[ماروجيرافك]

صوره مرسومه بقى ، صوره ممثل، صورتى انا نفسي ، مش هتفرق الى هيفرق القلب

انا معاك يا فيلو ان احنا بنعبد رينا مش مجرد صوره بس معلش يعني
دلوقتي لو مثلا منتدلنا عمل فلم ومثل في الفلم ده عضوه مننا ومثل شخصيه السيد المسيح
هتعرف نحط صورته قدامك ونقولو يارب ارحمني مثلا (اعتقد اننا ممكن نتصرف تصرف تاني صح)

[elphilasouf]

لا انا هكون عارف انى بكلم رمز ربنا مش ربنا - ع الصوره
وربنا موجود فى كل حته

وبالنسبه لميكى
مش طالع

[الماكس مايكل]

عندك حق يا مكمك
بس دى صوره والناس عارفه انها صوره
بتمثل صوره المسيح
يعنى انا لما اجى ابوس الصوره مش قصدى الراجل المماثل لا طبعا
قصدى ربنا
وكل الناس كده
وعلى رأى فيلو مش هتفرق الى هيفرق القلب
ميرسى جدا على الموضوع

[ظريف]

المشاركة الأصلية كتبت بواسطة elphilasouf يا جماعه هتفرق فى ايه ؟ احنا بنعبد المسيح مش صوره المسيح الاول نعرف ان الصور دي رمز للمسيح مش المسيح نفسه صوره مرسومه بقى ، صوره ممثل، صورتى انا نفسي ، مش هتفرق الى هيفرق القلب يعنى القصد قصدنا من الصوره الى بنرمزلها بالمسيح لان ربنا يببص للقلب مش للظاهر وهذا رايي

جورج كلامك صح من الناحيه اللآهوتيه وخطأ جدا من الناحيه الناسوتيه
بمعنى
إن فى عصر السيد المسيح ماكانش فيه صور ولا كاميرات تصوير وكانت كل الصور مرسومه باليد من رؤيه الفنان اللى رسمها وأكيد بتختلف من فنان إلى فنان حسب موهبته
وللعلم
الصوره الوحيده الحقيقيه هى لوجه السيد المسيح اللى أنطبعت على منديل مريم المجدليه .... وأيضا المطبوعه على كفن السيد المسيح
والخطير فى الموضوع ياجورج
كما قال ميكى صور الممثلين بتكون سبب عثره لغير المسيحين وبيدعوا إننا بنعبد أشخاص عاديين
وللعلم ياجورج لابد أن تكون جميع الأيقونات الموجوده فى كنائسنا مراجعه من البابا شخصيا وأيضا تكون مدشنه ( مدهونه بالزيت ) من البابا شخصيا

[ظريف]

وهذه صوره وجه السيد المسيح الحقيقيه










وهذه أقرب الصور للصوره الحقيقيه







وهذه صوره معجزه لأنها شجره على شكل رب المجد أثناء الصلب

[elphilasouf]

المشاركة الأصلية كتبت بواسطة ظريف جورج كلامك صح من الناحيه اللآهوتيه وخطأ جدا من الناحيه الناسوتيه بمعنى إن فى عصر السيد المسيح ماكانش فيه صور ولا كاميرات تصوير وكانت كل الصور مرسومه باليد من رؤيه الفنان اللى رسمها وأكيد بتختلف من فنان إلى فنان حسب موهبته

طيب مانا قولت ده رمز وربنا بيهمه القلب

المشاركة الأصلية كتبت بواسطة ظريف وللعلم الصوره الوحيده الحقيقيه هى لوجه السيد المسيح اللى أنطبعت على منديل مريم المجدليه .... وأيضا المطبوعه على كفن السيد المسيح والخطير فى الموضوع ياجورج كما قال ميكى صور الممثلين بتكون سبب عثره لغير المسيحين وبيدعوا إننا بنعبد أشخاص عاديين

الغير مسيحين ميهمناش كلامهم لانهم طبيعى يكونوا معترضين ع كل حاجه بدون معرفه حقيقه ببواطن الامور

المشاركة الأصلية كتبت بواسطة ظريف وللعلم ياجورج لابد أن تكون جميع الأيقونات الموجوده فى كنائسنا مراجعه من البابا شخصيا وأيضا تكون مدشنه ( مدهونه بالزيت ) من البابا شخصيا

ومعلومه التدشين ومراجعه البابا دي انا مش متأكد منها بصراحه

[aymonded]

عجبي على الناس لما تختلط عندها الأمور ويخلطوا الحابل بالنابل
أجدت يا أجمل ميكي في هذا الموضوع
أقبل مني كل حب وتقدير لشخصك المحبوب جداً
النعمة معك كل حين

[aymonded]

صور الأيقونات والصور المرسومة دائماً ما لها قواعد لاهوتية وروحية
بمعنى أن كل صورة تُرسم لها معنى معين من حياة ربنا يسوع له المجد
فينبغي أن ننتبه لما نختار من صور ، ولا توجد صورة قريبة وأخرى بعيدة
فالصور تأتي بإحساس فنان عن الشكر أو عن مجد الله أو عن القيامة
أو عمل الصليب وذبيحة الحب ... الخ الخ
ولا توجد قاعدة واحدة محدده

ولكن صورة اي شخص كممثل تبقى صورة لرب المجد دية صعبة حبتين
لأنها في النهاية صورة ممثل بيمثل في فيلم
النعمة معكم

[lolaemo]

ايوة طبعا يامايكى انت صح وانا اول مرة اعرف موضوع صورة الممثل لانى بجد مش كنت اعرفها

شكرا على المعلومة
وشكرا لعم ظريف على المعلومة وعلى افادته لينا

رؤبنا معاك يااستاذ ظريف ويامايكى

[kottah_sh]

كلامك صح يا ميكى
واحب اقول للناس اللى قالت اننا بنعبد ربنا
مش الصوره
دا صح
بس مثلا لو عندى صوره لام النور مش صح
هقعد اصلى قدامها انها تتشفعلى
واحيانا فيه ناس بتقعد تتأمل الصوره دى
وبتثبت فى ذهنها نفس الصوره

انا اقصد ان لازم الصوره تكون صح علشان المفاهيم
مش تتلخبط



اتمنى انى اكون وصلت اللى عايزه اقوله









ربنا يكملك بعقلك يا ميكى يابنى
كلامك كله حكم