[مينا101]

من الطارق يا [you]


تخيل أنك في منزلك الآن وفي انهماك شديد تتابع (كليب ساخر) على أحد القنوات الفضائية أو على جهاز الكمبيوتر

تخيلي أنك الآن أمام المرآه وفي انهماك شديد أيضاً منذ ساعة كاملة ..... هناك مشوار هـــام ..... يد تحمل قلم الكحل ويد تحمل زجاجة البرفان ....


وفجــــــــــــــأة ؟ ؟ ! !


طرق الباب .. جريت ..... جريتي إلى الباب نظرت من العين السحرية , من هذا الشخص الذي يشع



-------- وجهه نوراً ؟؟ ------------ مين ؟؟ ----------- أنا ملاك الرب

صرخت بدهشة ..... ملاك الرب !!!!! ثم بقمة الفرح مددت يدك لتفتح الباب مرحباً بملاك الرب ولكن تذكرت ..... ( الدش شغال على الكليب ) جريت بسرعة لكي تغلقه فضغطت على زر آخر دون قصد على زر آخر ... صوت الكليب زاد أكثر ... وأخيراً أغلقت التليفزيون والدش والكمبيوتر ثم جريت لتفتح الباب .... يااااه
..... صور المغنية فلانة والممثلة فلانة التي تملأ حجرتي ... جريت مرة أخرى لكي تزيلها بسرعة ....... سمعت الجرس يدق للمرة الثانية ... وأنت تنزعها من على الحائط من شدة السرعة سقطت واحدة على المكتب .... مددت يدك لتأخذها بسرعة ففوجئت ..... يااااااه .... شرائط الكاسيت ؟!! كل دي شرائط أغاني سمعتها وحفظتها أكثر مما حفظت الكتاب المقدس طوال حياتي !!... وبدون تفكير جمعتها وألقيتها في أقرب صندوق قمامة وأغلقت عليها حتى لا يراها ملاك الرب
الجرس يدق .... ملاك الرب سوف يمشي ..... وأنتي ..... مددتي يدك لتفتحي الباب وأنتي في قمة الفرح لزيارة ملاك الرب ثم يا إلهي !!! ...
وضعتي يدك على شعرك المصبوغ عند الكوافير (هاقابله كده ازاي ...)!!؟؟ جريتي
تبحثي عن طرحة ..... دي ؟؟ لا مش دي ... لابد أن تكون طويلة ... وأخيراً
وجدتيها ثم جريتي على الباب ... يا إلهي ..!! هاقابل ملاك الرب بالبنطلون
ازاي ...!!! جريتي تبحثي بسرعة قبل ما يمشي ملاك الرب عن حلة واسعة أو إسدال واسع ... أخيراً وجدتي واحداً ... يااااه ... الماكياج على وجهي ...
جريتي تغسلي وجهك سريعاً من كل المساحيق الحمراء والسوداء والصفراء التي عليه
... تذكرتي البرفان !! الحمد لله .... الملاك طرق الباب قبل أن أضعه . أخيراً
... ستفتح لملاك الرب جريت وأنت تغلق زراير القميص المفتوح معظمه .... فوجئت بأن الملاك من طول الإنتظار قد مشى ... نظرت بجنون إلى السلم ... انه لا يزال ينزل عليه ناديت عليه ياحبيبي يا ملاك الرب ... أنا فتحت الباب خلاص ... عاد ملاك الرب دخل البيت ... وياليته ما دخل البيت جئت لتجلس فجأة المحمول رن!! إنه يرن (مسد كول) كل ربع ساعة تقريباً ولكن كأنك أول مرة تسمع هذه الرنة ( البولي فون*ك لآخر أغنية نزلت في السوق ) داريت وجهك خجلاً من ملاك الرب وعندما نظرت إلى الرقم الذي يتصل بك ... ارتجف قلبك !!! ماذا أقول لملاك الرب إذا سألني من الذي يتصل بك ؟ كنسلت فوراً حتى لا يسألك الملاك ... فجأة شميت رائحة .....!! الملاك بدأ يشعر بها يااااه نسيت السيجارة مولعه فقمت سريعاً لكي تطفئها .

وعندما عدت قال لك الملاك أعطني الكتاب المقدس الذي في جيبك ... ( ده مش انجيل دي علبة سجائر ) هتقدر تقوله كده !؟ وفجأة سمعت صوت جرس الكنيسة ...

هتنزل ..؟! انت بتنزل كل مرة فعلاً ؟ .. ولا هتنزل مجاملة لملاك الرب ..؟!
وانتي .. ؟! هتقومي تصلي ..؟! انتي بتقومي كل مرة فعلاً ...؟! ولا هتقومي مجاملة لملاك الرب ؟

وماذا لو سألنا عن آخر مرة قرأنا فيه الكتاب .......... متى ؟!!
وماذا لو سألنا عن آخر مرة صلينا فيها بالكنيسة .......... متى ؟!!
وماذا لو سألنا عن قصص الحب , الرحلات المختلطة , سهرات
القهاوي والنوادي , سهرات الدش والكليبات , شرب المخدرات , عقوق الوالدين , اطلاق البصر , سماع الأغاني .............
تخيل الملاك هيعمل ايه عندما يرى أحوالنا ؟ ... عارف هيعمل ايه ...؟ لن يغضب بل سيبكي بكاءاً مريراً ويصرخ فيك وفيكي ............

أنت الذي ضحيت بعمري كله من أجلك ؟!!..

أنت وأنتي الذي ظننت أنكم ستحملون الصليب من بعدي ؟!!.. كيف سأشفع لك عند رب المجد وأنت على هذه الحالة ؟

تخيل لو أن الطارق ليس ملاك الرب ولكنه ملك الموت لكن في هذه المرة لن ينتظر على الباب بل لن يطرق الباب أصلاً وساعتها لن تجد وقتاً لكي تتخلص من كل هذا
... لن يعطيك الفرصة لقضاء من فاتك من الصلوات ... لن يعطيكي الفرصة لكي تندم على الخطايا التي قمت بها ... ومن مات على شئ بعث عليه !!!

هنتغير امتى ياشباب ؟ ؟ ؟ ! ! ! . . .
عندما نجد ملك الموت جاء فجأة لينزع أرواحنا كما جاء لكثير من أصحابنا

المصدر: †† ارثوذكس †† - من قسم: صندوق مناقشات الاعضاء

[مينا101]

الموضوع مش عاجبكم

[elphilasouf]

موضوع جميل بجد
وطريقته احلى
بس انا مستغرب من حبه حجات

وضعتي يدك على شعرك المصبوغ عند الكوافير (هاقابله كده ازاي ...)!!؟؟ جريتي

تبحثي عن طرحة ..... دي ؟؟ لا مش دي ... لابد أن تكون طويلة ... وأخيراً

وجدتيها ثم جريتي على الباب ...

مش لازم تكون شعرها سيلك او متحجبه يعنى ولبسه طرحه ..............عشان تقابل ملاك الرب

.........الشعر مش حاجه وحشه ولا عيب انك تهتم بيه

يا إلهي ..!! هاقابل ملاك الرب بالبنطلون

ازاي ...!!! جريتي تبحثي بسرعة قبل ما يمشي ملاك الرب عن حلة واسعة أو إسدال واسع ... أخيراً وجدتي واحداً

وان كان البنطلون لمجرد انه بنطلون نسائي شئ مش حلو بعض النظر عن انه ضيق او واسع.....لازم تغيره اومتكنش لبساه ويا حبذا لو تكون لبسه سدال .....عشان تقابل ملاك الرب

مهو مفيهاش حاجه لو كان البنطلون واسع وعادي وان كان يفضل البنطلون عن الجيب فى بعض الاماكن

... يااااه ... الماكياج على وجهي ... جريتي تغسلي وجهك سريعاً من كل المساحيق الحمراء والسوداء والصفراء التي عليه

وان كان المكياج لمجرد انه مكياج للزينه شئ مش حلو
بغض النظر اذا كان بيسط او اوووفر ,,,,,,,لازم ميكونش موجود عشان تقابل بيه ملاك الرب............
طب فيها ايه لو المكياج بسيط وخفيف مش لازم نمشي عفاريت فى الشارع

... تذكرتي البرفان !! الحمد لله .... الملاك طرق الباب قبل أن أضعه . أخيراً

ولازم ميكونش حطين برفان عشان ملاكالرب هيكون فرحان..... لو ريحتنا مش حلوه متهيالى برده ان البرفان شئ مش وحش ان كان فى حدود الائق

انا اسف ان كان ردي مش ظريف خالص
بس انت متاكد ان الموضوع ده الى كتبه مسيحى !!

[كيرو رافت]

الله بجد يا مينا موضوع تحفه بجد التامل ده رائع جدااااااااااااا
بجد التامل ده فى غايه الروعه والجمااااااااال
ويا ريت بجد كلنا نكون جاهزين ومستعدين لملاقاه ملك الملوك ورب الارباب
وماتكونش مشغوليات العالم سايده علينا وتنسينى ربنا
ميرسى ليك يا اغلى مينا على التامل الجميل وربنا يكون معاك

[ELMAGEK]

موضوع جميل اوى اوى اوى اوى اوى اوى
يا مينا بجد موضوع حلو اوى وانا
على فكرة اول مرة اقرا موضوع كبير او
احب اكملو لاكن موضوعك دة فتح عنيا على حاجات
كتير نفسى ابطلها بس مش بقدر وبجد ببقى عايز
لاكن بحس انى مش بقدر على نفسى نفسى بجد
ابطل حاجات كتير اوى وشكرا يا مينا على الموضوع الجميل

[مينا101]

المشاركة الأصلية كتبت بواسطة elphilasouf مش لازم تكون شعرها سيلك او متحجبه يعنى ولبسه طرحه ..............عشان تقابل ملاك الرب .........الشعر مش حاجه وحشه ولا عيب انك تهتم بيه

المقصود هنا الشى الذائد عن الحد
يعنى انت اكيد بيشوف الوان غريبه وتسريحان اغرب صح

المشاركة الأصلية كتبت بواسطة elphilasouf وان كان البنطلون لمجرد انه بنطلون نسائي شئ مش حلو بعض النظر عن انه ضيق او واسع.....لازم تغيره اومتكنش لبساه ويا حبذا لو تكون لبسه سدال .....عشان تقابل ملاك الرب مهو مفيهاش حاجه لو كان البنطلون واسع وعادي وان كان يفضل البنطلون عن الجيب فى بعض الاماكن

نفس الشى بردوا البنطلون مش عيب ولا مرفوض لا لا
بس المرفوض البنطلون الغير لائق او الضيق
وده احنا بنشوفه سوا فى الشارع او فى الجامعه وفى بعض الاحيان فى الكنيسيه

المشاركة الأصلية كتبت بواسطة elphilasouf وان كان المكياج لمجرد انه مكياج للزينه شئ مش حلو بغض النظر اذا كان بيسط او اوووفر ,,,,,,,لازم ميكونش موجود عشان تقابل بيه ملاك الرب............ طب فيها ايه لو المكياج بسيط وخفيف مش لازم نمشي عفاريت فى الشارع ولازم ميكونش حطين برفان عشان ملاكالرب هيكون فرحان..... لو ريحتنا مش حلوه متهيالى برده ان البرفان شئ مش وحش ان كان فى حدود الائق

والله انا مش ضد المكياج والبرفان
لان الواحد لازم يهتم بمظهره وده كلام ربنا
(اغسل وجهك وادهن راسك)

بس المكياج الذائد عن الحد بيبقه ملفت للنظر وبعدين بيسبب مشاكل وبيخلى الناس تتكلم علينا
ونفس الشى للبرفان
(الاعتدال فى كل شى مطلوب)

المشاركة الأصلية كتبت بواسطة elphilasouf انا اسف ان كان ردي مش ظريف خالص بس انت متاكد ان الموضوع ده الى كتبه مسيحى !!

لا ردك ظريف جدااااااااااااااااااااااا اااااا
وانا والله سعيد جدا بردك وبمشاركتك
واتمنى ان اكون وضحت قصدى
وربنا معاك

[مينا101]

المشاركة الأصلية كتبت بواسطة كيرو رافت الله بجد يا مينا موضوع تحفه بجد التامل ده رائع جدااااااااااااا بجد التامل ده فى غايه الروعه والجمااااااااال ويا ريت بجد كلنا نكون جاهزين ومستعدين لملاقاه ملك الملوك ورب الارباب وماتكونش مشغوليات العالم سايده علينا وتنسينى ربنا ميرسى ليك يا اغلى مينا على التامل الجميل وربنا يكون معاك

يا ريت نكون كلنا جاهزين وما ننشغلش بالعالم
شكرا على مرورك وعلى ردك الجميل
الرب يبارك حياتك

[مينا101]

المشاركة الأصلية كتبت بواسطة elmagek موضوع جميل اوى اوى اوى اوى اوى اوى يا مينا بجد موضوع حلو اوى وانا على فكرة اول مرة اقرا موضوع كبير او احب اكملو لاكن موضوعك دة فتح عنيا على حاجات كتير نفسى ابطلها بس مش بقدر وبجد ببقى عايز لاكن بحس انى مش بقدر على نفسى نفسى بجد ابطل حاجات كتير اوى وشكرا يا مينا على الموضوع الجميل

مش عارف اشكرك ازاى على ردك الجميل والرائع
وانا كمان زيك صدقنى فى حاجات كتيره اوى ببقه نفسى ابطلها
وده ما هيتمش الا بالصلاه وبمعونه ربنا يسوع المسيح وان الواحد يطرح حموله عليه
ربنا معاك ويفرح قلبك

[keroo82]

ياريت نرجع ونتوب ومستعد لان خلاص مفيش وقت المسيح على الابواب بين لحظة والتانية ممكن متلحقش تعمل حاجة
يارب خلينا مستعدين للقائك التانى زى مش نعمل زى العزارة الجاهلات
ميرسى يا مينا على الموضوع الجميل
ربنا يبارك حياتك ونتظرين المزيد من المواضيع الجميلة

[elphilasouf]

الاعتدال فى كل شى مطلوب لا ردك ظريف جدااااااااااااااااااااااا اااااا وانا والله سعيد جدا بردك وبمشاركتك واتمنى ان اكون وضحت قصدى وربنا معاك

صدقنى انا كنت متردد انى ارد ع الموضوع لكن مش عارف انا سعات بندفع كده

لكن انا احيك ع روحك الطيبه ومحبتك الكبيره