[MICKEY]

الحالة الاولي ابعدي عنه
كلام النت بيودي في داهية

الحالة التانيه
هي دي سنة الحياة
الجواز حاجه وماقبل الجواز حاجه تانيه

المسئولية بتغيره كتير وده غصب عنه

الاول كان مسئول عنك انتي بس
الوقتي عنك وعن البيت والعيال

يعني بجد الهم بيغير كتير

شكرا اصدقاء البرنامج ميسو وشمعة وكوتا علي تولهم البرنامج

[فضفضلي]

مرسى يا جماعه على ردودكم فى مشكلتى و صلوا من اجلى

ربنا معاكم

[miso]

ربنا معاك يا فضفضلى ههههههههههههه اى واحدة
انا مش عارفة مين فيهم
صلى لربنا كتييييييييييييييييييييييي يييييييييييير اكيد هيحل ويشيل

[فضفضلي]

هاى شباب كنت عاوزة اخد رايكم فى مشكلتى

وهيه ببساطه انا بنت عندى 22 سنه وداخله فى 23 المهم دخلت فى قصه بس مكملتشى
بس الغلط اللى حصل انى بعد القصه الفاشله ديه انا دخلت بعدها على طول فى خطوبه مش عارفه عشان اهرب او عشان ايه بالظبط
بس فعلا انا مش حاسه بساعده اى واحده وخطيبها
وده بجد وهوه انسان حنون جدا
واهلى رافضين انى افسخ خطوبتى ليه لان بالنسبه ليهم مفيش اى رد مقنع او سبب انى اسيبه ما ادم راجل يحترم بيشتغل يقدر يتحمل مسئوليه بيت
المهم انى فعلا كذا مره اروح لابابا وماما واوضحلهم انى مش هاقدر اكمل بس بصراحه مبقولش ليه
وساعات كتير بروحله واكون عاوزة اخلص الموضوع
بس كميه الحب اللى فى عنيه مابتخلنيش اقدر افسخ ومش بقوله اساسا

مش عارفه اعمل ايه اخد الخطوه ديه ازاى

ياريت تساعدونى

انا فعلا مش حاسه بسعاده خالص حاسه انه لسه زميلى زى الاول مشاعرى متغيرتش

[miso]

المشاركة الأصلية كتبت بواسطة فضفضلي هاى شباب كنت عاوزة اخد رايكم فى مشكلتى وهيه ببساطه انا بنت عندى 22 سنه وداخله فى 23 المهم دخلت فى قصه بس مكملتشى بس الغلط اللى حصل انى بعد القصه الفاشله ديه انا دخلت بعدها على طول فى خطوبه مش عارفه عشان اهرب او عشان ايه بالظبط بس فعلا انا مش حاسه بساعده اى واحده وخطيبها وده بجد وهوه انسان حنون جدا واهلى رافضين انى افسخ خطوبتى ليه لان بالنسبه ليهم مفيش اى رد مقنع او سبب انى اسيبه ما ادم راجل يحترم بيشتغل يقدر يتحمل مسئوليه بيت المهم انى فعلا كذا مره اروح لابابا وماما واوضحلهم انى مش هاقدر اكمل بس بصراحه مبقولش ليه وساعات كتير بروحله واكون عاوزة اخلص الموضوع بس كميه الحب اللى فى عنيه مابتخلنيش اقدر افسخ ومش بقوله اساسا مش عارفه اعمل ايه اخد الخطوه ديه ازاى ياريت تساعدونى انا فعلا مش حاسه بسعاده خالص حاسه انه لسه زميلى زى الاول مشاعرى متغيرتش

بصى انتى كل اللى محتاجه شوية وقت تقعديهم مع نفسك تحددى انتى عايزة ايه
بس انا نفسى اسالك سؤال ليه مش قادرة تحبى الانسان اللى من كتر حبه ليكى باين فعينه
اخرة حبك للشخص الاول ايه
بصى يا حبيبتى انا من رايى لو خطيبك بيحبك كل الحب اللى بتقولى عليه حاولى تحسيه بقى صعب اوى نلاقى اشخاص تحبنا
بس فنفس الوقت لو حاولتى وبرضو مش قادرة تحبيه ولا تحسيه يبقى الافضل تسبيه لانك كدة بتعذبيه وانك تفسخى الخطوبة فالاول احسن من بعد كدة
علشان ه كمان مش يتعلق بيكى اكتر
ده لو مقدرتيش تحبيه انا بكررها اهو
ولازم يبقى عندك الشجعاة انك تقولى مش قادرة اكمل مع الشخص ده وتتحملى نتيجة قراراك بس اقعدى مع نفسك وفكررررررررررررررى كويس
وفالنهاية صلى كتير لربنا علشان يرشدك للقرار الصح والسليم
وربنا يرتبلك الخير ويرشدك للصالح يارب.

[kottah_sh]

حبيبتى صاحبه اخر مشكله
انا من رأيى ادى لنفسك فرصه انك تحبى خطيبك
طالما هوه بيحبك اوى كده
حبيبتى نصيحه من اخت ليكى
خدى اللى يحبك ومتاخديش اللى تحبيه
المهم تحطى فى دماغك انه انسان كويس
وتحاولى تنسى الموضوع الاولانى
وبامانه هتلاقى نفسك بتقربى منه شويه بشويه
لكن لو مدرتيش يبقى مفيش غير انك تواجهى اهلك
وتفهميهم انك لحد دلوقتى مش مرتاحه معاه
ومش هتقدرى تكملى
ولو هما رفضوا ومش مقتنعين يبقى عليكى وعلى اب اعترافك
وهوه اللى يحاول يتكلم معاهم

ربنا يرتبلك الخير والصالح دايما يارب
ويرشدك للخير
ابقى طمنينا على اخبارك يا سكره

[peter333]

ان زعلان جدا لانى نفس بجد بجد اقبلكم
و مو ضوعك دة يا ميكى فوق الخيال و الروعة لانة بجد يحل مشاكل كتير بازن الله و هيخلينا نقرب من بعض و بجد انا ابتديد احس انة انتة اخواتى فعلا ومو ضوعك دة ياخذ مليون على مية

[بنت الراعي]

انا عايزه اقولكم ان الموضوع راااااااااااااااائع جدااااااااااااا
كلكم حلوين اووووووووي
بس كنت عايزه اقول حاجه بعد ازنكم لفضفضلي الاخيره
بصي حبيبتي
(مجرد راي شخصي )
حطي واحده صحبتك في المشكله اللي انتي فيها
او حتي اعتبريها مش مشكلتك مشكله حد تاني وكاتبها في المنتدي
وشوفي ردك هايكون ايه عليها
وكمان حاولي تفكري بعقلك اكتير
لان الجواز والارتباط مش حب وبس لا ده تركيبه او توليفه من كذا عنصر في منها طبعا الحب والاحترام والتوافق الثقافي والاجتماعي و روحي وحاجات تانيه
ومن اهمهم انك بس تحسي انه في ارتياح مش شرط حب زي بتاع الافلام كفايه
انه يبقي في ارتياح واحترام متبادل
وعايزاكي تثقي من حاجه لو هو بيحبك وهو فعلا انسان كويس
هو مع مرور الوقت هايجبرك علي حبه واحترامه من معاملته واسلوبه
وهاتحسي بالسعاده لانه بيحبك
وكمان حاولي توازني بين عيوبه ومميزاته وايه اللي تقدري تعيشي معاه وايه اللي مش ممكن تقدري تعيشي معاه (من عيوبه)
وايه اللي تقدري تستغني عنه من امكانياته وايه اللي مش ممكن
علشان تعرفي تقرري
وكمان خدي راي اب اعترافك جايز يعرف يساعدك
واولا واخيرا صلي واطلبي مشيئة ربنا
وربنا يعملك الصالح
ربنا معاكي واسفه علي الاطاله

[فضفضلي]

مساء الخير
انا بجد من كتر خنقتى جيت اتكلم معاكوا لانى احترت من كتر التفكير
انا مخطوبه لواحد بس مش عارفه حاسه انه مش بيحبنى مجرد خطوبه و السلام
انا كنت مرتبطه بيه وحصلت ظروف سيبنا بعض وبعدها رجعنا تانى ولما رجعنا اتخطبنا على طول
بس حاسه انه بيتهرب منى مش دايم السؤال عليا مش بيهتم بيا مش حاسه بخوفه عليا
المشكله انى بحبه جدا رغم كل اللى انا فيه بحبه ومش عارفه بحبه ليه دايما بيتحجج بشغله بس اكتشفت انه حتى فى اجازته مش معايا مش عارفه اعمل ايه فكرت كتير انى افسخ الخطوبه بس لقيت ان عواقبها عليا انا صعبه لانى بحبه اوى ومش قادرة ابعد عنه نبهته كذا مرة المشكله انه مش بيحب العتاب ولما بكيت قدامه وعدنى انه مش هيزعلنى تانى وبردو مش بيتغير مش عارفه اعمل ايه

[miso]

بصى انا كنت هقولك كلميه واساليه ليه سر التغير ده مبقاش يحبك زى الاول
ولا انكم فسختم الخطوبة عملت شرخ فعلاقتكم
وده مش عتاب وحش ده عتاب محبة
انتى خايفة عليه علشان كدة بتعاتبيه
بس صدقينى لو فضلتى حاسة انه مش مهتم بيكى يبقى فكرى تفسخى
لان هتفضلى على طةل مش حاسة بحبه ولا اهتمامه هتتعبى فالاول طبعا بس ارحم من انك تعيشى مع حد مش حاسة لا بحبه ولا بخوفه عليكى
بس انا من رايى اساليه تانى مش تستعجلى
اساليه ليه خلف وعده معاكى وبيزعلك
وبلاش تزعلى اووووووووى كدة وتتخنقى يابنتى لان موضوع الارتباط بتاع ربنا فالاول والاخر
ممكن لو ده مش حس بحبك ربنا يبعتلك حد تانى يقدر كميه الحب ده
ادى لنفسك فرصى اخيرة او ابعدى شوية عنه شوفيه هيسال عنك ولا لا وهيسالك ايه سبب التغير ده ولا لا
وبعدها هتقدر تحددى
وقبل ده كله تصلى لربنا علشان يرشدك لللقرار الصح
ربنا معاكى ويسعدك يارب