[emmmy]

مرسى دكتور بيتر على تعليقك الجميل
انا اقتنعت بوجهة نطرك انت والاخت العزيزة
ميرو على فكرة ---
بس ليا تعليق تانى او بمعنى اصح عتاب محبة
لية الجزء دة ؟


ولكن مع اقتناعى التام والأكيد ان مافيش حاجة هاتحصل لأسباب كتير .. منها اننا متعودناش على تغيير الأوضاع .. الصح بيفضل صح والغلط بيفضل غلط .. ماتعودناش على نهضة او ثورة اصلاح ماتعودناش على الإيجابية ... كل النقد اللى انا قلته ده المفروض ماكانش يحصل عشان فيه لجنة مصنفات كنسية بتراجع الفيلم قبل وبعد تصويره .. ده فى مصر .. اما الأفلام العربي والاجنبى معرفش ايه نظامهم ,,, ربنا يهديهم


صدقنى طريق النجاح بيبدا بخطوة
ومعنى انك طرحت الفكرة وطرحت السبلبيات
ولقيت وهتلاقى ناس موافقاك وبتؤيد صوتك يبقى
فى امل ان الموضوع ياخد اهتمام اكتر من كدة من قبل الكنيسة والاباء انا بستعجب جدا جدا جدا لما بلاقى فى نهاية الفليم كلمة
تحت رعاية الانبا فلان وتمت مراجعة الفلم من الانبا عيلان انا مفتكرشى ان الكلام دة صحيح للاسف معتقدشى ان الاساقفة والمطارنة بيشوفوا الفليم ويوافقوا علية وعلى عرضة
لازم يبقى عندنا ايجابية ولازم نرفض الاوضاع اللى شايفينها بتؤذى حياتنا وشبابنا تحت ستار الخدمة و الروحانية المزيفة اللى بنشوفها فى الافلام فى الفترة الاخيرة
لازم يكون لينا صوت يحاول يغير ومش شرط بالثورة لان مبدأ الثورة مرفوض تماما داخل كنيستنا القبطية الارثوذكسية احنا هنعلن السلبيات ونطرحها امام المسئولين من الاباء الكبار
وعلى سبيل المثال --
سيدنا بنفسة فى العظة يوم الاربعاء بيستقبل اسئلة من الناس لو اخد ورقة فيها سؤال
فين يا سيدنا الرقابة على الافلام الدينية والروحية ؟
او للانبا موسى اسقف الشباب بيجتمع كتير بالشباب وبيسمع لهم
وصدقنى اؤكد لك ان لو الموضوع اخد شوية اهتمام مننا من غير سلبية ولامبالاة هتيجى نتيجة حلوة وربمت تكون انت البداية لطريق التصحيح
اتمنى دة حقيقى يااااريت
ابدأ يا بيتر وصدقنى كلنا معاك ابدأ بس بأمل وتفاؤل وعزيمة وصبر

[ofa2011]

لا كان قصدى مشهد اكثر من رائع فى تأثيره الروحى ويدعو للتأمل فى ما تجره الخطية على الانسان وكان حافز قوى على التوبة بس ده كان من الافلام القديمة اللى كانت لسة لم يتطرق اليها الفساد الذى ظهر حديثآ وذكرته حضرتك بتفاصيله بل كان هدفها اولآ واخيرآالخدمة الروحية وليس الكسب المادى وغيره تلك الاسباب الحديثة التى شوهت تلك الافلام

[Dr.PeRO]

المشاركة الأصلية كتبت بواسطة hanymanaa احيك علي الموضوع الاكثر من رائع ده و أشكرك علي عملك الإيجابي ده ربنا يبارك اعمالك

متشكر يا باشا ربنا يباركك

[Dr.PeRO]

المشاركة الأصلية كتبت بواسطة emmmy صدقنى طريق النجاح بيبدا بخطوة ومعنى انك طرحت الفكرة وطرحت السبلبيات ولقيت وهتلاقى ناس موافقاك وبتؤيد صوتك يبقى فى امل ان الموضوع ياخد اهتمام اكتر من كدة من قبل الكنيسة والاباء انا بستعجب جدا جدا جدا لما بلاقى فى نهاية الفليم كلمة تحت رعاية الانبا فلان وتمت مراجعة الفلم من الانبا عيلان انا مفتكرشى ان الكلام دة صحيح للاسف معتقدشى ان الاساقفة والمطارنة بيشوفوا الفليم ويوافقوا علية وعلى عرضة لازم يبقى عندنا ايجابية ولازم نرفض الاوضاع اللى شايفينها بتؤذى حياتنا وشبابنا تحت ستار الخدمة و الروحانية المزيفة اللى بنشوفها فى الافلام فى الفترة الاخيرة لازم يكون لينا صوت يحاول يغير ومش شرط بالثورة لان مبدأ الثورة مرفوض تماما داخل كنيستنا القبطية الارثوذكسية احنا هنعلن السلبيات ونطرحها امام المسئولين من الاباء الكبار وعلى سبيل المثال -- سيدنا بنفسة فى العظة يوم الاربعاء بيستقبل اسئلة من الناس لو اخد ورقة فيها سؤال فين يا سيدنا الرقابة على الافلام الدينية والروحية ؟ او للانبا موسى اسقف الشباب بيجتمع كتير بالشباب وبيسمع لهم وصدقنى اؤكد لك ان لو الموضوع اخد شوية اهتمام مننا من غير سلبية ولامبالاة هتيجى نتيجة حلوة وربمت تكون انت البداية لطريق التصحيح اتمنى دة حقيقى يااااريت ابدأ يا بيتر وصدقنى كلنا معاك ابدأ بس بأمل وتفاؤل وعزيمة وصبر

+ متشكر لردك الجميل والمشجع .. بس انا لم قولت اللىى قلته ده .. على اساس ان تنفيذ الحلول و حل المشاكل اللى تخص الموضوع ده صعب و عاوز واحد متفرغ لفترة ويكون سياسي لأنه هايقابل معارضة كبيرة من جهات الإنتاج لأنه هايتدخل فى تفاصيل الفيلم بدل ما كان بيتفرج عليه بعد ما يتصور وخلاص! وأكيد الاسقف مش ناقص مشاكل زيادة.
+ هايقابل مشاكل لأنه لو اتنفذ هايركن الناس اللى بتمثل المشهورين كلها تقريبا، او على الأقل هايخلى منها اللى عمره ما مثل فى الإذاعة و التليفزيون او السينما .. وقليلين اوى اللى مامثلوش، ودى حاجة معروفة
+ هايقابل مشاكل عشان فيه قرابة نصف الأفلام الموجوده فى السوق عاوزه تعديل وحذف مشاهد ,, أو إعادة تمثيلها بطريقة تليق .. وده بقى امستحيل بعينه!!! واذا ماجيناش ناحيتها يبقى احنا ماصلحناش و سيبنا الغلط زى ماهو !!!
+ هايقابل مشاكل مع اصحاب المنتديات لأنه المفروض يقنعهم باتهم يمسحوا اغلب الأفلام الاجنبية والعربية كمان من عندهم .. ومحدش هايعمل ده .. انا مثلا عملت قبل كده شكوى فى المنتدى هنا (من خلال مراسلة الإدارة) عشان فى مرة نزلت فيلم اجنبي دينى ولقيت فى مشهد إباحى وساعتها ابتديت آخد بالى أن كل افلامهم خارجة ومافيهاش اى روحانية من الأساس .. بس مفيش اى حد رد عليا، مع العلم انى كنت عامل برضه قبليها "ابلاغ عن مشاركة سيئة" عشان الفيلم ده وبرضه مجاليش اى رد والفيلم لسه موجود هنا!!!!
ده غير ان ثقافة الناس غريبة بجد ,, الفيلم العربي اللى فيه مشهد لرقصة سالومه ده .. دول جايبين واحدة مسيحية رقاصة وبلبس رقص ... هى وصلت انى اجيب رقاصة فى فيلم دينى .. وكان يقطع مشهد الرقص عشان يجيب مشهد لصلاة ويرجه تانى يكمل رقص !!!!! ده ايه الروحانية ديه .. استغرابى بقى مش عليهم، هما احرار .. بس مستغرب على الناس هنا فى المنتدى بيشكروا فى الفيلم اووى والردود فيه وصلت ل3 صفحات ومحدش قال كلمة نقد!!!! وكأنهم اتعودوا على كده ...
+ واخيرا المفروض انه هايسحب الأفلام الاجنبية والعربية من المكتبات المسيحية ويتعملها مونتاج زى ما قال الأخ elphilasouf وده برضه مش هايتعمل عشان محدش فاضى يعمل كده وهايبقى صعب ومرهق ومكلف عشان هاتتطبع تانى كلها ..

انا اللى عليا انى هارسل النسخة الكاملة من البحث ده وهاحط فيها حلول لأغلب المشاكل اللى ذكرتها وهاحاول اقابل نيافة الأنبا مارتيروس لما يكون موجود فى القاهرة.. هو رئيس لجنة المصنفات .. وهاديله البحث بدون اى كلام منى .. ايه اللى هايحصل بعد كده دي مش مهمتى ... بس انا عن نفسي بطلت اشوف افلام دينى .. عندى شوية قدام عالكومبيوتر .. لما بعوز اتفرج بتفرج عليهم تانى ..
انا لسه مكتبتش الحلول اللى عنده اى فكره واقتراح، ياريت يذكره.

ملحوظة: نيافة الأنبا مارتيروس هو برضه اسقف كنائس شرق السكة الحديد .. معنى كده ان مسئولياته كتييير غير موضوع المصنفات ..

[Dr.PeRO]

المشاركة الأصلية كتبت بواسطة ofa2011 لا كان قصدى مشهد اكثر من رائع فى تأثيره الروحى ويدعو للتأمل فى ما تجره الخطية على الانسان وكان حافز قوى على التوبة بس ده كان من الافلام القديمة اللى كانت لسة لم يتطرق اليها الفساد الذى ظهر حديثآ وذكرته حضرتك بتفاصيله بل كان هدفها اولآ واخيرآالخدمة الروحية وليس الكسب المادى وغيره تلك الاسباب الحديثة التى شوهت تلك الافلام

براحة حضرتك خالص لو عاوزة تقولي اسمه قولى عادى طالما الفيلم من الأفلام اللائقة اللى تشرف ان الواحد يقول انه شافها واثرت ى حياته الروحية
شكراا لردك، وربنا يبارك حياتك

[emmmy]

كل دى ابعاد ممكن تحصل من الموضوع والمعارضة
واعلان الفساد داخل الطرق اللى بتخدم بيها بعض المجالات
طيب من فضلك يا دكتور بيتر رجاء محبة لما تعرض البحث على
الانبا مارتيروس تقولنا قالك اية وكان راية اية ورد فعلة اية ؟
رجاء محبة ومتنساش انا هستنى دة بفارغ الصبر اوك ارجوك

[Dr.PeRO]

المشاركة الأصلية كتبت بواسطة emmmy كل دى ابعاد ممكن تحصل من الموضوع والمعارضة واعلان الفساد داخل الطرق اللى بتخدم بيها بعض المجالات طيب من فضلك يا دكتور بيتر رجاء محبة لما تعرض البحث على الانبا مارتيروس تقولنا قالك اية وكان راية اية ورد فعلة اية ؟ رجاء محبة ومتنساش انا هستنى دة بفارغ الصبر اوك ارجوك

حاضر يا فندم مش هانسى .. انا بس هاستنى شوية لما الدنيا تهدى شوية واكون كملت باقى اركان البحث من حلول يسهل تطبيقها عشان الاصلاح وعشان الافلام اللى لسه هاتنزل
بس انا مش هاناقشه خالص، انا بس هاسيبله الإيميل ورقم الموبايل وهاستأذن وأمشي ... عشان الكلام اللى مكتوب هايكون اقوى من الكلام الارتجالى .. وربنا يعمل اللى قيه الخير للكل
سلام المسيح معك

[emmmy]

مرسى يا افندم اشكرك حقيقى
وانا لو لقيت فى رد عليك وايجابية ولو بنسبة واحد فى المية
هطبع البحث واوصلة للانبا ثيؤدسيوس مطرانا احنا كمان دة وعد منى

[MOSHAOK]

موضوع جميل جدا وصحيح 100%
لكن لو أخذنا طريق إحترافية العمل الفني ونقله للسينما سيتغير الامر كثيرا
يعني مثلاً لو تم عمل فيلم مارجرجس كما تم عمل فيلم آلام المسيح لميل جيبسون
أكيد سيتم عرضه في جميع السينمات أو يتم رسامة أسقف في المجال الفني يكون دوره مراقبة الترانيم والأفلام والأعمال المسرحية
ربنا يعوض تعبك

[Dr.PeRO]

المشاركة الأصلية كتبت بواسطة emmmy مرسى يا افندم اشكرك حقيقى وانا لو لقيت فى رد عليك وايجابية ولو بنسبة واحد فى المية هطبع البحث واوصلة للانبا ثيؤدسيوس مطرانا احنا كمان دة وعد منى

متشكر كتير .. بس الأنبا ثيؤدسيوس مفيش فى ايده حاجة .. انا اقصد دي مش من مسؤلياته، لكن الأفضل ان لجنة المصنفات الأول يوصلها البحث كامل ...

موضوع جميل جدا وصحيح 100% لكن لو أخذنا طريق إحترافية العمل الفني ونقله للسينما سيتغير الامر كثيرا يعني مثلاً لو تم عمل فيلم مارجرجس كما تم عمل فيلم آلام المسيح لميل جيبسون أكيد سيتم عرضه في جميع السينمات أو يتم رسامة أسقف في المجال الفني يكون دوره مراقبة الترانيم والأفلام والأعمال المسرحية ربنا يعوض تعبك

متشكر يا فندم لردك الجميل
واكيد كلنا هانكون سعداء وانا أولهم لو اتعمل فيلم دينى زى فيلم مارجرجس باحترافيه واتحط فى السينما .. بس بالنسبالى هاكون سعيد اكتر لو اتعمل فيلم باحترافية ولكن كان بيراعى النقاط اللى ذكرتها فى البحث .. ساعتها الفيلم هايكون آدى مهمته 100%