[ماروجيرافك]

مرة كان فيه بنت اسمها فلفلة......كانت أول مرة تروح مدارس الأحد ,روّحت فلفلة البيت و كانت بتعيط خاااااااااااااالص
ماما:مالك يا فلفلة بتعيطى ليه يا حبيبتى؟
فلفلة :أنا مش رايحة مدارس الأحد دى تانى
ماما:ليه بس يا فلفلة؟حد مايحبش يروح الكنيسة بيت بابا يسوع؟
فلفلة :ماليش دعوة يا ماما ,أنا بحب الكنيسة لكن مش عايزة أروح مدارس الأحد
ماما:ليه يا فلفلة؟
فلفلة:البنات اللى فى مدارس الاحد مش بيحبونى
ماما:عرفتى ازاى يا فلفلة؟!!!
فلفلة:علشان كانوا عمالين يلعبوا مع بعض ومش بيلعبونى معاهم وكمان قعدوا يتريقوا علىّ علشان مش حافظة الحاجات اللى هما حافظينها
ماما:معلش يا فلفلة قوليلهم الله يسامحكوا ...هما أصلهم يا فلفلة لسة ميعرفوكيش لكن بعد كدة لما تروحى مدارس الاحد كتير كتير هتصاحبيهم ويحبوكى خالص خالص
فلفلة:بجد يا ماما؟
ماما:اه طبعا يا فلفلة
++++++++++++++++++++++++++++++++++++++++++++++++++ +++++
ده طبعا يا حبايبى يعلمنا لما نلاقى حد أول مرة يجى الكنيسة نحبه ونعامله بكل محبة علشان نشجعه يجى الكنيسة علطول وحتى أصحابنا اللى مش بيجوا نصلى علشانهم ونسأل عليهم لأننا كلنا فى الكنيسة عيلة واحدة

المصدر: †† ارثوذكس †† - من قسم: القصص النصية

[zaza2006]

قصة جميلة يا مارو وفعلا لازم نحتوى الطفل علشان يحب الكنيسة وميخرجش منها
الف شكر ليك

[magdy totti]

اله عليك ياا مارو القصة بجد جميلة
ومهمة جداااااااااا ولازم بجد يبقى فى محبة
وكمان الصلاة تحل كل حاااجة
ده اللى انا اتعملته من القصة
وبجد رائعة
ربنااا يعوضك ويبارك خدمتك

[يحنا1975]

قصه جميله و هادفه كل الشكر و الحب ليك مارو

[maryan alfady]

مرسي خلص يا ماروالقصه جميله جدا ربنا يعوض تعب محبتك

[يسوع ربى]

قصه جميله اوى

ربنا يبارك حياتك

[الماكس مايكل]

قصه جميله اوى يا مارو
ربنا يفرح قلبك

[ماروجيرافك]

شكرا جدا يا جماعه علي مروركم وحقيقي لازم ناخد بالنا كويس في الخدمه

[ميلاد صدقى]

دة كان قصد الرب يسوع من وجود الكنيسة
ان نكون كلنا يد واحدة وقلب واحد وايمان واحد
موضوع رائع يا مارو ومهم جدا ويجب ان ناخد
بالنا من هذا الخطر الذى بسببة كثيرين لا
يذهبون الى الكنيسة لظروف
كثيرة ومنها
عدم الحب والصداقة بين الناس وكل من يذهب
الى الكنيسة لا يذهب لاحد بل يذهب الى
صاحبها الرب يسوع ربنا يرعاك ويكون معاك

والاولاد مش هايلعبوا مع اى واحد
لسة جديد لما يحبوة وياخدوا علية
وهو كمان يحبهم هايكونوا زى بعض
ويقضوا وقت ممتع مع بابا يسوع

[nona queen]

مجهود رائع جدا يا مارو
ميرسى اوى ليك
ممكن اخدها فى الخدمه
ربنا يعوضك يارب امين