية تنزل السنة دى من الجامعة
انت لازم تكون اقوى من كدة
مش لازم تكون ضعيف كدة ومستسلم الامر
انا شايفة انكوا تبعدوا شوية عن بعض وكل واحد فيكوا فى الفترة دى يصلى 3 ايام ويتناول
ولو ليك نصيب فيها هتلقى كل المشاكل اتحلت لوحدها ولو ومحصلش نصيب يبقى ربنا مش رايدلك البنت دى
وربنا اكيد هيعوضك خير انشا الله
بس متبقاش مستسلم الامر كدة لازم تكون اقوووى بكتير من كدة
واوعة تخصر دراستك اوحياتك عشان اى شى فى الدنيا حط المسيح قدام عنيك وكل مشاكلك هتزول
سورى انى طولت عليك
ام النور وجميع القديسين يكونوا جنبك ويقوك

[Sinner]

انا نفسى اعمل كده بس مش عارف

[Sinner]

صلولى يمكن اقدر انسى

[safrota el shakia]

ربنا معاك بس مينفعش صلتنا احنا بس احنا اضعف مايمكن
اطلب صلات العدرا وجميع القدسين
ولازم تكون انت كمان بتصلى
وانشا الله هيكون خير ربنا معاك ويحافظ عليك

[عهدى حليم]

يا راجل عيب انتبه لمزاكرتك وبلاش كلام فاضى انت لسه طالب ولما تتخرج سوف تذهب للجيش لتقضية الخدمه العسكريه ولما تطلع تبحث عن شغل وبعدين تكون نفسك ولا عايز ولى امرك يصرف عليك ويجوزك ويصرف عليها
واذا كانت مشكلتك مع اختك يوجد شخص يحبها ويريد ان يجلس معها او رأيته جالس معها بدون خطوبه فماذا يكون تصرفك
حكم عقلك وانتبه لمزاكرتك ودعها لشأنها ولا تكون عثره

[عهدى حليم]

كلمه صغيره اقولها ل بنت يسوع ( سفروته ) ردك يدل على صغر سنك ويمكن تكونى لسه فى المدرسه او الجامعه
تقولى فى ردك بأنه هذا الشخص يصلى ولو كان ليه نصيب فيها المسيحيه لا تؤمن بالقسمه والنصيب الله اعطانا العقل لنفكر . يفكر اولا فى دراسته وعندما يكون نفسه وكانت ماذالت موجودة يتقدم لها واذا كانت قد تزوجت يطلب لها السعادة ويبحث عن غيرها ولا يقف حجر عثرة بين مستقبله ومستقبلها

[عهدى حليم]

اخر تغليق على هذا الموضوع من جهتى لو كانت بنتى وطلبتها منى وانت طالب سوف اعطيك علقة محترمه واقول لك ده لعب عيال انتبه لمزاكرتك