[عماد حسنى]

لا للتجريح .. ولا حتى التلميح

للغايبين قبل الحاضرين للبعيد والقريب
لكل أنسان
لكل قلب
محتاجين نحس ببعض
محتاجين على الاقل مانتعبش بعض
تعالوا نتكلم بصراحه اكتر
نتكلم عن كل واحد فينا نقرب شويه ونبص لكل واحد دقيقيتين بجد
دقيقتين بحب دقيتين بعمق
من غير ما نجيب سيره أسامى هنلاقينا موجودين
تعالوا ونشوف مين فينا مش تعبان وحزين مين مش مليان تعب من السنين
محدش قادر يكون فرحان فرح حقيقى
محدش قادريرسم حتى دور الفرح
كل واحد مليان تعبان
من دراسته او شغله او حبه او حياته كلها
وكل ده له اسباب كتير اوى اوى ولا الف موضوع يكفى لشرحها
كل ده اسبابه الدنيا
كل ده اسبابه العالم
طيب احنا هنا فى المنتدى ليه
سبنا العالم اللى بره وعشنا تقريبا عشنا هنا فى المنتدى ليه ؟؟؟

كل واحد فينا كان داخل لهدف معين وخارج على طول
مفيش
حد دخل المنتدى وكان يتصور انه هايفضل فيه ويرتبط بيه للدرجه دى
كل واحد له ايام واصدقاء وذكريات جميله
كل واحد تعب وسهر ونزل موضوعات ورد على مشاركات
كل واحد فينا شاف ان المنتدى احسن بكتير بكتير اوى من العالم اللى بره
كل واحد ساب العالم اللى بره وقال المنتدى ده العالم بتاعى
طيب ليه ليه فى ايه فى المنتدى لكل ده ؟؟؟؟
فى كل مايخطر على اى انسان من معلومات وميديا وموضوعات
وابحاث وكل مايخص الموضوعات الروحيه بمنتهى العمق
فى اللى مايقلش اهميه عن كل ده
فيه محبه كبيره اوى اوى رابطه الاعضاء ببعض مهما حصل
فى اعضاء مستحيل تتخيل مايكونوش موجودين
فى اعضاء
المنتدى علم فيهم وهما علموا فى المنتدى
بقى المنتدى عالمهم وهما عالم المنتدى
بقى المنتدى هما وهما بقوا المنتدى
يبقى السؤال الاخير
فين هما فين اللى ملوا المنتدى محبه وضحك وصداقه
ليه سابوا عالمهم
وليه عالمهم يسبهم
ليه سابوا بيتهم وليه بيتهم سابهم
فى الف مليون حاجه بتحتج بترفض البعد
فى الف مليون حاجه بتقول لأه
احنا واحد كيان واحد
محدش يسب كيانه ويمشى
واخر كلامى !!!!!
هل هنا بقى زى بره
بره مفيش احساس اللى بيفوت بيموت
لكن هنا................؟؟؟؟؟؟

الف جرح والف ابتسامه
والف آه والفين علامه
عايزين نعيش ولا نموت
ولا نجرح ونقول سكوت
نقول محبه ولا نقول للكل سلام
ولا خلاص خلص الكلام
نقول يا حب عاش فى وسطينا
ولا ننسى حتى أسامينا
نقول ونتكلم ولا نتألم
نتعب فى بعض ونقول حبايب
ولا مش فارقه حاضر من غايب
ننسى اللى كان ومالى المكان
ولا نغير كل حاجه اولها العنوان
ننسى الذكريات اللى ساكنه فينا
ولا يبقى جوه وبره العالم علينا

المصدر: †† ارثوذكس †† - من قسم: صندوق مناقشات الاعضاء

[كيرو رافت]

الف جرح والف ابتسامه
والف آه والفين علامه
عايزين نعيش ولا نموت
ولا نجرح ونقول سكوت
نقول محبه ولا نقول للكل سلام
ولا خلاص خلص الكلام
نقول يا حب عاش فى وسطينا
ولا ننسى حتى أسامينا
نقول ونتكلم ولا نتألم
نتعب فى بعض ونقول حبايب
ولا مش فارقه حاضر من غايب
ننسى اللى كان ومالى المكان
ولا نغير كل حاجه اولها العنوان
ننسى الذكريات اللى ساكنه فينا
ولا يبقى جوه وبره العالم علينا

موش عارف ارد ولا اقول ايه
لانك ماسيبتش حاجه ممكن اتكلم فيها
ايه يا عماد القوة والعظمه دى بجد يا عمده
كلامك جبار ومليان قوة وابهار
كل اللى قلته موجود وبكثرة من غير حدود
الله عليك دوست على جرح بينزف من زمان
وخلاص بجد باقى عليه ضغطه وينفجر زى البركان
ميرسى ليك يا عمده
ويا ريت بجد
الحب اللى كان يرجع تانى لبيتنا زى زمان

[حنين سنين]

عماد انت قولت كلام كلنا عايزين نقوله ومحتاجين من الكبير للصغير يحسه ويفهمه
كلنا بيت واحد مش مجرد كلمه بتتقال دا كيان بيحافظ علينا كلنا بيضمنا جوه محبه ربنا

ربنا يرحمنا يا عماد ويبعد عنا عدو الخير واللى بعيد يرجع بيته بس الغريب دلوقتى ان مفيش اب او اخ بيقبل ان فرد من عيلته يبعد عن بيته
يبقى لازم اخواتنا يرجعوا بسرعه
وبلاش نقول احنا مالنا لازم ندور على بعض
فى كتير غايب عننا شوف لازم تعمل ايه واعمله
اسال عليهم لازم يرجعوا
ميرسى يا عماد لموضوعك اللى ملوش ردود غير انى بحييك على احساسك

[zaza2006]

عماد بجد انا معنديش اى تعليق بعد كلامك
ياريت يدخلوا ويقروا كلامك
الكل حزين من جواه على اللى بيحصل وانا
اولهم واتمنى بجد الامور ترجع زى الاول
لان المنتدى بالنسبالنا مش مجرد موقع على
النت وخلاص لا بجد ده بيتنا التانى
اللى عايشين فيه اكتر ما عايشين فى بيتنا
ياريت بجد يرجعوا والبسمة ترجع للمنتدى
والمحبة ترجع زى زمان

ربنا يفرح قلبكم ويبعد عنكم الحزن او الفراق

[الناى الحزين]

اتمنى ان الاداره تعالج الموضوع بحكمه
ويردوا علينا
ويمتصوا غضبنا
ويعتمدوا المواضيع المحذوفه
علشان ميحصلش انهيار لكيان المنتدى
خلى بالكم

ميكى
امير
فادى
فى انتظاركم

[KOKO SPA]

اتمنى منتدانا يرجع زى زمااااااااااااااان

وفعلا عماد انت مخلتش كلام يضاف
ربنا يزود محبتك للمنتدى واخواتك

[ميلاد صدقى]

الف جرح والف ابتسامه
والف آه والفين علامه
عايزين نعيش ولا نموت
ولا نجرح ونقول سكوت
نقول محبه ولا نقول للكل سلام
ولا خلاص خلص الكلام
نقول يا حب عاش فى وسطينا
ولا ننسى حتى أسامينا
نقول ونتكلم ولا نتألم
نتعب فى بعض ونقول حبايب
ولا مش فارقه حاضر من غايب
ننسى اللى كان ومالى المكان
ولا نغير كل حاجه اولها العنوان
ننسى الذكريات اللى ساكنه فينا
ولا يبقى جوه وبره العالم علينا

زادك الرب يسوع محبة وعقل راجح كمان وكمان
وحكمة لن تكن موجودة فى كثيرين فى زمن انعدمت
فية الحكمة والتروى والصبر وطول الاناة والدليل اهو
موضوع فى منتهى الروعة وتحذير مقبول ومعقول
واسس ومحبة وامنيات يجب ان نسير عليها
تسلم هذة العقلية والشفافية
وربنا يكون معاك
يا شاعرنا
عمدة

[nermos1982]

مش لاقية كلام اقوله غير ربنا يبعد الشيطان عننا ويديم المحبة اللى فى قلوبنا
ربنا يفرح قلبك ياعماد ويكون معاك ومع كل ولاده

[miro_rook]

مرسي كتير عماد وربنا يبعد عنا الشيطان
امين

[نيرو12]

زاوبعه وهتعدى ان شاءالله