[MRAMER]

انا الي ها اعملك العمليه
باركى يانفسى الرب ولا تنسى كل حسناته

قيل أن أيقونة العذراء الأثرية
(بمقر الدير بالقاهرة المشهور بالعزباوية بكلوت بك)
هذه احدى ثلاث أيقونات قديمة قد رسمها القديس لوقا الإنجيلى
ونذكر احدى المعجزات التى تمت منها :




أحد الأيِام وقفت أمام أيقونة السيدة العذراء بالعزبارية
عائلة من زوج وزوجته وأولادهما الأربعة
وفضلوا يصلوا بحراره لغايه ما جه ميعاد قفل الابواب
فطلب متهم احد الرهبان انهم يمشوا
علشان ميعاد الزياره انتهي
فرفضت الزوجه وقالت
مش ها امشي من هنا الا لما طلبتي تجاب

كانت الزوجه عندها سرطان في الثدي
وكان اليوم التالي هوه ميعاد العمليه
الي فيها ها يستاصلوا الثدي

وفضلت تبكي بحراره شديده



وتقول للعدرا
انا مش ها اسيبك يا امي
يا ام النور اعملي انتي العمليه

أنا لا أتركك يا أم النور أعملى أنتى العملية
وامام اصرار الاسره انها ما تخرجش من المقصوره
اغلقت المقصوره عليهم
وفي نصف الليل الساعه الثالثه والنصف
سمع الرهبان اصوات تهليل وفرح
فنزل الرهبان ومعاهم القمص فيلوثاؤس
وطلبت الاسره من القمص انه يعمل تمجيد للعدرا

وحكت الزوجه للقمص فيلوثاؤس الي حصل
قالت بعد نصف الليل بساعه انا حسيت بنعاس
بعد ما بكيت كتير



وحسيت ان في ايد بتصحيني
وكان زوجي والاولاد نايمين
وشوفت قدامي
سيده منيره كالشمس متسربله بثياب بيضاء
وعلي راسها اكليل



مرصع بجواهر غاليه وثمينه
والملائكه شيلااها
فانا حسيت برهبه من المنظر
ولما سالتها هيا مين
قالتلي انا العدرا الي بتطلبيها باستمرار
وابني بعتني ليكي عشان اعملك العمليه
وراحت مده ايديها ولمست الثدي ورشمت علامه الصليب
وهى تقول باسم الأب والإبن والروح القدس إله واحد آمين
ولقيت الاورام والقروح الي كانت موجوده
اختفت ومابقاش ليها اي اثر
وقالتلي اشكري فضل ابني يسوع
الي انعم عليكي بالشفاء



ورنمي مع داوود المزمور
باركى يانفسى الرب ولاتنسى كل حسناته
والصبح روحت المستشفي مع زوجي
ولما شافني الدكتور قالي دي معجزه
والغريب ان مكان الصليب الي رشمته العدرا علي الثدي
لسه موجود وما بيتمحيش ابدا
مهما اتغسل
وقامت الزوجه بعد كده بتوزيع مبلغ العمليه
علي الفقراء والمساكين
وفضلت تواظب علي زياره العدرا العزباويه
كل اسبوع
لتقديم الشكر وعمل تمجيد امام ايقونتها

+ + + + + + + + +

انا عارفه ان كل طلباتك بتجاب من ابنك الحبيب
واسرتي ليها طلبه وحيده عندك
انتي عارفاها يا امي
ما بقاش في وقت خلاص
اسمعي واستجيبي سريعا
بقيناه في الهزيع الرابع
محتاجين ايدك يا رب
كل الابواب وكل النوافذ اغلقت
مفيش غير بابك انت يا رب الي نلجا اليه
الي دايما مفتوح
ولا يغلق ابدا
مراحمك يا رب عديده

يا رب اسرع واعنا

يا الهي
يا عدرا


لالهنا المجد الدائم امين

المصدر: †† ارثوذكس †† - من قسم: معجزات القديسين والقديسات

[بنت الراهب الصامت]

معجزة بجد جميله اوى اوى اوى
بركة صلاتها تكون معانا امين
ميرسى اوى
ربنا يباركك

[MRAMER]

مرسي يا حبيبتي علي ردك اللي نور الموضوع
ربنا يعوض تعب محبتك

[دميانه طلبه]

نشكر ربنا والعدرا لان كل من يدعوها تستجاب طلبته لانها ام المخلص

[دميانة لطفى]

بركة شفاعة ام النور تكون معانا امين انا بطلب منها انى نفسى اشوفها اللى هتقولى علية انا هعملة
بجد جميلة جدااااااااااااا يا مرمورة ربنا يفرح قلبك على طول يا عسل

[menovich]

بركة ام النور الطاهرة تكون مع جميعنا امين

ميرسى يا مرمر على المعجزة الرائعة

ربنا يبارك تعب محبتك

[MRAMER]

المشاركة الأصلية كتبت بواسطة دميانه طلبه نشكر ربنا والعدرا لان كل من يدعوها تستجاب طلبته لانها ام المخلص

مرسي ليكي يا دودي
وبركة أم النور تكون معاكي
ربنا يعوض تعب محبتك

[MRAMER]

المشاركة الأصلية كتبت بواسطة دميانة لطفى بركة شفاعة ام النور تكون معانا امين انا بطلب منها انى نفسى اشوفها اللى هتقولى علية انا هعملة بجد جميلة جدااااااااااااا يا مرمورة ربنا يفرح قلبك على طول يا عسل

مرسي ليكي كتييييييييييير يا دودو علي ردك الجميل
وبركة أم النور تكون معاكي وتسمع لصلواتك وتحققلك اللي نفسك فيه
ربنا يعوض تعب محبتك

[MRAMER]

المشاركة الأصلية كتبت بواسطة menovich بركة ام النور الطاهرة تكون مع جميعنا امين ميرسى يا مرمر على المعجزة الرائعة ربنا يبارك تعب محبتك

مرسي ليك يا مينا كتير علي كلامك وتشجيعك
وربنا يكون معاك وصلوات العدرا تحميك
ربنا يعوض تعب محبتك