[فله]

اولا ازيكم انا كنت بعيده قوى لكن انا محتاجه لكم قوى

انامش عارفه اقول ايه بس العايزه اقوله انى محتاجه صلاتكم

انا حاسه زى ما اكون صغير وكبرت

لان ابويا السماوى المسيح كان دايما هو اعتمادى وهو الكان بيعمل لى كل حاجه وكان بيعملى كل حاجه من غير ما اقول

لكن الوقتى حاسه انه بيقولى اعتمدى على نفسك انتى كبرتى

ورشحنى للخدمه انى اخدم بس مش عارفه اعمل ايه انا حاسه انى بعيده بعيده قوى والشيطان بيستغل ضعفى
ويحسسنى بالبعد اكتر انا بحب يسوع قوى قوى ومش قادره اشوفه زعلان منى كده اوبعيد انا مش عارفه ان كان زعلان ولا لا

حد يقولى هو ربنا زعلان منى طيب قولوا له انى اسفه لو كنت زعلته انا حيوانه انا عارفه انى ما استهلش المسيح

بس قولوا له انى اسفه بس ما عايزه اشوف المسيح احس انه بعيد كده قولوا له انى بحبه قوى قوى قوى

ان كنت طلبت طلب وحبيبى يسوع مش رايده خلاص انا مش عايزه الطلب دا انا اسفه يارب انا اسفه بس ماتبعدش عنى علشان خاطر صليبك

ان كنت بعد عنك يارب فلانى شايفاك جوايا شايفه كلامك وروحك فيا انا اسفه يارب من فضلك

يارب انا بعتذرلك قدام كل الناس الفى المنتدى

يا جماعه
انا بعتذر للمسيح امامكم انا انسانه ما استهلهوش انا انسانه زباله اصلا
انا فعلا بعترف انى حسيت انى خلاص طالما ان المسيح جوايا يبقى مش محتاجه لانى احضر اجتماعات


لكن ما كنتش اعرف انه هيزعل منى كده


حد يقوله ان ربنا يسامحنى
حد يقول لى اعمل ايه؟؟؟؟؟

المصدر: †† ارثوذكس †† - من قسم: صندوق مناقشات الاعضاء

[جاسيكا]

اولا ازيك وحمدالله على سلامتك ورجوعك لينا
بصى انا كمان انسانة خاطية ومقدرش افيدك لان اكيد كلنا بنبعد عن ربنا وبننشغل بالعالم
انما بحكاية ان بابا يسوع زعلان منك ابداً هو
عمرة مايزعل من ولادة ابداً ولو كنتى انتى بعدتى عنة صدقينى هو واقف مستنيكى تقربى منة تانى وترجعيلة هو مستنى رجوعك لية لو طلبتية مش هيبعد عنك وهيبقى معاكى علطول ومش هيسيبك اطلبية وهو هيقرب منك هتلاقية دايماً حبيبك وصديقك وطبيبك واب ليكى واخ كمان وكل حاجة هتلاقيها معاة
صليلة بدموع واطلبى منة يبعد عنك محاربات الشيطان وانت اكيدبصلاتك هتقدرى على كدة
ربنا معاكى يا قمر ويبارك حياتك ويقف معاكى وتكملى خدمتك
وتكونى اجمل خادمة للرب يسوع

اتمنى اكون قدرت اساعدك بحاجة لانى انا كمان انسانة خاطية ومقدرش افيدك

[aymonded]

السلام لنفسك يا محبوبة ربنا يسوع والقديسين
ممكن الرجوع لهذا الموضوع للأهمية القصوى
للوصول لخبرة حياة التوبة

إرشادات وتوجيهات في التوبة
https://www.orsozox.com/forums/orsozox-t10962.html


والرجوع أيضاً لهذا الموضوع بعد الانتهاء من الموضوع الأول
حياة العمل
أرشاد لكل نفس تريد أن تحيا بعمق مع المسيح
https://www.orsozox.com/forums/orsozox-t14791.html

[elphilasouf]

طبعا يا فله بعد كلا م استاذنا الغالى ايمن
منقدرش نقول اي كلام خالص

وكمان جاسي ردت عليك بكلام حلو خالص

بس انا عايز اقولك حبه حجات كده من
خاطى زيك
اولا : حمدلله على سلمتك نورتى المنتدي
تانى من جديد

واحنا ابدا ما نقدر نقول ان ربنا سيبنا لا لا احنا
الى سيبينه احنا الى منفضلنه وهو اعد مستنينا ع طول

وان كان عدو الخير بيصور لينا حجات عن مسيحنا

او حتى ربنا سيبنا شويه كده يبقى المفروض
نفرح عشان هو كده بعلمنا درس جديد
من دروسه الحلوه والمفروض ان احنا نتعلم
ونقرب منه اكتر مش نبعد

وطول مأنتى قريبه من المسيح الشيطان
هيحاول يشدك لكن امسكى فى حضن المسيح
ومتسبهوش
صليله و اسمعى على طول كلامه وخليكى
ديما مع اتصال مع اب اعترافك




وربنا هيكون زعلان منك اكيد لو انتى فى
الخطيه بس مش معنا ده انه مش بيحبك لا هو بيحبك وعيزك اكتر من اي حد تانى

وربنا لو زعلان مينفعش نقوله ان احنا اسفين
كده
او حد يتوسط بينك وبين المسيح عشان يخليه
يسامحك
هو مسمحك من قبل ماترجعيله اصلا
بس
لازم نتوب ونرجع لاب الاعتراف ونعترف ونتناول
من جسد الرب ودمه
للثبات فيه


وكلنا جميعها حتى القديسيين منستهلش دم
المسيح
بس هو من حبه ادهولنا كده مجانا
والمفروض نقدر ده


على فكره اشكرك بجد على كلامك ده
وطريقته وطيبتك و سذاكه الاطفال البريئه الى
انتى فيها دي
اشكرك لانك صحيتينى من النوم ...نوم
الخطيه الى مكنتش واخد بالى منه
يعنى الكلام ده ليا ذي ماهو ليكى بالزبط

اسف انى طولت
وربنا يسامح الجميع

[فله]

انا مش عايزه اقول لك ان كلامك دا خلا عينى تبكى

انا هصلى لك وانت كمان صلى لى

[elphilasouf]

دموعك دي هى دموع القلب الى عايز يرجع
او القلب الى راجع خلاص
انت بجد طيبه اوي يا فله
وقلب زي الفل

ميرسي ليكى يا فله
واكيد لازم هصليلك

[MICKEY]

ربنا موجود
ربنا يسامحنا كلنا علي خطايانا
والف حمدالله علي سلامتك

[فله]

ميرسى قوى على الردود الجميله

ربنا يباركم

بامانه انى حاسه انى اتحت قوي ما اتكلمت معاكم الرساله الكتبتها دى مش بس لى

دا ربنا استخدمه للخدمه

وربنا يباركم نفسي

نفسي نفسي اننا نخصص كل اسبوع ثلاث ايام صيام ودا يكون لكل المنتدى

ايه رايكم؟؟؟

[merve]

اولا طلما انتي حاسه بالذنب وبتعترفي بيه فديه حاجه كووووووويسه اووي

ثانيا ربنا عمره مهيسيبك لانك انتي بنته في اب بسيب بنته ؟؟؟؟؟؟؟؟ هو بس بيجربك بس وعمره ماهيسيبك علشان انتي منقوشه علي كفه وبعدين ربنا قال ادعني في وقت الضيق انقظك فتمجدني

وعلي فكره الشطان هو الي بيصورلك ان ربنا سايبك اوعي تسيبي ربنا وانتصري علي الشطان بالصلاه

اخيرااااااا اوعي تشتمي نفسك كده تاني